Thodŏpho 15

Dèladēplo d́ŏ Jerŭsalèm u bu

1Alekă bija aò d́ŏ Judĕage tòcò lagè d́ŏ Antiò̆ka kî thôithò̆igè thè̆buthè̆we tòcò kî cò d́ògè, “Thĭ gā da kha dèhô̆rîkî̆ acab́ô̆ Mŏzè adèhmèla ò adĕ ńò nu, thĭ di nib́è za dèhlô̆htage ńò,” cò d́ò bija do. 2Păulu kî Barnăbas dara thĕbwethîlî̆gè bija tòcò d́ō dèlagla ògè htè Păulu kî Barnăbas kî bija alewe aò d́ŏ Antiò̆ka tòcò gā hta hwă d́ŏ Jerŭsalèm u nu, ze gē le tcahtîbò̄ bōhmubicè kî anedothabwe tòcò ab́èkja dèwîdèkè̆ ajo nu.

3Dèòplopho lŏcăcè le thè̆ cè tòcò, kî zò phlò̆tôlôgè Phoenĭsia kî Samarĭage tòcò kî cò d́ò̆sagè lōwa bwèthŭkupho tòcò nib́ègè dèb́u cadè̄ nu, kîd́ò̆ thè̆buthè̆we tòcò thaganāigè azî̄azô̄. 4B́ĕ cè tòcò dole Jerŭsalèm u nu, Dèòplo kî bōhmubicè tòcò kî adoabwe tòcò scĭigè cè klè mòmòwîwî, mèhwă cè tòcò d́ò̆sa lŏ lōwa htè Kib́ĭcè mènigè cè tòcò dè nu. 5Barasă d́ō, Pharizè̆pho tòcò aklè̆ ab́udè tòcò daradè kî d́ò dîgrî̄nî̄gè htè bwèthŭkupho tòcò mò b́è hô̆rîkî̆ kî mò òi Mŏzè adèhmèla nu.

6Mègōnu d́ō, bōhmubicè tòcò kî adoabwe tòcò ladēplo lōwa kî bēphagè dè awîakè̆ ajo. 7Kî dèdara òjî̄òkja hwă Petru wè̄hto kî d́ògè cè tòcò gōjo, “Jè thè̆buwe tòcò, thĭ thîhè̆ tèpwè htè hlĕ mocè̆kho nu Kib́ĭcè rôhtagè jè d́ŏ thĭ klè̆ akò d́ò̆sa bwèthŭkupho tòcò Vanzĕlō, cab́ô̆htè zî gî̄ thîhè̆ kî ku b́ubò̄ anikhĭ nu. 8Ahnèhnè ḿî, Kib́ĭcè htè athîhè̆ bija gŏ abwè adègomo nu, Co ŏlăkô lōwa d́ŏ Zè dèila lōwa Spirito Tcahtĭ acab́ô̆ Ci ilanigè wa nu. 9Kib́ĭcè de bēpha cè tòcò kî wa azo ńò, manè̄ zè mèplî̆mètcă htŏ lōwa d́ŏ cè tòcò adèb́u acè̆ nu. 10Mègōnu khŏnujo, thĭ thaè b́è̆lă ma dèb́idèzā d́ŏ bōhmubicè tòcò akho, htè wa kî wi phĭ wu phŭ tòcò ti b́i da zā kèhta ńò, kî mèca ma B́ĭcè gōnu nè? 11Ńò! Wu b́u htè wi nib́è dèhlô̆htage d́ŏ B́ĭcè Jezŭ adèhludètă akhoacè̆, acab́ô̆ cè tòcò nu lò lò.”

12Aladēplo lōwa tòcò, cî cî, ò d́o lò, kî sòkhĕńegè Păulu kî Barnăbas d́ò̆sa cè Kib́ĭcè mènigè bwèthŭkupho tòcò anikhĭ dèd́è̆lî̄ acòklîcòhjè̆ kî dè amò htèdômô̄dahmă tòcò nu. 13Bija tòcò d́ò̆sa hwă lōwa d́ō, Zăkomo jî̄b́ègè, “Jè thè̆buwe tòcò, sòkhĕńebò̄ jè,” cò d́ò do. 14“Simeŏnè d́ò̆sa htŏ htè aŭsu, Kib́ĭcè pradòlògè bwèthŭkupho tòcò agè̄ wènīkô za bija tòcò aklè̆ d́ŏ Zi mi abu cadè̄ nu. 15Ajo ḿî ab́èthòrògè Prò̆fèt tòcò adèjî̄b́è d́ŏ Cè Tcahtĭ abu cadè̄ nu, htè ad́ò;

16‘Alekă b́ĕ Jò kò geb́a,

Ja kā pragekò̆ Dăvid ahi laphra,

d́ŏ dèkè̆dèô aklè̆

Ja gā prahtagekò̆ athè̆.

17Bija akhwĭathèlè̆ alewe,

Bwèthŭkupho Jô rôhlè d́ŏ Ji mi tcahtĭ abu tòcò gē lehtîkò̆ Jè.

18Dèado B́ĭcè d́ògè hlĕ aŭsu òjî̄òkjagè nu.’

19“Mègōnu ja thaè d́ò̆sa thĭ ḿî gō dò mò mèba bwèthŭkupho htè ageb́ahtî B́ĭcè tòcò ńò, 20we gē hwe d́ò̆sa cè tòcò aku d́u dèhîdèb́a ab́èhluhtai bwèjò ahnahnă tòcò nu, agè̄ sèkô̆ni dèlathulakèḿè ale, aku d́u dèphodèwe ab́è cŏthĭgò̄ tòcò ahîab́a, kî akā ta abò̄ dèthwidèkhè ńò nu lò,” cò d́ò lōwa do. 21“Manè̄ Mŏzè abija ad́ò̆htôd́ò̆dèlèdè ò gŏ ad́osò̆ kî za phani tèpwè bija d́ŏ aò Sinagŏgā abu gŏ Munisòd́è̆ nu,” cò d́ò̆sa bija tòcò do.

Bōhmubicè Acèborŏ

22Bōhmubicè tòcò kî adoabwe tòcò laglagè agô̄ rôhta Abwèzo akè b́è thodŏle d́ŏ Antiò̆ka u ploplo kî Păulu kî Barnăbas nu d́ō, Dèòplo thèd́è̆plo ŏlăkô tèpwègè. Cè tòcò rôhtagè Jŭdas htè bija jo Barsăbas kî Cĭlas, htè ab́udè tòcò lè̄d́ŏlè̄j́a gībwè nu. 23Bija hnagè ze gē lei cè ajo tèb́è nu.

“Wa, thĭ thè̆buwe bōhmubicè tòcò kî adoabwe tòcò, hnŭsè thĭ thè̆buwe aòlagè acab́ô̆ bwèthŭkupho aò d́ŏ Antiò̆ka u, Sĭriage kî Cilĭciage bu lŏcăcè tòcò nu. 24Wî thîhè̆b́è htè d́ŏ wè klè̆ tòcò cò mè sèsòwò̄htagè dè kî mè dò mòthagè thĭ ńò d́ŏ zè dèjî̄b́èdòdò akhoacè̆ lò. Cè tòcò mègè dè ajo tè b́è d́ŏ we dèhtulahmèla abu ńò. 25Mègōnu wa laglagè lōwa agô̄ rôhta Abwèzo agò̄ thodŏle d́ŏ thĭ ò ploplo kî Barnăbas, kî Păulu, 26bija htè wo d́ŏb́èj́ab́è aila lŏtholŏtha ane d́ŏ B́ĭcè Jezŭ Krĭstu ami abu tòcò nu. 27Wo thodŏlekô d́ògè Jŭdas kî Cĭlas, agô̄ thô̆htôkò̆ wa d́ŏ we hwela ô cè abu tòcò nu. 28Spirito Tcahtĭ bè̄la htŏ htè wo gō do cŏglogjî̄globò̄ thĭ kî dèhtodèba dimĭ ńò, 29ḿî thĭ ku d́ubò̄ dèadèò̆ ab́èhluhtaigè bwèjò tòcò nu, thĭ gā ta abò̄ dèthwidèkhè ńò, kî dèphodèwe bija cŏthĭgò̄ tòcò ahî ńò kî thĭ gā da lathulakèḿèbò̄ ńò nu. Sèkô̆nibò̄ dè ajo tòcò ale, kî thĭ gè̄ mè tèpwè dè ab́è lò. Dèmòb́è thĭ!”

30Bwèzo tòcò hèhta kî lagè d́ŏ Antiò̆ka u nu, d́ŏnu zo jo ladēplo lŏgè Dèòplopho tòcò hwă ci igè lōwa cèborŏ. 31Dèòplopho tòcò pha hwă cè, thalōthalaisôgè d́ŏ aikhoiă cè tòcò akhoacè̆ nu. 32Jŭdas kî Cĭlas ḿî Prò̆fèt tòcò akhoacè̆, zî jî̄b́è òjî̄òkjagè, ci ikhoiă kî mèhmemèglogè cè thè̆buwe tòcò nu. 33Bija ajo gībwè ò tod́odasa, mèhwă thè̆buwe ab́udè tòcò b́ăplège mòmò tèpwè cè kî cè tòcò geb́ahtîgè d́ŏ bija athodŏ cè tòcò ò nu. 34Ḿî Cĭlas nu cò òda dò̆ we b́ĕnu.

35Păulu kî Barnăbas òwe d́ŏ Antiò̆ka u bu ploplo kî bija alewe tòcò, d́òŭd́ò̆sagè Kib́ĭcè alēahwè d́ŏnu.

Păulu Hèbā Barnăbas

36Alekă Păulu d́ògè Barnăbas gōjo, “We gē geb́a kî hèpôd́ŏhtî d́ò̆è bija htè wò d́òŭd́ò̆sanigè Kib́ĭcè alēahwè tòcò nu, cab́ô̆htè wa gā tcahtîb́èbò̄ wè thè̆buwe tòcò mègè cadè̄ nu,” cò d́ò lōwa do. 37Barnăbas ikŏikja cè agò̄ jo Zowănnī Mărko, 38barasă Păulu tcahtî d́ŏ ca da ta jo lōwa ńò, manè̄, cò tò òkô lōwa akă htô̆ dèmè hwă ńò, ca bāladēgè lōwa tòcò d́ŏ Pamphĭliage nu kî geb́agè ze lekă akhoacè̆ lò. 39Za htadohtara hwă zè hèbāgè lōwa: Barnăbas joni hwă Mărko d́ō cò d́òhta thè̆bò kî legè d́ŏ Cĭpro nu. 40Ḿî Păulu nu, zô rôhta hwă Cĭlas d́ō zè hè joigè lōwa acab́ô̆ thè̆buwe tòcò ikŏikja cè d́ŏ Kib́ĭcè adèhludètă abu nu. 41Cè kî Cĭlas lenīkô Sĭriage kî Cilĭciage abu kî Ikhoiă, mèhmemèglo Dèòplo aò d́ŏnu tòcò lò.

Currently Selected:

Thodŏpho 15: GRNT21

Highlight

Copy

Compare

Want to have your highlights saved across all your devices? Sign up or sign in

Geba Roman New Testament © Bible Society of Myanmar, 2021.

Learn More About Geba Roman New Testament

Popular Bible Verses from
Thodŏpho 15

Videos for Thodŏpho 15

Acts 13-20

BibleProject

Acts 13-28

BibleProject

James: The Book of Acts

Eyewitness Bible Series

Second Missionary Journey - Part One: The Book of Acts

Eyewitness Bible Series

Thodŏpho 15

Popular Bible Verses from
Thodŏpho 15

Videos for Thodŏpho 15

Acts 13-20

Acts 13-28

James: The Book of Acts

Second Missionary Journey - Part One: The Book of Acts

Bible:

Karen, Geba

Version: Geba Roman New Testament - GRNT21

Thodŏpho 15

Thodŏpho 15

Popular Bible Verses from Thodŏpho 15

Videos for Thodŏpho 15

Acts 13-20

Acts 13-28

James: The Book of Acts

Second Missionary Journey - Part One: The Book of Acts

Bible:

Karen, Geba

Version: Geba Roman New Testament - GRNT21

Thodŏpho 15

Popular Bible Verses from
Thodŏpho 15