Cù Shúu Fù
Shúu Fù
Ŋwàʼ Cù və̀ne dzə̀ ŋwàʼ wo wú naarì ntò se cù wùn à ntò se ŋkàʼ seé lav cù se wír veé Israyi‑iì lemè. Wú kfə̀n naarì sa ntò se vinyò se atàá cù ve lim yéví‑iì dzəə̀n ji á wáa meerí e Nyùy si, a cù wun, a leéy vinyo vee kùm cu vidzə̀m. Áwune kù‑uù kér fó a kiíy jeéyjeéy fó kifa ke dzəə̀n ji ké Nyùy wùn à kee kiy ki, e kfə̀n a kiíy sa jeéyjeéy fó kifa ke dzəə̀n ji ké kifàn, à ke kí yòʼ kér ki, a yeʼéy wír veé Isray kinyo kìn kidzə̀m (10.10‑11).
Tím kinyò woó ŋwàʼ fène dzə̀ jii, mo Nyùy dzəə̀n kfə́ jeéy, a dzə e ránén, bo a dzə̀ wír vəə́ kù a dzə sa aránén, é bo wùn áwune wáa dzə kijuŋ. Bó yòʼ dzə̀ á kòʼtí e Nyùy si e kifàn kí wùn. A dzə̀ á kù kfə̀mrí vitú vév ŋkuŋén, e ràn, e bó a wìy, a cù wun, e kfə̀n a dzə e wír Nyùyí mvəm kijuŋ.
Jí se sí fəən fó ŋwàʼ fèn, se á kiìn ben kijuŋ si dzə̀ se Jesus‑eè yòŋèn ji dzə̀ á nsər ye yì batin ye mbìy, a yì dzə̀ jii:
Wìr wáa kòŋ fə́r və mo wù koŋ kitú kfə́. (19.18)
Vilíŋ ve ŋwàʼ
Nsər see kùm kfəə́ se cù see jeéy jeéy 1.1–7.38
Á yóʼ Aaron wùn à wón vəə́ ji atàá cù 8.1–10.20
Kifàn ke dzə̀ wìr lì, à dzəə̀ yée kfəmrí 11.1–15.33
Kishiíy ké Kiman 16.1‑34
Mo dzə̀ wír Nyùyi wàa dzə là nsem, e bóo gheén e wìr və́ 17.1–27.34
Currently Selected:
Cù Shúu Fù: LNB
Highlight
Copy
Compare
Share
Want to have your highlights saved across all your devices? Sign up or sign in
© 2022 CABTAL