Iberiu 1
1
Yaubada Natuna toolagaina
(Iberiu 1:1—2:18)
Yeisu anerose ikalisavedi
1Boi nimatu Yaubada ina tokabivalavalayao sopadi goi tubudao ivadigoidi go, giyaina giyaina be ta kenao ta kenao goi ina livalayana ivinidi. 2Ame tuta ana kaba lukavava Natuna goi ivadigoida.
Natunayana ikinave
bei kaga liliuna moe Tauyana ina kaba lovina.
Nimana goi kaga liliuna imadagidi.
3Tauyana Yaubada ana káeyana kanukanununa
be nakae Tauyana goi Yaubada aderina toina imalatomota.
Kaga liliuna ina livala toogagaina goi iyooisidi.
Ida goyo goi ikimavadeda ikavava,
wowoina basekoina Yaubada Tokanayatanatoina
kakataina goi itusobu.
4Tauna anerose itaoyakukuidi
unana Tauyana yoina Yaubada bogina ivinivini
anerose yoidi ikalisavedi.
5Moitamo, anerose itaoyakukuidi. Ava anerose yaina goi Yaubada ibóbwara idigo kana,
‘Kom natugu;
yau ame avanatunem’?#Guinuwa 13:33; Iberiu 5:5.
Same 2:7
Geya tayaamo yaina.
O aiyuwoina ava anerose yaina goi ibóbwara idigo kana,
‘Yau Tamana, e Tauyana natugu’?#1 Tétala 17:13; Same 89:26.
2 Samwera 7:14
Geya tayaamo yaina.
6E tuwaina, tutayana Yaubada ina totubukumgo#Same 89:27; Roma 8:29; Kolose 1:15,18; Nuwogau 1:6. ivamoleye ima poyapoya ame goi, Yaubada idigo kana,
‘Latuwogu guna aneroseyao#1:7 Guna aneroseyao: Ame tomwanayana Atukeda 32:43 goi tababane go, Iberiu niyadi goi kadi, ‘Yaubadayao.’ Go tutayana sikaigavile da Giriki niyadi goi tomwanayana mae nakae. madabokidi
Tauyana yaina sisakulūlu.’
Same 97:7
7Aiyuwoina aneroseyadi manudi idigo kana,
‘Yágira ietako ina aneroseyao#1:8 Aneroseyao: Ame livalayana Iberiu niyadi goi moe lobutu ana tolokoina. nakae.
Yeu sabeninimina iepaisewe ina tovaitayao nakae.
Tauyana manuna sipaaisewa.’
Same 104:4
8Go Natuna yaina idigo kana,
‘Yaubada e,
Im kalibúbuna bei ikaiyako vata go,
im kalibubunayana moe lovina vavasa.
9Kibóbwata anasíuna manuna nukotom ikabi go,
apipilova kukaolilive.
Moe pasina Yaubada,
moe kom im Yaubada, amta bogina ikinavem go,
kinavayana goi uyáwana gagaina kubabane
be nakae semowo kutaoyakukuidi.’
Same 45:6-7
10Aiyuwoina Natuna ilatuwoko idigo kana,
‘Tomoya,
Kom aba vatowo goi poyapoya ame kumadagi;
nakae yábana moe nimam ina madágina.
11Amo dogoiyadi bei sisáwala go,
kom kwaaiyaka.
Madabokina kwama nakae bei sivagoyo
12be tanigo nakae kununumidi kuyatoidi.
Kwama nakae bei kuvalilividi go,
aivaudi kulosidi.
Go kom sem taum taum kwaaiyaka,
nakae am tala geya sikavaveta.’
Same 102:25-27
13E ava anerose yaina Yaubada idigo kana,
‘Kūma wowoina basekoina kakataigu goi kutusōbu
ana kadókana im kaleyayao avasobusobuyedi,
e kulovinaedi’?#Madiu 22:44; Maki 12:36; Luke 20:42-43; Guinuwa 2:34-35.
Same 110:1
Geya tayaamo yaina. 14Go anerose kaga? Madabokidi baloma nakae, Yaubada ina tovaitayao ivamoleyedi sima bei kita ada yava taababane sivaiteda ae?
Currently Selected:
Iberiu 1: GVS
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
