Tateta 31

Tokatanaki adi kinava

1E Yauwe ilatuwokoigu idigo kana,

2‘Kunōve. Kure, ma Yuda,#31:2 Ma Yuda: Yuda moe Yakobo natuna tayamo yoina go, niga Yuda tubunao toinidi adi dala sivayou Yuda. Tauna ame dala yoina Yuda. natuna moe Urai, e tubuna moe Besaleli.#31:2 Besaleli: Ame youyana ana yagoina Yaubada ina matakavata nugonina goi. Ame tauyana bogina akinave. 3Tauyana bogina avakayaodei Yau Yaubada Balomaigu goi, tauna mana katanaki be mana yagoina be mana kabitam nakae ana kaipata paisewa liliudi dedevidi iguinuwedi. 4Tauyana ana katanaki goura be siriba be nakae kopwa adi paisewa goi. 5Nakae gurewa esaaesaidi adi paisewa be nakae alova ana dayágina bogina ana kaipata iguinuwedi.

6E kunovēgu. Akisamaki ma Dani natuna yoina Oliyavi bogina akinave bei ipaisewa Besaleli taiyao. Guna nuwopolala topaisewa liliudi bogina avinidi bei tauyadi adi kaipata kaga liliuna alatuuwokoim simadagidi. 7Dogoiyadi ame nakae: Guna Kaba Valoboda, aba vatulúkwana dedeogaina, aba núwala dedeogayana yatana, guna Kaba Valobodayana konanina liliudi. 8Konaninayadi ame nakae: Teboro ma konanina, rampa adi kaba yata goura maavadaina ma konanina, insensi ana kaba kasala, 9aba kasala vininabeso ana kaigabu manuna ma konanina, nokobaba ma kaena kopa, 10Tonúwala Eroni ma natunao adi kwama dedevidi be kimaasabaidi adi paisewa manuna, 11pútuma aba kaipaku be nakae insensi mainina dedevina Bateta Kimaasabaina manuna. Moe dogoiyadi bei simadagidi nakae bogina alovinaem.’

Vatulúkwana maliyalina aba waiwasi manuna

12E Yauwe tuwaina ilatuwokoigu idigo kana,

13‘E kom Isileli tubunao kulatuwokōidi kudīgo kam,

“Yauwe ilovinaeda kana, ‘Yau guna maliyalina aba waiwasi ana lovina kokabiikaōne. Maliyalinayana aba kinana komi be Yau Yauwe yaida ame tuta be nakae tuta simamaima bei koyagoi bego Yau Yauwe bogina akimasabemi umagu. 14Maliyalina aba waiwasiyana komatakavāte. Ame maliyalinayana kimaasabaina yaimi. Avatau neta ikibaibaili, tauyana kokaumāte. Avatau neta amo maliyalinayana goi paisewa tayamo toito iguinuwe, tauyana geya guna boda geya, tauna yaimi goi kolivisīye go, kovatapīye. 15Maliyalina ana badabada ainima tayamo goi imi paisewa koguuinuwēdi go, maliyalinayana ainima aiyuwoina moe aba waiwasi, paisewa goi kosayāta; moe kimaasabaina Yau Yauwe umagu. Avatau neta amo maliyalinayana goi ipaisewa, kokaumateyāmo.#Tateta 20:8-11, 23:12, 34:21, 35:2; Vininabeso 23:3; Atukeda 5:12-14. 16Komi Isileli tubunao maliyalina aba waiwasi ana lovina kokabiikaōne tuta liliuna. Maliyalinayana moe guna kanasíuna ikaiyako vata yaimi goi. Tauna malamalágata tamo tamo simamaima bei sikabiikaone. 17Ame aba kinanayana ikaiyako vata komi be Yau Yauwe yaida. Yau nakae. Maliyalina ainima tayamo goi yábana be poyapoya amadagidi go, maliyalina ainima aiyuwoina goi paisewa asayata bei awaiwasi.’”’#Tateta 20:11.

18E Koya Sainai yatana goi Yauwe ibóbwara ikavava, e gurewa aiyuwo paaevaidi ivinigu. Gurewayadi yatadi Yaubada toinina nimana goi ina kanasíuna ana kaba vatulúkwana bogina iginidi.#Tateta 25:16.

Currently Selected:

Tateta 31: GVS

Highlight

Copy

Compare