Hechos 26
26
Pablo myu̶dya'agy ma je̱'e̱ mu̶j'ane̱'e̱mbu̶ Agripa neby najty jyaty y'abetyu̶ñ
1Mu̶'it je̱'e̱ ane̱'e̱mbu̶ Agripa nu̶maay je̱'e̱ Pablo:
—Mu̶baad mnaygyugapxyii.
Chi je̱'e̱ Pablo kyu̶'u̶ yujkxaju̶'ky y myu̶dyaaktu̶gu̶u̶y: 2“Janch jootkujku̶ch nayjyu̶wu̶'u̶yii ko u̶u̶ch cham mu̶baad nmu̶dya'agy ma miichu̶ñ; mu̶j'ane̱'e̱mbu̶ Agripa, neby u̶u̶ch mu̶baad nnaygyugapxyii du'un nebyjyaty u̶u̶ch je̱'e̱ judío ja'ay tu̶ xyu̶'u̶gu̶xyu̶ñ, 3je̱' ko mnejwu̶u̶by miich oy yajxón neby je̱'e̱ judío ja'ay kostumbre mu̶dajtku̶xyu̶ñ, y du'un neby u̶u̶ch je̱'e̱ u̶xpu̶jku̶ñ nyajtzibu̶u̶ygyu̶xyu̶ñ. Y paadyu̶tz je̱'e̱ may'ajt nyujkwaanu̶ ko u̶u̶ch je̱'e̱ n'ayuuk xy'ok'amdo'ijtu̶ch mu̶u̶d je̱'e̱ me̱kxtujku̶ñ.
Pablo nigapxy nimu̶dya'agy neby najty chu̶na'ay jyugy'aty mu̶naabu̶ najty ka'p jyootwimbítyñu̶
4“Ñejwu̶ydyaaygyu̶xypy je̱'e̱ judío ja'ay ku̶xyu̶ neby u̶u̶ch tu̶ ndzu̶na'ay tu̶ njugy'aty ma yu̶'u̶ ajku̶xyu̶ñ, jim ma u̶u̶ch je̱'e̱ ngu̶'u̶mgajptu̶ñ y jim Jerusalén ma u̶u̶ch tu̶ nyeegyu̶ñ. 5Y nan ñejwu̶u̶ygyu̶xypy nandu'un, y pu̶nu̶ chojkku̶xypy mu̶baad nigápxku̶xy, ko u̶u̶ch je'emy nfariseo ja'ayu̶ch, je̱'e̱ mu̶dyiibu̶ je̱'e̱ judío ja'ay y'u̶xpu̶jku̶ñ y y'ane̱'e̱mu̶ñ mu̶kta'agy payo'oyu̶byu̶ñ. 6Y jada'achám u̶u̶ch nyajtu̶ydyúñ je̱' ko u̶u̶ch nju̶jp'íxy ko je̱'e̱ Dios ja'ay yajjuugypyu̶ga'añ je̱'e̱ tu̶u̶bu̶ y'o'kku̶xy, du'un neby je̱'e̱ Dios jékyu̶p yajwinwaanu̶u̶y je̱'e̱ nmu̶j'áp nmu̶jteedy ajtu̶m ajku̶xy. 7Je̱'e̱ majme̱tzpú̶kypyu̶ Israel ja'ay y'ok'ung y'ok'ana'k ajku̶xy jya'ay'e̱jxku̶xypy je̱' mu̶naa je̱'e̱ Dios kuydyuna'añ je̱'e̱ tu̶u̶bu̶ je̱'e̱ myu̶j'áp myu̶jteedy yajwinwaanu̶u̶yu̶xa ajku̶xy, y paady je̱'e̱ Dios windzu̶gu̶u̶y o'owu̶dajtku̶xy y mu̶duungu̶xy xu̶u̶m tzum. Miich ane̱'e̱mbu̶ Agripa, je̱' ko u̶u̶ch nmu̶bu̶ky ko je̱'e̱ Dios ja'ay yajjuugypyu̶ga'añ je̱'e̱ tu̶u̶bu̶ y'o'kku̶xy, paady u̶u̶ch yu̶'u̶ judío ja'ay xyu̶'u̶gu̶xy. 8¿Ti ko miich mga'amu̶bu̶jkku̶xy ko je̱'e̱ Dios ja'ay yajjuugypyu̶ga'añ je̱'e̱ tu̶u̶bu̶ y'o'kku̶xy?
Pablo nigapxy nimu̶dya'agy neby je̱'e̱ mu̶bu̶jkpu̶du̶jk ijty u̶xwu̶dity pawu̶dityu̶ñ
9“Jékyu̶p du'un u̶u̶ch najty ku̶'u̶m nwinmay ko u̶u̶ch ku̶xyu̶ tijaty nduna'añ mayñax, ko u̶u̶ch najty njanchmu̶dzip'aty mu̶dyiibu̶ je̱'e̱ Jesús Nazaretpu̶ mu̶bu̶jkku̶xpu̶ñ, 10y du'un u̶u̶ch jim Jerusalén n'adu̶u̶ch. Mu̶u̶d je̱'e̱ teedy windzú̶n y'ane̱'e̱mu̶ñ ajku̶xy, nbu̶daaku̶ch je̱'e̱ mu̶bu̶jkpu̶du̶jk may pujxtu̶gooty; y ko najty yaj'o'kku̶xy, u̶u̶chpyaad najty du'un mu̶naamb ko yaj'o'kku̶xu̶ch. 11Y nnu̶kxp u̶u̶ch najty majaty je̱'e̱ judío ja'ay ñaymyujktaakt ajku̶xyu̶ñ, jim u̶u̶ch najty ndzaachtyuungu̶xy wan je̱'e̱ Jesús ni'oju̶u̶ygyu̶xu̶ch, y mu̶k u̶u̶ch najty njanchjoot'ambú̶ky u̶xtu̶ wiingnaax wiingkajpt u̶u̶ch je̱'e̱ nbaja'tku̶xy.
Pablo ja'adu'ook nimu̶dya'agy neby jyootwimbijtyu̶ñ
(Hch 9.1-19; 22.6-16)
12“Mu̶u̶d je̱'e̱ du'umbu̶ winma'añ u̶u̶ch najty mu̶u̶d nnu̶kxy jim Damasco kajpt, je̱'e̱ teedy windzu̶ndu̶jk u̶u̶ch najty tu̶ xykye̱jxku̶xy y nan tu̶ xymyooygyu̶xyu̶ch najty je̱'e̱ ane̱'e̱mu̶ñ. 13Y tu'u'aam, miich mu̶jpu̶ ane̱'e̱mbu̶, najty kujkyxyu̶u̶ nnú̶kxyu̶ch ko u̶u̶ch je̱'e̱ ju̶u̶n tu'ug n'ijxy chooñ tzajpjooty janch mu̶k ni'igu̶ ka'p je̱'e̱ xu̶u̶ du'un jyajnu̶ba, xyñi'ijajyu̶ch ju'uwu̶dítyu̶ mu̶u̶d je̱'e̱ mu̶dyiijáty u̶u̶ch najty nmu̶dnú̶kxypyu̶ñ. 14Mu̶'it u̶u̶ch nigu̶xyu̶ ngu̶dadaaygyu̶xy, y nmu̶dooyu̶ch je̱'e̱ ayuuk tu'ug xymyu̶gápxyu̶ch hebreo'eemby, xyñu̶ma'ayu̶ch: ‘Saulo, Saulo, ¿ti u̶u̶ch ko xyjyanchpawu̶dity? Ku̶'u̶m du'un mnaychaachtyuñyii, du'un neby je̱'e̱ waj yuubu̶ ko je̱'e̱ kyu̶'u̶mbawojpt ju̶jpkune̱bu̶'u̶y mu̶dyiibu̶ mu̶u̶d y'u̶xkumy pyagumyiiju̶ñ.’ 15Mu̶'it u̶u̶ch n'adzooy: ‘¿Pu̶n miich Windzú̶n?’ Chi u̶u̶ch je̱'e̱ Windzú̶n xy'adzooy: ‘U̶u̶ch je̱' je̱'e̱ Jesús mu̶dyiibu̶ miich mjanchpawu̶dijtypyu̶ñ. 16Pu̶du̶'u̶g y tu̶naaygyugu̶'u̶, paady u̶u̶ch tu̶ nayyajni'igu̶xu̶'u̶gyii ma miichu̶ñ neby u̶u̶ch mu̶baad xymyu̶dúñ y xyñidu̶y'ajt'átyu̶ñ du'un neby cham tu̶ m'ixy tu̶ mdu̶kxyu̶ñ y neby jiinu̶ njakyaj'íx njakyajnejwu̶'u̶wa'añu̶ñ. 17U̶u̶ch miich nniwa'anu̶py nyajtzo'ogu̶py ma je̱'e̱ judío ja'ay y nan ma je̱'e̱ ka'pu̶ jyudíoja'ayu̶chu̶ñ ajku̶xy, ma yam cham nguexyu̶ñ. 18Nu̶kx u̶u̶ch je̱'e̱ ndu̶y'ajt jim yajwinju̶wu̶u̶ygyu̶x, wan je̱'e̱ ju̶bu̶kwinma'añ u̶xmajtzku̶xu̶ch, y panú̶kxku̶xu̶ch je̱'e̱ tu̶y'ajt, du'un pyu̶dzu̶u̶mgu̶xu̶ch ma je̱'e̱ mu̶jku'u y'ane̱'e̱mu̶gu̶xyu̶ñ, y panú̶kxku̶xu̶ch je̱'e̱ Dios y'ayuuk tyu̶y'ajt; y mu̶bu̶jkku̶xu̶ch je̱'e̱ ndu̶y'ajtu̶ch, y mu̶'it je̱'e̱ pyoky kyu̶dyeey yajwinmé̱kxku̶xu̶ch, y paatku̶xu̶ch je̱'e̱ tu̶gu̶ydyaakt jiiby tzajpjooty ma je̱'e̱ oyjya'aydyu̶jk wa'adzja'aydyu̶jk y'ijtku̶xyu̶ñ, je̱'e̱ mu̶dyiibu̶ je̱'e̱ Dios tu̶ yajpokyñi'iwa'achu̶ñ.
Pablo kuydyúñ neby je̱'e̱ Dios najty tu̶ ñu̶ma'ayiiju̶ñ
19“Y du'unu̶tz, mu̶jpu̶ ane̱'e̱mbu̶ Agripa, tu̶ u̶u̶ch nguydyúñ mu̶dyiibu̶ u̶u̶ch je̱'e̱ Dios xyaj'ijxu̶ñ choñ tzajpjooty. 20Jim Damasco u̶u̶ch je̱'e̱ Dios y'ayuuk tyu̶y'ajt jayu̶jp ngapxwa'kxy, chi u̶u̶ch jim Jerusalén ngapxwa'kxy y ku̶xyu̶ Judea naaxjooty, y nan ngapxwa'kxu̶ch ma je̱'e̱ ka'pu̶ jyudíoja'ayu̶chu̶ñ ajku̶xy. Nnu̶maaygyu̶xyu̶ch ko wan jootwimbijtku̶xy ma je̱'e̱ Diosu̶ñ, y wan je̱'e̱ Dios y'ayuuk tyu̶y'ajt mu̶bu̶jkku̶xy, y wan je̱'e̱ oybyu̶ tuungu̶xy, wan du'un yajni'igu̶xu̶'kku̶xu̶ch ko tu̶ jyootwimbijtku̶xy ma je̱'e̱ Diosu̶ñ. 21Mu̶u̶d adaa gyu̶xpu̶ u̶u̶ch je̱'e̱ judío ja'ay xymyajtzku̶xy ma je̱'e̱ mu̶jtzajptu̶jku̶ñ, y xyjya'adimyaj'o'ogaañu̶ch ajku̶xy. 22Peru̶ tu̶ u̶u̶ch je̱'e̱ Dios xypyubety xypyudu̶gu̶'u̶y, y ka'p u̶u̶ch nimu̶naa tu̶ n'u̶xtu̶gu̶'u̶wa'agy ma je̱'e̱ y'ayuuk tyu̶y'ajtu̶ñ, nmu̶bu̶jkypyu̶ch je̱'e̱ chamnu̶baad, y ngapxwa'kxypyu̶ch je̱'e̱ Dios y'ayuuk tyu̶y'ajt ma je̱'e̱ ja'ay ku̶xyu̶ ajku̶xyu̶ñ u̶xpu̶kytyu̶jk y ka'pu̶ y'u̶xpu̶kytyu̶jku̶ch ajku̶xy. Nimu̶naaxu̶u̶ u̶u̶ch wiingjáty tu̶ nga'akapxwa'kxy je̱'e̱ mu̶dyiibu̶ je̱'e̱ Dios y'ayuuknajtzkapxu̶u̶ybyu̶du̶jk jékyu̶p jyaaygyu̶xu̶ñ y nan mu̶dyiibu̶ je̱'e̱ Moisés jékyu̶p jyaay neby tyuna'añyii jyada'añyii: 23ko je̱'e̱ Cristo ayo'on jootmáy tzipku̶xp yajnáxu̶ch y y'o'ogu̶ch, y mu̶'it jyuugypyú̶gu̶ch, y ko je̱' je̱'e̱ jayu̶jpu̶ ja'ay mu̶dyiibu̶ juugypyú̶ku̶bu̶ñ ko naty tu̶ y'o'ogy, y yajkapxwa'kxu̶ch je̱'e̱ y'ayuuk tyu̶y'ajt mu̶dyiibu̶ aanu̶mu̶ ni'idzooku̶ñ ye̱jkpu̶ñ ma u̶u̶ch ajtu̶m ajku̶xyu̶ñ je̱'e̱ judío ja'ay, y nan ma je̱'e̱ ka'pu̶ jyudíoja'ayu̶chu̶ñ ajku̶xy.”
Pablo ja'adimy ja'awe̱e̱n je̱'e̱ mu̶j'ane̱'e̱mbu̶ Agripa ka'ayajmu̶bu̶jky je̱'e̱ Jesucristo
24Ko je̱'e̱ Pablo du'un myu̶naañ ko najty ñaygyugapxyii, chi je̱'e̱ Festo mu̶k myu̶naañ:
—¡Mlooku̶ju̶u̶by miich da'a Pablo! Je̱'e̱ may u̶xpu̶jku̶ñ xyajlooku̶ju̶u̶yñu̶py.
25Chi je̱'e̱ Pablo y'adzooy:
—Ka'p u̶u̶ch nlooku̶ju̶ch, miich mu̶jtuungmu̶u̶dpu̶ Festo, je̱'e̱ mu̶dyiibu̶ u̶u̶ch ngapxypu̶ñ, je̱' je̱'e̱ tu̶y'ajtu̶ñ y je̱' je̱'e̱ jaanchpyu̶. 26Chi yu̶'u̶ mu̶j'ane̱'e̱mbu̶ Agripa, ñejwu̶ydyaaby adaa du'umbu̶ ku̶xyu̶ y paady u̶u̶ch amu̶j jootmu̶j nmu̶dya'agy ma yu̶'u̶ wyinduuyu̶ñ; je̱' ko nnejwu̶u̶ybyu̶ch oy ko yu̶'u̶ nandu'un adaa du'umbu̶ ku̶xyu̶ nejwu̶ydya'ay, je̱' ko ka'p adaa du'umbu̶ ayu'uch amechu̶ yajtúñ yaj'íxy. 27¿Nej mmu̶bu̶jkypy miich mu̶j'ane̱'e̱mbu̶ Agripa, du'un neby je̱'e̱ Dios y'ayuuknajtzkapxu̶u̶ybyu̶du̶jk myu̶naañ ajku̶xyu̶ñ? U̶u̶ch nnejwu̶u̶ybyu̶ch ko miich mmu̶bu̶ky.
28Chi je̱'e̱ ane̱'e̱mbu̶ Agripa y'adzooy:
—Janch ja'awe̱e̱n u̶u̶ch je̱'e̱ Jesucristo tu̶ xykya'ayajmu̶bú̶ky.
29Chi je̱'e̱ Pablo myu̶naañ:
—Oy jinjaty we̱njaty y oy mu̶j ku̶je̱e̱ mga'amu̶bú̶ky, peru̶ chojkypy je̱'e̱ Dios ko miich, y nandu'un je̱'e̱ mayjya'ay ku̶xyu̶ mu̶dyiibu̶ u̶u̶ch je̱'e̱ n'ayuuk ya cham xy'amdo'ijtu̶byu̶ñ, mmu̶bu̶jkku̶xu̶ch je̱'e̱ Jesucristo du'un neby u̶u̶chu̶ñ, peru̶ nan ka'p tyimydyu'unu̶ch neby u̶u̶ch yam ngadeenu̶ mu̶u̶du̶chu̶ñ.
30Ko je̱'e̱ Pablo myu̶dyaaktaay, chi je̱'e̱ mu̶j'ane̱'e̱mbu̶ Agripa y je̱'e̱ gobernador Festo tyu̶naayu̶'kku̶xy kipxy mu̶u̶d je̱'e̱ Berenice y mu̶u̶d je̱'e̱ mayjya'ay ku̶xyu̶ mu̶dyiibu̶ najty jiiby u̶ñaaygyu̶xpu̶ñ; 31y chi abu̶kytyuum ñú̶kxku̶xy oy nimu̶dyaakku̶xy je̱'e̱ Pablo pyoky kyu̶dyeey, ñayñu̶maayu̶gu̶xy amíñ u̶xyu̶py:
—Adayaaba ja'ay ka'p adaa ni tii poky tu̶ tuñ, ka'p pyaadyii nu̶kxy y'o'ogy; y nan ka'p it jya'apadyii nu̶kxy pyujxtu̶jk'u̶ña'ay.
32Y chi je̱'e̱ mu̶j'ane̱'e̱mbu̶ Agripa nu̶maay je̱'e̱ gobernador Festo:
—Mu̶baad u̶xyu̶py adaa ja'ay nnajtzmadzu̶u̶yu̶m ko u̶xyu̶py ku̶'u̶m tu̶ kya'anayñibu̶jktzowu̶'u̶yii ko wan tu̶ydyuñyii je̱'e̱ Roma mu̶j'ane̱'e̱mbu̶.
Currently Selected:
Hechos 26: MIXE
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Hechos 26
26
Pablo myu̶dya'agy ma je̱'e̱ mu̶j'ane̱'e̱mbu̶ Agripa neby najty jyaty y'abetyu̶ñ
1Mu̶'it je̱'e̱ ane̱'e̱mbu̶ Agripa nu̶maay je̱'e̱ Pablo:
—Mu̶baad mnaygyugapxyii.
Chi je̱'e̱ Pablo kyu̶'u̶ yujkxaju̶'ky y myu̶dyaaktu̶gu̶u̶y: 2“Janch jootkujku̶ch nayjyu̶wu̶'u̶yii ko u̶u̶ch cham mu̶baad nmu̶dya'agy ma miichu̶ñ; mu̶j'ane̱'e̱mbu̶ Agripa, neby u̶u̶ch mu̶baad nnaygyugapxyii du'un nebyjyaty u̶u̶ch je̱'e̱ judío ja'ay tu̶ xyu̶'u̶gu̶xyu̶ñ, 3je̱' ko mnejwu̶u̶by miich oy yajxón neby je̱'e̱ judío ja'ay kostumbre mu̶dajtku̶xyu̶ñ, y du'un neby u̶u̶ch je̱'e̱ u̶xpu̶jku̶ñ nyajtzibu̶u̶ygyu̶xyu̶ñ. Y paadyu̶tz je̱'e̱ may'ajt nyujkwaanu̶ ko u̶u̶ch je̱'e̱ n'ayuuk xy'ok'amdo'ijtu̶ch mu̶u̶d je̱'e̱ me̱kxtujku̶ñ.
Pablo nigapxy nimu̶dya'agy neby najty chu̶na'ay jyugy'aty mu̶naabu̶ najty ka'p jyootwimbítyñu̶
4“Ñejwu̶ydyaaygyu̶xypy je̱'e̱ judío ja'ay ku̶xyu̶ neby u̶u̶ch tu̶ ndzu̶na'ay tu̶ njugy'aty ma yu̶'u̶ ajku̶xyu̶ñ, jim ma u̶u̶ch je̱'e̱ ngu̶'u̶mgajptu̶ñ y jim Jerusalén ma u̶u̶ch tu̶ nyeegyu̶ñ. 5Y nan ñejwu̶u̶ygyu̶xypy nandu'un, y pu̶nu̶ chojkku̶xypy mu̶baad nigápxku̶xy, ko u̶u̶ch je'emy nfariseo ja'ayu̶ch, je̱'e̱ mu̶dyiibu̶ je̱'e̱ judío ja'ay y'u̶xpu̶jku̶ñ y y'ane̱'e̱mu̶ñ mu̶kta'agy payo'oyu̶byu̶ñ. 6Y jada'achám u̶u̶ch nyajtu̶ydyúñ je̱' ko u̶u̶ch nju̶jp'íxy ko je̱'e̱ Dios ja'ay yajjuugypyu̶ga'añ je̱'e̱ tu̶u̶bu̶ y'o'kku̶xy, du'un neby je̱'e̱ Dios jékyu̶p yajwinwaanu̶u̶y je̱'e̱ nmu̶j'áp nmu̶jteedy ajtu̶m ajku̶xy. 7Je̱'e̱ majme̱tzpú̶kypyu̶ Israel ja'ay y'ok'ung y'ok'ana'k ajku̶xy jya'ay'e̱jxku̶xypy je̱' mu̶naa je̱'e̱ Dios kuydyuna'añ je̱'e̱ tu̶u̶bu̶ je̱'e̱ myu̶j'áp myu̶jteedy yajwinwaanu̶u̶yu̶xa ajku̶xy, y paady je̱'e̱ Dios windzu̶gu̶u̶y o'owu̶dajtku̶xy y mu̶duungu̶xy xu̶u̶m tzum. Miich ane̱'e̱mbu̶ Agripa, je̱' ko u̶u̶ch nmu̶bu̶ky ko je̱'e̱ Dios ja'ay yajjuugypyu̶ga'añ je̱'e̱ tu̶u̶bu̶ y'o'kku̶xy, paady u̶u̶ch yu̶'u̶ judío ja'ay xyu̶'u̶gu̶xy. 8¿Ti ko miich mga'amu̶bu̶jkku̶xy ko je̱'e̱ Dios ja'ay yajjuugypyu̶ga'añ je̱'e̱ tu̶u̶bu̶ y'o'kku̶xy?
Pablo nigapxy nimu̶dya'agy neby je̱'e̱ mu̶bu̶jkpu̶du̶jk ijty u̶xwu̶dity pawu̶dityu̶ñ
9“Jékyu̶p du'un u̶u̶ch najty ku̶'u̶m nwinmay ko u̶u̶ch ku̶xyu̶ tijaty nduna'añ mayñax, ko u̶u̶ch najty njanchmu̶dzip'aty mu̶dyiibu̶ je̱'e̱ Jesús Nazaretpu̶ mu̶bu̶jkku̶xpu̶ñ, 10y du'un u̶u̶ch jim Jerusalén n'adu̶u̶ch. Mu̶u̶d je̱'e̱ teedy windzú̶n y'ane̱'e̱mu̶ñ ajku̶xy, nbu̶daaku̶ch je̱'e̱ mu̶bu̶jkpu̶du̶jk may pujxtu̶gooty; y ko najty yaj'o'kku̶xy, u̶u̶chpyaad najty du'un mu̶naamb ko yaj'o'kku̶xu̶ch. 11Y nnu̶kxp u̶u̶ch najty majaty je̱'e̱ judío ja'ay ñaymyujktaakt ajku̶xyu̶ñ, jim u̶u̶ch najty ndzaachtyuungu̶xy wan je̱'e̱ Jesús ni'oju̶u̶ygyu̶xu̶ch, y mu̶k u̶u̶ch najty njanchjoot'ambú̶ky u̶xtu̶ wiingnaax wiingkajpt u̶u̶ch je̱'e̱ nbaja'tku̶xy.
Pablo ja'adu'ook nimu̶dya'agy neby jyootwimbijtyu̶ñ
(Hch 9.1-19; 22.6-16)
12“Mu̶u̶d je̱'e̱ du'umbu̶ winma'añ u̶u̶ch najty mu̶u̶d nnu̶kxy jim Damasco kajpt, je̱'e̱ teedy windzu̶ndu̶jk u̶u̶ch najty tu̶ xykye̱jxku̶xy y nan tu̶ xymyooygyu̶xyu̶ch najty je̱'e̱ ane̱'e̱mu̶ñ. 13Y tu'u'aam, miich mu̶jpu̶ ane̱'e̱mbu̶, najty kujkyxyu̶u̶ nnú̶kxyu̶ch ko u̶u̶ch je̱'e̱ ju̶u̶n tu'ug n'ijxy chooñ tzajpjooty janch mu̶k ni'igu̶ ka'p je̱'e̱ xu̶u̶ du'un jyajnu̶ba, xyñi'ijajyu̶ch ju'uwu̶dítyu̶ mu̶u̶d je̱'e̱ mu̶dyiijáty u̶u̶ch najty nmu̶dnú̶kxypyu̶ñ. 14Mu̶'it u̶u̶ch nigu̶xyu̶ ngu̶dadaaygyu̶xy, y nmu̶dooyu̶ch je̱'e̱ ayuuk tu'ug xymyu̶gápxyu̶ch hebreo'eemby, xyñu̶ma'ayu̶ch: ‘Saulo, Saulo, ¿ti u̶u̶ch ko xyjyanchpawu̶dity? Ku̶'u̶m du'un mnaychaachtyuñyii, du'un neby je̱'e̱ waj yuubu̶ ko je̱'e̱ kyu̶'u̶mbawojpt ju̶jpkune̱bu̶'u̶y mu̶dyiibu̶ mu̶u̶d y'u̶xkumy pyagumyiiju̶ñ.’ 15Mu̶'it u̶u̶ch n'adzooy: ‘¿Pu̶n miich Windzú̶n?’ Chi u̶u̶ch je̱'e̱ Windzú̶n xy'adzooy: ‘U̶u̶ch je̱' je̱'e̱ Jesús mu̶dyiibu̶ miich mjanchpawu̶dijtypyu̶ñ. 16Pu̶du̶'u̶g y tu̶naaygyugu̶'u̶, paady u̶u̶ch tu̶ nayyajni'igu̶xu̶'u̶gyii ma miichu̶ñ neby u̶u̶ch mu̶baad xymyu̶dúñ y xyñidu̶y'ajt'átyu̶ñ du'un neby cham tu̶ m'ixy tu̶ mdu̶kxyu̶ñ y neby jiinu̶ njakyaj'íx njakyajnejwu̶'u̶wa'añu̶ñ. 17U̶u̶ch miich nniwa'anu̶py nyajtzo'ogu̶py ma je̱'e̱ judío ja'ay y nan ma je̱'e̱ ka'pu̶ jyudíoja'ayu̶chu̶ñ ajku̶xy, ma yam cham nguexyu̶ñ. 18Nu̶kx u̶u̶ch je̱'e̱ ndu̶y'ajt jim yajwinju̶wu̶u̶ygyu̶x, wan je̱'e̱ ju̶bu̶kwinma'añ u̶xmajtzku̶xu̶ch, y panú̶kxku̶xu̶ch je̱'e̱ tu̶y'ajt, du'un pyu̶dzu̶u̶mgu̶xu̶ch ma je̱'e̱ mu̶jku'u y'ane̱'e̱mu̶gu̶xyu̶ñ, y panú̶kxku̶xu̶ch je̱'e̱ Dios y'ayuuk tyu̶y'ajt; y mu̶bu̶jkku̶xu̶ch je̱'e̱ ndu̶y'ajtu̶ch, y mu̶'it je̱'e̱ pyoky kyu̶dyeey yajwinmé̱kxku̶xu̶ch, y paatku̶xu̶ch je̱'e̱ tu̶gu̶ydyaakt jiiby tzajpjooty ma je̱'e̱ oyjya'aydyu̶jk wa'adzja'aydyu̶jk y'ijtku̶xyu̶ñ, je̱'e̱ mu̶dyiibu̶ je̱'e̱ Dios tu̶ yajpokyñi'iwa'achu̶ñ.
Pablo kuydyúñ neby je̱'e̱ Dios najty tu̶ ñu̶ma'ayiiju̶ñ
19“Y du'unu̶tz, mu̶jpu̶ ane̱'e̱mbu̶ Agripa, tu̶ u̶u̶ch nguydyúñ mu̶dyiibu̶ u̶u̶ch je̱'e̱ Dios xyaj'ijxu̶ñ choñ tzajpjooty. 20Jim Damasco u̶u̶ch je̱'e̱ Dios y'ayuuk tyu̶y'ajt jayu̶jp ngapxwa'kxy, chi u̶u̶ch jim Jerusalén ngapxwa'kxy y ku̶xyu̶ Judea naaxjooty, y nan ngapxwa'kxu̶ch ma je̱'e̱ ka'pu̶ jyudíoja'ayu̶chu̶ñ ajku̶xy. Nnu̶maaygyu̶xyu̶ch ko wan jootwimbijtku̶xy ma je̱'e̱ Diosu̶ñ, y wan je̱'e̱ Dios y'ayuuk tyu̶y'ajt mu̶bu̶jkku̶xy, y wan je̱'e̱ oybyu̶ tuungu̶xy, wan du'un yajni'igu̶xu̶'kku̶xu̶ch ko tu̶ jyootwimbijtku̶xy ma je̱'e̱ Diosu̶ñ. 21Mu̶u̶d adaa gyu̶xpu̶ u̶u̶ch je̱'e̱ judío ja'ay xymyajtzku̶xy ma je̱'e̱ mu̶jtzajptu̶jku̶ñ, y xyjya'adimyaj'o'ogaañu̶ch ajku̶xy. 22Peru̶ tu̶ u̶u̶ch je̱'e̱ Dios xypyubety xypyudu̶gu̶'u̶y, y ka'p u̶u̶ch nimu̶naa tu̶ n'u̶xtu̶gu̶'u̶wa'agy ma je̱'e̱ y'ayuuk tyu̶y'ajtu̶ñ, nmu̶bu̶jkypyu̶ch je̱'e̱ chamnu̶baad, y ngapxwa'kxypyu̶ch je̱'e̱ Dios y'ayuuk tyu̶y'ajt ma je̱'e̱ ja'ay ku̶xyu̶ ajku̶xyu̶ñ u̶xpu̶kytyu̶jk y ka'pu̶ y'u̶xpu̶kytyu̶jku̶ch ajku̶xy. Nimu̶naaxu̶u̶ u̶u̶ch wiingjáty tu̶ nga'akapxwa'kxy je̱'e̱ mu̶dyiibu̶ je̱'e̱ Dios y'ayuuknajtzkapxu̶u̶ybyu̶du̶jk jékyu̶p jyaaygyu̶xu̶ñ y nan mu̶dyiibu̶ je̱'e̱ Moisés jékyu̶p jyaay neby tyuna'añyii jyada'añyii: 23ko je̱'e̱ Cristo ayo'on jootmáy tzipku̶xp yajnáxu̶ch y y'o'ogu̶ch, y mu̶'it jyuugypyú̶gu̶ch, y ko je̱' je̱'e̱ jayu̶jpu̶ ja'ay mu̶dyiibu̶ juugypyú̶ku̶bu̶ñ ko naty tu̶ y'o'ogy, y yajkapxwa'kxu̶ch je̱'e̱ y'ayuuk tyu̶y'ajt mu̶dyiibu̶ aanu̶mu̶ ni'idzooku̶ñ ye̱jkpu̶ñ ma u̶u̶ch ajtu̶m ajku̶xyu̶ñ je̱'e̱ judío ja'ay, y nan ma je̱'e̱ ka'pu̶ jyudíoja'ayu̶chu̶ñ ajku̶xy.”
Pablo ja'adimy ja'awe̱e̱n je̱'e̱ mu̶j'ane̱'e̱mbu̶ Agripa ka'ayajmu̶bu̶jky je̱'e̱ Jesucristo
24Ko je̱'e̱ Pablo du'un myu̶naañ ko najty ñaygyugapxyii, chi je̱'e̱ Festo mu̶k myu̶naañ:
—¡Mlooku̶ju̶u̶by miich da'a Pablo! Je̱'e̱ may u̶xpu̶jku̶ñ xyajlooku̶ju̶u̶yñu̶py.
25Chi je̱'e̱ Pablo y'adzooy:
—Ka'p u̶u̶ch nlooku̶ju̶ch, miich mu̶jtuungmu̶u̶dpu̶ Festo, je̱'e̱ mu̶dyiibu̶ u̶u̶ch ngapxypu̶ñ, je̱' je̱'e̱ tu̶y'ajtu̶ñ y je̱' je̱'e̱ jaanchpyu̶. 26Chi yu̶'u̶ mu̶j'ane̱'e̱mbu̶ Agripa, ñejwu̶ydyaaby adaa du'umbu̶ ku̶xyu̶ y paady u̶u̶ch amu̶j jootmu̶j nmu̶dya'agy ma yu̶'u̶ wyinduuyu̶ñ; je̱' ko nnejwu̶u̶ybyu̶ch oy ko yu̶'u̶ nandu'un adaa du'umbu̶ ku̶xyu̶ nejwu̶ydya'ay, je̱' ko ka'p adaa du'umbu̶ ayu'uch amechu̶ yajtúñ yaj'íxy. 27¿Nej mmu̶bu̶jkypy miich mu̶j'ane̱'e̱mbu̶ Agripa, du'un neby je̱'e̱ Dios y'ayuuknajtzkapxu̶u̶ybyu̶du̶jk myu̶naañ ajku̶xyu̶ñ? U̶u̶ch nnejwu̶u̶ybyu̶ch ko miich mmu̶bu̶ky.
28Chi je̱'e̱ ane̱'e̱mbu̶ Agripa y'adzooy:
—Janch ja'awe̱e̱n u̶u̶ch je̱'e̱ Jesucristo tu̶ xykya'ayajmu̶bú̶ky.
29Chi je̱'e̱ Pablo myu̶naañ:
—Oy jinjaty we̱njaty y oy mu̶j ku̶je̱e̱ mga'amu̶bú̶ky, peru̶ chojkypy je̱'e̱ Dios ko miich, y nandu'un je̱'e̱ mayjya'ay ku̶xyu̶ mu̶dyiibu̶ u̶u̶ch je̱'e̱ n'ayuuk ya cham xy'amdo'ijtu̶byu̶ñ, mmu̶bu̶jkku̶xu̶ch je̱'e̱ Jesucristo du'un neby u̶u̶chu̶ñ, peru̶ nan ka'p tyimydyu'unu̶ch neby u̶u̶ch yam ngadeenu̶ mu̶u̶du̶chu̶ñ.
30Ko je̱'e̱ Pablo myu̶dyaaktaay, chi je̱'e̱ mu̶j'ane̱'e̱mbu̶ Agripa y je̱'e̱ gobernador Festo tyu̶naayu̶'kku̶xy kipxy mu̶u̶d je̱'e̱ Berenice y mu̶u̶d je̱'e̱ mayjya'ay ku̶xyu̶ mu̶dyiibu̶ najty jiiby u̶ñaaygyu̶xpu̶ñ; 31y chi abu̶kytyuum ñú̶kxku̶xy oy nimu̶dyaakku̶xy je̱'e̱ Pablo pyoky kyu̶dyeey, ñayñu̶maayu̶gu̶xy amíñ u̶xyu̶py:
—Adayaaba ja'ay ka'p adaa ni tii poky tu̶ tuñ, ka'p pyaadyii nu̶kxy y'o'ogy; y nan ka'p it jya'apadyii nu̶kxy pyujxtu̶jk'u̶ña'ay.
32Y chi je̱'e̱ mu̶j'ane̱'e̱mbu̶ Agripa nu̶maay je̱'e̱ gobernador Festo:
—Mu̶baad u̶xyu̶py adaa ja'ay nnajtzmadzu̶u̶yu̶m ko u̶xyu̶py ku̶'u̶m tu̶ kya'anayñibu̶jktzowu̶'u̶yii ko wan tu̶ydyuñyii je̱'e̱ Roma mu̶j'ane̱'e̱mbu̶.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005