Hechos 25
25
Pablo ma je̱'e̱ Festo wyinduuyu̶ñ
1Chi je̱'e̱ Festo gyobernadortu̶gu̶'u̶y, y chi kudu̶gu̶u̶g xu̶u̶ choñ Cesarea y pya'ttu̶gu̶u̶y jim Jerusalén. 2Y jim je̱'e̱ teedy windzú̶n mu̶u̶d je̱'e̱ judío win'ixytyuumbu̶du̶jk nije̱' jaktimyñi'ixu̶'u̶be̱jtku̶xy je̱'e̱ Pablo ma je̱'e̱ Féstoju̶ñ. 3Chi may'ajt yujkwaangu̶xy ma je̱'e̱ gobernador Féstoju̶ñ ko je̱'e̱ Pablo wan kexy jim Jerusalén. Du'un najty tu̶ wyinmaaygyu̶xy ko tu'ugujk yaj'o'ogaangu̶xy. 4Peru̶ chi je̱'e̱ Festo y'adzooy ko je̱'e̱ Pablo najty jim Cesarea tzumy y'ity, y ko najty jim je̱' ku̶'u̶m mu̶k'eemby nu̶kxaanu̶bu̶py jim Cesarea. 5Chi ñu̶maayu̶ ajku̶xy:
—Paady je̱'e̱ mduungmu̶u̶dpu̶du̶jk mu̶baad kipxy ñú̶kxku̶xy mu̶u̶d u̶u̶ch jim Cesarea, y pu̶nu̶ tu̶ je̱'e̱ Pablo tyuundu̶góy mu̶baad jim mxu̶'u̶gu̶xy.
6Festo je'eyu̶ je̱'e̱ jim Jerusalén tuktujk xu̶u̶ majk xu̶u̶ y'ijty, chi Cesarea wyimbijtnu̶ba. Chi kujaboom ñu̶kxy ma je̱'e̱ tu̶ydyuundaaktu̶ñ, mu̶'it je̱'e̱ Pablo kapxyñiguejxy ko wan yajmiñyii. 7Ko je̱'e̱ Pablo tyu̶gu̶u̶y ma je̱'e̱ tu̶ydyuundaaktu̶ñ, chi je̱'e̱ judío ja'ay mu̶k'eemby jyu'ubigu̶ydyaayu̶gu̶xy mu̶dyiibu̶ najty Jerusalén tu̶ chóngu̶xyu̶ñ y jyakni'ixu̶'u̶be̱jtu̶ ajku̶xy mu̶u̶d je̱'e̱ xu̶'u̶wu̶ñ ka'anaagnáx ko najty mu̶j tu̶ tyuundu̶góy, y ka'p ni tii tu̶y'ajt mu̶gu̶xu̶'kku̶xy. 8Chi je̱'e̱ Pablo ñaygyugapxu̶ myu̶naañ:
—U̶u̶ch ka'p u̶u̶ch ni tii tu̶ nduundu̶góy, ni tu̶ nga'amu̶duundu̶góyu̶ch je̱'e̱ judío ja'ay y'ane̱'e̱mu̶ñ ajku̶xy ni je̱'e̱ mu̶jtzajptu̶jk y ni je̱'e̱ Roma mu̶j'ane̱'e̱mbu̶.
9Peru̶ je̱'e̱ Festo wyu̶'u̶ma'añ najty oy mu̶u̶d je̱'e̱ judío ja'ay ajku̶xy, chi je̱'e̱ Pablo yajtu̶u̶y:
—¿Nej mnu̶kxaamb jim Jerusalén, y jim mu̶baad ndu̶ydyúñ?
10Chi je̱'e̱ Pablo y'adzooy:
—Cha u̶u̶ch cham ma je̱'e̱ ku'utujktaakt mu̶dyiibu̶ je̱'e̱ Roma mu̶j'ane̱'e̱mbu̶ y'ane'embyu̶ñ, ma u̶u̶ch mu̶baad nyajtu̶ydyuñu̶ñ. Je̱' ko wa'adzu̶ miich mnejwu̶ydya'ay ko u̶u̶ch ka'p ni tii tu̶ nduundu̶góy ma yu̶'u̶ judío ja'ay ajku̶xyu̶ñ. 11Pu̶nu̶ tu̶ u̶u̶ch nduundu̶góy mu̶dyiibu̶ u̶u̶ch mu̶baad ngu'u'o'ogu̶'u̶y, ka'p u̶u̶ch je̱'e̱ n'o'ku̶ñ ndzu̶gu̶'u̶y. Peru̶ pu̶nu̶ ka'p jii ni tii tu̶y'ajt du'un neby u̶u̶ch yu̶'u̶ xyu̶'u̶gu̶xyu̶ñ, ni pu̶n je̱'e̱ ane̱'e̱mu̶ñ ka'amu̶u̶du̶ch nú̶kxyu̶ch xykyu̶'u̶yéky ma yu̶'u̶ ajku̶xyu̶ñ. Nyujkwe̱e̱mbyu̶ch ko u̶u̶ch je̱'e̱ Roma mu̶j'ane̱'e̱mbu̶ wan ku̶'u̶m xytyu̶ydyúñ.
12Mu̶'it je̱'e̱ Festo yajtu̶u̶y je̱'e̱ tyuungmu̶u̶dpu̶du̶jk ajku̶xy, y chi je̱'e̱ Pablo nu̶maay:
—Pu̶nu̶ miich du'un mu̶naamb ko nu̶kxy jim myajtu̶ydyuna'añ ma je̱'e̱ Roma mu̶j'ane̱'e̱mbu̶ju̶ñ, pues jimdu̶n ngué̱xu̶ch.
Pablo ma je̱'e̱ mu̶j'ane̱'e̱mbu̶ Agripa wyinduuyu̶ñ
13Tu̶ najty je̱'e̱ xu̶u̶ tiempo we̱e̱nu̶ ñajxkojnu̶ ko je̱'e̱ mu̶j'ane̱'e̱mbu̶ Agripa mu̶u̶d je̱'e̱ Berenice kyu̶daakku̶xy jim Cesarea, mu̶gapx yajpokxaangu̶xy je̱'e̱ Festo. 14Je̱' ko jeky je̱'e̱ muj'ane̱'e̱mbu̶ Agripa jim wya'kxu̶jpku̶xy, chi je̱'e̱ Festo yajmu̶dmu̶dyaaky je̱'e̱ mu̶j'ane̱'e̱mbu̶ Agripa je̱'e̱ Pablo y'ayo'on jyootmáy y nu̶maay:
—Jii ja'ay ya tu'ug mu̶dyiibu̶ je̱'e̱ Félix tzumy yajwu̶'u̶mu̶ñ. 15Ko u̶u̶ch jim Jerusalén n'ooy, chi u̶u̶ch je̱'e̱ teedy windzu̶ndu̶jk y je̱'e̱ judío amu̶jja'aydyu̶jk xymyu̶xu̶'u̶gu̶xy, ni'anukxu̶u̶ygyu̶xy je̱'e̱ Pablo ko u̶u̶ch nyaj'o'ogu̶ch. 16Chi u̶u̶ch n'adzooy ko je̱'e̱ romano ja'ay ane̱'e̱mu̶ñ du'un ka'p mu̶u̶du̶ch nu̶kxy je̱'e̱ tzumyjya'ay yaj'o'kku̶xy ma naty ka'anu̶ ñayyaj'awingujku̶u̶yu̶gu̶xy mu̶u̶d je̱'e̱ mu̶dyiibu̶ naty mu̶u̶d ñayxu̶'u̶yii, wan ñaygyugapxu̶u̶ju̶ch neby naty tu̶ xyu̶'u̶yiiju̶ñ. 17Paady ko je̱'e̱ judío ja'ay ya y'ooygyu̶xy, ka'p u̶u̶ch je̱'e̱ nxu̶u̶ ndiempo nigoo nyajtu̶gooy, y kujaboom u̶u̶ch nnu̶kxy ma u̶u̶ch je̱'e̱ n'ane̱'e̱mdaaktu̶ñ y ngapxyñiguejxyu̶ch je̱'e̱ Pablo ko wan yajmiñyii. 18Peru̶ je̱'e̱ mu̶dyiibu̶ ya ooygyu̶xu̶ñ xu̶'u̶bu̶, ka'p najty je̱'e̱ ni tii ayuuk mu̶dajtku̶xy, du'un neby u̶u̶ch najty nigoo nnaywyin'u̶u̶nu̶bu̶ju̶ñ. 19Timy je'eyu̶ du'un myu̶naangu̶xy ko najty tu̶ tyuundu̶góy ma je̱'e̱ kyostumbre winma'añ ajku̶xyu̶ñ, y ko je̱'e̱ ja'ay tu'ug mu̶dyiibu̶ xu̶u̶'ajtpu̶ñ Jesús mu̶dyiibu̶ o'ku̶ñ y ko je̱'e̱ Pablo du'un myu̶na'añ ko je̱' jyuugyu̶ch. 20Je̱' ko ka'p u̶u̶ch najty nnejwu̶'u̶y tii u̶u̶ch ndúnu̶byu̶ñ mu̶u̶d adayaaba winma'añ, chi u̶u̶ch je̱'e̱ Pablo nyajtu̶u̶y pu̶nu̶ nu̶kxaamb najty Jerusalén y ndu̶ydyúnu̶chu̶ch jim. 21Peru̶ je̱' du'un ku̶'u̶m amdoow ko ni'igu̶ oy ko jim yajtu̶ydyúnu̶ch ma je̱'e̱ mu̶j'ane̱'e̱mbu̶ mu̶dyiibu̶ jim Roma ane̱'e̱mbu̶ñ, y chi u̶u̶ch je̱'e̱ ane̱'e̱mu̶ñ nyejky ko wan jakpujxtu̶jk'u̶ña'ay u̶xtu̶ koonu̶ u̶u̶ch nyajmu̶baad'ádu̶ch mu̶naa u̶u̶ch jim ngué̱xu̶chu̶ñ.
22Mu̶'it je̱'e̱ mu̶j'ane̱'e̱mbu̶ Agripa nu̶maay je̱'e̱ Festo:
—Nan nja'a''amdo'ide̱e̱mbyu̶ch je̱'e̱ Pablo y'ayuuk u̶u̶ch nandu'un.
Y chi je̱'e̱ Festo y'adzooy:
—Pues jaboom je̱'e̱ y'ayuuk m'amdo'ijtu̶yu̶ch.
23Kujaboom je̱'e̱ Agripa mu̶u̶d je̱'e̱ Berenice myiingu̶xy y tyu̶gu̶u̶ygyu̶xy winxu'uxy winwopy ma je̱'e̱ tu̶ydyuundaaktu̶ñ mu̶u̶d je̱'e̱ tziptuumbu̶ windzú̶n ajku̶xy y mu̶u̶d je̱'e̱ judío kajptja'ay ajku̶xy. Chi je̱'e̱ Festo niduungu̶u̶y je̱'e̱ Pablo ko wan nu̶kxy yajtzooñyii, 24y myu̶naañ:
—Mu̶j'ane̱'e̱mbu̶ Agripa, y nigu̶xyu̶ miich ajku̶xy mu̶dyii ya tu̶ ñayyo'oymyujku̶gu̶xy mu̶u̶d u̶u̶ch ajku̶xy, chaa je̱'e̱ ja'ay mu̶dyiibu̶ je̱'e̱ judío ja'ay tu̶ xyu̶'u̶yii ma u̶u̶chu̶ñ, tu̶ u̶u̶ch jim Jerusalén xymyu̶xu̶'u̶gu̶xy y nandu'un ya Cesarea, y ka'p u̶u̶ch xytyimymyu̶moongu̶xy xyjyanchnu̶maaygyu̶xyu̶ch ko u̶u̶ch nyaj'o'ogu̶ch, 25peru̶ ka'p yu̶'u̶ tii tu̶ tuundu̶góy, paady u̶u̶ch ka'p mu̶baad nyaj'o'ogy. Nan yu̶'u̶ ku̶'u̶m tu̶ ñayñibu̶jktzowu̶'u̶yii ko jim yajtu̶ydyúnu̶ch ma je̱'e̱ Roma Mu̶j'ane̱'e̱mbu̶ju̶ñ, y tu̶ u̶u̶ch du'un ngu'ubú̶ky ko u̶u̶ch jim ngue̱xa'añ. 26Je̱' ko ka'p u̶u̶ch ni tii tu̶y'ajt nmu̶u̶du̶ch neby u̶u̶ch je̱'e̱ nwindzú̶n nijayu̶'u̶wu̶chu̶ñ je̱'e̱ mu̶j'ane̱'e̱mbu̶ jim Roma mu̶u̶d yu̶'u̶ gyu̶xpu̶, paady u̶u̶ch tu̶ nyajwomiiñyii ma miich ajku̶xyu̶ñ, y timy jayu̶jp ma miich mwinduuyu̶ñ, mu̶j'ane̱'e̱mbu̶ Agripa, y ko u̶u̶ch naty tu̶ n'oktu̶ydyúñ; jim u̶u̶ch naty je̱'e̱ ngapxu̶u̶ku̶ñ neby u̶u̶ch je̱'e̱ nwindzú̶n mu̶baad nijayu̶'u̶yu̶ñ. 27Je̱' ko ka'p du'un y'óyu̶ch nnú̶kxyu̶ch je̱'e̱ tzumyjya'ay tu'ug nguexy jim ma je̱'e̱ mu̶j'ane̱'e̱mbu̶ju̶ñ, pu̶nu̶ ka'p u̶u̶ch naty jayu̶jp n'awaanu̶yu̶ neby naty xyu̶'u̶yu̶chu̶ñ.
Currently Selected:
Hechos 25: MIXE
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Hechos 25
25
Pablo ma je̱'e̱ Festo wyinduuyu̶ñ
1Chi je̱'e̱ Festo gyobernadortu̶gu̶'u̶y, y chi kudu̶gu̶u̶g xu̶u̶ choñ Cesarea y pya'ttu̶gu̶u̶y jim Jerusalén. 2Y jim je̱'e̱ teedy windzú̶n mu̶u̶d je̱'e̱ judío win'ixytyuumbu̶du̶jk nije̱' jaktimyñi'ixu̶'u̶be̱jtku̶xy je̱'e̱ Pablo ma je̱'e̱ Féstoju̶ñ. 3Chi may'ajt yujkwaangu̶xy ma je̱'e̱ gobernador Féstoju̶ñ ko je̱'e̱ Pablo wan kexy jim Jerusalén. Du'un najty tu̶ wyinmaaygyu̶xy ko tu'ugujk yaj'o'ogaangu̶xy. 4Peru̶ chi je̱'e̱ Festo y'adzooy ko je̱'e̱ Pablo najty jim Cesarea tzumy y'ity, y ko najty jim je̱' ku̶'u̶m mu̶k'eemby nu̶kxaanu̶bu̶py jim Cesarea. 5Chi ñu̶maayu̶ ajku̶xy:
—Paady je̱'e̱ mduungmu̶u̶dpu̶du̶jk mu̶baad kipxy ñú̶kxku̶xy mu̶u̶d u̶u̶ch jim Cesarea, y pu̶nu̶ tu̶ je̱'e̱ Pablo tyuundu̶góy mu̶baad jim mxu̶'u̶gu̶xy.
6Festo je'eyu̶ je̱'e̱ jim Jerusalén tuktujk xu̶u̶ majk xu̶u̶ y'ijty, chi Cesarea wyimbijtnu̶ba. Chi kujaboom ñu̶kxy ma je̱'e̱ tu̶ydyuundaaktu̶ñ, mu̶'it je̱'e̱ Pablo kapxyñiguejxy ko wan yajmiñyii. 7Ko je̱'e̱ Pablo tyu̶gu̶u̶y ma je̱'e̱ tu̶ydyuundaaktu̶ñ, chi je̱'e̱ judío ja'ay mu̶k'eemby jyu'ubigu̶ydyaayu̶gu̶xy mu̶dyiibu̶ najty Jerusalén tu̶ chóngu̶xyu̶ñ y jyakni'ixu̶'u̶be̱jtu̶ ajku̶xy mu̶u̶d je̱'e̱ xu̶'u̶wu̶ñ ka'anaagnáx ko najty mu̶j tu̶ tyuundu̶góy, y ka'p ni tii tu̶y'ajt mu̶gu̶xu̶'kku̶xy. 8Chi je̱'e̱ Pablo ñaygyugapxu̶ myu̶naañ:
—U̶u̶ch ka'p u̶u̶ch ni tii tu̶ nduundu̶góy, ni tu̶ nga'amu̶duundu̶góyu̶ch je̱'e̱ judío ja'ay y'ane̱'e̱mu̶ñ ajku̶xy ni je̱'e̱ mu̶jtzajptu̶jk y ni je̱'e̱ Roma mu̶j'ane̱'e̱mbu̶.
9Peru̶ je̱'e̱ Festo wyu̶'u̶ma'añ najty oy mu̶u̶d je̱'e̱ judío ja'ay ajku̶xy, chi je̱'e̱ Pablo yajtu̶u̶y:
—¿Nej mnu̶kxaamb jim Jerusalén, y jim mu̶baad ndu̶ydyúñ?
10Chi je̱'e̱ Pablo y'adzooy:
—Cha u̶u̶ch cham ma je̱'e̱ ku'utujktaakt mu̶dyiibu̶ je̱'e̱ Roma mu̶j'ane̱'e̱mbu̶ y'ane'embyu̶ñ, ma u̶u̶ch mu̶baad nyajtu̶ydyuñu̶ñ. Je̱' ko wa'adzu̶ miich mnejwu̶ydya'ay ko u̶u̶ch ka'p ni tii tu̶ nduundu̶góy ma yu̶'u̶ judío ja'ay ajku̶xyu̶ñ. 11Pu̶nu̶ tu̶ u̶u̶ch nduundu̶góy mu̶dyiibu̶ u̶u̶ch mu̶baad ngu'u'o'ogu̶'u̶y, ka'p u̶u̶ch je̱'e̱ n'o'ku̶ñ ndzu̶gu̶'u̶y. Peru̶ pu̶nu̶ ka'p jii ni tii tu̶y'ajt du'un neby u̶u̶ch yu̶'u̶ xyu̶'u̶gu̶xyu̶ñ, ni pu̶n je̱'e̱ ane̱'e̱mu̶ñ ka'amu̶u̶du̶ch nú̶kxyu̶ch xykyu̶'u̶yéky ma yu̶'u̶ ajku̶xyu̶ñ. Nyujkwe̱e̱mbyu̶ch ko u̶u̶ch je̱'e̱ Roma mu̶j'ane̱'e̱mbu̶ wan ku̶'u̶m xytyu̶ydyúñ.
12Mu̶'it je̱'e̱ Festo yajtu̶u̶y je̱'e̱ tyuungmu̶u̶dpu̶du̶jk ajku̶xy, y chi je̱'e̱ Pablo nu̶maay:
—Pu̶nu̶ miich du'un mu̶naamb ko nu̶kxy jim myajtu̶ydyuna'añ ma je̱'e̱ Roma mu̶j'ane̱'e̱mbu̶ju̶ñ, pues jimdu̶n ngué̱xu̶ch.
Pablo ma je̱'e̱ mu̶j'ane̱'e̱mbu̶ Agripa wyinduuyu̶ñ
13Tu̶ najty je̱'e̱ xu̶u̶ tiempo we̱e̱nu̶ ñajxkojnu̶ ko je̱'e̱ mu̶j'ane̱'e̱mbu̶ Agripa mu̶u̶d je̱'e̱ Berenice kyu̶daakku̶xy jim Cesarea, mu̶gapx yajpokxaangu̶xy je̱'e̱ Festo. 14Je̱' ko jeky je̱'e̱ muj'ane̱'e̱mbu̶ Agripa jim wya'kxu̶jpku̶xy, chi je̱'e̱ Festo yajmu̶dmu̶dyaaky je̱'e̱ mu̶j'ane̱'e̱mbu̶ Agripa je̱'e̱ Pablo y'ayo'on jyootmáy y nu̶maay:
—Jii ja'ay ya tu'ug mu̶dyiibu̶ je̱'e̱ Félix tzumy yajwu̶'u̶mu̶ñ. 15Ko u̶u̶ch jim Jerusalén n'ooy, chi u̶u̶ch je̱'e̱ teedy windzu̶ndu̶jk y je̱'e̱ judío amu̶jja'aydyu̶jk xymyu̶xu̶'u̶gu̶xy, ni'anukxu̶u̶ygyu̶xy je̱'e̱ Pablo ko u̶u̶ch nyaj'o'ogu̶ch. 16Chi u̶u̶ch n'adzooy ko je̱'e̱ romano ja'ay ane̱'e̱mu̶ñ du'un ka'p mu̶u̶du̶ch nu̶kxy je̱'e̱ tzumyjya'ay yaj'o'kku̶xy ma naty ka'anu̶ ñayyaj'awingujku̶u̶yu̶gu̶xy mu̶u̶d je̱'e̱ mu̶dyiibu̶ naty mu̶u̶d ñayxu̶'u̶yii, wan ñaygyugapxu̶u̶ju̶ch neby naty tu̶ xyu̶'u̶yiiju̶ñ. 17Paady ko je̱'e̱ judío ja'ay ya y'ooygyu̶xy, ka'p u̶u̶ch je̱'e̱ nxu̶u̶ ndiempo nigoo nyajtu̶gooy, y kujaboom u̶u̶ch nnu̶kxy ma u̶u̶ch je̱'e̱ n'ane̱'e̱mdaaktu̶ñ y ngapxyñiguejxyu̶ch je̱'e̱ Pablo ko wan yajmiñyii. 18Peru̶ je̱'e̱ mu̶dyiibu̶ ya ooygyu̶xu̶ñ xu̶'u̶bu̶, ka'p najty je̱'e̱ ni tii ayuuk mu̶dajtku̶xy, du'un neby u̶u̶ch najty nigoo nnaywyin'u̶u̶nu̶bu̶ju̶ñ. 19Timy je'eyu̶ du'un myu̶naangu̶xy ko najty tu̶ tyuundu̶góy ma je̱'e̱ kyostumbre winma'añ ajku̶xyu̶ñ, y ko je̱'e̱ ja'ay tu'ug mu̶dyiibu̶ xu̶u̶'ajtpu̶ñ Jesús mu̶dyiibu̶ o'ku̶ñ y ko je̱'e̱ Pablo du'un myu̶na'añ ko je̱' jyuugyu̶ch. 20Je̱' ko ka'p u̶u̶ch najty nnejwu̶'u̶y tii u̶u̶ch ndúnu̶byu̶ñ mu̶u̶d adayaaba winma'añ, chi u̶u̶ch je̱'e̱ Pablo nyajtu̶u̶y pu̶nu̶ nu̶kxaamb najty Jerusalén y ndu̶ydyúnu̶chu̶ch jim. 21Peru̶ je̱' du'un ku̶'u̶m amdoow ko ni'igu̶ oy ko jim yajtu̶ydyúnu̶ch ma je̱'e̱ mu̶j'ane̱'e̱mbu̶ mu̶dyiibu̶ jim Roma ane̱'e̱mbu̶ñ, y chi u̶u̶ch je̱'e̱ ane̱'e̱mu̶ñ nyejky ko wan jakpujxtu̶jk'u̶ña'ay u̶xtu̶ koonu̶ u̶u̶ch nyajmu̶baad'ádu̶ch mu̶naa u̶u̶ch jim ngué̱xu̶chu̶ñ.
22Mu̶'it je̱'e̱ mu̶j'ane̱'e̱mbu̶ Agripa nu̶maay je̱'e̱ Festo:
—Nan nja'a''amdo'ide̱e̱mbyu̶ch je̱'e̱ Pablo y'ayuuk u̶u̶ch nandu'un.
Y chi je̱'e̱ Festo y'adzooy:
—Pues jaboom je̱'e̱ y'ayuuk m'amdo'ijtu̶yu̶ch.
23Kujaboom je̱'e̱ Agripa mu̶u̶d je̱'e̱ Berenice myiingu̶xy y tyu̶gu̶u̶ygyu̶xy winxu'uxy winwopy ma je̱'e̱ tu̶ydyuundaaktu̶ñ mu̶u̶d je̱'e̱ tziptuumbu̶ windzú̶n ajku̶xy y mu̶u̶d je̱'e̱ judío kajptja'ay ajku̶xy. Chi je̱'e̱ Festo niduungu̶u̶y je̱'e̱ Pablo ko wan nu̶kxy yajtzooñyii, 24y myu̶naañ:
—Mu̶j'ane̱'e̱mbu̶ Agripa, y nigu̶xyu̶ miich ajku̶xy mu̶dyii ya tu̶ ñayyo'oymyujku̶gu̶xy mu̶u̶d u̶u̶ch ajku̶xy, chaa je̱'e̱ ja'ay mu̶dyiibu̶ je̱'e̱ judío ja'ay tu̶ xyu̶'u̶yii ma u̶u̶chu̶ñ, tu̶ u̶u̶ch jim Jerusalén xymyu̶xu̶'u̶gu̶xy y nandu'un ya Cesarea, y ka'p u̶u̶ch xytyimymyu̶moongu̶xy xyjyanchnu̶maaygyu̶xyu̶ch ko u̶u̶ch nyaj'o'ogu̶ch, 25peru̶ ka'p yu̶'u̶ tii tu̶ tuundu̶góy, paady u̶u̶ch ka'p mu̶baad nyaj'o'ogy. Nan yu̶'u̶ ku̶'u̶m tu̶ ñayñibu̶jktzowu̶'u̶yii ko jim yajtu̶ydyúnu̶ch ma je̱'e̱ Roma Mu̶j'ane̱'e̱mbu̶ju̶ñ, y tu̶ u̶u̶ch du'un ngu'ubú̶ky ko u̶u̶ch jim ngue̱xa'añ. 26Je̱' ko ka'p u̶u̶ch ni tii tu̶y'ajt nmu̶u̶du̶ch neby u̶u̶ch je̱'e̱ nwindzú̶n nijayu̶'u̶wu̶chu̶ñ je̱'e̱ mu̶j'ane̱'e̱mbu̶ jim Roma mu̶u̶d yu̶'u̶ gyu̶xpu̶, paady u̶u̶ch tu̶ nyajwomiiñyii ma miich ajku̶xyu̶ñ, y timy jayu̶jp ma miich mwinduuyu̶ñ, mu̶j'ane̱'e̱mbu̶ Agripa, y ko u̶u̶ch naty tu̶ n'oktu̶ydyúñ; jim u̶u̶ch naty je̱'e̱ ngapxu̶u̶ku̶ñ neby u̶u̶ch je̱'e̱ nwindzú̶n mu̶baad nijayu̶'u̶yu̶ñ. 27Je̱' ko ka'p du'un y'óyu̶ch nnú̶kxyu̶ch je̱'e̱ tzumyjya'ay tu'ug nguexy jim ma je̱'e̱ mu̶j'ane̱'e̱mbu̶ju̶ñ, pu̶nu̶ ka'p u̶u̶ch naty jayu̶jp n'awaanu̶yu̶ neby naty xyu̶'u̶yu̶chu̶ñ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005