Hechos 27
27
Pablo jim Roma yajnu̶kxyii
1Ko niwinmayu̶u̶ygyu̶xy ko u̶u̶ch jim Italia xykye̱xaangu̶xy, chi je̱'e̱ Pablo yajku̶'u̶yejky mu̶u̶d je̱'e̱ pujxtu̶jkja'ay nimay ma tu'ug je̱'e̱ soldado windzú̶n mu̶dyiibu̶ najty xu̶u̶'ajtpu̶ñ Julio, je̱'e̱ mu̶dyiibu̶ najty je̱'e̱ tziptuumbu̶tu̶jk tu'kpú̶ky niwindzu̶n'ajtp mu̶dyiibu̶ xu̶u̶'ajtpu̶ñ je̱'e̱ Mu̶j'ane̱'e̱mbu̶ syoldadotu̶jk. 2Chi u̶u̶ch ndu̶gu̶u̶ygyu̶xy ma tu'ug barco mu̶dyiibu̶ tzombu̶ñ jim Adramitio, je̱'e̱ mu̶dyiibu̶ najty timychonaamb ñu̶kxa'añ ma je̱'e̱ barco ni'igu̶daaktaakt nije̱' jim Asia naaxjooty. Tzooñ najty nandu'un mu̶u̶d u̶u̶ch ajku̶xy je̱'e̱ Aristarco, je̱'e̱ mu̶dyiibu̶ najty Tesalónica kugajptu̶ñ jim Macedonia naaxjooty. 3Kujaboom u̶u̶ch nja'tku̶xy ma je̱'e̱ barco ni'igu̶daaktaaktu̶ñ jim Sidón. Jim je̱'e̱ Julio Dios y'adu̶gu̶u̶y jyoottu̶gu̶u̶yu̶ pa'a''ayooy je̱'e̱ Pablo, awaatzu̶ je̱'e̱ ñu̶u̶ tyu'u ko wan nu̶kxy ku'ixy mu̶gapxy je̱'e̱ myu̶gu'ugtu̶jk ajku̶xy y wan je̱' yajkáy yaj'u'ugu̶u̶ju̶ch ajku̶xy. 4Ko u̶u̶ch jim Sidón ndzóngu̶xy, chi je̱'e̱ naax mejy'agujkpu̶ oy wyu̶'u̶mnu̶ anajty'eemby mu̶dyiibu̶ xu̶u̶'ajtpu̶ñ Chipre, je̱' ko je̱'e̱ poj najty jim mu̶k janch ju̶jpkuboju̶'u̶y je̱'e̱ barco, paady u̶u̶ch wiingtuuy nnu̶kxu̶u̶ygyu̶xy. 5Chi u̶u̶ch nnajxku̶xy mu̶wingón mejypya'a ma je̱'e̱ Cilicia naaxjooty y Panfilia naaxjootyu̶ñ, oy u̶u̶ch nja'tku̶xy jim Mira, jim ma tu'ug kajpt Licia naaxjooty.
6Jim Mira je̱'e̱ soldado windzú̶n Alejandría barco tu'ug paaty, je̱'e̱ mu̶dyiibu̶ najty jim Italia nu̶kxaambu̶ñ, chi u̶u̶ch xyajbarcu̶tu̶gu̶u̶ygyu̶xy y nnú̶kxyu̶ch ajku̶xy. 7Ka'anaagxu̶u̶ u̶u̶ch janch udye'egy ndu'uyo'oygyu̶xy, y janch adzaachu̶ch nja'tku̶xy mu̶wingón je̱'e̱ Gnido kajpt. Je̱' ko je̱'e̱nu̶ najty je̱'e̱ poj je̱'e̱ barco janch ju̶jpkuboju̶'u̶yñu̶. Najxku̶xu̶ch mu̶wingón je̱'e̱ Salomón kajpt y nju'uyo'oyñajxku̶xu̶ch je̱'e̱ Creta naax mejy'agujkpu̶. 8Y janch nimu̶jaaju̶ch tu'kmejypya'a'aay nnú̶kxku̶xy, u̶xtu̶ nja'tku̶xyu̶ch ma je̱'e̱ barco ni'igu̶daaktaak mu̶dyiibu̶ xu̶u̶'ajtpu̶ñ Buenos Puertos, mu̶wingón je̱'e̱ kajpt mu̶dyiibu̶ xu̶u̶'ajtpu̶ñ Lasea.
9Tu̶ u̶u̶ch najty mayxu̶u̶ njanchxu̶u̶du̶gooygyu̶xnu̶, y janch mu̶k najty je̱'e̱ barco yaj'yo'oyu̶u̶ kyudzu̶gu̶'u̶ñdyu̶ch, je̱' ko tu̶ najty je̱'e̱ tu̶u̶chpyoj tiempo wyingoonu̶.#27.9 Je̱' ko tu̶ najty je̱'e̱ tu̶u̶chpyoj tiempo wyingoonu̶: Je̱' je̱'e̱ du'un tyijpy; je̱' ko tu̶ najty je̱'e̱ ayuuxu̶u̶ tiempo ñajxnu̶. Je̱' je̱'e̱ Pablo du'un ñimu̶dyaakypy je̱'e̱ pokymye̱kxu̶ñ xu̶u̶ mu̶naa je̱'e̱ judío ja'ay y'ayuu'átyu̶ñ ajku̶xy. Ma je̱'e̱ judío calendario Tishri, y ma je̱'e̱ ngalendario ajtu̶m ajku̶xyu̶ñ jii je̱'e̱ du'un paady (Septiembre ku̶jxp u̶xtu̶ majk'aamb octubre). Paady je̱'e̱ Pablo du'un nigapxy je̱'e̱ jumu̶jtjooty mu̶naa je̱'e̱ du'un tyuunu̶ jyajtu̶ju̶ñ (ijxku̶x je̱'e̱ v. 12). Paady je̱'e̱ Pablo je̱'e̱ tziptuumbu̶ windzú̶n ja'awingápx ja'aju̶jpkapxu̶u̶y; myu̶naañ:
10—Windzu̶ndu̶jk, janch kudzu̶gu̶'u̶ñ jada'achám ko barcu̶jooty nnú̶kxu̶mu̶ch ajku̶xy, y nnejwu̶u̶byu̶ch ko nyajtu̶goyaanu̶mpy je̱'e̱ barco mu̶u̶d je̱'e̱ ñidzu̶my ñigu̶'u̶y, y nan tzojku̶ n'o'ktaayu̶mu̶ch ajku̶xy.
11Peru̶ je̱'e̱ tziptuumbu̶ windzú̶n myu̶jpu̶daaku̶ je̱'e̱ barco niwindzú̶n y je̱'e̱ barco yaj'yo'oybyu̶ y'ayuuk ni'igyu̶, ni'igu̶ ka'p je̱'e̱ Pablo y'ayuuku̶ñu̶ba. 12Je̱' ko ka'p najty je̱'e̱ barco ni'igu̶daaktaakt y'óyu̶ch nnú̶kxyu̶ch je̱'e̱ tu̶u̶chpyoj tiempo jim nyajnajxku̶xy, chi je̱'e̱ jaknimaybyu̶ ja'ay wyinmaaygyu̶xy ko je̱'e̱ barco mu̶baad jyakyo'oy, ok'ijxmadzaangu̶xy pu̶nu̶ okjakja'tp jim Fenice ma je̱'e̱ Creta naaxjootyu̶ñ, jim ma tu'ug barco ni'igu̶daaktaakt ma najty ka'p mu̶k jyatypyojyu̶ñ y nyajnaxaangu̶xyu̶ch je̱'e̱ tu̶u̶chpyoj tiempo jim.
Je̱'e̱ mu̶kpoj ma je̱'e̱ mejyu̶ñ
13Ko je̱'e̱ ju̶u̶nboj we̱e̱nu̶ pyu̶dzu̶u̶my, mu̶'it wyinmaaydyu̶gajch ajku̶xy ko je̱'e̱ barco mu̶baad jyaktu'uyo'oy, chi je̱'e̱ barco yaj'yo'oychóngu̶xy y yajnú̶kxku̶xy mejypya'a'aay, mejypya'a'aay mu̶wingón je̱'e̱ Creta naaxjooty. 14Peru̶ ko we̱e̱nu̶ y'ijty, chi je̱'e̱ mu̶kpoj myiiñ ma je̱'e̱ tu̶u̶chpyoj pyu̶dzu̶myu̶ñ, mu̶dyiibu̶ je̱'e̱ ja'ay tyijpyu̶ñ ajku̶xy nordeste, 15y yajtu'udu̶gajch je̱'e̱ barco, y je̱' ko ka'p u̶u̶ch najty ndimyo'oygue̱e̱kku̶xnu̶ je̱' ko najty jyanchpojy, chi u̶u̶ch je̱'e̱ poj xyajnú̶kxku̶xy ma najty timychokyu̶ñ. 16Nnajxku̶xu̶ch ma tu'ug mutzpu̶ naax mejy'agujkpu̶ mu̶dyiibu̶ xu̶u̶'ajtpu̶ñ Cauda, mu̶dyiibu̶ ju̶xku̶'u̶by'eemby wu̶'u̶mbu̶ñ ma najty ka'p mu̶k jyatypyojyu̶ñ, y adzaach u̶u̶ch je̱'e̱ mutzk barco nyujku̶u̶ygyu̶xy mu̶dyiibu̶ najty u̶xxodzu̶'u̶y miimb ma je̱'e̱ mu̶jpu̶ bárcu̶ju̶ñ. 17Ko je̱'e̱ mutzk barco yujku̶u̶ygyu̶xy, chi mayxyaach yajtuungu̶xy y yajta'tzpu̶jkku̶xy je̱'e̱ barco. Mu̶'it je̱' ko janch tzu̶gu̶u̶ygyu̶xp najty ko je̱'e̱ barco jim chu̶u̶mnú̶kxu̶gu̶xu̶ch ma je̱'e̱ mejy ka'p kyómu̶chu̶ñ ma pyu'ujootyu̶chu̶ñ mu̶dyiibu̶ xu̶u̶'ajtpu̶ñ Sirte, chi je̱'e̱ barco kepy nu̶u̶wingú̶xy yaj'u̶xxodzu̶u̶ygyu̶xy#27.17 Chi je̱'e̱ barco kepy nu̶u̶wingú̶xy yaj'u̶xxodzu̶u̶ygyu̶xy: kepy du'undu̶gu̶u̶by neby je̱'e̱ wu̶u̶ydyu̶ñ ka'pu̶ je̱'e̱ barco mu̶k yo'oygywe̱'e̱gu̶ch. Nije̱' wiingpu̶ jaaybyu̶du̶jk myu̶naangu̶xy: chi je̱'e̱ wit yajmu̶najky ajku̶xy mu̶dyiibu̶ pojmu̶miinu̶bu̶ñ. y chi ñayye̱jku̶gu̶xy ko je̱'e̱ poj wan yajnú̶kxu̶gu̶xyu̶. 18Y kujaboom, janch mu̶knu̶ najty pyojy, chi je̱'e̱ tzu̶my ku̶'u̶y mejykyu'uju̶bijptaaygyu̶xy mu̶dyiibu̶ je̱'e̱ barco najty yajnú̶kxypyu̶ñ, 19y kudu̶gu̶u̶g xu̶u̶ je̱'e̱ tuumbe̱jt nandu'un mejykyu'uju̶bijptaaygyu̶xy mu̶dyiibu̶ je̱'e̱ barco najty yajtuumbyu̶ñ. 20Tu̶ najty ka'anaagxu̶u̶ y'ijtnu̶, y ka'p u̶u̶ch najty xu̶u̶ mu̶dza'a maa n'ok'ijxku̶xnu̶, je̱' ko najty mu̶k jyanchpojy mu̶dyiibu̶ u̶u̶ch najty xyjyanchyajtu'uyo'oygyu̶xpu̶ñ, du'un u̶u̶ch najty nmu̶naangu̶xnu̶ tu̶ u̶u̶ch ndijy najty jidu̶baad njuugy'ajtku̶xy y ka'p u̶u̶ch ndijy najty ni'idzooktaakt maa n'okpadaangu̶xnu̶.
21Je̱' ko tu̶ najty jeky y'ijtnu̶ ma u̶u̶ch najty ka'p n'okkaay n'ok'uukku̶xnu̶, chi je̱'e̱ Pablo tyu̶naayu̶'ky mayjya'ayjyooty, y myu̶naañ:
—Windzu̶ndu̶jk, ko u̶u̶ch miich u̶xyu̶py xykyapxymyu̶dooy ajku̶xy ka'p jim Creta ndzónu̶m ajku̶xy, y ka'p u̶xyu̶py adaa mu̶du̶goyu̶u̶ y adaa ayo'on yam du'un nbaattu̶m n'ijxu̶m ajku̶xy. 22Jada'achám ka'p nigoo mdajku̶xy mmaaygyu̶xy, ka'p ni pu̶n y'o'oga'añ tyu̶goya'añ, je'eyu̶du̶'ajty je̱'e̱ barco tyu̶goya'añ. 23E̱e̱mygyoodz je̱'e̱ Windzú̶n Dios y'ángel tu'ug tu̶ ñayyajni'igu̶xu̶'u̶gyii ma u̶u̶chu̶ñ, je̱'e̱ Dios mu̶dyiibu̶ u̶u̶ch ngapxymyu̶dooybyu̶ñ y nmu̶duumbyu̶ñ, je̱' tu̶ kexy, 24y tu̶ xyñu̶ma'ayu̶ch: ‘Ka'p mdzu̶gu̶'u̶y Pablo, je̱' ko tzipku̶xp jim mja'adu̶ch ma je̱'e̱ Roma mu̶j'ane̱'e̱mbu̶ wyinduuyu̶ñ, mu̶u̶d miich kyu̶xpu̶ je̱'e̱ Dios niwa'ana'añ yajtzo'oga'añ ku̶xyu̶ pu̶njaty jii barcu̶jooty miimb mu̶u̶d miich, ka'p je̱'e̱ ni tu'ug y'o'kku̶xu̶ch.’ 25Paady nayjyootmu̶kmooyu̶gu̶x miich windzu̶ndu̶jk. U̶u̶ch nmu̶bu̶jkypyu̶ch je̱'e̱ Dios y jaanch je̱'e̱ du'un tyuna'añyii jyada'añyii, neby u̶u̶ch je̱'e̱ y'ángel tu̶ xyñu̶ma'ayu̶ñ. 26Peru̶ tzipku̶xp nu̶kxy nmu̶jpojpe̱jtu̶m ajku̶xy ma tu'ug naax mejy'agujkpu̶ju̶ñ.
27Mu̶me̱jtzsumaan u̶u̶ch najty ndu'uyo'oygyu̶xy, y jim u̶u̶ch najty nyajpaatku̶xy ma je̱'e̱ mejy mu̶dyiibu̶ xu̶u̶'ajtpu̶ñ Adriático; xyajnú̶kxku̶xyu̶ch najty je̱'e̱ poj wimbe̱t ku'umu̶nák, y mu̶jkuwa'kxychuum je̱'e̱ barco yaj'yo'oybyu̶ nejwu̶u̶ygyu̶xy ko u̶u̶ch najty je̱'e̱ naax tu̶ nmu̶wingoongu̶xnu̶. 28Chi je̱'e̱ mejy kípxku̶xy du'uñdyu̶ najty kyu̶u̶ku̶chu̶ñ, y je̱' yajpu̶dzu̶u̶mgu̶xy ipx majmokxtu'ug metro kyu̶u̶ku̶ch, y jakjim'eembydyu̶gu̶'u̶ ja'adu'ook kípxku̶xy, y je̱' najty jim kyu̶u̶ku̶ch ipx juxtujk metro. 29Y je̱' ko janch tzu̶gu̶u̶by najty ajku̶xy ko je̱'e̱ barco tzaagópt nu̶kxy pooñ, chi je̱'e̱ pujxk'ajo'kt mu̶daaxk nu̶u̶jooty pu̶daakku̶xy jim barco u̶x'aam, je̱'e̱ mu̶dyiibu̶ barco yajwa'kxu̶jpu̶ñ, janch du'un it xu̶u̶m y'oknay'ijxpáttu̶gu̶xu̶ch. 30Chi je̱'e̱ barco yaj'yo'oybyu̶ oy wyinma'añbyaatku̶xy ko amechu̶ kye̱'e̱gaangu̶xy. Chi je̱'e̱ mutzkbarco nu̶u̶jooty pu̶daakku̶xy y ñi'i'íxy ñaybyu̶daaku̶ ajku̶xy neby je̱'e̱ pujxk'ajo'kt du'umbu̶ yajmu̶nakaangu̶xyu̶ñ jim barco ku'uduuy. 31Mu̶'it je̱'e̱ Pablo awaanu̶yu̶ je̱'e̱ soldado windzú̶n y je̱'e̱ tziptuumbu̶tu̶jk ajku̶xy, nu̶maaygyu̶xy:
—Pu̶nu̶ ke̱e̱kp adayaaba ja'ay ajku̶xy, miich ajku̶xy ka'p miich mni'idzookku̶xu̶ch.
32Mu̶'it je̱'e̱ tziptuumbu̶tu̶jk xaach tzujktujkku̶xy mu̶dyiibu̶ je̱'e̱ mutzk barco najty mu̶u̶d kyuxóchu̶chu̶ñ, y chi je̱'e̱ mutzk barco ñu̶u̶dzu̶u̶mu̶.
33Moñyu̶ je̱'e̱ Pablo nigu̶xyu̶ ñu̶maayu̶ ajku̶xy ko wan we̱e̱nu̶ wingaayñajxku̶xy; ñu̶maayu̶gu̶xy:
—Cham mu̶me̱jtzsumaan ma miich ka'p m'okmaagu̶xnu̶ju̶ñ, y nan ka'p m'okkaay m'ok'uukku̶xnu̶ ko m'okjatytimy'ixaangu̶xy tii tunaan jadaanu̶bu̶ñ. 34Cham nmu̶nukxtaakku̶xy ko kaaygyu̶x uukku̶x oy timywye̱e̱nu̶du̶'ajty, wan je̱'e̱ mmu̶k mmu̶jaa mbaatku̶xu̶ch, je̱' ko ka'p ni tii xyjyadaanu̶m ajku̶xy, y ni tu'uk je̱'e̱ mgu'uwaay kya'atu̶gooygu̶xyu̶ch.
35Ko je̱'e̱ Pablo du'un myu̶naandaay, chi je̱'e̱ tzajkaagy tu'ug konu̶'ky y yejky je̱'e̱ Dioskujuuyu̶p jayu̶jp mayjya'ay winduuy, chi adugu̶u̶y y kyaaydyu̶gu̶u̶y. 36Mu̶k'eemby je̱'e̱ mayjya'ay nigu̶xyu̶ jyootkugu̶ydyaaygyu̶xy y chi nandu'un kyaaydyu̶gu̶u̶ygyu̶xy. 37Je̱' u̶u̶ch najty nigu̶xyu̶ barcu̶jooty nnaybyaattu̶gu̶xy me̱jtzmu̶go'px ja'atu̶gu̶'px majmokxtu'ug ja'ay. 38Ko kyaaydyaay y'uuktaaygyu̶xy janch ku'uxyu̶, chi je̱'e̱ trigo nu̶u̶gu'uju̶bijpku̶xy wan je̱'e̱ barco we̱e̱nu̶ pye'typyu̶'u̶wu̶ch.
Je̱'e̱ barco kyiñ
39Ko xyu̶u̶mu̶u̶y, je̱'e̱ barco yaj'yo'oybyu̶ ajku̶xy ka'p je̱'e̱ naax u̶xkajpku̶xy, peru̶ y'ijxku̶x tu'ug it ma je̱'e̱ mejy we̱e̱nu̶ kyuyo'oyu̶'u̶yu̶ñ y pu'ujooty najty jim; y chi wyinma'añbyaatku̶xy ko je̱'e̱ barco jim mu̶baad jya'ady. 40Chi je̱'e̱ xaach tzujktujku̶xy mu̶dyiibu̶ je̱'e̱ pujxk'ajo'kt najty mu̶u̶d kyuxóchu̶chu̶ñ, je̱'e̱ pujxk'ajo'kt mu̶dyiibu̶ barco yajwa'kxu̶jpu̶ñ, chi oy nu̶u̶jooty wyu̶'u̶mdaayñu̶, chi je̱'e̱ barco kapt nu̶u̶gabu̶u̶ygyu̶xy. Chi je̱'e̱ wit pu̶daakku̶xy barco ku'uduum mu̶dyiibu̶ pojmajtzu̶bu̶ñ, y chi je̱'e̱ barco kaptu̶gu̶u̶ygyu̶xy, yajnú̶kxku̶xy tu̶yu̶ ma pyu'ujootyu̶chu̶ñ. 41Peru̶ oy mu̶dnaybyaattu̶gu̶xy ma je̱'e̱ mejy najty me̱jtz it mu̶k jyanchkujy jyanchje'echu̶ñ. Chi je̱'e̱ barco oy pu'ujooty jye'pxy, janch ta'tzpú̶ky je̱'e̱ jyu̶jp oy pu'ujooty tyu̶gu̶'u̶y, ka'p mu̶baad y'ok'yu'kxnu̶, chi je̱'e̱ y'u̶jx y'atuk y'awe̱ju̶ydyu̶gu̶u̶y mu̶u̶d je̱'e̱ mejy y mu̶u̶d je̱'e̱ pu'u myu̶jaa.
42Chi je̱'e̱ tziptuumbu̶tu̶jk ja'ayaj'o'kta'awaañ ku̶xyu̶ je̱'e̱ pujxtu̶jkja'ay, ka'pu̶ yáwu̶p kye̱e̱kku̶xu̶ch. 43Peru̶ ka'p je̱'e̱ soldado windzú̶n du'un ku'ubu̶jky, je̱' ko je̱'e̱ Pablo najty oy yajxón yajja'ada'añ, ni'igyu̶ nu̶maaygyu̶xy ko wan jaywyiin nu̶u̶du̶gu̶u̶ygyu̶xy pu̶njaty je̱'e̱ yaw jajtku̶xpu̶ñ y jya'tku̶xu̶ch tu̶'u̶tztuum, 44y mu̶dyiibu̶ je̱'e̱ yaw ka'p jajtku̶xyu̶ñ wan nu̶u̶du̶gu̶u̶ygyu̶xy mu̶u̶d je̱'e̱ pu'uy tu'ktúky o mu̶u̶d je̱'e̱ barco adujkt tu'ktúky. Y du'un u̶u̶ch oy nigu̶xyu̶ oy mu̶k nmejypu̶dzu̶u̶mdaaygyu̶xy.
Currently Selected:
Hechos 27: MIXE
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Hechos 27
27
Pablo jim Roma yajnu̶kxyii
1Ko niwinmayu̶u̶ygyu̶xy ko u̶u̶ch jim Italia xykye̱xaangu̶xy, chi je̱'e̱ Pablo yajku̶'u̶yejky mu̶u̶d je̱'e̱ pujxtu̶jkja'ay nimay ma tu'ug je̱'e̱ soldado windzú̶n mu̶dyiibu̶ najty xu̶u̶'ajtpu̶ñ Julio, je̱'e̱ mu̶dyiibu̶ najty je̱'e̱ tziptuumbu̶tu̶jk tu'kpú̶ky niwindzu̶n'ajtp mu̶dyiibu̶ xu̶u̶'ajtpu̶ñ je̱'e̱ Mu̶j'ane̱'e̱mbu̶ syoldadotu̶jk. 2Chi u̶u̶ch ndu̶gu̶u̶ygyu̶xy ma tu'ug barco mu̶dyiibu̶ tzombu̶ñ jim Adramitio, je̱'e̱ mu̶dyiibu̶ najty timychonaamb ñu̶kxa'añ ma je̱'e̱ barco ni'igu̶daaktaakt nije̱' jim Asia naaxjooty. Tzooñ najty nandu'un mu̶u̶d u̶u̶ch ajku̶xy je̱'e̱ Aristarco, je̱'e̱ mu̶dyiibu̶ najty Tesalónica kugajptu̶ñ jim Macedonia naaxjooty. 3Kujaboom u̶u̶ch nja'tku̶xy ma je̱'e̱ barco ni'igu̶daaktaaktu̶ñ jim Sidón. Jim je̱'e̱ Julio Dios y'adu̶gu̶u̶y jyoottu̶gu̶u̶yu̶ pa'a''ayooy je̱'e̱ Pablo, awaatzu̶ je̱'e̱ ñu̶u̶ tyu'u ko wan nu̶kxy ku'ixy mu̶gapxy je̱'e̱ myu̶gu'ugtu̶jk ajku̶xy y wan je̱' yajkáy yaj'u'ugu̶u̶ju̶ch ajku̶xy. 4Ko u̶u̶ch jim Sidón ndzóngu̶xy, chi je̱'e̱ naax mejy'agujkpu̶ oy wyu̶'u̶mnu̶ anajty'eemby mu̶dyiibu̶ xu̶u̶'ajtpu̶ñ Chipre, je̱' ko je̱'e̱ poj najty jim mu̶k janch ju̶jpkuboju̶'u̶y je̱'e̱ barco, paady u̶u̶ch wiingtuuy nnu̶kxu̶u̶ygyu̶xy. 5Chi u̶u̶ch nnajxku̶xy mu̶wingón mejypya'a ma je̱'e̱ Cilicia naaxjooty y Panfilia naaxjootyu̶ñ, oy u̶u̶ch nja'tku̶xy jim Mira, jim ma tu'ug kajpt Licia naaxjooty.
6Jim Mira je̱'e̱ soldado windzú̶n Alejandría barco tu'ug paaty, je̱'e̱ mu̶dyiibu̶ najty jim Italia nu̶kxaambu̶ñ, chi u̶u̶ch xyajbarcu̶tu̶gu̶u̶ygyu̶xy y nnú̶kxyu̶ch ajku̶xy. 7Ka'anaagxu̶u̶ u̶u̶ch janch udye'egy ndu'uyo'oygyu̶xy, y janch adzaachu̶ch nja'tku̶xy mu̶wingón je̱'e̱ Gnido kajpt. Je̱' ko je̱'e̱nu̶ najty je̱'e̱ poj je̱'e̱ barco janch ju̶jpkuboju̶'u̶yñu̶. Najxku̶xu̶ch mu̶wingón je̱'e̱ Salomón kajpt y nju'uyo'oyñajxku̶xu̶ch je̱'e̱ Creta naax mejy'agujkpu̶. 8Y janch nimu̶jaaju̶ch tu'kmejypya'a'aay nnú̶kxku̶xy, u̶xtu̶ nja'tku̶xyu̶ch ma je̱'e̱ barco ni'igu̶daaktaak mu̶dyiibu̶ xu̶u̶'ajtpu̶ñ Buenos Puertos, mu̶wingón je̱'e̱ kajpt mu̶dyiibu̶ xu̶u̶'ajtpu̶ñ Lasea.
9Tu̶ u̶u̶ch najty mayxu̶u̶ njanchxu̶u̶du̶gooygyu̶xnu̶, y janch mu̶k najty je̱'e̱ barco yaj'yo'oyu̶u̶ kyudzu̶gu̶'u̶ñdyu̶ch, je̱' ko tu̶ najty je̱'e̱ tu̶u̶chpyoj tiempo wyingoonu̶.#27.9 Je̱' ko tu̶ najty je̱'e̱ tu̶u̶chpyoj tiempo wyingoonu̶: Je̱' je̱'e̱ du'un tyijpy; je̱' ko tu̶ najty je̱'e̱ ayuuxu̶u̶ tiempo ñajxnu̶. Je̱' je̱'e̱ Pablo du'un ñimu̶dyaakypy je̱'e̱ pokymye̱kxu̶ñ xu̶u̶ mu̶naa je̱'e̱ judío ja'ay y'ayuu'átyu̶ñ ajku̶xy. Ma je̱'e̱ judío calendario Tishri, y ma je̱'e̱ ngalendario ajtu̶m ajku̶xyu̶ñ jii je̱'e̱ du'un paady (Septiembre ku̶jxp u̶xtu̶ majk'aamb octubre). Paady je̱'e̱ Pablo du'un nigapxy je̱'e̱ jumu̶jtjooty mu̶naa je̱'e̱ du'un tyuunu̶ jyajtu̶ju̶ñ (ijxku̶x je̱'e̱ v. 12). Paady je̱'e̱ Pablo je̱'e̱ tziptuumbu̶ windzú̶n ja'awingápx ja'aju̶jpkapxu̶u̶y; myu̶naañ:
10—Windzu̶ndu̶jk, janch kudzu̶gu̶'u̶ñ jada'achám ko barcu̶jooty nnú̶kxu̶mu̶ch ajku̶xy, y nnejwu̶u̶byu̶ch ko nyajtu̶goyaanu̶mpy je̱'e̱ barco mu̶u̶d je̱'e̱ ñidzu̶my ñigu̶'u̶y, y nan tzojku̶ n'o'ktaayu̶mu̶ch ajku̶xy.
11Peru̶ je̱'e̱ tziptuumbu̶ windzú̶n myu̶jpu̶daaku̶ je̱'e̱ barco niwindzú̶n y je̱'e̱ barco yaj'yo'oybyu̶ y'ayuuk ni'igyu̶, ni'igu̶ ka'p je̱'e̱ Pablo y'ayuuku̶ñu̶ba. 12Je̱' ko ka'p najty je̱'e̱ barco ni'igu̶daaktaakt y'óyu̶ch nnú̶kxyu̶ch je̱'e̱ tu̶u̶chpyoj tiempo jim nyajnajxku̶xy, chi je̱'e̱ jaknimaybyu̶ ja'ay wyinmaaygyu̶xy ko je̱'e̱ barco mu̶baad jyakyo'oy, ok'ijxmadzaangu̶xy pu̶nu̶ okjakja'tp jim Fenice ma je̱'e̱ Creta naaxjootyu̶ñ, jim ma tu'ug barco ni'igu̶daaktaakt ma najty ka'p mu̶k jyatypyojyu̶ñ y nyajnaxaangu̶xyu̶ch je̱'e̱ tu̶u̶chpyoj tiempo jim.
Je̱'e̱ mu̶kpoj ma je̱'e̱ mejyu̶ñ
13Ko je̱'e̱ ju̶u̶nboj we̱e̱nu̶ pyu̶dzu̶u̶my, mu̶'it wyinmaaydyu̶gajch ajku̶xy ko je̱'e̱ barco mu̶baad jyaktu'uyo'oy, chi je̱'e̱ barco yaj'yo'oychóngu̶xy y yajnú̶kxku̶xy mejypya'a'aay, mejypya'a'aay mu̶wingón je̱'e̱ Creta naaxjooty. 14Peru̶ ko we̱e̱nu̶ y'ijty, chi je̱'e̱ mu̶kpoj myiiñ ma je̱'e̱ tu̶u̶chpyoj pyu̶dzu̶myu̶ñ, mu̶dyiibu̶ je̱'e̱ ja'ay tyijpyu̶ñ ajku̶xy nordeste, 15y yajtu'udu̶gajch je̱'e̱ barco, y je̱' ko ka'p u̶u̶ch najty ndimyo'oygue̱e̱kku̶xnu̶ je̱' ko najty jyanchpojy, chi u̶u̶ch je̱'e̱ poj xyajnú̶kxku̶xy ma najty timychokyu̶ñ. 16Nnajxku̶xu̶ch ma tu'ug mutzpu̶ naax mejy'agujkpu̶ mu̶dyiibu̶ xu̶u̶'ajtpu̶ñ Cauda, mu̶dyiibu̶ ju̶xku̶'u̶by'eemby wu̶'u̶mbu̶ñ ma najty ka'p mu̶k jyatypyojyu̶ñ, y adzaach u̶u̶ch je̱'e̱ mutzk barco nyujku̶u̶ygyu̶xy mu̶dyiibu̶ najty u̶xxodzu̶'u̶y miimb ma je̱'e̱ mu̶jpu̶ bárcu̶ju̶ñ. 17Ko je̱'e̱ mutzk barco yujku̶u̶ygyu̶xy, chi mayxyaach yajtuungu̶xy y yajta'tzpu̶jkku̶xy je̱'e̱ barco. Mu̶'it je̱' ko janch tzu̶gu̶u̶ygyu̶xp najty ko je̱'e̱ barco jim chu̶u̶mnú̶kxu̶gu̶xu̶ch ma je̱'e̱ mejy ka'p kyómu̶chu̶ñ ma pyu'ujootyu̶chu̶ñ mu̶dyiibu̶ xu̶u̶'ajtpu̶ñ Sirte, chi je̱'e̱ barco kepy nu̶u̶wingú̶xy yaj'u̶xxodzu̶u̶ygyu̶xy#27.17 Chi je̱'e̱ barco kepy nu̶u̶wingú̶xy yaj'u̶xxodzu̶u̶ygyu̶xy: kepy du'undu̶gu̶u̶by neby je̱'e̱ wu̶u̶ydyu̶ñ ka'pu̶ je̱'e̱ barco mu̶k yo'oygywe̱'e̱gu̶ch. Nije̱' wiingpu̶ jaaybyu̶du̶jk myu̶naangu̶xy: chi je̱'e̱ wit yajmu̶najky ajku̶xy mu̶dyiibu̶ pojmu̶miinu̶bu̶ñ. y chi ñayye̱jku̶gu̶xy ko je̱'e̱ poj wan yajnú̶kxu̶gu̶xyu̶. 18Y kujaboom, janch mu̶knu̶ najty pyojy, chi je̱'e̱ tzu̶my ku̶'u̶y mejykyu'uju̶bijptaaygyu̶xy mu̶dyiibu̶ je̱'e̱ barco najty yajnú̶kxypyu̶ñ, 19y kudu̶gu̶u̶g xu̶u̶ je̱'e̱ tuumbe̱jt nandu'un mejykyu'uju̶bijptaaygyu̶xy mu̶dyiibu̶ je̱'e̱ barco najty yajtuumbyu̶ñ. 20Tu̶ najty ka'anaagxu̶u̶ y'ijtnu̶, y ka'p u̶u̶ch najty xu̶u̶ mu̶dza'a maa n'ok'ijxku̶xnu̶, je̱' ko najty mu̶k jyanchpojy mu̶dyiibu̶ u̶u̶ch najty xyjyanchyajtu'uyo'oygyu̶xpu̶ñ, du'un u̶u̶ch najty nmu̶naangu̶xnu̶ tu̶ u̶u̶ch ndijy najty jidu̶baad njuugy'ajtku̶xy y ka'p u̶u̶ch ndijy najty ni'idzooktaakt maa n'okpadaangu̶xnu̶.
21Je̱' ko tu̶ najty jeky y'ijtnu̶ ma u̶u̶ch najty ka'p n'okkaay n'ok'uukku̶xnu̶, chi je̱'e̱ Pablo tyu̶naayu̶'ky mayjya'ayjyooty, y myu̶naañ:
—Windzu̶ndu̶jk, ko u̶u̶ch miich u̶xyu̶py xykyapxymyu̶dooy ajku̶xy ka'p jim Creta ndzónu̶m ajku̶xy, y ka'p u̶xyu̶py adaa mu̶du̶goyu̶u̶ y adaa ayo'on yam du'un nbaattu̶m n'ijxu̶m ajku̶xy. 22Jada'achám ka'p nigoo mdajku̶xy mmaaygyu̶xy, ka'p ni pu̶n y'o'oga'añ tyu̶goya'añ, je'eyu̶du̶'ajty je̱'e̱ barco tyu̶goya'añ. 23E̱e̱mygyoodz je̱'e̱ Windzú̶n Dios y'ángel tu'ug tu̶ ñayyajni'igu̶xu̶'u̶gyii ma u̶u̶chu̶ñ, je̱'e̱ Dios mu̶dyiibu̶ u̶u̶ch ngapxymyu̶dooybyu̶ñ y nmu̶duumbyu̶ñ, je̱' tu̶ kexy, 24y tu̶ xyñu̶ma'ayu̶ch: ‘Ka'p mdzu̶gu̶'u̶y Pablo, je̱' ko tzipku̶xp jim mja'adu̶ch ma je̱'e̱ Roma mu̶j'ane̱'e̱mbu̶ wyinduuyu̶ñ, mu̶u̶d miich kyu̶xpu̶ je̱'e̱ Dios niwa'ana'añ yajtzo'oga'añ ku̶xyu̶ pu̶njaty jii barcu̶jooty miimb mu̶u̶d miich, ka'p je̱'e̱ ni tu'ug y'o'kku̶xu̶ch.’ 25Paady nayjyootmu̶kmooyu̶gu̶x miich windzu̶ndu̶jk. U̶u̶ch nmu̶bu̶jkypyu̶ch je̱'e̱ Dios y jaanch je̱'e̱ du'un tyuna'añyii jyada'añyii, neby u̶u̶ch je̱'e̱ y'ángel tu̶ xyñu̶ma'ayu̶ñ. 26Peru̶ tzipku̶xp nu̶kxy nmu̶jpojpe̱jtu̶m ajku̶xy ma tu'ug naax mejy'agujkpu̶ju̶ñ.
27Mu̶me̱jtzsumaan u̶u̶ch najty ndu'uyo'oygyu̶xy, y jim u̶u̶ch najty nyajpaatku̶xy ma je̱'e̱ mejy mu̶dyiibu̶ xu̶u̶'ajtpu̶ñ Adriático; xyajnú̶kxku̶xyu̶ch najty je̱'e̱ poj wimbe̱t ku'umu̶nák, y mu̶jkuwa'kxychuum je̱'e̱ barco yaj'yo'oybyu̶ nejwu̶u̶ygyu̶xy ko u̶u̶ch najty je̱'e̱ naax tu̶ nmu̶wingoongu̶xnu̶. 28Chi je̱'e̱ mejy kípxku̶xy du'uñdyu̶ najty kyu̶u̶ku̶chu̶ñ, y je̱' yajpu̶dzu̶u̶mgu̶xy ipx majmokxtu'ug metro kyu̶u̶ku̶ch, y jakjim'eembydyu̶gu̶'u̶ ja'adu'ook kípxku̶xy, y je̱' najty jim kyu̶u̶ku̶ch ipx juxtujk metro. 29Y je̱' ko janch tzu̶gu̶u̶by najty ajku̶xy ko je̱'e̱ barco tzaagópt nu̶kxy pooñ, chi je̱'e̱ pujxk'ajo'kt mu̶daaxk nu̶u̶jooty pu̶daakku̶xy jim barco u̶x'aam, je̱'e̱ mu̶dyiibu̶ barco yajwa'kxu̶jpu̶ñ, janch du'un it xu̶u̶m y'oknay'ijxpáttu̶gu̶xu̶ch. 30Chi je̱'e̱ barco yaj'yo'oybyu̶ oy wyinma'añbyaatku̶xy ko amechu̶ kye̱'e̱gaangu̶xy. Chi je̱'e̱ mutzkbarco nu̶u̶jooty pu̶daakku̶xy y ñi'i'íxy ñaybyu̶daaku̶ ajku̶xy neby je̱'e̱ pujxk'ajo'kt du'umbu̶ yajmu̶nakaangu̶xyu̶ñ jim barco ku'uduuy. 31Mu̶'it je̱'e̱ Pablo awaanu̶yu̶ je̱'e̱ soldado windzú̶n y je̱'e̱ tziptuumbu̶tu̶jk ajku̶xy, nu̶maaygyu̶xy:
—Pu̶nu̶ ke̱e̱kp adayaaba ja'ay ajku̶xy, miich ajku̶xy ka'p miich mni'idzookku̶xu̶ch.
32Mu̶'it je̱'e̱ tziptuumbu̶tu̶jk xaach tzujktujkku̶xy mu̶dyiibu̶ je̱'e̱ mutzk barco najty mu̶u̶d kyuxóchu̶chu̶ñ, y chi je̱'e̱ mutzk barco ñu̶u̶dzu̶u̶mu̶.
33Moñyu̶ je̱'e̱ Pablo nigu̶xyu̶ ñu̶maayu̶ ajku̶xy ko wan we̱e̱nu̶ wingaayñajxku̶xy; ñu̶maayu̶gu̶xy:
—Cham mu̶me̱jtzsumaan ma miich ka'p m'okmaagu̶xnu̶ju̶ñ, y nan ka'p m'okkaay m'ok'uukku̶xnu̶ ko m'okjatytimy'ixaangu̶xy tii tunaan jadaanu̶bu̶ñ. 34Cham nmu̶nukxtaakku̶xy ko kaaygyu̶x uukku̶x oy timywye̱e̱nu̶du̶'ajty, wan je̱'e̱ mmu̶k mmu̶jaa mbaatku̶xu̶ch, je̱' ko ka'p ni tii xyjyadaanu̶m ajku̶xy, y ni tu'uk je̱'e̱ mgu'uwaay kya'atu̶gooygu̶xyu̶ch.
35Ko je̱'e̱ Pablo du'un myu̶naandaay, chi je̱'e̱ tzajkaagy tu'ug konu̶'ky y yejky je̱'e̱ Dioskujuuyu̶p jayu̶jp mayjya'ay winduuy, chi adugu̶u̶y y kyaaydyu̶gu̶u̶y. 36Mu̶k'eemby je̱'e̱ mayjya'ay nigu̶xyu̶ jyootkugu̶ydyaaygyu̶xy y chi nandu'un kyaaydyu̶gu̶u̶ygyu̶xy. 37Je̱' u̶u̶ch najty nigu̶xyu̶ barcu̶jooty nnaybyaattu̶gu̶xy me̱jtzmu̶go'px ja'atu̶gu̶'px majmokxtu'ug ja'ay. 38Ko kyaaydyaay y'uuktaaygyu̶xy janch ku'uxyu̶, chi je̱'e̱ trigo nu̶u̶gu'uju̶bijpku̶xy wan je̱'e̱ barco we̱e̱nu̶ pye'typyu̶'u̶wu̶ch.
Je̱'e̱ barco kyiñ
39Ko xyu̶u̶mu̶u̶y, je̱'e̱ barco yaj'yo'oybyu̶ ajku̶xy ka'p je̱'e̱ naax u̶xkajpku̶xy, peru̶ y'ijxku̶x tu'ug it ma je̱'e̱ mejy we̱e̱nu̶ kyuyo'oyu̶'u̶yu̶ñ y pu'ujooty najty jim; y chi wyinma'añbyaatku̶xy ko je̱'e̱ barco jim mu̶baad jya'ady. 40Chi je̱'e̱ xaach tzujktujku̶xy mu̶dyiibu̶ je̱'e̱ pujxk'ajo'kt najty mu̶u̶d kyuxóchu̶chu̶ñ, je̱'e̱ pujxk'ajo'kt mu̶dyiibu̶ barco yajwa'kxu̶jpu̶ñ, chi oy nu̶u̶jooty wyu̶'u̶mdaayñu̶, chi je̱'e̱ barco kapt nu̶u̶gabu̶u̶ygyu̶xy. Chi je̱'e̱ wit pu̶daakku̶xy barco ku'uduum mu̶dyiibu̶ pojmajtzu̶bu̶ñ, y chi je̱'e̱ barco kaptu̶gu̶u̶ygyu̶xy, yajnú̶kxku̶xy tu̶yu̶ ma pyu'ujootyu̶chu̶ñ. 41Peru̶ oy mu̶dnaybyaattu̶gu̶xy ma je̱'e̱ mejy najty me̱jtz it mu̶k jyanchkujy jyanchje'echu̶ñ. Chi je̱'e̱ barco oy pu'ujooty jye'pxy, janch ta'tzpú̶ky je̱'e̱ jyu̶jp oy pu'ujooty tyu̶gu̶'u̶y, ka'p mu̶baad y'ok'yu'kxnu̶, chi je̱'e̱ y'u̶jx y'atuk y'awe̱ju̶ydyu̶gu̶u̶y mu̶u̶d je̱'e̱ mejy y mu̶u̶d je̱'e̱ pu'u myu̶jaa.
42Chi je̱'e̱ tziptuumbu̶tu̶jk ja'ayaj'o'kta'awaañ ku̶xyu̶ je̱'e̱ pujxtu̶jkja'ay, ka'pu̶ yáwu̶p kye̱e̱kku̶xu̶ch. 43Peru̶ ka'p je̱'e̱ soldado windzú̶n du'un ku'ubu̶jky, je̱' ko je̱'e̱ Pablo najty oy yajxón yajja'ada'añ, ni'igyu̶ nu̶maaygyu̶xy ko wan jaywyiin nu̶u̶du̶gu̶u̶ygyu̶xy pu̶njaty je̱'e̱ yaw jajtku̶xpu̶ñ y jya'tku̶xu̶ch tu̶'u̶tztuum, 44y mu̶dyiibu̶ je̱'e̱ yaw ka'p jajtku̶xyu̶ñ wan nu̶u̶du̶gu̶u̶ygyu̶xy mu̶u̶d je̱'e̱ pu'uy tu'ktúky o mu̶u̶d je̱'e̱ barco adujkt tu'ktúky. Y du'un u̶u̶ch oy nigu̶xyu̶ oy mu̶k nmejypu̶dzu̶u̶mdaaygyu̶xy.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005