2 Tesalonicenses 1
1
Je̱'e̱ yajpókxu̶ñ
1U̶u̶ch Pablo mu̶u̶d je̱'e̱ Silvano y je̱'e̱ Timoteo, cham u̶u̶ch adaa naky nguexy ma je̱'e̱ mu̶gu'uktu̶jk je̱'e̱ mu̶dyiibu̶ tzu̶naaygyu̶xpu̶ñ jim Tesalónica kajpt, je̱'e̱ mu̶dyiibu̶ tu'ugyu̶ yajpaatku̶xpu̶ñ ma je̱'e̱ nDios Teedy ajtu̶m ajku̶xyu̶ñ y ma je̱'e̱ Windzú̶n Jesucrístoju̶ñ. 2Wan je̱'e̱ nDios Teedy ajtu̶m ajku̶xy y je̱'e̱ Windzú̶n Jesucristo oy'ajt may'ajt tuñ ma miich ajku̶xyu̶ñ y xyajjootkujk'ajtku̶xu̶ch.
Dios tyu̶ydyune̱e̱mby je̱'e̱ pokyjya'aydyu̶jk ko naty je̱'e̱ Cristo ya naaxwiiñ ja'adu'ook wyimbity
3“Mu̶gu'uktu̶jk, je'emy u̶u̶ch je̱'e̱ Dioskujuuyu̶p nye̱jkku̶xy ma je̱'e̱ Diosu̶ñ mu̶u̶d miich kyu̶xpu̶ ajku̶xy, du'un neby pyaadyii nduunu̶mu̶ch ajku̶xy, je̱' ko ni'igyu̶ miich je̱'e̱ mmu̶bu̶jku̶ñ wyimbe̱jt'adu̶u̶tzku̶xy y je̱'e̱ tzojk'ajtu̶ñ mu̶dyiibu̶ amíñ u̶xyu̶py mmu̶dajtku̶xypyu̶ñ ni'igyu̶ je̱'e̱ nandu'un wyimbe̱jt'adu̶'u̶ch. 4Y u̶u̶ch miich du'un ku̶'u̶m nimu̶dyaakku̶xypy xoonu̶p ijtu̶p kajpt kajpt majaty je̱'e̱ Dios jya'ayu̶ñ, ko je̱'e̱ mu̶k'ajtu̶ñ y je̱'e̱ mu̶bu̶jku̶ñ mu̶dyiibu̶ miich ku̶xyu̶ myajni'igu̶xu̶'kku̶xypyu̶ñ ko je̱'e̱ ja'ay xy'u̶xwu̶dijt xypyawu̶dijtku̶xy y ko je̱'e̱ ayo'on jootmáy mbaatku̶xy m'ijxku̶xy. 5Y adaa je̱'e̱ du'un yajni'igu̶xu̶'kp ko je̱'e̱ Dios tyu'uda'agyu̶ch neby tyu̶ydyuñu̶ñ, ko xykyu'ubu̶jkku̶xu̶ch mdu̶gu̶u̶ygyu̶xu̶ch ma je̱'e̱ y'ane̱'e̱mdaaktu̶ñ, mu̶u̶d adaa je̱'e̱ mu̶dyiibu̶ du'un mgu'ujájtpy mgu'u'ayowu̶u̶ygyu̶xypyu̶ñ.
6Paattu̶p je̱'e̱ du'un ko je̱'e̱ Dios tzaachtyúnu̶ch je̱'e̱ mu̶dyiibu̶ naty miich xychaachtyuungu̶xpu̶ñ, 7y ko miich ajku̶xy, je̱'e̱ mu̶dyiibu̶ tzaachjajtku̶xpu̶ñ, je̱'e̱ pokxu̶ñ wan xymyooygyu̶xy du'un neby u̶u̶ch ajku̶xyu̶ñ, je̱'e̱ mu̶'it xu̶u̶ ko naty je̱'e̱ Windzú̶n Jesucristo ya naaxwiiñ ja'adu'ook wyimbijttu̶gách mu̶u̶d je̱'e̱ y'ángelestu̶jk mu̶k'ajtmu̶u̶dpu̶ ajku̶xy, 8myiñ naty tzajpjooty ju̶u̶nye̱n'agujk, miñ je̱'e̱ ja'ay tzaachtyuna'añ je̱'e̱ mu̶dyiibu̶ je̱'e̱ Dios ka'p ku'ubu̶jkku̶xyu̶ñ y je̱'e̱ mu̶dyiibu̶ je̱'e̱ nWindzú̶n Jesús ajtu̶m ajku̶xy y'ayuuk tyu̶y'ajt ka'p mu̶jpu̶daakku̶xyu̶ñ, je̱'e̱ mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ. 9Je̱'e̱ du'umbu̶ ja'ay wiinu̶u̶xu̶u̶ je̱'e̱ yajtzaachtyunaangu̶xy, y ju̶gue̱mduum yajpu̶daakku̶xu̶ch ma ka'p mu̶baad jya'tku̶xyu̶ñ ma je̱'e̱ Windzú̶n Jesucristo wyinduuyu̶ñ y ma je̱'e̱ y'oy'ajtu̶ñ y myu̶k'ajtu̶ñ, 10ko naty je̱'e̱ windzú̶n Jesucristo ja'adu'ook myiñ ya naaxwiiñ, je̱'e̱ mu̶'it xu̶u̶ mu̶naa je̱'e̱ jya'ay wyindzu̶gu̶'u̶wu̶u̶ju̶chu̶ñ y mu̶naa je̱'e̱ mu̶bu̶jkpu̶du̶jk nigu̶xyu̶ ñidaj ñimayu̶u̶ju̶chu̶ñ, je̱' ko tu̶ miich je̱'e̱ ayuuk mmu̶bu̶jkku̶xy je̱'e̱ mu̶dyiibu̶ u̶u̶ch tu̶ nnidu̶y'ajt'ajtku̶xyu̶ñ ma miich ajku̶xyu̶ñ.
11Y paady u̶u̶ch je̱'e̱ Dios je'emy nmu̶bu̶jktzoogu̶xy mu̶u̶d miich kyu̶xpu̶ ajku̶xy, nyujkwaangu̶xyu̶ch ma je̱'e̱ nDios ajtu̶m ajku̶xyu̶ñ ko wan xykyu'ubu̶jkku̶xy, je̱' ko je̱' tu̶ xywyin'ijxku̶xy, y ko je̱' kyuydyuumby je̱'e̱ ku̶xyu̶ mu̶u̶d je̱'e̱ myu̶k'ajtu̶ñ je̱'e̱ mu̶dyiibu̶ naty miich mdzojkku̶xypyu̶ñ y je̱'e̱ tuung je̱'e̱ mu̶dyiibu̶ naty mduungu̶xypyu̶ñ mu̶u̶d je̱'e̱ mmu̶bu̶jku̶ñ. 12Y du'unu̶tz je̱'e̱ nWindzú̶n Jesús ajtu̶m ajku̶xy je̱'e̱ xyu̶u̶ windzu̶gu̶'u̶y y'ídu̶ch ma miich ajku̶xyu̶ñ, y je̱' miich nandu'un xywyindzu̶gu̶u̶ygyu̶xu̶p mu̶u̶d je̱'e̱ nDios myay'ajtu̶ñ ajtu̶m ajku̶xy y mu̶u̶d je̱'e̱ nWindzú̶n Jesucristo ajtu̶m ajku̶xy.
Currently Selected:
2 Tesalonicenses 1: MIXE
Highlight
Share
Copy
Want to have your highlights saved across all your devices? Sign up or sign in
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005