রোমীয় 13
13
ওকখ্যুকসুরোগু তাওয়েংচা
1তয়ক মক্যুয়েং প্রিমা ওকখ্যুকসু চাঃগাগো কৈংগে আক্রংগা থাওরা ফোরা যাসুগো ওকখ্যুকসু প্যাংরিলি, য়াংসুউগো আপি অর তয়কলি ওকখ্যুকসু মফ্রনৈং; 2য়াংচা কিজু ওকখ্যুকসুগো যাসু ছেংগ্যাংফাক লুক্তিলি, য়াংসুউ থাওরা ফোরা ঈ তাঃরাদুঃগো ছেংগ্যাংফাকনাক তুউরি। যাসুরো দিঃ অপ্রইকো লুক্তি, য়াংসুউরো কুঃ আঃপমা ডেংগো খ্যারিনাং তুউরি। 3যাসুরো আকং অলুক লুক্তি, য়াংসুউরো প্রিমা ওকখ্যুকসুগো ক্রকফুচা মিহিক। ছুগি যাসুরো মকং লুক্তি, য়াংসুউরোরা ক্রককেতি। ওকখ্যুকসু মক্রকপ্রি, নাংরো নিংখ্যাং লঃ? য়জংছুগি যা আকং তুয়িইরি, য়াংচা লুককে। য়াং অলুক কিজু নাংরো য়াংসুউগা, ম্যাকন্হা রাঃমি। 4নাংরো আকং কিজুরা ওকখ্যুকসুচা থাওরা ফোরা ঈ রুসিইসাঞ্যং অলুক লুক্তি। নাংরোরা মকং লুককি, ক্রককে আক্রংগা মকং লুকসারোগু ডেং পিইফুচা তাওয়েং থাওরা ফোরামা হিকরি। ওকখ্যুকসুগা থাওরা ফোরাগো রুসিইসা; যাসু মকং লুক্তি, য়াংসুউরোগু য়াংসুউচা থাওরা ফোরাগা নিংরো ডেং পিইরি। 5য়জংকিজু নাংরো ওকখ্যুকসু আতুওয়ংমা নিংরাফুচাগো লাক খেংরারি। থাওরা ফোরা ঈ ডেংগো ক্রকরোরা, ওকখ্যুকসুরো আতুওয়ংমা নিংরাফুচাগো লাক খেংরাফু মুহু, নাংরো চিইদানা সেসেং থাঃফু কিজুলি য়াংচা প্যাংরাফু।
6অর য়াংচা কিজুরা নাংরো ফেংদা পিইরাচা আক্রংগা ফেংদা ককসারো য়াংসুউরো অলুকনা, থাওরা ফোরাগো রুসিইগেতি। 7যাসুউ যা রাঃথতিলি, য়াংসুউগো য়াংচা পিলৈই। যাসু ফেংদা ককতি, য়াংসুউগো ফেংদা পিলৈই; যাসুউ ওয়েংছেংগা ফেংদা ককতি, য়াংসুউগো য়াংচা পিলৈই; যাসুগো রুসিইরাফুলি, য়াংসুউগো রুসিই, যাসুগো ম্যাকন্হা পিইরাফুলি, য়াংসুউগো ম্যাকন্হা পিই।
8আখ্রা লুঃউরোগু আখ্য ওয়াসানা মুহুপ্রি অর তুখুউলি মুহুকপ্রি মাঃথাগি। যাসুরো আখ্রা লুঃউগো খ্যতিলি, য়াংসুউরো মোশি তাঃরাগো রুসিইগেতি। 9প্রজারা হিকরি, “লুঃউ ইংথংগো আপ্রই মাম্হাগি, মাঃসেকি, মুখুগি, লঃফা মাপ্যাংগি।” অরলি দিঃচাঞ্যং জে জে আপ্রই চাঃগা পংরো চাঃগা তুখুওয়েং প্রচাগা, “নাং ইংনেংবাসারোগু, কুঃগোঞ্যং খ্যকে।” 10খ্যকি তয়কলি, মকং মেক্রেং। য়জংছুগি ম্রাংচাগা, আখ্যকা নিংরো আলুং তাঃরাগো রুসিইরি।
11দকতয়ং যা প্রলিরি, আগু আখিংগো ক্রিলো, আখিং অালৈই লাঃগে। ওয়িইরাগা থাঃফু আখিং ফ্রইব্যা আক্রংগা যাখা ঙারো ক্যুংগেলিরি, য়াং রাকথাকপাং প্রফুছুগি আগু ক্যুওয়েম্রকফু আখিংচা অর আপামা রকব্যা। 12ঞিঃ কুংফুব্যা, মুওলাংল্হাব্যা; য়াংচাকিজু লাঃগে, ঙারো ঞিঃ অলুককো ফ্রুকরো, লালাং দা-ল্হেংগো কৈংগেমি। 13ক্য-ক্য প্যাংরো আরাক সকচা অর য়ইখ্রাংজারা মুহু, ইংথং ফ্যাকনা মাখেংসা বাওয়ামা মুহু, রেংমেংনা মুংগেতিচামা মুহুক, ছুগি যাসুরো আহ্লাংমা সুওয়া নিংগেতি, লাঃ ঙারো য়াংসুউরোঞ্যং থঃতেংরি বাওয়ামা নিংগেমি। 14নাংরো কাইংথামা আওয়ে ওয়েঞ্যং, আস্যাং যীশু খ্রীট্গো কুঃরোমা খ্যুক বলৈইকে; আপ্রই লুঃকফু চিইদানাগো আব্রিচুং প্যাংফুগো চিই মিপিইগেকি।
Currently Selected:
রোমীয় 13: BBSRMZ
Highlight
Share
Compare
Copy
Want to have your highlights saved across all your devices? Sign up or sign in
