YOBA 4
4
Sao Qhid' Lhang Jho" Jhau: Ra" Dao:
(4.1- 14. 22)
Elipha
1-2Yoba we"- ngo jhau: re nao nhag' gyo" yo: nae" i?
Ngo wa sae za: maqo" tae" to: lo:ngad: kyi:-
3Nao wa byu myo: sho' mo, re
mho" shid' mung: qam: nang" ra" lo, jham re qam: byid' lo: ava".
4Byu dayaug yaug qam: nang: mung: myaung" ru we' khyid au: thaung" lang" re-
ni" dao: kheim: jham: yang yao: re qo" to" ye, lo nae" qhid' mae" qam: byid' ra".
5Ana" wa- qug: khai: qhug' nae" ni" agu joe" lo: ava".
aimung: nao wa aire mavae" qhug' sho' gyaug: din: na: ra".
6Nao wa Mao"So re caung:pa" mung: ni" apyad wa qobo vhin nae" mabo ngad: ra".
Aimung: nao wa myid: lam: ru we' myid: lao" ru qo" ang: ra". 7Ana" dam: tug' myid: ke' qu" wa,. Din:man" ra" byu dayaug khyag' qhui
kham zo" ra" akhyo: dalam: khalhao" ata" qu" shi: wa,.
8Makhyang: mashab: ra" yothaung: phaug' mung:-
mashab mangung" ra" amyug: ashi: sin" ra" mo,
makhyang: mashab: ru we' mashab mangung" ru ana" yao: bam yad: yu ko" rure ngo myao va".
9Mao"So wa la qam" we' dakhyo: yao" nhag' yo" ruyang yao: bam re phyo' qheim" pye' ra".
10Makhyang: mashab mo, wa khangkhyi we' dakhyo: kyid' na: ako".
Ngadqere: Mao"So wa yao: bam re tae" lo" nhao mung: yao: bam: zaui jham re khyug' pye' byid' ra".
11Bin: zo: nae" pe" maqo" ra" khangkhyi jham we' dakhyo:-
yao: bam shid: lo" mung: yao: bam: yao: zo: qe alhab' re khe' sin" pye' ru qhug' ako".
12Dalhang: mae" wa ngo lhao" alaug mathe' gyo: sho' ra" thoe ngai khyo"
mungdao: dalam: sae za: joe" li" ra".
13Aiwa yab mo, co' myao: ruru: ngore yab au: shaug' nhao: ra".
14Ngo wa ko, ko, gyaug: nin" na:
nga" gaung: geim" gyaug yang: nin" na: ra".
15Nga" myo,khung: mae la cae: lohug' zao" mung:
ngo wa gyaug yang: gyo, shi: to" li" va".
16Aimae daja: ye; jo; rure ngo the' myao:
ngo zhaug' qu" ngadqere: pe" ngad: ru maba: ta".
Ailao" cae: jhug tag tae" jo; rumae" thoe dathoe re ngo the' gyo" ke'.
17Mao"So: qhid' kheim: mae khag' dayaug qo" qo" din:man: nae" i?
mangad: lao" yao" phan" Asang: qhid' kheim: mae qo" din:man: nae" i?
18Mao"So wa mug:gaung mae" yao" daui daui lagyo: qere malam
yao: wa yao" mug: lagyo: qere lhao" re: qobo qho: myao byid' ra".
19Nhug re we' dakhyo: gai: qo" khyoe' mhan" pye' ra"-
Phalhug za: ngad: ra" zhogam: zo: re yao: myid: lam nae" ein: nao myid: i?
20Xao su byu dayaug wa ne, seim daui: na ngadqere:-
myi" thao majoe" shire khag' maba mabeim" ru gai: shid: lo" ra".
21Yao: qo" ru alhab' re yu: pye' byid: mung:
yao: wa pha,jhi" maqo" yu lo: shid: lo" ra"- ga: ta" ra".
Currently Selected:
YOBA 4: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
