1 KHO:KHAM MHOMYI: 7
7
Isakha Nho: Myid:zo: Qe
1Isakha wa Tola- Pua- Yashub- Shim ron ga" ra" yauggai zo: byid yaug qo" ra".
2Tola wa Uzi- Rephaia- Yerie- Yamai- Ibsam- Stemuela ga" ra" yauggai zo: khyaug' yaug qo" ra". Yao: bam wa Tola nho: kaung mae" au: jhaung ngad mung: mang qi" ra"gyezo: qe ngad: ako". Kho:kham Davi nho: pyad mae yao: bam: myid:zo: qe wa 22,600 zo: ngad: ako".
3Uzi wa Izrahia ga" ra" yauggai zo: dayaug qo" ra". Izrahia nho: yauggai zo: qe wa Mikhae- Obadia- Yoela- Ishia bam ngad mung: ai bam alhab' wa yham khaung au: jhaung qe ngad: ako". 4Yao: bam wa yham sang myhi" myo:sho' qo" gemung: zoshao myo: sho' qo" ko" ru yang yao: bam: myid:zo: qe wa gye mau" qhid' mae" 36,000 yaug qo" zaui: nhao: ako".
5Isakha amyu" kaung yham khaung alhab' mae" gye mau" qo" zaui: mo, 87,000 yaug re tarha" vao mang japhin: kad' to" ako".
Benyamin We' Dan Nho: Myid:zo: Qe
6Benyamin wa Baal- Bekhara- Yediae ga" ra" yauggai zo: sam yaug qo" ra".
7Baal wa Ezbon- Uzi - Uzie - Yerimod- Iri ga" ra" yauggai zo: ngo" yaug qo" ra". Yao: bam wa amyu" kaung yham khaung mae" au: jhaung qe ngad gemung: alhab' mo, mang qi" ra" gyezo: re ngad: ako". Yao: bam: myid:zo: qe mae gye mau" vin: ra" mo, 22,034 yaug bobo: ako".
8Bekhara wa Zemira- Yasha- Elieze- Elioenai- Omri- Yeremod- Abiya- Anathod- Alemed ga" ra" yauggai zo: gug yaug qo" ra". 9Yao: bam: myid:zo: qere yham khaung cao" yang: gye mau" zaui: mo, 20,200 yaug tarha" vao tung" xam" to" ako".
10Yediae wa Bihan ga" ra" yauggai zo: dayaug qo" ra". Bihan wa Yeu- Benyamin- Ehud- Khenana- Zethan- Tarshi- Ahishaha ga" ra" yauggai zo: nhad' yaug qo" ra". 11Yao:bam wa amyu" yham khaung jham mae" au: jhaung qe ngad mung: alhab' mo, mang qi" ra" gyezo: qe ngad: ako". Yao: bam:myid:zo: qe mae gye mau" vin: ra" mo, 17,200 yaug bobo: ako". 12Shupin we' Huppim shid' yaug re: ce: amyu" kaung mae bobo: ako". Dan wa Hushim ga" ra" yauggai zo: dayaug qo" ra".
Nabhtali Nho: Myid:zo: Qe
13Nabhtali wa Yazie- Guni- Yeze- Shalum- ga" ra" yauggai zo: byid yaug qo" ra". (Yao: bam wa Bila nho: myid:zo: qe ngad: ako".)
Manashe Nho: Myid:zo: Qe
14Manashe wa yao" nho: Arami myhi" myingai: yang khau byid: yang: Asrie- Makhira ga" ra" yauggai zo: qo" ra". Makhira wa Gilead nho: yao: pho" ngad: ra". 15Makhira wa Huppim we' Shupim nau" tao re myi: yu: ra". Yao" nhae: mo" wa Makha ga: mang yaug ngad: ra". Makhira nho: zole; yaug wa Zelophehad ngad mung: yao: wa myiqe: zo: qe za: qo" ra".
16Makhira nho: yham sang myhi" Makha wa Pere we' Shere ga: mhang" ra" yauggai zo: shid' yaug khau byid' ra". Pere wa Ulam- Rakem- ga" ra" yauggai zo: shid' yaug qo" ra". 17Ulam wa Bedan ga" ra" yauggai zo: dayaug qo" ra". Cebam alhab' wa Manashe nho: yao: myid:- Makhira nho: yauggai zo: Gilead nho: myid:zo: qe ngad: ako".
18Gilead nho: yao: nhae: mo" Hammolekhed wa Ishod- Abieze- Mala ga" ra" yauggai zo: sam yaug qo" ra". 19(Shemida wa- Shekhem- Likhi - Aniam- ga" yauggai zo: byid yaug qo" ra".)
Ephrim Nho: Myid:zo: Qe
20Cebam wa da qae: mae" daqae: na: gyo" lo: ra" Ephrim nho: myid:zo: qe ngad: ako". Ai bam wa Shuthela- Bered- Tahad- Eleada- Tahad 21Zabad- Shuthela bam ngad: ako". Ephrim wa Shuthela za: mangad: Ezera we' Elead ga" ra" yauggai zo: gatau shid' yaug re: qo" ra". Ai shid' yaug wa na xug'- byu qe sang: ra" gug'nyhug' jham re khug' nae" seim" ko" au: re se' pye' qhug' ako". 22Yao: tao: yao: pho" Ephrim wa yao: shid' tao: mathao mae myo: sho' ba kaug' ngug mung: yao" ba nam sang: cao: qe wa yao: re nhag' li" tang" byid' ako". 23Ai: thao yao: wa yao" yham sang myhi" we' gaung sho: dam: jho" zam" mung: gaung dam: la" li" yang: yauggai zo: dayaug khau: ra". Yao: bam: yham khaung mae qug: khai: joe" li" ru yang yao: shid' tao wa yao: re Beria ga: mhang" byid' ako".
24Ephrim wa Shera ga" ra" myiqe: zo: dayaug qo" ra". Ai: yaug wa tho' Bed Horon- O Bed Horon we' Uzen Shera re te" to" ra".
25Ephrim wa Repha ga: mhang" ra" yauggai zo: dayaug re: qo" ra". Ai: yaug nho: myid:zo: qe wa o mae tung" to" ru we' dakhyo: ngad: ra". Ai bam wa Reshep- Tela- Tahan- 26Ladan- Ammihud- Elishama 27Nun- Yoshu bam ngad: ako".
28Yao: bam sang: yu: ru we' te" na ko" ra" mug: myid wa Bethela vogaung we' ai: avai: ayae mae" jo, qo- ba thug' shad' Naran joe" sho'- ba vao shad' Geze vogaung: we' avai: ayae mae" vogaung: jham joe" sho' bobo: ra". Ai wa Shekhem- Aya we' avai: ayae vogaung: jham re: bobo: ako".
29Manashe nho: myid:zo: qe wa Betshan- Tanag- Megido- Do vogaung: jham we' aijham: avai: ayae vogaung: jham re sang: ci: ako".
Ce: jo, qo alhab' mae Yaku nho: yauggai zo: Yoseb nho: myid:zo: qe na: ako".
Ashe Nho: Myid:zo: Qe
30Cebam wa Ashe nho: myid:zo: qe ngad: ako". Ashe wa Imna- Ishva- Ishvi- Beria ga" ra" yauggai zo: byid yaug we' Sera ga" ra" myiqe: zo: dayaug qo" ra".
31Beria wa Hebera we' Malkhie ga" ra" yauggai zo: shid' yaug qo" ra". (Malkhie wa Birzaid vagaung: te: yaug ngad: ra".)
32Hebera wa Yaphed- Shome- Hotham- ga" ra" yauggai zo: sam yaug we' Shua ga" ra" myiqe: zo: dayaug qo" ra".
33Yaphed re: Pasag- Bimha- Ashvad ga" ra" yauggai zo: sam yaug qo" ra".
34Yao: nhaung: Shome wa Roga- Yehuba- Aram ga" ra" yauggai zo: sam yaug qo" ra".
35Yao: nhaung: Hotham wa Zopha- Imana- Shele- Amala ga" ra" yauggai zo: byid yaug qo" ra".
36Zopha nho: myid:zo: qe wa Sua- Harnephe- Shuala- Beri- Imra- 37Beze- Hoda- Shamma- Shilsha- Ithran- Bera bam ngad: ako".
38Yetha nho: myid:zo: qe wa Yephune- Pispa- Ara bam ngad mung:- 39Ula nho: myid:zo: qe wa Ara- Hanie, Rizia bam ngad: ako".
40Cebam alhab' wa Ashe nho: myid:zo: qe ngad: ako". Yao: bam wa yham khaung jham: nho: au: jhaung qe mang qi" ra" gye khe' sulhe: qe- baug thug' ra" au: jhaung qe ngad: ako". Ashe nho: myid:zo: qemae" gye mau" zaui: mo, 26,000 yaug bobo: ako".
Currently Selected:
1 KHO:KHAM MHOMYI: 7: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
