1 KHO:KHAM MHOMYI: 6
6
Khinjaung Yin" Qenho: Yham Khaung Byu Jham
1Levi wa Gershon- Kohad- Merari ga" ra" yauggai zo: sam yaug qo" ra". 2Kohad wa Aimram- Izha- Hebron- Uzie ga" ra" yauggai zo: byid yaug qo" ra".
3Amram wa Arun we' Moshe ga" ra" yauggai zo: shid' yaug we' Miriam ga" ra" myiqe: zo: dayaug qo" ra". Arun wa Nadab- Abihu- Eleaza- Ithama ga" ra" yauggai zo: byid yaug qo" ra".
4Eleaza nho: myid:zo: qe da xag' mae" daxag' wa o mae" we' dakhyo: ngad: ako". Aibam wa Phineha- Abishua- 5Buki- Uzi 6Zerahia- Merarod- 7Amaria- Ahitub- 8Zadog - Ahimaza - Azaria - 9Yohanan - 10Azaria (aiyaug wa Yerusalem mae" Sholamon kad' ra" Caung:pa" Yham mae caung da" byid: yaug ngad: ra".) 11Amaria- Ahitub- 12Zadog- Shalum 13Hilkia- Azaria- 14Seraia- Yehozadag- bam ngad: ako". 15Kho:kham Nebugkhaneza wa- Asang: yang pyaung" jhui" lo" nhao: ra" Yuda we' Yerusalem vobyu qe we' daga" Yehozadag re pyaung" jhui" lo" byaug: ra".
Levi Nho: Myid:zo: Gaje Qe
16Levi wa Gershon- Kohad- Merari ga" ra" yauggai zo: sam yaug qo" ra". 17Yao: bam yaug khao: ngo" re: yauggai zo: qe qo" ako". Gershon wa Libni we' Shimi nho: yao: pho" ngad: ra". 18Kohad wa Amram- Izha- Hebron- Uzie- bam: yao: pho" ngad: ra". 19Merari wa Mali we' Mushi tao: yao: pho" ngad: ra".
20Cebam wa Gershon nho: myid:zo: qe daxag' mae" daxag' gyo" lo: ra" byu xag' ngad: ra". Ai bam wa Libni- Yahad- Zimma- 21Yoahaza- Ido- Zera- Yeatherai bam ngad: ako".
22Cebam wa Kohad nho: myid:zo: qe daxag' mae" daxag' gyo" lo: ra" byuxag' ngad: ra". Ai bam wa Amminadab- Kora- Assi- 23Elkana- Ebiasab- Asira- 24Tahad- Urie- Uzia- Shau- bam ngad: ako".
25Elkana wa Amasai- Ahimod ga" ra" yauggai zo: shid' yaug qo" ra". 26Cebam wa Ahimod nho: myid:zo: qe daxag' mae" daxag' na: gyo" lo: ra" byu xag' ngad: ra". Aibam wa Elkana- Zophai- Nahad- 27Eliab- Yeroham- Elkana bam ngad: ako".
28Samuela wa zoqhid yaug Yoela- angai yaug Abiya ga" ra" yauggai zo: shid' yaug qo" ra".
29Cebam wa Merari nho: myid:zo: qe daxag' mae" daxag' na: gyo" lo: ra" byu xag' ngad: ra". Aibam wa Mali- Libni- Shimi- Uzala- 30Shimea- Hagia- Asaia bam ngad: ako".
Caung:pa" Yham Mae" Tang: Be; Mo,
31Cebam wa kho:kham Davi yang Dao: Thang" Ban" qhui" to: thao re Yerusalem vogaung: caung:pa" ra" jo, qo mae caung: ngaui" tang: be, nae" san: to" ra" mo, ngad: ako". 32Yao: bam wa kho:kham Sholamon Caung:pa" Yham re makad' shire Asang: qhid' kheim: Zaung mae khonhae" re: qo yu mo,ngad: ako". 33Ce: mau" re zaui" ra" mo; yham khaung byuxag wa o mae we' dakhyo: ngad: ako". Aibam wa Kohad kaung qe sao qhid' nghaui" caung: phung: re au: she yaug Heman wa Yoela nho: yauggai zo:ngad: ra". Yao" yham khaung byuxag' Yaku joe" sho' o mae" we' dakhyo: ngad: ra". Aibam wa Heman- Yoela- Samuela- 34Elkana- Yeroham- Elie- Toa. 35Zupha Elkana- Mahad- Amosai- 36Elkana- Yoela- Azaria- Zephani- 37Tahad- Asira- Ebiasab- Kora- 38Izha- Kohad- Levi- Yaku bam ngad: ako".
39Asab wa nghaui" caung: phung: shid' phung: ein: phung" nho: au: jhaung ngad: ra". Yao" yham khaung byuxag' wa Levi joe" sho' o mae" we' dakhyo: ngad: ra". Ai bam wa- Asab- Berekhia- Shimea- 40Mikhae- Basea- Malkhiya- 41Ethni- Zera- Adaia 42Ethan- Zimma- Shime 43Yahad- Gershon- Levi bam ngad: ako".
44Merari nho: kaung mae" Ethan wa- makhung" phung: sam phung: ein: phung" nho: au: jhaung ngad: ra". Yao" yham khaung byu xag' wa Levi joe" sho' o mae" we' dakhyo: ngad: ra". Ai bam wa Ethan- Kishi- Abdi- Malug- 45Hashabia- Amazia- Hilkia- 46Amzi- Bani- Shemera- 47Mali- Mushi- Merari- Levi bam ngad: ako".
48Yao: bam: Levi mao: nhaung: qere wa caung:pa" jo, qo mae gatau: mau" alhab' mae san: to: byid' ra".
Arun Nho: Myid:zo: Qe
49Arun we' yao" nho: myid:zo: qe wa sheim nae pyo: ja: xeim: we' ngaui" xeim: jham re phan dao mae phad' ngaui" byid' ako". Yao: bam wa gyang" lho" thao" jo, qo mae caung" da" byid' ra" mau" alhab' we' ngaui" xeim: ngaui"byid' ra" mau" alhab' re qo yu mo, ngad: ako". Ce: khyo" yang Mao"So wa Israel byu qe: qobo re khyad' byid' ra". Yao: bam wa ce gu: alhab' re Mao"So: daui daui yaug Moshe yang mho" shid' to" rure cao"yang: kad' ako". 50Cebam wa Arun nho: myid:zo: byuxag' ngad: ra". Ai bam wa Eleaza - Phineha - Abishua - 51Buki - Uzi - Zerahia - 52Meraiot - Amoria - Ahitub - 53Zadog - Ahimaza - bam ngad: ako".
Levi Byu Qe: Na Jo,Qo
54Ceru wa Kohad nho: kaung mae" Arun nho: myid:zo: qere jaung byid' ra" mug: myid ngad: ra". Yao: bam wa Levi byu qere jaung byid' ra" mug: myid: nho: sao qhid' gae bam re qo" khae: yu: ako". 55Ce wa Yuda mung" mae Hebron we' ai: lhang" gam: mhin: gyo, jao: mug: myid jham bobo: ra". 56Ngadqere: ai: vogaung" yang sang: ra" yo thaung: we' vogaung: jham re Yephune nho: yauggai zo: Khaleb re jaung byid' ra". 57-59O mae" vogaung: jham re wa Arun nho: myid:zo: qere jaung byid' ako". Ai wa phao khug: na vogaung: Hebron- Yati- Libna- Esthemoa- Hilen- Debira- Ashan- Betsheme vogaung: we' daga" mhin: gyo, jao: jham ngad: ra". 60Benyamin mug: myid mae yao: bam re o mae tung" to" ra" vogaung: jham we' mhin: gyo, jao: mug: myid jham yao: bam re jaung: to: byid: qhug' ako". Ai jham wa- Geba Alemed- Anathod- vogaung: jham ngad: ako". Yao:bam yham khaung alhab' na nae" qhid' mae" vogaung: alhab' daxe: sam vo ngad: ra". 61Bavao shad' Manashe mug: myid mae" daxe vo re wa pha" ce' khyo" yang: yham khaung lao yang: Kohad nho: dang: ra" myid:zo: qere jaung byid' ako".
62Gershon kaung qere wa yham khaung cao" yang: Isakha- Ashe- Nabhtali- mug: we' Bashan mung" mae" ba thug' shad' Manashe mug: mae" daxe: sam vo re jaung: to: byid' ra". 63Ai we' dakhyo: Rubin- Gad- Zebulun mug: myid mae" daxe: shid' vo re yham khaung cao" yang: Merazi kaung qere jaung byid' ako". 64Ceru: kad' yang: Israel byu qe wa Levi byu qere na nae" qhid' mae" vogaung: jham re lhang" gam: mae" mhin: gyo, jao: mug: myid jham we' daga" jaung byid' ako". 65(Tho' mae ta" to" ra" Yuda- Simun- Benyamin mug: myid mae" vogaung: jham rere: pha" ce' khyo" yang: jaung byid' ako".)
66Kohad kaung mae" yham khaung daqhae: re Ephrim mug: myid mae" vogaung: jham we' mhin: gyo, jao: mug: myid jham re jaung byid' ako". 67Aijham wa Ephrim bam mug: mae" phao: khug vogaung: ngad: ra" Shekhem-Geze- 68Yokmeam- Betheron- 69Aiyalon- Gat Rimon jham ngad: ako". 70Ba vao shad' Manashe mug: myid mae" Anera- Bileam vogaung: we' ai: lhang" gam: mhin: gyo, jao: mug: myid jham re yao: bam re jaung byid' ako".
71Gershon kaung mae" yham khaung qere wa- o mae" vogaung: jham we' lhang" gam: mhin: gyo, jao: mug: myid jham re jaung byid' ako".
72Aijham wa ba thug' shad' Manashe mug: myid Bashan mung" mae" Golan- Ashtarod Isakha mug: myid mae" Kade- Daberad- 73Ramod- Anem-
74Ashe mug: myid mae" Mashala- Abdon- 75Hukog- Rehob
76Nabhtali mug: myid Galile mung" mae" Kade- Hammon- Kiriathaim- mug: myid jham re jaung byid' ako".
77Merari kaung mae" dang: ra" yham khaung qere wa o mae tung" to" ra" vogaung: jham we' lhang" gam: mhin: gyo, jao: mug: myid jham we'
Zebulun mug: myid mae wa Rimono we' Tabora-
78Rubin mug: myid mae" Yodan gyaung: ba thug' shad' Yerikho: thoete'- Bazera bug dam: Yahza- 79Kedemod- Mephat.
80Gad mug: myid mae" Gilead mung" mae" Ramod- Mahanaim- 81Heshbon- Yeze mug: myid jham re jaung byid' ako".
Currently Selected:
1 KHO:KHAM MHOMYI: 6: LHCL
Highlight
Copy
Compare
Share
Want to have your highlights saved across all your devices? Sign up or sign in
© Bible Society of Myanmar 2009
