मर्कुस 3
3
लाःक्पा काम्क्योक मीः टाःक्योक
(मत्ती १२:९-१४; लुका ६:६-११)
1येशु फीर्च्या जोम्साखीमला डोसुना ओःला मेःराङ चीग लाःक्पा काम्क्योक मीः एःके। 2ओः ङीःमा यहुदीक्याइ थाङ सोगेन ङीःमा सोङ्गारा येशुइ ओः मीःला टाःच्युउदुबा ना लाःती खुङला माःताक्पा च्याःङ्जेला खुङला तागेन मीःक्याङ एःके। 3येशुइ लाःक्पा काम्क्योक मीःला लाःसी, “ख्यो तेला स्यो ओःले थाम्जेरकीइ तोःङ्ला लोःङ।” 4ओःले येशुइ खुङक्याला लाःसी, “ताः लोःप, थाङ सोगेन ङीःमाला उःइ ठीमगीइ ची पेःजे डीक्पु एः लाःकुबा? याःथाक्चे पेःदो ना माःइबा पेःदो? सेन्च्युदो ना सेतो?” इःनाङ मीःक्याइ चीङ लेःन लोमाःखु। 5ओःले येशुला सीःताङ लाःङ्दी छ्योसीःराछ्योले थाम्जेरला तासी ओःले ओः मीःक्याइ ताःम्बु सेमला थोङ्दी खुङला माःङ्बुरा तुःङाल नेसी। ओःले खुङगीइ ओः मीःला लाःसी, “ख्योइ लाःक्पा स्याःङ्दो!” खुङगीइ लाःक्पा स्याःङ्सी ओःले खुङगीइ लाःक्पा टाःसी।
6ओः सोङ्गारा, फारीसीक्या जोम्साखीमलाःम्ले थेङ्दी हेरोद क्याःल्बुइ मीःक्या ङीमु येशुला काःन्डुले सेकेन्दी लाःती टेः पेःसी।
7येशु ओःले खुङगीइ योबाक्या ओःलाःम्ले गालील छोइ सुःरला काःल्सी, मीःक्याइ छ्योम्बो पोर्चोमगीइ येशुला ब्य्राङ्दी एःके। ओः मीःक्या गालीललाःम्ले, 8यहुदीयालाःम्ले ओःले यरुशलेम क्याःसालाःम्ले, इदुमीआ रा यर्दन चाङ्बुइ फार्केनलाःम्ले ओःले टुरोस रा सीदोनगीइ सुःरकीइ युःलक्यालाःम्ले ओःङ्दी एःके। येशुइ पेःक्योक याःमाछाककीइ लेःगाक्याइ बारेला कोःदी ओः मीःक्या ओःला ओःङ्दी एःके। 9मीःइ पोर्चोम माःङ्बुरा छ्योम्बो एःके, ओः सोङ्गारा राःङला मानेम्ज्युक लाःती येशुइ राःङगीइ योबाक्याला राःङगीइ लागी टुः चीग तयार जोच्युसी। 10खुङगीइ माःङ्बुरा मीःक्याला टाःच्युक्योक सोङ्गारा नाःजा क्याःप्योक थाम्जेरकीइ खुङला देजेला फुल्दाक तेर्तेरा एःके। 11हेन्डी क्याःप्योक मीःक्याइ खुङला थोङ्लुङम्याःपा खुङगीइ तोःङ्ला खाप्लु क्याःप्ती एःन्डु लाःतेरा चीरे तेङ्सी, “ख्या कोन्ज्योइ पुः इःङे!” 12इःनाङ येशुइ खुङ सु इःङे लाःती मीःक्याइ माःछोर्च्युक लाःती ओः हेन्डीक्याला चोक्पो पेःदी केताङ्सी।
येशुइ मेःन्दा चीङ्ङी प्रेरीतक्याला दाम्क्योक
(मत्ती १०:१-४; लुका ६:१२-१६)
13ओःले येशु काःङ चीगला काःल्सी ओःले राःङला कोःकेन चे योबाक्याला केक्याःप्सी, ओःले योबाक्या खुङ साःला ओःङ्सी। 14-15राःङ ङीमुरा तेःच्युक ओःले मीःक्याला याःबु लेःङ्गो लाःकाला डोज्युक ओःले हेन्डीक्या तेङेन आङ्ज्या ज्योर्च्युक लाःती खुङगीइ मेःन्दा चीङ्ङी योबाक्याला दाम्सी ओःले प्रेरीत लाःती मीःन तेर्सी। 16दाम्क्योक मेःन्दा चीङ्ङी दी मीःक्यारा इःङे– सीमोन (खुङला येशुइ पत्रुस मीःन ज्यातेर्सी), 17जब्दीयाइ पुः ङी याकुब ओःले युहन्ना (दीखुङक्याइ मीःन येशुइ बोअनर्गेस ज्यातेर्सी, ओःखो लाःक्योकदी चाःट्याङगीइ छार्क्युफुर्क्यु इःङे), 18अन्द्रीयास, फीलीप, बारथोलोमाइ, मत्ती, थोमा, याकुब (अल्फयसकीइ पुः), थेदीयस, सीमोन (देशभक्ती) 19ओःले यहुदा इस्करीयोत (तीङ्ला खुङगीइ येशुला जुम्जेला रोः पेःसी)।
येशु ओःले बालजीबुल
(मत्ती १२:२२-३२; लुका ११:१४-२३; १२:१०)
20ओः तीङ्ला येशु खीमला काःल्सी। फीर्च्या मीःक्याइ छ्योम्बो पोर्चोम जोम्क्योक सोङ्गारा खुङ ओःले खुङगीइ योबाक्याइ साःप्च्या साःगेन लुःङाङ माःज्योर। 21ओः ताम येशुइ फेबेक्याइ कोःमीःजीक, खुङक्या येशुला लेःङ्गाला काःल्सी चीलेलाःना खुङक्याइ येशुला “खुङ ङ्योदी एः!” लाःतेरा एःके।
22यरुशलेमलाःम्ले ओःङ्क्योक छ्येइ ठीमगीइ लोबेनक्यादी “दीखोला बालजीबुल#३:२२ बालजीबुल बालजीबुलदी शैतानगीइ राःङ्सा मीःन इःङे। लाःकेन हेन्डी जादी एः, दी हेन्डीइ क्याःल्बुइ ल्हेइ पेःगासुना दीखोइ हेन्डीक्या त्याःदेरा एः।” लाःकाला स्युःसी।
23ओः सोङ्गारा, येशुइ खुङक्याला राःङ साःला केक्याःप्ती ओः तामगीइ बारेला पेदामक्यालाःम्ले लाःसी, “शैतानगीइ शैतानलारा काःन्डुले तेङ्जे खुउबा ले? 24काःन्दीङ देशकीइ मीःक्या खुङक्या राःङ राःङगीइ कील्ला ठुक्पा स्योर्सी लाःना ओःखो राःङ्रा सीःङ्दाक चेती डोउए। 25राःङ नाःङ्लारा ठुक्पा स्योर्केन फेबेक्याङ सीःङ्दाक चेती डोउए। 26ओःन्डुलेरा शैतानगीइ क्याःल्खापलाङ खुङक्या राःङ राःङरा ठुक्पा स्योर्ती खाफ्यासी लाःना ओःखोइ क्याःल्खाप सीःङ्दाक चेती डोउए। 27सुइयाङ क्याःबा मीःइ खीमला स्युःदी छेगाक्या खेर्चे तोःङ्ला ओः क्याःबा मीःला थाक्पाइ ताकोःउए। ओःले चीग्रा खुङगीइ खीमला स्युःदी छेगाक्या कुजे खुउए।
28 तेःन्दामरा, ङाः ख्याक्याला लाःके, मीःक्याइ पेःगेन थाम्जेर लाःयो ओःले खुङक्याइ लाःक्योक माःरीक्पा तामक्याङ क्षमा ओःङेन एः, 29इःनाङ चाङ्मा लाइ वीरुद्धला माःरीक्पा लाःकेन्दीला नाःमाङ क्षमा मेःयोःङेन एः, चीलेलाःना खुङ नाःमाङ मीःसीःङेन लाःयोइ माःताक्पा ओःङेन एः।” 30मीःक्याइ येशुला हेन्डी जादी एः लाःक्योक सोङ्गारा येशुइ दी ताम खुङक्याला लाःक्योक इःङे।
येशुइ आमा ओःले नोःक्या
(मत्ती १२:४६-५०; लुका ८:१९-२१)
31ओः तेःकासु येशुइ आमा ओःले नोःक्या ओःला ओःङ्सी, ओःले खुङक्या फीलारा कुःदी येशुला केक्याःप्चेला मीःक्याला ताङ्सी।
32येशुइ छुरफारले मीःइ पोर्चोम तेःतीरहीतीदी एःके ओःले खुङक्याइ येशुला लाःसी, “ख्याइ आमा ओःले नोःक्या फीला ख्याला कुःतेःती एः।” 33येशुइ लाःसी, “ङाःइ आमा ओःले नोःक्या सु इःङे?” 34राःङगीइ छुरफारले तेःतीरहीतीक्योक मीःक्याला तादी खुङगीइ लाःसी, “ङाःइ आःमा ओःले नोःक्या दीक्यारा इःङे। 35चीलेलाःना काःन्दीइ कोन्ज्योला सेम थेकेन लेःगा पेःउबा ओःखोरा ङाःइ नोः, नोःमो ओःले आःमा इःङे।”
Currently Selected:
मर्कुस 3: SYW
Highlight
Share
Copy
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.
मर्कुस 3
3
लाःक्पा काम्क्योक मीः टाःक्योक
(मत्ती १२:९-१४; लुका ६:६-११)
1येशु फीर्च्या जोम्साखीमला डोसुना ओःला मेःराङ चीग लाःक्पा काम्क्योक मीः एःके। 2ओः ङीःमा यहुदीक्याइ थाङ सोगेन ङीःमा सोङ्गारा येशुइ ओः मीःला टाःच्युउदुबा ना लाःती खुङला माःताक्पा च्याःङ्जेला खुङला तागेन मीःक्याङ एःके। 3येशुइ लाःक्पा काम्क्योक मीःला लाःसी, “ख्यो तेला स्यो ओःले थाम्जेरकीइ तोःङ्ला लोःङ।” 4ओःले येशुइ खुङक्याला लाःसी, “ताः लोःप, थाङ सोगेन ङीःमाला उःइ ठीमगीइ ची पेःजे डीक्पु एः लाःकुबा? याःथाक्चे पेःदो ना माःइबा पेःदो? सेन्च्युदो ना सेतो?” इःनाङ मीःक्याइ चीङ लेःन लोमाःखु। 5ओःले येशुला सीःताङ लाःङ्दी छ्योसीःराछ्योले थाम्जेरला तासी ओःले ओः मीःक्याइ ताःम्बु सेमला थोङ्दी खुङला माःङ्बुरा तुःङाल नेसी। ओःले खुङगीइ ओः मीःला लाःसी, “ख्योइ लाःक्पा स्याःङ्दो!” खुङगीइ लाःक्पा स्याःङ्सी ओःले खुङगीइ लाःक्पा टाःसी।
6ओः सोङ्गारा, फारीसीक्या जोम्साखीमलाःम्ले थेङ्दी हेरोद क्याःल्बुइ मीःक्या ङीमु येशुला काःन्डुले सेकेन्दी लाःती टेः पेःसी।
7येशु ओःले खुङगीइ योबाक्या ओःलाःम्ले गालील छोइ सुःरला काःल्सी, मीःक्याइ छ्योम्बो पोर्चोमगीइ येशुला ब्य्राङ्दी एःके। ओः मीःक्या गालीललाःम्ले, 8यहुदीयालाःम्ले ओःले यरुशलेम क्याःसालाःम्ले, इदुमीआ रा यर्दन चाङ्बुइ फार्केनलाःम्ले ओःले टुरोस रा सीदोनगीइ सुःरकीइ युःलक्यालाःम्ले ओःङ्दी एःके। येशुइ पेःक्योक याःमाछाककीइ लेःगाक्याइ बारेला कोःदी ओः मीःक्या ओःला ओःङ्दी एःके। 9मीःइ पोर्चोम माःङ्बुरा छ्योम्बो एःके, ओः सोङ्गारा राःङला मानेम्ज्युक लाःती येशुइ राःङगीइ योबाक्याला राःङगीइ लागी टुः चीग तयार जोच्युसी। 10खुङगीइ माःङ्बुरा मीःक्याला टाःच्युक्योक सोङ्गारा नाःजा क्याःप्योक थाम्जेरकीइ खुङला देजेला फुल्दाक तेर्तेरा एःके। 11हेन्डी क्याःप्योक मीःक्याइ खुङला थोङ्लुङम्याःपा खुङगीइ तोःङ्ला खाप्लु क्याःप्ती एःन्डु लाःतेरा चीरे तेङ्सी, “ख्या कोन्ज्योइ पुः इःङे!” 12इःनाङ येशुइ खुङ सु इःङे लाःती मीःक्याइ माःछोर्च्युक लाःती ओः हेन्डीक्याला चोक्पो पेःदी केताङ्सी।
येशुइ मेःन्दा चीङ्ङी प्रेरीतक्याला दाम्क्योक
(मत्ती १०:१-४; लुका ६:१२-१६)
13ओःले येशु काःङ चीगला काःल्सी ओःले राःङला कोःकेन चे योबाक्याला केक्याःप्सी, ओःले योबाक्या खुङ साःला ओःङ्सी। 14-15राःङ ङीमुरा तेःच्युक ओःले मीःक्याला याःबु लेःङ्गो लाःकाला डोज्युक ओःले हेन्डीक्या तेङेन आङ्ज्या ज्योर्च्युक लाःती खुङगीइ मेःन्दा चीङ्ङी योबाक्याला दाम्सी ओःले प्रेरीत लाःती मीःन तेर्सी। 16दाम्क्योक मेःन्दा चीङ्ङी दी मीःक्यारा इःङे– सीमोन (खुङला येशुइ पत्रुस मीःन ज्यातेर्सी), 17जब्दीयाइ पुः ङी याकुब ओःले युहन्ना (दीखुङक्याइ मीःन येशुइ बोअनर्गेस ज्यातेर्सी, ओःखो लाःक्योकदी चाःट्याङगीइ छार्क्युफुर्क्यु इःङे), 18अन्द्रीयास, फीलीप, बारथोलोमाइ, मत्ती, थोमा, याकुब (अल्फयसकीइ पुः), थेदीयस, सीमोन (देशभक्ती) 19ओःले यहुदा इस्करीयोत (तीङ्ला खुङगीइ येशुला जुम्जेला रोः पेःसी)।
येशु ओःले बालजीबुल
(मत्ती १२:२२-३२; लुका ११:१४-२३; १२:१०)
20ओः तीङ्ला येशु खीमला काःल्सी। फीर्च्या मीःक्याइ छ्योम्बो पोर्चोम जोम्क्योक सोङ्गारा खुङ ओःले खुङगीइ योबाक्याइ साःप्च्या साःगेन लुःङाङ माःज्योर। 21ओः ताम येशुइ फेबेक्याइ कोःमीःजीक, खुङक्या येशुला लेःङ्गाला काःल्सी चीलेलाःना खुङक्याइ येशुला “खुङ ङ्योदी एः!” लाःतेरा एःके।
22यरुशलेमलाःम्ले ओःङ्क्योक छ्येइ ठीमगीइ लोबेनक्यादी “दीखोला बालजीबुल#३:२२ बालजीबुल बालजीबुलदी शैतानगीइ राःङ्सा मीःन इःङे। लाःकेन हेन्डी जादी एः, दी हेन्डीइ क्याःल्बुइ ल्हेइ पेःगासुना दीखोइ हेन्डीक्या त्याःदेरा एः।” लाःकाला स्युःसी।
23ओः सोङ्गारा, येशुइ खुङक्याला राःङ साःला केक्याःप्ती ओः तामगीइ बारेला पेदामक्यालाःम्ले लाःसी, “शैतानगीइ शैतानलारा काःन्डुले तेङ्जे खुउबा ले? 24काःन्दीङ देशकीइ मीःक्या खुङक्या राःङ राःङगीइ कील्ला ठुक्पा स्योर्सी लाःना ओःखो राःङ्रा सीःङ्दाक चेती डोउए। 25राःङ नाःङ्लारा ठुक्पा स्योर्केन फेबेक्याङ सीःङ्दाक चेती डोउए। 26ओःन्डुलेरा शैतानगीइ क्याःल्खापलाङ खुङक्या राःङ राःङरा ठुक्पा स्योर्ती खाफ्यासी लाःना ओःखोइ क्याःल्खाप सीःङ्दाक चेती डोउए। 27सुइयाङ क्याःबा मीःइ खीमला स्युःदी छेगाक्या खेर्चे तोःङ्ला ओः क्याःबा मीःला थाक्पाइ ताकोःउए। ओःले चीग्रा खुङगीइ खीमला स्युःदी छेगाक्या कुजे खुउए।
28 तेःन्दामरा, ङाः ख्याक्याला लाःके, मीःक्याइ पेःगेन थाम्जेर लाःयो ओःले खुङक्याइ लाःक्योक माःरीक्पा तामक्याङ क्षमा ओःङेन एः, 29इःनाङ चाङ्मा लाइ वीरुद्धला माःरीक्पा लाःकेन्दीला नाःमाङ क्षमा मेःयोःङेन एः, चीलेलाःना खुङ नाःमाङ मीःसीःङेन लाःयोइ माःताक्पा ओःङेन एः।” 30मीःक्याइ येशुला हेन्डी जादी एः लाःक्योक सोङ्गारा येशुइ दी ताम खुङक्याला लाःक्योक इःङे।
येशुइ आमा ओःले नोःक्या
(मत्ती १२:४६-५०; लुका ८:१९-२१)
31ओः तेःकासु येशुइ आमा ओःले नोःक्या ओःला ओःङ्सी, ओःले खुङक्या फीलारा कुःदी येशुला केक्याःप्चेला मीःक्याला ताङ्सी।
32येशुइ छुरफारले मीःइ पोर्चोम तेःतीरहीतीदी एःके ओःले खुङक्याइ येशुला लाःसी, “ख्याइ आमा ओःले नोःक्या फीला ख्याला कुःतेःती एः।” 33येशुइ लाःसी, “ङाःइ आमा ओःले नोःक्या सु इःङे?” 34राःङगीइ छुरफारले तेःतीरहीतीक्योक मीःक्याला तादी खुङगीइ लाःसी, “ङाःइ आःमा ओःले नोःक्या दीक्यारा इःङे। 35चीलेलाःना काःन्दीइ कोन्ज्योला सेम थेकेन लेःगा पेःउबा ओःखोरा ङाःइ नोः, नोःमो ओःले आःमा इःङे।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.