मर्कुस 4
4
सेन चुगेन पेदाम
(मत्ती १३:१-२३; लुका ८:४-१५)
1येशु फीर्च्या गालील छोइ सुःरला लोप्काला स्युःदी एःके। खुङगीइ छुरफारले मीःइ छ्योम्बो पोर्चोम ओःङ्क्योक सोङ्गारा खुङ टुः चीगला जादी सुःरलाःम्ले तीबी चीग फार्ला काःल्सी ओःले ओःखोला तेःसी। मीःक्यादी छोइ सुःरलारा तेःसी। 2ओःले खुङगीइ मीःक्याला माःङ्बुरा तामक्या पेदामलाःम्ले लोप्सी। खुङगीइ एःन्डु लाःसी, 3“कोःदो! मेःराङ चीग मीः सीःङ्ला सेन ताप्काला काःल्सी। 4सीःङला सेन ताप्सुना ताप्सुनारा चीङ सेनक्या लाःमला लेप्सी ओःले च्याःज्युङ्माक्याइ ओःङ्दी साःतेर्सी। 5काःजे सेनक्यादी तीबी चीग सेबी एःक्योक छ्योम्बो तोःखाला लेप्सी। ओः सेनक्या गेबुरा केसी चीलेलाःना ओः सेबी ओःपतीःङ म्याःके। 6इःनाङ चार्पु ङीःमा स्यार्ती ओः पुःङ्माक्या काम्सी ओःले चार्ङे चावाथुप म्याःकारा गेबुरा सीसी। 7काःजे सेनक्यादी छेर्माङक्याइ पुःङ नाःङ्ला लेप्सी ओःले छेर्माङक्याइ पुःङ छ्योम्बो काःल्सी ओःले ओः पुःङक्याला चीप्चे ओःले डु कोःङ्जे मातेर। 8इःनाङ काःजे सेन लाःना याःबु नेमु सेबीला लेप्सी ओःले ओःक्या केसी, चीप्सी ओःले डु कोःङ्सी। लाःलेइ पुःङ्माला खाल चीग रा च्यु गुणा, लाःलेइला खाल सुम गुणा ओःले लाःलेइला क्याः चीग गुणा ल्हामा डु कोःङ्सी।” 9ओःले येशुइ लाःसी, “काःखोक्याइदी कोःगेन नाम्ज्यो एःपा, ओःखोक्याइ कोःज्युक।”
10ओःले येशु चीग्रा एःसुना मेःन्दा चीङ्ङी योबाक्या ओःले खुङगीइ छ्योसीःले एःक्योक चीङ मीःक्याइ खुङला ओः पेदामगीइ लेःन ची इःङे लाःती टीःसी। 11येशुइ खुङक्याला लाःसी, “ख्योक्यालादी कोन्ज्योइ क्याःल्खाप नाःङ्गीइ तामक्या सेजे तेर्ती एः, इःनाङ राःङ्सा मीःक्यालादी थाम्जेर ताम पेदामलारा लाःकोःउए,
12 ओःले खुङक्याइ तजे नी तउए इःनाङ मेःथोङ्ए,
कोःजे नी कोःउए इःनाङ खुङक्याइ मेसेए।
मीःङेलाना नी खुङक्याइ स्याबा पेःदी लाःयो पोःर्ती कोन्ज्योछ्योले ओःङ्जेके
ओःले कोन्ज्योइ खुङक्याला क्षमा तेर्चेके।” #
यशैया ६:९-१०
13येशुइ खुङक्याला टीःसी, “ख्योक्याइ दी पेदामगीइ लेःन नी ङोःमासे लाःना राःङ्सा पेदामक्याइ लेःन काःन्डुले सेडो? 14सेन ताप्केन्दीइ कोन्ज्योइ सुङ ताप्कुए। 15मेःन्दा काःजे मीःक्यादी लाःमक्याला लेप्क्योक सेन च्योःङ्रारा ओःङ्गुए। खुङक्याइ लेःङ्गो कोःलुङ्म्याःपा शैतान ओःङ्दी खुङक्याइ सेमलाःम्ले ओः लेःङ्गो तेङ्दीङ खेर्कुए। 16मेःन्दा काःजे मीःक्यादी तीबी चीग सेबी एःक्योक छ्योम्बो तोःखाला लेप्क्योक सेन च्योःङ्रारा ओःङ्गुए। खुङक्याइ लेःङ्गो कोःलुङ्म्याःपा केःदाङ पेःदी खुङला लेःङ्गुए। 17इःनाङ खुङक्याइ चार्ङे नाःङ्थुप म्याःकारा ओः लेःङ्गो माःङ्बु ङीःमाथुप खुङक्याइ सेमला मेःतेए। इःनाङ ओः लेःङ्गोला सेमल्हुक लुक्योक सोङ्गारा तुःक्पु ओःले सतावट ओःङ्गासुना खुङक्याइ सेमल्हुक लुजे पोःर्कुए। 18राःङ्सा मीःक्यादी छेर्माङगीइ पुःङ्मा नाःङ्ला लेप्क्योक सेनक्या च्योःङ्रा इःङे। खुङक्याइ लेःङ्गो कोःउए, 19इःनाङ मीःलीइ तुःङाल, नोःर क्युःक्या फाङ्जेइ पेःसुना ओःले राःङ्सा माःङ्बुरा तामक्याइ सेःम्बाइ पेःगासुना ओः लेःङ्गो तोर्ती डोउए ओःले खुङक्याइ चीङ ब्रुम्दो कोःङ्मीच्युए। 20इःनाङ राःङ्सा मीःक्यादी नेमु सेबीला लेप्क्योक सेनक्या च्योःङ्रा इःङे। खुङक्याइ लेःङ्गो कोःउए, लेःङ्गुए ओःले ब्रुम्दो कोःङ्च्युउए, लाःलेइ खाल चीग रा च्यु गुणा, लाःलेइ खाल सुम गुणा ओःले लाःलेइ क्याः चीग गुणा ब्रुम्दो कोःङ्च्युउए।”
छेमीइ साङ्बु
(लुका ८:१६-१८)
21येशुइ खुङक्याला लाःसी, “सुइयाङ छेमी थेप्ती पतीइ मीउपए, नाः फाम्री वाःला इप्ती ज्याउबा! छेमी नी खीम नाःङ्ला ओःङेनक्याला साङ्बु ओःङ्ज्युक लाःती थोम्बो ठाउँला ज्याउए! 22एःन्डुलेरा इप्ती ज्याक्योक तामक्या ची काःजे एःपा, ओः थाम्जेर थोङेन्दी एः, ओःले उप्ती ज्याक्योक तामक्या ची काःजे एःपा, ओः थाम्जेर साङ्बुला ख्योङेन्दी एः। 23काःखोक्याइदी कोःगेन नाम्ज्यो एःपा, ओःखोक्याइ कोःज्युक!”
24येशुइ खुङक्याला लाःसी, “ख्याक्याइ ची कोःबा, ओःखोला सेम तेर। चीलेलाःना ख्याक्याइ काःन्दीइ माःङ्बु कोःबा ओःखोइ माःङ्बुरा सेगेन एः ओःले ताःरुङ माःङ्बु पेःदी सेगेन एः। 25चीलेलाःना सु ङीमु एःपा, ओःखोला ताःरुङ तेर्केन एः, ओःले सु ङीमु चीङ म्याःपा, ओःखो ङीमु तीबी रेःरे एःक्योकक्याङ फ्रोगेन एः।”
सेन केगेन्दीइ बारेला पेदाम
26येशुइ फीर्च्या लाःसी, “कोन्ज्योइ क्याःल्खाप एःन्डुबा एः– मेःराङ चीग मीःइ राःङगीइ सीःङला सेन चुउए। 27खुङ कुःङ्मु ङीःमाला ङ्याःल्नाङ लाःङ्नाङ सेनक्या केउए ओःले छार्तेरा डोउए। इःनाङ दीखो काःन्डुले काःल्बा लाःती खुङगीइ मेःर्छोए। 28सेबी राःङगीइरा पुःङ्माक्या केच्युउए ओःले ब्रुम्दो कोःङेन्दी जोउए। तोःङ्ला नुनु मुना थेङ्गुए, थोम्बो डोउए ओःले नीमाल लुउए। 29ओःले डु छेसीःङ्मीःजीक लाःना ओःखोइ सोःर्च्युङगीइ तुप्काला स्युःउए चीलेलाःना छेक्योक डुक्या तुःगेन तीःजी ओःङ्दी एः।”
पाल्गाइ सेनगीइ पेदाम
(मत्ती १३:३१-३२,३४; लुका १३:१८-१९)
30येशुइ ताःरुङ लाःतेरा काःल्सी, “कोन्ज्योइ क्याःल्खाप ची च्योःङ्रा एःपा? ओःखोला ङाः काःखो पेदाम ङीमु कार्का? 31ओःखो नी पाल्गाइ सेन चीग च्योःङ्रा इःङे, ओःखो थाम्जेर सेनक्या भन्दा छ्यामे इःङे। ओःखो मेःन्दा चीग मीःइ खेर्तीङ राःङगीइ सीःङला चुसी। 32ओःखो थोम्बो काःल्सी ओःले थाम्जेर भन्दा छ्योम्बो पुःङ्मा काःल्सी ओःले ओःखोइ याःल्गाक्याला च्याःज्युङ्माक्याइ छाङ जोसी।”
33मीःक्याइ सेबाथुप येशुइ एःन्डुबा माःङ्बुरा पेदामक्यालाःम्ले कोन्ज्योइ लेःङ्गो लाःसी। 34मीःक्याला लोप्कासुना खुङगीइ पेदाम मालाःप्पा नाःमाङ मेलोप्के। इःनाङ राःङगीइ योबाक्या चीग्रा एःक्योक तीःजीलादी खुङगीइ पेदामगीइ लेःनाङ लाःतेर्कुके।
येशुइ ल्हाबालुजुपला छ्याबे जोक्योक
(मत्ती ८:२३-२७; लुका ८:२२-२५)
35ओः ङीःमाइ कुःङ्सेला येशुइ राःङगीइ योबाक्याला लाःसी, “स्यो, उः छोइ फार्केनछ्योले डोगा।” 36योबाक्या मीःइ पोर्चोमला पोःर्ती येशु जाक्योक टुःला जासी ओःले खुङला खेर्ती फार्केनछ्योले डोगाला स्युःसी। राःङ्सा टुःक्याङ खुङक्या ङीमुरा एःके। 37छोला इःक्पु चीगलारा छ्योम्बो ल्हाबालुजुप ओःङ्सी ओःले छ्युइ हादी टुःला स्युःगाला स्युःसी ओःले ओःखो छ्युइ काःङ्जे छोल्सी। 38येशुदी ङ्याबुल लुदी टुःइ क्याःपछ्योले ङी लोदी तेःती एःके। ओःले योबाक्याइ खुङला लाङ्दी लाःसी, “लोबेन, उः नी सीजे छोल्सी, ख्याला चीङ तुःङाल म्याःपा?” 39येशु याःरला लाःङ्दी ल्हाबालुजुपला ओःले छ्युइ हादीला हाप्स्याल तेङ्देरा लाःसी, “छ्याबे तेः! रोकतीदो!” ओः तेःकासुरा ल्हाबालुजुप रोक्तीसी ओःले थाम्जेर छ्याबे काःल्सी। 40येशुइ योबाक्याला लाःसी, “ख्योक्या चीले जीक्योक? ची ख्योक्याइ ङाःला ताःरुङ सेमल्हुक मीलुबा?” 41खुङक्या माःङ्बुरा जीसी ओःले याःमाछाक्का काःल्सी, ओःले एःन्डुले राःङ राःङलारा ताम लाःकाला स्युःसी, “खुङ सु इःम्बा? छ्यु रा ल्हाबाइयाङ खुङगीइ लाःक्योक ङीःन्गुदु!”
Currently Selected:
मर्कुस 4: SYW
Highlight
Share
Copy
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.
मर्कुस 4
4
सेन चुगेन पेदाम
(मत्ती १३:१-२३; लुका ८:४-१५)
1येशु फीर्च्या गालील छोइ सुःरला लोप्काला स्युःदी एःके। खुङगीइ छुरफारले मीःइ छ्योम्बो पोर्चोम ओःङ्क्योक सोङ्गारा खुङ टुः चीगला जादी सुःरलाःम्ले तीबी चीग फार्ला काःल्सी ओःले ओःखोला तेःसी। मीःक्यादी छोइ सुःरलारा तेःसी। 2ओःले खुङगीइ मीःक्याला माःङ्बुरा तामक्या पेदामलाःम्ले लोप्सी। खुङगीइ एःन्डु लाःसी, 3“कोःदो! मेःराङ चीग मीः सीःङ्ला सेन ताप्काला काःल्सी। 4सीःङला सेन ताप्सुना ताप्सुनारा चीङ सेनक्या लाःमला लेप्सी ओःले च्याःज्युङ्माक्याइ ओःङ्दी साःतेर्सी। 5काःजे सेनक्यादी तीबी चीग सेबी एःक्योक छ्योम्बो तोःखाला लेप्सी। ओः सेनक्या गेबुरा केसी चीलेलाःना ओः सेबी ओःपतीःङ म्याःके। 6इःनाङ चार्पु ङीःमा स्यार्ती ओः पुःङ्माक्या काम्सी ओःले चार्ङे चावाथुप म्याःकारा गेबुरा सीसी। 7काःजे सेनक्यादी छेर्माङक्याइ पुःङ नाःङ्ला लेप्सी ओःले छेर्माङक्याइ पुःङ छ्योम्बो काःल्सी ओःले ओः पुःङक्याला चीप्चे ओःले डु कोःङ्जे मातेर। 8इःनाङ काःजे सेन लाःना याःबु नेमु सेबीला लेप्सी ओःले ओःक्या केसी, चीप्सी ओःले डु कोःङ्सी। लाःलेइ पुःङ्माला खाल चीग रा च्यु गुणा, लाःलेइला खाल सुम गुणा ओःले लाःलेइला क्याः चीग गुणा ल्हामा डु कोःङ्सी।” 9ओःले येशुइ लाःसी, “काःखोक्याइदी कोःगेन नाम्ज्यो एःपा, ओःखोक्याइ कोःज्युक।”
10ओःले येशु चीग्रा एःसुना मेःन्दा चीङ्ङी योबाक्या ओःले खुङगीइ छ्योसीःले एःक्योक चीङ मीःक्याइ खुङला ओः पेदामगीइ लेःन ची इःङे लाःती टीःसी। 11येशुइ खुङक्याला लाःसी, “ख्योक्यालादी कोन्ज्योइ क्याःल्खाप नाःङ्गीइ तामक्या सेजे तेर्ती एः, इःनाङ राःङ्सा मीःक्यालादी थाम्जेर ताम पेदामलारा लाःकोःउए,
12 ओःले खुङक्याइ तजे नी तउए इःनाङ मेःथोङ्ए,
कोःजे नी कोःउए इःनाङ खुङक्याइ मेसेए।
मीःङेलाना नी खुङक्याइ स्याबा पेःदी लाःयो पोःर्ती कोन्ज्योछ्योले ओःङ्जेके
ओःले कोन्ज्योइ खुङक्याला क्षमा तेर्चेके।” #
यशैया ६:९-१०
13येशुइ खुङक्याला टीःसी, “ख्योक्याइ दी पेदामगीइ लेःन नी ङोःमासे लाःना राःङ्सा पेदामक्याइ लेःन काःन्डुले सेडो? 14सेन ताप्केन्दीइ कोन्ज्योइ सुङ ताप्कुए। 15मेःन्दा काःजे मीःक्यादी लाःमक्याला लेप्क्योक सेन च्योःङ्रारा ओःङ्गुए। खुङक्याइ लेःङ्गो कोःलुङ्म्याःपा शैतान ओःङ्दी खुङक्याइ सेमलाःम्ले ओः लेःङ्गो तेङ्दीङ खेर्कुए। 16मेःन्दा काःजे मीःक्यादी तीबी चीग सेबी एःक्योक छ्योम्बो तोःखाला लेप्क्योक सेन च्योःङ्रारा ओःङ्गुए। खुङक्याइ लेःङ्गो कोःलुङ्म्याःपा केःदाङ पेःदी खुङला लेःङ्गुए। 17इःनाङ खुङक्याइ चार्ङे नाःङ्थुप म्याःकारा ओः लेःङ्गो माःङ्बु ङीःमाथुप खुङक्याइ सेमला मेःतेए। इःनाङ ओः लेःङ्गोला सेमल्हुक लुक्योक सोङ्गारा तुःक्पु ओःले सतावट ओःङ्गासुना खुङक्याइ सेमल्हुक लुजे पोःर्कुए। 18राःङ्सा मीःक्यादी छेर्माङगीइ पुःङ्मा नाःङ्ला लेप्क्योक सेनक्या च्योःङ्रा इःङे। खुङक्याइ लेःङ्गो कोःउए, 19इःनाङ मीःलीइ तुःङाल, नोःर क्युःक्या फाङ्जेइ पेःसुना ओःले राःङ्सा माःङ्बुरा तामक्याइ सेःम्बाइ पेःगासुना ओः लेःङ्गो तोर्ती डोउए ओःले खुङक्याइ चीङ ब्रुम्दो कोःङ्मीच्युए। 20इःनाङ राःङ्सा मीःक्यादी नेमु सेबीला लेप्क्योक सेनक्या च्योःङ्रा इःङे। खुङक्याइ लेःङ्गो कोःउए, लेःङ्गुए ओःले ब्रुम्दो कोःङ्च्युउए, लाःलेइ खाल चीग रा च्यु गुणा, लाःलेइ खाल सुम गुणा ओःले लाःलेइ क्याः चीग गुणा ब्रुम्दो कोःङ्च्युउए।”
छेमीइ साङ्बु
(लुका ८:१६-१८)
21येशुइ खुङक्याला लाःसी, “सुइयाङ छेमी थेप्ती पतीइ मीउपए, नाः फाम्री वाःला इप्ती ज्याउबा! छेमी नी खीम नाःङ्ला ओःङेनक्याला साङ्बु ओःङ्ज्युक लाःती थोम्बो ठाउँला ज्याउए! 22एःन्डुलेरा इप्ती ज्याक्योक तामक्या ची काःजे एःपा, ओः थाम्जेर थोङेन्दी एः, ओःले उप्ती ज्याक्योक तामक्या ची काःजे एःपा, ओः थाम्जेर साङ्बुला ख्योङेन्दी एः। 23काःखोक्याइदी कोःगेन नाम्ज्यो एःपा, ओःखोक्याइ कोःज्युक!”
24येशुइ खुङक्याला लाःसी, “ख्याक्याइ ची कोःबा, ओःखोला सेम तेर। चीलेलाःना ख्याक्याइ काःन्दीइ माःङ्बु कोःबा ओःखोइ माःङ्बुरा सेगेन एः ओःले ताःरुङ माःङ्बु पेःदी सेगेन एः। 25चीलेलाःना सु ङीमु एःपा, ओःखोला ताःरुङ तेर्केन एः, ओःले सु ङीमु चीङ म्याःपा, ओःखो ङीमु तीबी रेःरे एःक्योकक्याङ फ्रोगेन एः।”
सेन केगेन्दीइ बारेला पेदाम
26येशुइ फीर्च्या लाःसी, “कोन्ज्योइ क्याःल्खाप एःन्डुबा एः– मेःराङ चीग मीःइ राःङगीइ सीःङला सेन चुउए। 27खुङ कुःङ्मु ङीःमाला ङ्याःल्नाङ लाःङ्नाङ सेनक्या केउए ओःले छार्तेरा डोउए। इःनाङ दीखो काःन्डुले काःल्बा लाःती खुङगीइ मेःर्छोए। 28सेबी राःङगीइरा पुःङ्माक्या केच्युउए ओःले ब्रुम्दो कोःङेन्दी जोउए। तोःङ्ला नुनु मुना थेङ्गुए, थोम्बो डोउए ओःले नीमाल लुउए। 29ओःले डु छेसीःङ्मीःजीक लाःना ओःखोइ सोःर्च्युङगीइ तुप्काला स्युःउए चीलेलाःना छेक्योक डुक्या तुःगेन तीःजी ओःङ्दी एः।”
पाल्गाइ सेनगीइ पेदाम
(मत्ती १३:३१-३२,३४; लुका १३:१८-१९)
30येशुइ ताःरुङ लाःतेरा काःल्सी, “कोन्ज्योइ क्याःल्खाप ची च्योःङ्रा एःपा? ओःखोला ङाः काःखो पेदाम ङीमु कार्का? 31ओःखो नी पाल्गाइ सेन चीग च्योःङ्रा इःङे, ओःखो थाम्जेर सेनक्या भन्दा छ्यामे इःङे। ओःखो मेःन्दा चीग मीःइ खेर्तीङ राःङगीइ सीःङला चुसी। 32ओःखो थोम्बो काःल्सी ओःले थाम्जेर भन्दा छ्योम्बो पुःङ्मा काःल्सी ओःले ओःखोइ याःल्गाक्याला च्याःज्युङ्माक्याइ छाङ जोसी।”
33मीःक्याइ सेबाथुप येशुइ एःन्डुबा माःङ्बुरा पेदामक्यालाःम्ले कोन्ज्योइ लेःङ्गो लाःसी। 34मीःक्याला लोप्कासुना खुङगीइ पेदाम मालाःप्पा नाःमाङ मेलोप्के। इःनाङ राःङगीइ योबाक्या चीग्रा एःक्योक तीःजीलादी खुङगीइ पेदामगीइ लेःनाङ लाःतेर्कुके।
येशुइ ल्हाबालुजुपला छ्याबे जोक्योक
(मत्ती ८:२३-२७; लुका ८:२२-२५)
35ओः ङीःमाइ कुःङ्सेला येशुइ राःङगीइ योबाक्याला लाःसी, “स्यो, उः छोइ फार्केनछ्योले डोगा।” 36योबाक्या मीःइ पोर्चोमला पोःर्ती येशु जाक्योक टुःला जासी ओःले खुङला खेर्ती फार्केनछ्योले डोगाला स्युःसी। राःङ्सा टुःक्याङ खुङक्या ङीमुरा एःके। 37छोला इःक्पु चीगलारा छ्योम्बो ल्हाबालुजुप ओःङ्सी ओःले छ्युइ हादी टुःला स्युःगाला स्युःसी ओःले ओःखो छ्युइ काःङ्जे छोल्सी। 38येशुदी ङ्याबुल लुदी टुःइ क्याःपछ्योले ङी लोदी तेःती एःके। ओःले योबाक्याइ खुङला लाङ्दी लाःसी, “लोबेन, उः नी सीजे छोल्सी, ख्याला चीङ तुःङाल म्याःपा?” 39येशु याःरला लाःङ्दी ल्हाबालुजुपला ओःले छ्युइ हादीला हाप्स्याल तेङ्देरा लाःसी, “छ्याबे तेः! रोकतीदो!” ओः तेःकासुरा ल्हाबालुजुप रोक्तीसी ओःले थाम्जेर छ्याबे काःल्सी। 40येशुइ योबाक्याला लाःसी, “ख्योक्या चीले जीक्योक? ची ख्योक्याइ ङाःला ताःरुङ सेमल्हुक मीलुबा?” 41खुङक्या माःङ्बुरा जीसी ओःले याःमाछाक्का काःल्सी, ओःले एःन्डुले राःङ राःङलारा ताम लाःकाला स्युःसी, “खुङ सु इःम्बा? छ्यु रा ल्हाबाइयाङ खुङगीइ लाःक्योक ङीःन्गुदु!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.