मर्कुस 2
2
येशुइ चा खोङ्क्योक मीःला टाःच्युक्योक
(मत्ती ९:१-८; लुका ५:१७-२६)
1चीङ ङीःमा तीङ्ला येशु कफर्नहुमला लोःसी ओःले खुङ खीमलारा एः लाःक्योक लेःङ्गो थाम्जेरकीइ कोःसी। 2ओः सोङ्गारा, एःजे माःङ्बु मीःक्या खुङ साःला ओःङ्सी की ओः पोर्चोमगीइ पेःगासुना फी नाःङ काःलाङ ठाउँ म्याःके। येशुइ मीःक्याला याःबु लेःङ्गो टाःम्देरा एःके।
3ओः तेःकासुरा मेःन्दा सीः मीःक्याइ मेःन्दा चीग चा खोङ्क्योक मीःला खुर्ती चीङ मीःक्या ओःला लेप्सी। 4मीःक्याइ पोर्चोमगीइ पेःगासुना खुङक्याइ नेःपाला नाःङ्ला येशु साःला क्यालमाःखु। ओः सोङ्गारा, खुङक्या येशु तेःक्योक खीमगीइ तुःङ्सोखाला जासी येशु एःसाइ थोलाःम्ले सुप चीग जोसी ओःले ओः मीःला तेन ङीमुरा खुङगीइ तोःङ्ला पाप्तेर्सी। 5खुङक्याइ सेमल्हुक लुक्योक थोङ्दी ओः चा खोङ्क्योक मीःला लाःसी, “ए पुः, ख्योइ लाःयोइ क्षमा ज्योर्सीःङ्दी एः।”
6दीखो ताम कोःदी ओःला तेःक्योक छ्येइ ठीमगीइ लोबेनक्याइ सेम सेमलारा लाःसी, 7“दी मीःइ चीले एःन्डुबा ताम लाःतेरा एःपा? दीखो मीःइ नी कोन्ज्योइ नीन्दा का पेःउदु! कोन्ज्योइ बाहेक राःङ्सा सुइ लाःयो क्षमा पेःजे खुउबा ले?” 8ओः तेःकासुरा येशुइ खुङक्याइ सेमगीइ ताम सेदी खुङक्याला लाःसी, “ख्याक्या चीले एःन्डुबा ठीवा चेकुबा? 9दी नेःपाला ‘ख्याइ लाःयो क्षमा ज्योर्ती एः’ लाःचे रा ‘लोःङ ओःले तेन खुर्ती सुङ’ लाःचेला काःन्दीदी तेःमु एःपा? 10इःनाङ ङाः मीःइ पुःला जाम्बुलीङला लाःयो क्षमा पेःगेन आङ्ज्या एः लाःकेन तामगीइ दास्यी ङाः ख्याक्याला तेर्के।” ओःले येशुइ ओः चा खोङ्क्योक मीःला लाःसी, 11“ङाः ख्याला लाःके, ताः लोःङ, राःङगीइ तेन खुर्ती खीमला सुङ।” 12थाम्जेरकीइ तासुना तासुनारा ओः मीः लाःङ्दी तेन खुर्ती काःल्दीहाल्तीसी। थाम्जेर मीःक्या याःमाछाक काःल्सी ओःले कोन्ज्योइ प्रशंसा पेःदेरा लाःकाला स्युःसी, “एःन्डुबा नी उःइ नाःमाङ थोङ्दी म्याःके!”
येशुइ लेबीला केक्याःप्क्योक
(मत्ती ९:९-१३; लुका ५:२७-३२)
13येशु फीर्च्या गालील छोइ सुःरला काःल्सी। ओःले माःङ्बुरा मीःक्याइ पोर्चोम खुङ साःला ओःङ्सी, ओःले येशुइ खुङक्याला लोप्काला स्युःसी। 14खुङ ओःलाःम्ले डोदेरा पेःगासुना खुङगीइ मेःराङ चीग च्याल्गो तुःगेन मीःला च्याल्गो तुःगेन ठाउँला तेःतेरा पेःक्योक थोङ्सी। खुङ अल्फयसकीइ पुः लेबी एःके। ओःले येशुइ खुङला लाःसी, “ङाःला ब्य्राङ्दो।” दीखो कोःदी लेबी लाःङ्दीङ येशुइ तीङ्ला काःल्सी।
15तीङ्ला येशु लेबीइ खीमला डोम्बो काःल्दी योबाक्या ङीमु साःप्च्या साःगाला स्युःदी एःके। ओःला माःङ्बुरा च्याल्गो तुःगेनक्या ओःले राःङ्सा लाःयो पेःगेनक्याङ येशु ङीमुरा साःजेला तेःसी, चीलेलाःना खुङला ब्य्राङेन ओःन्डुबा मीःक्या माःङ्बुरा एःके। 16येशुइ लाःयो पेःगेनक्या ओःले च्याल्गो तुःगेनक्या ङीमु तेःती साःक्योक थोङ्दी फारीसी छोबाइ छ्येइ ठीमगीइ लोबेनक्याइ खुङगीइ योबाक्याला लाःसी, “खुङगीइ चीले च्याल्गो तुःगेनक्या ओःले लाःयो पेःगेनक्या ङीमु#२:१६ लाःयो पेःगेनक्या ङीमु यहुदीक्याइ छेस्योक्याइ लाःयो पेःगेन मीःक्यालादी असुद्ध लाःकुके। ओःले काःन्दीङ मीःइ खुङक्या ङीमु तेःती साःसी लाःना ओःखो मीःलाङ असुद्ध ओःङ्गुए लाःकुके। तेःती साःक्योक?”
17दीखो ताम कोःदी येशुइ खुङक्याला लाःसी, “नेःपा मेःन्डोनक्याला मेन्ज्यु पेःगेनक्या मेःकोःए, नेःपाक्याला चीग्रा कोःउए। ओःन्डुलेरा ङाः ताःक्पाक्याइ लागी मीःङे, इःनाङ माःताक्पाक्याला केक्याःप्काला ओःङ्क्योक इःङे।”
खा चाङ्मा तेःकेन बारेला टीःक्योक
(मत्ती ९:१४-१७; लुका ५:३३-३९)
18बप्तीस्मा तेर्केन युहन्नाइ योबाक्या ओःले फारीसीक्या खा चाङ्मा तेःतेरा ओःले प्रार्थना पेःदेरा एःके। चीङ मीःक्या ओःङ्सी ओःले येशुला लाःसी, “युहन्नाइ योबाक्या ओःले फारीसीक्याइ योबाक्या खा चाङ्मा तेःकुए ओःले प्रार्थना पेःउए, इःनाङ ख्याइ योबाक्यादी चीले खा चाङ्मा मेःतेबा?” 19येशुइ लेःन लोदी लाःसी, “ची याःर्का क्याःप्साइ डेनला माःक्पा सेम्बा ङीमुरा एःथुप जन्तीक्या खा चाङ्मा तेःकुबा ले? मीःङे, माःक्पा सेम्बा खुङक्या ङीमु एःथुप खुङक्या खा चाङ्मा मेःतेए। 20इःनाङ ओःन्डुबा ङीःमाक्याङ ओःङेन एः, काःखो ङीमु माःक्पा सेम्बा खुङक्यालाःम्ले खाफ्याच्युगेन एःपा, ओःले का जन्तीक्या खा चाङ्मा तेःकेन एः।
21 काःखोङ मीःइ सेम्बा केःला राल्दी नीङ्बा केःलाला लेःम्बा मेःक्याःप एः। चीङ पेःदी एःन्डु पेःसी लाःना, सेम्बा केःला खोङ्दी नीङ्बा केःला राल्गुए ओःले ताःरुङ छ्योम्बो सुप जोतेर्कुए।
22 ओःले सुइयाङ सेम्बा अङ्गुरकीइ नीःङ्गार नीङ्बा कोबाइ काःल्दाला मेःज्याए। चीङ पेःदी ज्यासी लाःना काःल्दा केःकुए ओःले नीःङ्गार पुःङ्गुए ओःले कोबाइ काःल्दा नोःङ्गुएङ। इःनाङ सेम्बा नीःङ्गारदी सेम्बा काःल्दालारा ज्याकोःउए।” # २:२२ अङ्गुरकीइ ख्वा नीःङ्गार डोगासुना ओःखो फोर्कुए ओःले ओःखो ज्याक्योक कोबाइ काःल्दा तन्काइतीउए। ओःले ओः कोबा नीङ्बा एः लाःना ओःखो राःल्गुए।
यहुदीक्याइ थाङ सोगेन ङीःमाइ बारेला टीःक्योक
(मत्ती १२:१-८; लुका ६:१-५)
23यहुदीक्याइ थाङ सोगेन ङीःमा चीग येशु न्याः सीःङगीइ लाःम पेःदेरा डोदेरा एःके। खुङक्या डोदेरा एःकासुना खुङगीइ योबाक्याइ न्याःइ नीमाल तुःदी लाःक्पाइ मुर्तेरा साःगाला स्युःसी।#२:२३ मीःक्या सीःङलाःम्ले डोदेरा पेःगासुना तोःपा तोसी लाःना सीःङ्ला एःक्योक डुक्या थुदी साःजे ज्योर्कुके। ओःन्डुले साःसुना कुक्योक मेःलाःप्के। 24दीखो थोङ्दी फारीसीक्याइ खुङला लाःसी, “तादो, यहुदीक्याइ थाङ सोगेन ङीःमाला कोन्ज्योइ छ्येइ ठीमगीइ पेःमीःङे लाःक्योक लेःगाङ ख्याइ योबाक्याइ चीले पेःदेरा एःपा?” 25येशुइ खुङक्याला लेःन लोदी लाःसी, “दाऊद ओःले खुङगीइ रोःक्या तोःपा तोक्योक तीःजीला खुङगीइ ची पेःदी एःके? ची ख्याक्याइ छ्येला टोःदी म्याःपा? 26अबीयाथार चोइ पुजाहारी एःकासुना दाऊदकीइ कोन्ज्योइ चाङ्मा पाल नाःङ्ला स्युःदी कोन्ज्योला फुल्क्योक खुरा तेङ्दी ख्योङ्सी ओःले खुङगीइ रोःक्या ङीमु डीक्ती साःसी। कोन्ज्योइ छ्येइ ठीमगीइ च्योःङ्रा एःना ओःखो खुरा पुजाहारीक्याइ चीग्रा साःजे ओःङ्गुके।”
27ओःले येशुइ ताम सीःङ्च्युदेरा लाःसी, “मीःक्या थाङ सोगेन ङीःमाइ लागी जोक्योक मीःङे, मीःक्याइ लागी का थाङ सोगेन ङीःमा जोक्योक इःङे। 28ओःन्डुलेरा ङाः मीःइ पुः थाङ सोगेन ङीःमाइदीङ प्रभु इःङे।”
Currently Selected:
मर्कुस 2: SYW
Highlight
Share
Copy
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.
मर्कुस 2
2
येशुइ चा खोङ्क्योक मीःला टाःच्युक्योक
(मत्ती ९:१-८; लुका ५:१७-२६)
1चीङ ङीःमा तीङ्ला येशु कफर्नहुमला लोःसी ओःले खुङ खीमलारा एः लाःक्योक लेःङ्गो थाम्जेरकीइ कोःसी। 2ओः सोङ्गारा, एःजे माःङ्बु मीःक्या खुङ साःला ओःङ्सी की ओः पोर्चोमगीइ पेःगासुना फी नाःङ काःलाङ ठाउँ म्याःके। येशुइ मीःक्याला याःबु लेःङ्गो टाःम्देरा एःके।
3ओः तेःकासुरा मेःन्दा सीः मीःक्याइ मेःन्दा चीग चा खोङ्क्योक मीःला खुर्ती चीङ मीःक्या ओःला लेप्सी। 4मीःक्याइ पोर्चोमगीइ पेःगासुना खुङक्याइ नेःपाला नाःङ्ला येशु साःला क्यालमाःखु। ओः सोङ्गारा, खुङक्या येशु तेःक्योक खीमगीइ तुःङ्सोखाला जासी येशु एःसाइ थोलाःम्ले सुप चीग जोसी ओःले ओः मीःला तेन ङीमुरा खुङगीइ तोःङ्ला पाप्तेर्सी। 5खुङक्याइ सेमल्हुक लुक्योक थोङ्दी ओः चा खोङ्क्योक मीःला लाःसी, “ए पुः, ख्योइ लाःयोइ क्षमा ज्योर्सीःङ्दी एः।”
6दीखो ताम कोःदी ओःला तेःक्योक छ्येइ ठीमगीइ लोबेनक्याइ सेम सेमलारा लाःसी, 7“दी मीःइ चीले एःन्डुबा ताम लाःतेरा एःपा? दीखो मीःइ नी कोन्ज्योइ नीन्दा का पेःउदु! कोन्ज्योइ बाहेक राःङ्सा सुइ लाःयो क्षमा पेःजे खुउबा ले?” 8ओः तेःकासुरा येशुइ खुङक्याइ सेमगीइ ताम सेदी खुङक्याला लाःसी, “ख्याक्या चीले एःन्डुबा ठीवा चेकुबा? 9दी नेःपाला ‘ख्याइ लाःयो क्षमा ज्योर्ती एः’ लाःचे रा ‘लोःङ ओःले तेन खुर्ती सुङ’ लाःचेला काःन्दीदी तेःमु एःपा? 10इःनाङ ङाः मीःइ पुःला जाम्बुलीङला लाःयो क्षमा पेःगेन आङ्ज्या एः लाःकेन तामगीइ दास्यी ङाः ख्याक्याला तेर्के।” ओःले येशुइ ओः चा खोङ्क्योक मीःला लाःसी, 11“ङाः ख्याला लाःके, ताः लोःङ, राःङगीइ तेन खुर्ती खीमला सुङ।” 12थाम्जेरकीइ तासुना तासुनारा ओः मीः लाःङ्दी तेन खुर्ती काःल्दीहाल्तीसी। थाम्जेर मीःक्या याःमाछाक काःल्सी ओःले कोन्ज्योइ प्रशंसा पेःदेरा लाःकाला स्युःसी, “एःन्डुबा नी उःइ नाःमाङ थोङ्दी म्याःके!”
येशुइ लेबीला केक्याःप्क्योक
(मत्ती ९:९-१३; लुका ५:२७-३२)
13येशु फीर्च्या गालील छोइ सुःरला काःल्सी। ओःले माःङ्बुरा मीःक्याइ पोर्चोम खुङ साःला ओःङ्सी, ओःले येशुइ खुङक्याला लोप्काला स्युःसी। 14खुङ ओःलाःम्ले डोदेरा पेःगासुना खुङगीइ मेःराङ चीग च्याल्गो तुःगेन मीःला च्याल्गो तुःगेन ठाउँला तेःतेरा पेःक्योक थोङ्सी। खुङ अल्फयसकीइ पुः लेबी एःके। ओःले येशुइ खुङला लाःसी, “ङाःला ब्य्राङ्दो।” दीखो कोःदी लेबी लाःङ्दीङ येशुइ तीङ्ला काःल्सी।
15तीङ्ला येशु लेबीइ खीमला डोम्बो काःल्दी योबाक्या ङीमु साःप्च्या साःगाला स्युःदी एःके। ओःला माःङ्बुरा च्याल्गो तुःगेनक्या ओःले राःङ्सा लाःयो पेःगेनक्याङ येशु ङीमुरा साःजेला तेःसी, चीलेलाःना खुङला ब्य्राङेन ओःन्डुबा मीःक्या माःङ्बुरा एःके। 16येशुइ लाःयो पेःगेनक्या ओःले च्याल्गो तुःगेनक्या ङीमु तेःती साःक्योक थोङ्दी फारीसी छोबाइ छ्येइ ठीमगीइ लोबेनक्याइ खुङगीइ योबाक्याला लाःसी, “खुङगीइ चीले च्याल्गो तुःगेनक्या ओःले लाःयो पेःगेनक्या ङीमु#२:१६ लाःयो पेःगेनक्या ङीमु यहुदीक्याइ छेस्योक्याइ लाःयो पेःगेन मीःक्यालादी असुद्ध लाःकुके। ओःले काःन्दीङ मीःइ खुङक्या ङीमु तेःती साःसी लाःना ओःखो मीःलाङ असुद्ध ओःङ्गुए लाःकुके। तेःती साःक्योक?”
17दीखो ताम कोःदी येशुइ खुङक्याला लाःसी, “नेःपा मेःन्डोनक्याला मेन्ज्यु पेःगेनक्या मेःकोःए, नेःपाक्याला चीग्रा कोःउए। ओःन्डुलेरा ङाः ताःक्पाक्याइ लागी मीःङे, इःनाङ माःताक्पाक्याला केक्याःप्काला ओःङ्क्योक इःङे।”
खा चाङ्मा तेःकेन बारेला टीःक्योक
(मत्ती ९:१४-१७; लुका ५:३३-३९)
18बप्तीस्मा तेर्केन युहन्नाइ योबाक्या ओःले फारीसीक्या खा चाङ्मा तेःतेरा ओःले प्रार्थना पेःदेरा एःके। चीङ मीःक्या ओःङ्सी ओःले येशुला लाःसी, “युहन्नाइ योबाक्या ओःले फारीसीक्याइ योबाक्या खा चाङ्मा तेःकुए ओःले प्रार्थना पेःउए, इःनाङ ख्याइ योबाक्यादी चीले खा चाङ्मा मेःतेबा?” 19येशुइ लेःन लोदी लाःसी, “ची याःर्का क्याःप्साइ डेनला माःक्पा सेम्बा ङीमुरा एःथुप जन्तीक्या खा चाङ्मा तेःकुबा ले? मीःङे, माःक्पा सेम्बा खुङक्या ङीमु एःथुप खुङक्या खा चाङ्मा मेःतेए। 20इःनाङ ओःन्डुबा ङीःमाक्याङ ओःङेन एः, काःखो ङीमु माःक्पा सेम्बा खुङक्यालाःम्ले खाफ्याच्युगेन एःपा, ओःले का जन्तीक्या खा चाङ्मा तेःकेन एः।
21 काःखोङ मीःइ सेम्बा केःला राल्दी नीङ्बा केःलाला लेःम्बा मेःक्याःप एः। चीङ पेःदी एःन्डु पेःसी लाःना, सेम्बा केःला खोङ्दी नीङ्बा केःला राल्गुए ओःले ताःरुङ छ्योम्बो सुप जोतेर्कुए।
22 ओःले सुइयाङ सेम्बा अङ्गुरकीइ नीःङ्गार नीङ्बा कोबाइ काःल्दाला मेःज्याए। चीङ पेःदी ज्यासी लाःना काःल्दा केःकुए ओःले नीःङ्गार पुःङ्गुए ओःले कोबाइ काःल्दा नोःङ्गुएङ। इःनाङ सेम्बा नीःङ्गारदी सेम्बा काःल्दालारा ज्याकोःउए।” # २:२२ अङ्गुरकीइ ख्वा नीःङ्गार डोगासुना ओःखो फोर्कुए ओःले ओःखो ज्याक्योक कोबाइ काःल्दा तन्काइतीउए। ओःले ओः कोबा नीङ्बा एः लाःना ओःखो राःल्गुए।
यहुदीक्याइ थाङ सोगेन ङीःमाइ बारेला टीःक्योक
(मत्ती १२:१-८; लुका ६:१-५)
23यहुदीक्याइ थाङ सोगेन ङीःमा चीग येशु न्याः सीःङगीइ लाःम पेःदेरा डोदेरा एःके। खुङक्या डोदेरा एःकासुना खुङगीइ योबाक्याइ न्याःइ नीमाल तुःदी लाःक्पाइ मुर्तेरा साःगाला स्युःसी।#२:२३ मीःक्या सीःङलाःम्ले डोदेरा पेःगासुना तोःपा तोसी लाःना सीःङ्ला एःक्योक डुक्या थुदी साःजे ज्योर्कुके। ओःन्डुले साःसुना कुक्योक मेःलाःप्के। 24दीखो थोङ्दी फारीसीक्याइ खुङला लाःसी, “तादो, यहुदीक्याइ थाङ सोगेन ङीःमाला कोन्ज्योइ छ्येइ ठीमगीइ पेःमीःङे लाःक्योक लेःगाङ ख्याइ योबाक्याइ चीले पेःदेरा एःपा?” 25येशुइ खुङक्याला लेःन लोदी लाःसी, “दाऊद ओःले खुङगीइ रोःक्या तोःपा तोक्योक तीःजीला खुङगीइ ची पेःदी एःके? ची ख्याक्याइ छ्येला टोःदी म्याःपा? 26अबीयाथार चोइ पुजाहारी एःकासुना दाऊदकीइ कोन्ज्योइ चाङ्मा पाल नाःङ्ला स्युःदी कोन्ज्योला फुल्क्योक खुरा तेङ्दी ख्योङ्सी ओःले खुङगीइ रोःक्या ङीमु डीक्ती साःसी। कोन्ज्योइ छ्येइ ठीमगीइ च्योःङ्रा एःना ओःखो खुरा पुजाहारीक्याइ चीग्रा साःजे ओःङ्गुके।”
27ओःले येशुइ ताम सीःङ्च्युदेरा लाःसी, “मीःक्या थाङ सोगेन ङीःमाइ लागी जोक्योक मीःङे, मीःक्याइ लागी का थाङ सोगेन ङीःमा जोक्योक इःङे। 28ओःन्डुलेरा ङाः मीःइ पुः थाङ सोगेन ङीःमाइदीङ प्रभु इःङे।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.