प्रेरीत 18

कोरीन्थी क्याःसाला

1ओः तीङ्ला पावल एथेनसलाःम्‍ले बीदा पेःदी कोरीन्थी क्याःसाला काःल्सी। 2ओःला खुङगीइ अकीलास मीःन पेःक्योक मेःराङ चीग यहुदीला फ्रेसी। खुङ पोन्टस इलाकाला केदी एःके ओःले राःङगीइ पेःमे प्रीस्कीला ङीमु भर्खरा इटाली देशलाःम्‍ले ओःङ्दी एःके चीलेलाःना रोमी सम्राट क्लौडीयसकीइ थाम्जेर यहुदीक्याला रोम क्याःसालाःम्‍ले थेङ्दी सुङ लाःती हुकुम तेर्ती एःके। पावल खुङक्याला फ्रेचेला काःल्सी, 3ओःले खुङक्या ङीमुरा तेःती लेःगा पेःसी, चीलेलाःना पावलगीइयाङ खुङक्याइ च्योःङ्‍रारा पाल जोगेन लेःगा पेःदी टोःपा सोउके। 4पावल थाङ सोगेन ङीःमारी टाःङ्मा यहुदीक्याइ जोम्साखीमला काःल्दी यहुदीक्या ओःले ग्रीकक्या ङीमु टेः पेःउके ओःले खुङक्याङ प्रभु येशुला सेमल्हुक लुज्युक लाःती खुङक्याला लोप्कुके।

5सीलास रा तीमोथी माकेडोनीया इलाकालाःम्‍ले ओःङ्मीजीक, पावलगीइ राःङगीइ थाम्जेर तीःजीक्या याःबु लेःङ्‍गो फेल्गेन लेःगाला तेर्सी। खुङगीइ यहुदीक्याला येशुरा थार्च्युगेन ख्रीष्ट इःङे लाःती पाङ्बु तेर्सी। 6इःनाङ खुङक्याइ पावलला टाः पेःसी ओःले खुङगीइ बारेला माःताक्पा ताम लाःसी। पावलगीइ खुङक्याला चेताउनी तेर्चेला राःङगीइ केःलालाःम्‍ले तुःल प्रुदेरा लाःसी, “ख्योक्या सीःङ्दा चेती काःल्सी लाःना ख्योक्या राःङरा दोषी ओःङेन एः। ङाःलादी माःताक्पा मेःक्याःप्केन एः। ताःमीःजीक ङाः याःबु लेःङ्‍गो राःङ्सा क्युःपाक्या साःला फेल्गाला डोगे।”

7ओः सोङ्‍गारा, पावल यहुदीक्याइ जोम्साखीमले थेङ्सी ओःले कोन्ज्योइ मेःबा पेःगेन राःङ्सा क्युःपाइ मीः तीतस युस्तसकीइ खीमला काःल्सी, खुङगीइ खीम ओः जोम्साखीमगीइ थामालारा एःके। 8जोम्साखीमगीइ शासक क्रीस्पस ओःले खुङगीइ खीमगीइ फेबेक्याइ प्रभु येशुखाला सेमल्हुक लुसी, ओःले कोरीन्थी क्याःसाइ राःङ्सा माःङ्बुरा मीःक्याइयाङ पावलगीइ लोप्क्योक कोःदी प्रभु येशुखाला सेमल्हुक लुसी ओःले बप्‍तीस्मा लेःङ्सी।

9कुःङ्मु चीग प्रभुइ पावलला दर्शन तेर्ती लाःसी, “सु थोङ्दीङ माःजी, ओःले खाजुम माःते, इःनाङ याःबु लेःङ्‍गो फेल्देरा सुङ। 10ङाः ख्यो ङीमु एः, ओःले सुइयाङ ख्योला चीङ पेःमीःखुगेन एः, चीलेलाःना दी क्याःसाइ माःङ्बुरा मीःक्या ङाःइदी इःङे।” 11एःन्डुले पावलगीइ लोः चीग रा फेथुप कोरीन्थी क्याःसाला कोन्ज्योइ ताम लोप्‍तेर तेःसी।

12ओःले गलीयोनला अखैयाइ हाकीम जोमीःजीक, यहुदीक्या डीक्‍ती पावलला जुम्दी खुङला अदालतला ख्योङ्सी, 13ओःले एःन्डु लाःसी, “दीखो मीःइ उःइ छ्‍येइ ठीम ङीमु मीःडीक्‍केन पेःदी कोन्ज्योला आराधना पेःच्युजेला मीःक्याला वाःम्देरा एः।”

14ओः सोङ्‍गारा, पावलगीइ ताम लाःचे छोल्गासुरा, गलीयोनगीइ ओः यहुदीक्याला लाःसी, “दीखो मीःइ चीङ माःइबा ओःले माःताक्पा लेःगा पेःक्योक एःना ङाःइ ख्याक्याइ ताम कोःदी खुङला ठीम पेःजे डीक्चेके। 15इःनाङ दीखो नी ख्याक्याइ छ्‍येइ ठीमगीइ तामक्याइ बारेला, मीःनक्याइ बारेला ओःले ख्याक्या राःङगीइ ठीमगीइ बारेला सोङ्‍गारा ख्याक्या राःङगीइरा दीखोइ ठीम पेःदो। ङाः एःन्डुबा तामक्याला ठीम मेःबे।” 16ओःले गलीयोनगीइ थाम्जेरला अदालतलाःम्‍ले फीला ताङ्तेर्सी। 17ओःले खुङक्या थाम्जेरकीइ जोम्साखीमगीइ शासक सोस्थेनेसला जुम्दी अदालतकीइ तोङ्लारा रोप्सी। इःनाङ गलीयोनगीइ ओः तामला चीङ सेमरा मातेर।

पावल एन्टीओखीया क्याःसाला लोःक्योक

18पावल तोबारा ङीःमाथुप प्रभुला सेमल्हुक लुगेन आतानोःक्या ङीमु कोरीन्थी क्याःसाला तेःसी। ओःले खुङ बीदा पेःदी प्रीस्कीला रा अकीलास ङीमु जहाजला जादी सीरीयाछ्‍योले काःल्सी। कींक्रीयालाःम्‍ले डोजेतोःङ्ला पावलगीइ कोन्ज्यो ङीमु पेःक्योक ताःम्ज्या छाङ्च्युसी लाःती तेङ्जेला खुङगीइ टा प्राःसी। 19खुङक्या एफीससला लेप्सी, ओःले पावलगीइ प्रीस्कीला रा अकीलासला ओःला पोःर्सी। खुङ राःङदी एफीससकीइ जोम्साखीमला स्युःदी यहुदीक्या ङीमु टाःटेः पेःगाला स्युःसी। 20खुङक्याइ पावलला ताःरुङ चीङ ङीःमाथुप तेः लाःती वासी पेःसी, इःनाङ खुङ माःङीन। 21बरु खुङक्या ङीमु खाफ्यादी डोजे छोल्सुना पावलगीइ लाःसी, “कोन्ज्योइ सेम दु लाःना ङाः फीर्च्या ख्याक्या साःला लोदी ओःङे।” ओःले खुङ जहाजला जादी एफीससलाःम्‍ले काःल्सी।

22खुङ कैसरीयाला लेप्सी ओःमीःजीक, खुङ यरुशलेमला काःल्सी ओःले ओःला कोःम्साइ मीःक्याला टासीदेले लाःसी। ओःले खुङ ओःलाःम्‍ले एन्टीओखीया क्याःसाला काःल्सी। 23खुङ ओःला चीङ ङीःमाथुप तेःमीःजीक ओःलाःम्‍ले काःल्सी ओःले गलातीया रा फ्रीगीयाइ इलाकाले काःल्दी प्रभुला सेमल्हुक लुगेन थाम्जेरला सेमल्हुकला राःम्बु जोदेरा काःल्सी।

अपोल्‍लोस एफीसस क्याःसाला

24अलेक्जेन्ड्रीयाला केक्योक अपोल्‍लोस मीःन पेःक्योक मेःराङ चीग यहुदी एफीससला ओःङ्सी। खुङ याःबु पेःदी ताम लाःखुगेन्दी मीः एःके ओःले खुङला छ्‍येइ बारेला याःबु नावा एःके। 25खुङगीइ प्रभु येशुइ बारेला शीक्षा ज्योर्ती एःके, ओःले जोसीलो पेःदी माःङ्बुरा याःबुले येशुइ बारेला तेःन्दामगीइ तामक्या डीक्पु पेःदी लोप्कुके। इःनाङ खुङगीइ युहन्‍नाइ तेर्केन बप्‍तीस्माइ बारेला चीग्रा सेदी एःके। 26खुङगीइ यहुदीक्याइ जोम्साखीमला जीबा माःबेबा पेःदी लोप्काला स्युःसी। खुङगीइ लोप्क्योक कोःमीःजीक प्रीस्कीला रा अकीलासकीइ खुङला खुङक्याइ खीमला खेर्सी ओःले खुङक्याइ कोन्ज्योइ लाःमगीइ बारेला ताःरुङ याःबु पेःदी खुङला लोप्‍तेर्सी।

27ओः तीङ्ला अपोल्‍लोसकीइ अखैया इलाकाला डोगेन ठीवा चेसी। एफीससला एःक्योक प्रभुइ योबाक्याइ खुङला डोगेन उत्साह तेर्सी ओःले अपोल्‍लोसकीइ तोःङ्ज्याङ पेःदो लाःती ओःला तेःकेन योबाक्याला इःगी चीगकाङ प्रुःतेर्सी। खुङ अखैयाला लेप्मीःजीक कोन्ज्योइ अनुग्रहलाःम्‍ले सेमल्हुक लुगेनक्याला खुङगीइ माःङ्बुरा रोः पेःसी। 28चीलेलाःना ओःला एःक्योक यहुदीक्या ङीमु खुङगीइ मीःक्याइ तोःङ्ला टाःटे पेःसी ओःले छेइ तामक्यालाःम्‍लेरा तेङ्दी येशुरा थार्च्युगेन ख्रीष्ट इःङे लाःती दास्यी तेर्सी।

Currently Selected:

प्रेरीत 18: SYW

Highlight

Copy