सॆःक्ढुङ्पा 14
14
आइकोनियमबि पावल नुङ् बारनाबास
1ह आइकोनियमबि सङक पावल नुङ् बारनाबास याहुडिचि खोम्ठाम् खिम्पि खाराचिहाङ् याॽमिचिम् लुङ्माबि ठक्लढारि यामुसाचि हाङ् आक्कुबिहा डिरिक् याहुडिचि नुङ् होइढा हॆॽनिबारेक्चिऎ निवाँयुङ् लॆटुचि। 2टर निवाँयुङ् आलॆखुबा याहुडिचिऎ आक्कुबिहा होइढा हॆॽनिबारेक्चि चङ्पकुचिहाङ् पावल नुङ् बारनाबास काइर लॆःॽमॆ निवाँ मुबिटुचि। 3हाङ्स खोचि चॆकुवॆ लिमानुङ् पारभुमि खानावाँ इसे आक्कुबि डिरिक् लःढारि पेनाचि। हाङ् पारभुऎ आक्खाचिम् हुक्बाङ् चिन्ना नुङ् आक्खॆॽमाहा योम्पक् यिगु हाङ् खोम् नाम्नावाँ खानावाँमि चुमॆक्सङ् पिट्टु। 4हाङ् हाटाबिहा याॽमिचि सॆःक्ढुङ्पाचि नुङ् याहुडिचि पोट्टि फाक्बकामि। 5आक्कुबि याहुडिचि नुङ् होइढा याॽमिचि हाङ् उम्चि टुङ्घङ्पाचि टङामिहाङ् आक्खाचि काइर लॆसि परकामि हाङ् लुङ्कॽवाऎ डॆःॽमाचि कामानुङ् एक्क निवाँ मुसुचि। 6टर पावल नुङ् बारनाबासऎ ग खानावाँ वाप्टकाचु, हाङ् लुकोनियामि लुस्टारा नुङ् डारबि लोमॆ हाटामि गॆअङ्मॆअङ्हा ठालबि खुरिङ्खाराचि। 7आक्कबिस खोचिऎ नुऎ खानावाँ खेम्मिटुचिमि।
लुस्टारा हाङ् डरबिबि पावल नुङ् बारनाबास
8लुस्टाराबि लाङ् फॆम्पिटुनॆ एक्क याॽमि पेन्ढाङ्पा लॆटा हाङ् खो उम्मामि बःक्बाङ्न आक्रक्मान लॆटा। हाङ् हानाम्स मलाम्ढुमिम्पा लॆटा। 9खोसॆ पावलऎ यामुमिम्पा खेम्ढाङ्मिम्पा लॆटु। हाङ् पावलऎ खो नुःर खाङुहाङ् आक्कसॆ काङा नुबक्हिङा मिम्मिम्पा उम् निवाँयुङ् खाङ्टकु। 10हाङ् ढ्या साम्लाबि लोसु, “आना येप्पकॆ” आक्क याॽमि सङ्क मरक्लॽन चेपकाहाङ् लाम्ढुबक्का।
11याॽमिचिऎ पावलऎ लॆःॽमिम्पा आक्क योम्पक् खाङुचिहाङ् खोचि लुकोनियाम् खाप्पि गर कासामि, “निवाँहाङ्चि याॽमि लिडामिहाङ् कानिबि उङ्डामि।” 12खोचिऎ बारनाबास जिउस हाङ् पावल हारमेस निवाँहाङ् लोसुचि, मान्ठाभनॆ खो एट्टान यामुखुबा लॆटा। 13हाटामि कॆक्पि जिउस लोमॆ निवाँहाङ्मि खिम् चुआ। म जिउस लोमॆ खिम्पिऎ याटाङ्पाऎ पिक्चि नुङ् बुङ् लाःटॆटुचि हाङ् हाटाबिहा याॽमिचि नुङ् टङामिहाङ् खोचि चोप्पसॆ हाटामि टागारबि पावल नुङ् बारनाबासमि लागि सङ्टिॽमा मिनुचि।
14टर सॆःक्ढुङ्पाचि बारनाबास नुङ् पावलऎ ग खानावाँ खेमाचुहाङ् माङ् खोप्चिनावाँबि सिट्टाचिगा मिम्मानुङ् याॽमिचिम् लुम्पि पिन्खाराचिहाङ् गर कासाचि, 15“लाङ्काम्चि, मान्ठा गर लॆःॽमा परक्डानिहा? काचिगा ग आन्ना रक्मान याॽमि रेटा। काचिगा पारु, बाखाटेम्, पॆरॆरॆमा, हाङ् आक्कुबि चुहा चोब्न ठका मुखुबा निवाँहाङ्बि आन्ना इघा हुन्नहा खानावाँबाङ् ऎम्पकानॆ कामानुङ् नुऎ खानावाँ खेम्मिसि टाडाचिगा। 16याॽलहा याॽमिचि ग खोसॆ खोचि पाइकॆॽमिम्पा रक्न पाइमिटुचि, 17हाङ्स खोसॆ टाङ्पाम् नुऎ योम्पक् मुमानुङ् खो चुऎ चुमॆक्सङ् पिॽमा मायाइपा लॆटा, मान्ठाभनॆ खोसॆ आन्ना खोम् नाम्नावाँ खाङ्मिसे पारुबाङ् वारि टामिॽमानुङ् चारुङ्मि लागि काम्नुऎ लः पिट्टनि हाङ् चामा डुङ्मा पिट्टानि हाङ् आन्ना हाङ्हाङ् मुसानि।” 18इघा खानावाँ इसे आक्खाचिऎ सङ्टिॽमॆ उम्चि योम्पक्बाङ् बोल्लबोल्ल ऎगाचि।
19एक्क हिप्पा याहुडिचि एन्टिओक नुङ् आइकोनियामबाङ् टाआमिहाङ् याॽमिचि चोम्पकुचि हाङ् पावल लुङ्कॽवाऎ डॆरुचि, हाङ् सिखारा कामानुङ् हाटा बाहिर कहाङ्सुचि। 20टर निवाँयुङ् लॆखुबाचि खोम् गॆअङमॆअङ् खोम्टि खारामि हाङ् खो पगाहाङ् फेरि म हाटाबिॽन खारा। हाङ् वेन्डाक् लाम्पॆ बारनाबास नुङ् दारबियाबि खारा।
सिरियामि एन्टिओक्बि ऎन्टामिम्पा
21पावल नुङ् बारनाबासऎ दारबियाबि नुऎ खानावाँ खेम्मिटुचिहाङ् डिरिक् टिङ्खुबाचि मुसुचि। हाङ् लुस्टारा, आइकोनियम नुङ् पिसिडियामि एन्टिओकबि ऎम्पकाचि। 22आक्कुबि खोचिऎ टिङ्खुबाचि निवाँबि चॆनुकुचिहा मुसुचि हाङ् हानाम्स निवाँयुङ् लॆढाङ्सानॆ हाङ् डिरिक् डुखा आङ्से निवाँहाङ्मि हाङ्डाम्पि भॆन्मा लॆकि कामानुङ् खोचि लोसुचि। 23हाङ् पावल नुङ् बारनाबासऎ आक्खाचिम् चोब्न मान्डालिबि टुङ्घङ्पाचि सॆःक्पिटुचि हाङ् साक्नेॽमानुङ् पारठाना लॆसे खोचिऎ निवाँयुङ् लॆःॽमिम्पा पारभुमि हुक्पि युङाचु। 24आक्क डॆङ्पि खोचि पिसिडिया लोमॆ ठाल लिसे पाम्फिलियाबि डाबाचि। 25खोचिऎ पारगाबि खेम्मिटाचु, हाङ् अटालियाबि युसाचि।
26खोचिऎ खोचिम् योम्पक् लुक्पिटाचु, हाङ् खोचि पॆरॆरॆमामि लाम् लाम्ढुसे सिरियामि ऎन्टिओकबि ऎन्टाआचि। आक्कबान खोचि निवाँयुङ् लॆखुबा बुबुनुसाचिऎ निवाँहाङ्मि नाम्नावाँबि युङ्से निवाँहाङ्मि योम्पक् मुसि पाङ्हाङ्पा लॆटुचि। 27खोचि एन्टिओकबि टाआचिहाङ् आक्कुबिऎ मान्डालिबिहा निवाँयुङ् लॆखुबाचि खोमुचि हाङ् निवाँहाङ्ऎ खोचिबाङ् लॆःॽमिम्पा चोब्न योम्पक् इबिटुचि। हाङ् मान्टहाङ् होइढा हॆॽनिबारेक्चिम् लागि सङ्क निवाँहाङ्ऎ निवाँयुङ्मि लोम्भॆरॆङ्मा हेम्बक्पिट्टुचॆ म खानावाँ सङ्क इबिटुचि। 28आक्कुबि खोचि निवाँयुङ् लॆखुबाचिनुङ् डिरिक् डिनाढारि पेनाचि।
Currently Selected:
सॆःक्ढुङ्पा 14: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
सॆःक्ढुङ्पा 14
14
आइकोनियमबि पावल नुङ् बारनाबास
1ह आइकोनियमबि सङक पावल नुङ् बारनाबास याहुडिचि खोम्ठाम् खिम्पि खाराचिहाङ् याॽमिचिम् लुङ्माबि ठक्लढारि यामुसाचि हाङ् आक्कुबिहा डिरिक् याहुडिचि नुङ् होइढा हॆॽनिबारेक्चिऎ निवाँयुङ् लॆटुचि। 2टर निवाँयुङ् आलॆखुबा याहुडिचिऎ आक्कुबिहा होइढा हॆॽनिबारेक्चि चङ्पकुचिहाङ् पावल नुङ् बारनाबास काइर लॆःॽमॆ निवाँ मुबिटुचि। 3हाङ्स खोचि चॆकुवॆ लिमानुङ् पारभुमि खानावाँ इसे आक्कुबि डिरिक् लःढारि पेनाचि। हाङ् पारभुऎ आक्खाचिम् हुक्बाङ् चिन्ना नुङ् आक्खॆॽमाहा योम्पक् यिगु हाङ् खोम् नाम्नावाँ खानावाँमि चुमॆक्सङ् पिट्टु। 4हाङ् हाटाबिहा याॽमिचि सॆःक्ढुङ्पाचि नुङ् याहुडिचि पोट्टि फाक्बकामि। 5आक्कुबि याहुडिचि नुङ् होइढा याॽमिचि हाङ् उम्चि टुङ्घङ्पाचि टङामिहाङ् आक्खाचि काइर लॆसि परकामि हाङ् लुङ्कॽवाऎ डॆःॽमाचि कामानुङ् एक्क निवाँ मुसुचि। 6टर पावल नुङ् बारनाबासऎ ग खानावाँ वाप्टकाचु, हाङ् लुकोनियामि लुस्टारा नुङ् डारबि लोमॆ हाटामि गॆअङ्मॆअङ्हा ठालबि खुरिङ्खाराचि। 7आक्कबिस खोचिऎ नुऎ खानावाँ खेम्मिटुचिमि।
लुस्टारा हाङ् डरबिबि पावल नुङ् बारनाबास
8लुस्टाराबि लाङ् फॆम्पिटुनॆ एक्क याॽमि पेन्ढाङ्पा लॆटा हाङ् खो उम्मामि बःक्बाङ्न आक्रक्मान लॆटा। हाङ् हानाम्स मलाम्ढुमिम्पा लॆटा। 9खोसॆ पावलऎ यामुमिम्पा खेम्ढाङ्मिम्पा लॆटु। हाङ् पावलऎ खो नुःर खाङुहाङ् आक्कसॆ काङा नुबक्हिङा मिम्मिम्पा उम् निवाँयुङ् खाङ्टकु। 10हाङ् ढ्या साम्लाबि लोसु, “आना येप्पकॆ” आक्क याॽमि सङ्क मरक्लॽन चेपकाहाङ् लाम्ढुबक्का।
11याॽमिचिऎ पावलऎ लॆःॽमिम्पा आक्क योम्पक् खाङुचिहाङ् खोचि लुकोनियाम् खाप्पि गर कासामि, “निवाँहाङ्चि याॽमि लिडामिहाङ् कानिबि उङ्डामि।” 12खोचिऎ बारनाबास जिउस हाङ् पावल हारमेस निवाँहाङ् लोसुचि, मान्ठाभनॆ खो एट्टान यामुखुबा लॆटा। 13हाटामि कॆक्पि जिउस लोमॆ निवाँहाङ्मि खिम् चुआ। म जिउस लोमॆ खिम्पिऎ याटाङ्पाऎ पिक्चि नुङ् बुङ् लाःटॆटुचि हाङ् हाटाबिहा याॽमिचि नुङ् टङामिहाङ् खोचि चोप्पसॆ हाटामि टागारबि पावल नुङ् बारनाबासमि लागि सङ्टिॽमा मिनुचि।
14टर सॆःक्ढुङ्पाचि बारनाबास नुङ् पावलऎ ग खानावाँ खेमाचुहाङ् माङ् खोप्चिनावाँबि सिट्टाचिगा मिम्मानुङ् याॽमिचिम् लुम्पि पिन्खाराचिहाङ् गर कासाचि, 15“लाङ्काम्चि, मान्ठा गर लॆःॽमा परक्डानिहा? काचिगा ग आन्ना रक्मान याॽमि रेटा। काचिगा पारु, बाखाटेम्, पॆरॆरॆमा, हाङ् आक्कुबि चुहा चोब्न ठका मुखुबा निवाँहाङ्बि आन्ना इघा हुन्नहा खानावाँबाङ् ऎम्पकानॆ कामानुङ् नुऎ खानावाँ खेम्मिसि टाडाचिगा। 16याॽलहा याॽमिचि ग खोसॆ खोचि पाइकॆॽमिम्पा रक्न पाइमिटुचि, 17हाङ्स खोसॆ टाङ्पाम् नुऎ योम्पक् मुमानुङ् खो चुऎ चुमॆक्सङ् पिॽमा मायाइपा लॆटा, मान्ठाभनॆ खोसॆ आन्ना खोम् नाम्नावाँ खाङ्मिसे पारुबाङ् वारि टामिॽमानुङ् चारुङ्मि लागि काम्नुऎ लः पिट्टनि हाङ् चामा डुङ्मा पिट्टानि हाङ् आन्ना हाङ्हाङ् मुसानि।” 18इघा खानावाँ इसे आक्खाचिऎ सङ्टिॽमॆ उम्चि योम्पक्बाङ् बोल्लबोल्ल ऎगाचि।
19एक्क हिप्पा याहुडिचि एन्टिओक नुङ् आइकोनियामबाङ् टाआमिहाङ् याॽमिचि चोम्पकुचि हाङ् पावल लुङ्कॽवाऎ डॆरुचि, हाङ् सिखारा कामानुङ् हाटा बाहिर कहाङ्सुचि। 20टर निवाँयुङ् लॆखुबाचि खोम् गॆअङमॆअङ् खोम्टि खारामि हाङ् खो पगाहाङ् फेरि म हाटाबिॽन खारा। हाङ् वेन्डाक् लाम्पॆ बारनाबास नुङ् दारबियाबि खारा।
सिरियामि एन्टिओक्बि ऎन्टामिम्पा
21पावल नुङ् बारनाबासऎ दारबियाबि नुऎ खानावाँ खेम्मिटुचिहाङ् डिरिक् टिङ्खुबाचि मुसुचि। हाङ् लुस्टारा, आइकोनियम नुङ् पिसिडियामि एन्टिओकबि ऎम्पकाचि। 22आक्कुबि खोचिऎ टिङ्खुबाचि निवाँबि चॆनुकुचिहा मुसुचि हाङ् हानाम्स निवाँयुङ् लॆढाङ्सानॆ हाङ् डिरिक् डुखा आङ्से निवाँहाङ्मि हाङ्डाम्पि भॆन्मा लॆकि कामानुङ् खोचि लोसुचि। 23हाङ् पावल नुङ् बारनाबासऎ आक्खाचिम् चोब्न मान्डालिबि टुङ्घङ्पाचि सॆःक्पिटुचि हाङ् साक्नेॽमानुङ् पारठाना लॆसे खोचिऎ निवाँयुङ् लॆःॽमिम्पा पारभुमि हुक्पि युङाचु। 24आक्क डॆङ्पि खोचि पिसिडिया लोमॆ ठाल लिसे पाम्फिलियाबि डाबाचि। 25खोचिऎ पारगाबि खेम्मिटाचु, हाङ् अटालियाबि युसाचि।
26खोचिऎ खोचिम् योम्पक् लुक्पिटाचु, हाङ् खोचि पॆरॆरॆमामि लाम् लाम्ढुसे सिरियामि ऎन्टिओकबि ऎन्टाआचि। आक्कबान खोचि निवाँयुङ् लॆखुबा बुबुनुसाचिऎ निवाँहाङ्मि नाम्नावाँबि युङ्से निवाँहाङ्मि योम्पक् मुसि पाङ्हाङ्पा लॆटुचि। 27खोचि एन्टिओकबि टाआचिहाङ् आक्कुबिऎ मान्डालिबिहा निवाँयुङ् लॆखुबाचि खोमुचि हाङ् निवाँहाङ्ऎ खोचिबाङ् लॆःॽमिम्पा चोब्न योम्पक् इबिटुचि। हाङ् मान्टहाङ् होइढा हॆॽनिबारेक्चिम् लागि सङ्क निवाँहाङ्ऎ निवाँयुङ्मि लोम्भॆरॆङ्मा हेम्बक्पिट्टुचॆ म खानावाँ सङ्क इबिटुचि। 28आक्कुबि खोचि निवाँयुङ् लॆखुबाचिनुङ् डिरिक् डिनाढारि पेनाचि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society