सॆःक्ढुङ्पा 13
13
बारनाबास नुङ् सावाल पाङ्हाङ्मिम्पा
1एन्टिओकबिऎ मान्डालिबि निवाँहाङ्मि खानावाँ लोखुबाचि नुङ् चिन्खुबा बारनाबास, माइक्मा लोमॆ सिमियोन, साइरेनिबाङ् टाडॆ लुसियस, हाङ् हेरोड नुङ् पुःॽडॆ मानेन्, नुङ् सावाल लोमॆ याॽमिचि चुआमि। 2इॽया आक्खाचिऎ साक्नेॽमानुङ् पारभु चुङ्से लॆःॽमार सॆङ्सॆङॆ लावाऎ लोसुचि, “बारनाबास नुङ् सावाल कॆ माङ् योम्पक्मि लागि सेःॽडुङ्चि म योम्पक् मुसि काम् लागि फाक्बकाम्नॆ।” 3मसॆ खोचिऎ साक्नेॽमनुङ् खोचिम् हुक् आक्खाचि सक्पि युङ्से पारठाना लॆटामि हाङ् पाङ्हाङ्सुचि।
बारनाबास नुङ् सावाल साइपरसबि
4बारनाबास नुङ् सावाल सॆङ्सॆङॆ लावाऎ खोचिम् लाम् खाङ्मिटुचि हाङ् सिलिसिया हाटाबि युसाचि। आक्कबाङ् योवाखङ्बाङ् साइपरस लोमॆ ठालबि खाराचि। 5सालामिस लोमॆ ठालबि टाआचिहाङ् खोचिऎ निवाँहाङ्मि खानावाँ याहुडिचि खोम्ठाम् खिम्पि खेम्मिटुचिमि। खोचि मुबाक्माम् लागि युहान्ना खोचिनुङ् चुआ।
6खोचि चोब्न योवाऎ ऎक्मिम्पा ठाल लिसे पाफोस लोमॆ ठालबि टाआचि। आक्कुबि एक्क याहुडि हुन्नऎ निवाँहाङ्मि खानावाँ लोखुबा बार येसु लोमॆ चाटाक् खाङ्मिखुबा याॽमि चुबाचु। 7खो एक्क सारगियास पाउलास लोमॆ निवाँटाङ्पा टुङ्घङ्पामि टाङ्पाम् याॽमि लॆटा। सारगियास पाउलासऎ निवाँहाङ्मि खानावाँ खेम्मा मिट्टु, मसॆ खोसॆ बारनाबास नुङ् सावाल सेहाङ्सुचि। 8टर आक्क चाटाकॆ इलुमासऎ (गिरिक् खाप्पि इलुमास लोमॆ चाटाक् खाङ्मिखुबा यो) खोचि काइर लॆसॆ सारगियासमि येसुबि चुऎ निवाँयुङ् माइपिॽमॆ निवाँ मुसु। 9टर सावाल, आक्कमि निङ् पावल स लॆटा, सॆङ्सॆङॆ लावाऎ चेप्खॆटुहाङ् म इलुमास नुःर खाङु हाङ् लोसु, 10“आना साइटानमि पासा, चोब्न निवाँनेन् खानावाँ सिच्चोखुबा, आना ग चोब्न हुन्नऎ नुङ् काइसॆ खानावाँऎ चेप्खॆडाना। माल हानाम्स पारभुमि नुऎ लाम् काइसॆयॆ कामा याइटुनानॆ? 11ह पारभुमि डान्डा आनाबि सिडा। ह आना रिचि ङाचि डिना मिक् आखाङ्खुबा लिक्ना हाङ् ङिऎ नाम् सङ्क खाङ्टकुनानि।” मरक्लॽन इलुमास खिन्डुमा हाङ् माॽयाक्टऎसॆ डॆगु। हाङ् खोसॆ याॽमिचिऎ खोम् हुक्पि लाप्ङामि हाङ् लाम्ढुमिङाम्याह् रु मिम्मानुङ् सोप्से लाम्ढुबक्का। 12सारगियासऎ ग खानावाँ खाङुहाङ् निवाँयुङ् लॆटु। मान्ठाभनॆ पारभुमि बारेबि चिन्मिम्पा खानावाँऎ खो आक्खॆटु।
पिसिडियामि एन्टिओक
13पावल नुङ् खोम् लाङ्काम्चि पाफोसबाङ् योवाखङ्पि ठाङामिहाङ् पाम्फेलियामि पारगाबि टाआमि। टर आक्कुबि युहान्ना मारकुस चाइ खोचिबाङ् फाक्बकाहाङ् यारुसालेम्पि ऎम्पखारा। 14पावल नुङ् बारनाबास परगाबाङ् पिसिडियामि एन्टिओकबि खाराचि। हाङ् नाचामॆ डिना याहुडिचि खोम्ठाम् खिम्पि खाराचिहाङ् पेनाचि। 15मोसामि यायेॽमा हाङ् निवाँहाङ्मि खानावाँ लोखुबाचिम् साब्चिराबाङ् पाढालॆॽमॆ योम्पक् यॆराचुहाङ् याहुडिचि खोम्ठाम् खिम्पिऎ टुङ्घङ्पाचिऎ आक्खाचिबि गरक्मा खानावाँ पाङ्हाङ्सुचि, “बुबुनुसाचि, आन्नानुङ् काङ्काम् याॽमिचि चॆकुचॆ मुमॆ खानावाँ चु हाङ्ग लोचिमॆ।”
16हाङ् पावल येप्पकहाङ् हुगॆ यामिसे यङ उगनॆ लोसुचि, “इस्राएलि हाङ् निवाँहाङ् चुङ्खुबा होइढा याॽमिचि, काङाम् खानावाँ खेमाम्नॆ। 17इस्राएलि याॽमिचिम् निवाँहाङ्ऎ कानिम् पाप्पाटुबाचि सॆगुचिहाङ् खोचि मिस्र हाङ्टेम्पि लिमार डिरिक् मुबक्मानुङ् खोम् ढ्या चॆक्मावाऎ आक्क हाङ्टेम्बाङ् बाहिरा लाबकु। 18हाङ् आसास पेम्मिनिहा ठालबि रिपङ् निङ्ढारि खोसॆ आक्खाचि खाङुचि। 19हाङ् खोसॆ कनान हाङ्टेम्बिहा वाङ्चि हॆॽनिबारेक्चि लुक्खॆॽमिट्टुचि हाङ् म हाङ्टेम् खोम् याॽमिचि पिट्टुचि। 20इघा चोब्न लिमार रिकग्ङापङ् निङ् यागुचि। आक्क डॆङ्पि निवाँहाङ्ऎ निवाँहाङ्मि खानावाँ इखुबा सामुएल लोमॆ याॽमिमि लःढारि खोचि सक्पि ढुप्पाट्ट लॆसि न्यायकारटा लोमाह याॽमिचि पिट्टुचि। 21हाङ् आक्खाचिऎ हाङ् पाप्किङ्का कामानुङ् ङाग्मार निवाँहाङ्ऎ बेन्जामिन सामॆक्बिऎ किस लोमॆ याॽमिमि पासा सावाल पिट्टुचि। हाङ् आक्कसॆ रिपङ् निङ्ढारि हाङ्डाम् लॆटु। 22आक्क डॆङ्पि निवाँहाङ्ऎ सावाल हाङ्मि ठालबाङ् लाबहाक्सु हाङ् डाउड लोमॆ याॽमि हाङ् मुसु। हाङ् निवाँहाङ्ऎ लोसु, ‘यिसाइमि पासा डाउड काम् नेन्चामिम्पा हाङ् काम् निवाँ आनुसारॆ योम्पक् मुखुबा याॽमि लॆ।’ 23इग याॽमिमि पिसानासाचि बाङ्न निवाँहाङ्ऎ खोम् चुप्लाङ् आनुसारॆ फाक्बखुबा येसु इस्राएलिचिबि लाटॆटु। 24येसु टामाबाङ् याॽल युहान्नाऎ चोब्न इस्राएलि याॽमिचि उम्चि हिङवाबाङ् ऎम्पक्मिर हाङ् बाप्टिस्मा लामिर कामानुङ् खेम्मिटुचिमि। 25हाङ् युहान्नाऎ उम् योम्पक् यॆॽमा ठाबाक्मार याॽमिचि लोसुचि, ‘काङा आसार कामानुङ् मिङ्कानिहा? काङा आन्नॆ हुङ्मिम्पा याॽमि ग हॆॽङानॆ, खो ग काबाङ् डॆङ्पि टा। हाङ्स काग खोम् ङारिङ्पि माङ्स हॆॽङानॆ।’
26“आबाराहाममि पिसानासाचि हाङ् निवाँहाङ्मि किसिमाबि पेन्खुबा होइढा हॆॽनिबारेक्बिहा याॽमिचि, निवाँहाङ्मि ग फाक्बक्मॆमि नुऎ खानावाँ कानिबि पाङ्हाङ्सु। 27मान्ठभनॆ यारुसालेम्बिह याॽमिचि नुङ् उम्चि टुङ्घङ्पाचिऎ येसु मालेसुचि, हाङ् खोचिऎन नाचामॆ डिना पाढालॆकॆम्पा निवाँहाङ्मि खानावाँ लोखुबाचिम् खानावाँ मावाप्हिसुचि हाङ् खो सेॽमॆ निवाँ मुमानुङ् माह् खानावाँ चाइबानऎ कामानुङ् खाङ्मिटुचि। 28हाङ् खो सेॽमॆ डन्डा पिॽमॆ माङ्स आब्डिक मान्यक्टॽमार सङ्क सेॽमान लॆ कामानुङ् पिलाटस लोसुचि। 29हाङ् खोम् बारेबि निवाँनेन् साब्चिराबि साॽमिम्पा चोब्न खानावाँ आक्खाचिऎ लॆसिटुचिहाङ् कुरुसाबाङ् लाढिन्टुचि हाङ् येःॽमाबि युङुचि। 30टर निवाँहाङ्ऎ खो सिखेम्पाबाङ् हिङ्पक्मिट्टु। 31हाङ् खोनुङ् गालिलाबाङ् यरुसालेमढारि लाम्ढुखुबाचिनुङ् डिरिक् डिनाढारि खाङ्ङुसा। ह आक्खाचि कानिम् याॽमिचिम् लागि खोम् चुमॆक्सङ्चि रेम।
32“हाङ् निवाँहाङ्ऎ कानिम् पाप्पाटुबाचिनुङ् मुमिम्पा चुप्लाङ्मि नुऎ खानावाँ लोसि आन्नाबि काङ्का टाडिङ्का। 33निवाँहाङ्ऎ येसु सिखेम्पाबाङ् हिङ्पक्मिट्टुहाङ् खोम् चुप्लाङ् काङ्का उम्चि पिसानासाचिम् लुम्पि यॆस्सिडु। खोम्मिम्पासाम् लोमॆ साब्चिरामि हिच्चि भागबि निवाँहाङ्ऎ येसु गर लोडु,
‘आना काम् पासाना यो।
आइ काङा आनामि आपा लिडिङ।’#खोम्मिम्पासाम् २:७
34“निवाँहाङ्ऎ खो सिखॆम्पाबा हिङ्पक्मिट्टु, हाङ् खो हानाम्स आकिम्खॆखुबा लिसा हाङ् खोसॆ गर लोडु, ‘आन्ना कॆ डाउड हाङ् पिॽमिम्पा सॆङ्सॆङॆ हाङ् चाइबानऎ आसिका पिकानि।’#यासाइया ५५:३
35“हाङ् होइक ठावाबि सङ्क गरहाङ् लोडा,
‘आनॆ आनाम् सॆङ्सॆङॆ याॽमिमि सालुङ् किम्खॆॽमा पिट्टुनानि।’#खोम्मिम्पासाम् १६:१०
36“मान्ठाभनॆ डाउडऎ उम् हिङ्खामाबि निवाँहाङ्मि योम्पक् लॆटुहाङ् सिखारा हाङ् खोम् पाप्पाटुबाचिनुङ् हुम्ढिङ्खारा हाङ् किम्खारा। 37टर आसा निवाँहाङ्ऎ सिखेम्पाबाङ् हिङ्पक्मिट्टु खोम् सालुङ् माकिम्खॆ।
38“मसॆ बुबुनुसाचि, आन्नॆ ग वाबाम्नॆ, ग येसुबाङ्न याॽमिचिम् हिङ्वामि यङ्निमा लि कामानुङ् आन्ना लोःॽडानि। 39खोबि निवाँयुङ् लॆखुबाचि चोप्पासॆ मोसामि यायेॽमाबाङ् मान्यक्टम्पा हिङ्वामि यङ्निमा आन्नॆ यक्टडाम्नि। 40मसॆ निवाँहाङ्मि खानावाँ लोखुबाचिऎ साॽमिम्पा खानावाँ आन्नाबि आसिॽल कामानुङ् नुःर पेनानॆ। 41ओ इचाखुबचि खाङाम्नॆ,
आन्ना आक्खॆॽमानुङ् सिखारानॆ। मान्ठाभनॆ आन्नामि लःबि कॆ आन्नॆ निवाँयुङ्न लॆहिसाम्निनॆ एक्क योम्पक् लॆकुङ् हाङ् आक्कमि बारेबि याॽमिचिऎ आन्ना इबिकानि हाङ्स आन्नॆ निवाँयुङ् लॆटाम्निनि।”#हिबुरु १:५
42पावल हाङ् बारनाबास याहुडिचि खोम्ठाम् खिम्बाङ् आम्पक्से खाइमा ठाबाक्मार याॽमिचिऎ आक्खाचि, “फेरि होइक नाचामॆ डिना टाआचॆहाङ् ग खानावाँ खेम्मिचिमॆ” कामानुङ् सेःरुचि। 43याहुडिचि खोम्ठाम् खिम्पिऎ योम्पक् लुक्खाराहाङ् डिरिक् याहुडिचि नुङ् याहुडि चालाना टिङ्खुबा होइढा हॆॽनिबारेक्चिऎ पावल नुङ् बारनाबास टिङुचि हाङ् खोचिऎ आन्ना हानाम्स निवाँहाङ्मि नाम्नावाँबि लिढाङ्सानॆ कामानुङ् लोसुचि।
44हाङ् होइक नाचामॆ डिना आक्क हाटाबिहा चोब्नर याॽमिचि पारभुमि खानावाँ खेम्सि टाआमि। 45टर याहुडिचिऎ माह् याॽमिचि खाङुचिहाङ् काइर लोबकुचि, हाङ् पावलऎ इमिम्पा खानावाँ हुन्नऎयॆ कामानुङ् चोन्पकुचि।
46टर पावल नुङ् बारनाबास मॆन्किसिरे गरहाङ् यामुसाचि, “निवाँहाङ्मि खानावाँ चोब्बाङ् याॽल आन्ना याहुडिचिन खेम्मिॽमा लॆटानिहा, टर आन्नॆॽन ग सिच्चाआम्नि हाङ् हानाम्स आसिखॆखुबा हिङ्खामा टक्चामॆ याॽमिचि हॆॽनाइङ्का कामानुङ् खाङ्मिटाम्चिनि, मसॆ काङ्का आन्नाबाङ् ह होइढा हॆॽनिबारेक्चिबि खॆकिङ्का। 47मान्ठाभनॆ पारभुऎ काङ्का गरहाङ् लोडिङ्का,
‘कॆ आना होइढा हॆॽनिबारेक्चिम् लागि फाक्खुबामि लाम् खाङ्मिखुबा मुःॽडाना। मान्ठाभनॆ चोब्न याॽमिचि हिङ्चामिर’।”#यासाइया ४९:६
48ग खानावाँ होइढा हॆॽनिबारेक्चिऎ खेमुचिहाङ् एट्टान चेन्चाआमि हाङ् पारभुमि खानावाँ नुऎ लोसुचि, हाङ् हानाम्स आसिखॆखुबा हिङ्खामा टक्चामाम् लागि सॆक्मिम्पाचिऎ निवाँयुङ् लॆटुचि।
49हाङ् पारभुमि खानावाँ आक्क चोब्न ठालबि फुबका। 50टर याहुडिचिऎ निवाँहाङ्मि किसिमाबि पेन्खुबा निङ् चुचाखुबा मेॽनुङ्माचि हाङ् आक्क हाटाबिहा टुङ्घङ्पाचि चोम्पकुचि। हाङ् पावल नुङ् बारनाबास काइर लॆपकुचि हाङ् उम्चि ठालबाङ् यिक्पहाक्सुचि। 51मसॆ खोचिऎ सङ्क “आन्नामि काइसॆ योम्पक्मि डान्डा आन्नाब्न सिॽल” कामानुङ् खोचिम् लाङ्फॆॽमाबिऎ ढुल फाप्डाआचु हाङ् आइकोनियाम लोमॆ ठालबि टाआचि। 52हाङ् टिङ्खुबाचि हाङ्हाङ् नुङ् सॆङ्सॆङॆ लावाऎ चेप्खॆटुचि।
Currently Selected:
सॆःक्ढुङ्पा 13: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
सॆःक्ढुङ्पा 13
13
बारनाबास नुङ् सावाल पाङ्हाङ्मिम्पा
1एन्टिओकबिऎ मान्डालिबि निवाँहाङ्मि खानावाँ लोखुबाचि नुङ् चिन्खुबा बारनाबास, माइक्मा लोमॆ सिमियोन, साइरेनिबाङ् टाडॆ लुसियस, हाङ् हेरोड नुङ् पुःॽडॆ मानेन्, नुङ् सावाल लोमॆ याॽमिचि चुआमि। 2इॽया आक्खाचिऎ साक्नेॽमानुङ् पारभु चुङ्से लॆःॽमार सॆङ्सॆङॆ लावाऎ लोसुचि, “बारनाबास नुङ् सावाल कॆ माङ् योम्पक्मि लागि सेःॽडुङ्चि म योम्पक् मुसि काम् लागि फाक्बकाम्नॆ।” 3मसॆ खोचिऎ साक्नेॽमनुङ् खोचिम् हुक् आक्खाचि सक्पि युङ्से पारठाना लॆटामि हाङ् पाङ्हाङ्सुचि।
बारनाबास नुङ् सावाल साइपरसबि
4बारनाबास नुङ् सावाल सॆङ्सॆङॆ लावाऎ खोचिम् लाम् खाङ्मिटुचि हाङ् सिलिसिया हाटाबि युसाचि। आक्कबाङ् योवाखङ्बाङ् साइपरस लोमॆ ठालबि खाराचि। 5सालामिस लोमॆ ठालबि टाआचिहाङ् खोचिऎ निवाँहाङ्मि खानावाँ याहुडिचि खोम्ठाम् खिम्पि खेम्मिटुचिमि। खोचि मुबाक्माम् लागि युहान्ना खोचिनुङ् चुआ।
6खोचि चोब्न योवाऎ ऎक्मिम्पा ठाल लिसे पाफोस लोमॆ ठालबि टाआचि। आक्कुबि एक्क याहुडि हुन्नऎ निवाँहाङ्मि खानावाँ लोखुबा बार येसु लोमॆ चाटाक् खाङ्मिखुबा याॽमि चुबाचु। 7खो एक्क सारगियास पाउलास लोमॆ निवाँटाङ्पा टुङ्घङ्पामि टाङ्पाम् याॽमि लॆटा। सारगियास पाउलासऎ निवाँहाङ्मि खानावाँ खेम्मा मिट्टु, मसॆ खोसॆ बारनाबास नुङ् सावाल सेहाङ्सुचि। 8टर आक्क चाटाकॆ इलुमासऎ (गिरिक् खाप्पि इलुमास लोमॆ चाटाक् खाङ्मिखुबा यो) खोचि काइर लॆसॆ सारगियासमि येसुबि चुऎ निवाँयुङ् माइपिॽमॆ निवाँ मुसु। 9टर सावाल, आक्कमि निङ् पावल स लॆटा, सॆङ्सॆङॆ लावाऎ चेप्खॆटुहाङ् म इलुमास नुःर खाङु हाङ् लोसु, 10“आना साइटानमि पासा, चोब्न निवाँनेन् खानावाँ सिच्चोखुबा, आना ग चोब्न हुन्नऎ नुङ् काइसॆ खानावाँऎ चेप्खॆडाना। माल हानाम्स पारभुमि नुऎ लाम् काइसॆयॆ कामा याइटुनानॆ? 11ह पारभुमि डान्डा आनाबि सिडा। ह आना रिचि ङाचि डिना मिक् आखाङ्खुबा लिक्ना हाङ् ङिऎ नाम् सङ्क खाङ्टकुनानि।” मरक्लॽन इलुमास खिन्डुमा हाङ् माॽयाक्टऎसॆ डॆगु। हाङ् खोसॆ याॽमिचिऎ खोम् हुक्पि लाप्ङामि हाङ् लाम्ढुमिङाम्याह् रु मिम्मानुङ् सोप्से लाम्ढुबक्का। 12सारगियासऎ ग खानावाँ खाङुहाङ् निवाँयुङ् लॆटु। मान्ठाभनॆ पारभुमि बारेबि चिन्मिम्पा खानावाँऎ खो आक्खॆटु।
पिसिडियामि एन्टिओक
13पावल नुङ् खोम् लाङ्काम्चि पाफोसबाङ् योवाखङ्पि ठाङामिहाङ् पाम्फेलियामि पारगाबि टाआमि। टर आक्कुबि युहान्ना मारकुस चाइ खोचिबाङ् फाक्बकाहाङ् यारुसालेम्पि ऎम्पखारा। 14पावल नुङ् बारनाबास परगाबाङ् पिसिडियामि एन्टिओकबि खाराचि। हाङ् नाचामॆ डिना याहुडिचि खोम्ठाम् खिम्पि खाराचिहाङ् पेनाचि। 15मोसामि यायेॽमा हाङ् निवाँहाङ्मि खानावाँ लोखुबाचिम् साब्चिराबाङ् पाढालॆॽमॆ योम्पक् यॆराचुहाङ् याहुडिचि खोम्ठाम् खिम्पिऎ टुङ्घङ्पाचिऎ आक्खाचिबि गरक्मा खानावाँ पाङ्हाङ्सुचि, “बुबुनुसाचि, आन्नानुङ् काङ्काम् याॽमिचि चॆकुचॆ मुमॆ खानावाँ चु हाङ्ग लोचिमॆ।”
16हाङ् पावल येप्पकहाङ् हुगॆ यामिसे यङ उगनॆ लोसुचि, “इस्राएलि हाङ् निवाँहाङ् चुङ्खुबा होइढा याॽमिचि, काङाम् खानावाँ खेमाम्नॆ। 17इस्राएलि याॽमिचिम् निवाँहाङ्ऎ कानिम् पाप्पाटुबाचि सॆगुचिहाङ् खोचि मिस्र हाङ्टेम्पि लिमार डिरिक् मुबक्मानुङ् खोम् ढ्या चॆक्मावाऎ आक्क हाङ्टेम्बाङ् बाहिरा लाबकु। 18हाङ् आसास पेम्मिनिहा ठालबि रिपङ् निङ्ढारि खोसॆ आक्खाचि खाङुचि। 19हाङ् खोसॆ कनान हाङ्टेम्बिहा वाङ्चि हॆॽनिबारेक्चि लुक्खॆॽमिट्टुचि हाङ् म हाङ्टेम् खोम् याॽमिचि पिट्टुचि। 20इघा चोब्न लिमार रिकग्ङापङ् निङ् यागुचि। आक्क डॆङ्पि निवाँहाङ्ऎ निवाँहाङ्मि खानावाँ इखुबा सामुएल लोमॆ याॽमिमि लःढारि खोचि सक्पि ढुप्पाट्ट लॆसि न्यायकारटा लोमाह याॽमिचि पिट्टुचि। 21हाङ् आक्खाचिऎ हाङ् पाप्किङ्का कामानुङ् ङाग्मार निवाँहाङ्ऎ बेन्जामिन सामॆक्बिऎ किस लोमॆ याॽमिमि पासा सावाल पिट्टुचि। हाङ् आक्कसॆ रिपङ् निङ्ढारि हाङ्डाम् लॆटु। 22आक्क डॆङ्पि निवाँहाङ्ऎ सावाल हाङ्मि ठालबाङ् लाबहाक्सु हाङ् डाउड लोमॆ याॽमि हाङ् मुसु। हाङ् निवाँहाङ्ऎ लोसु, ‘यिसाइमि पासा डाउड काम् नेन्चामिम्पा हाङ् काम् निवाँ आनुसारॆ योम्पक् मुखुबा याॽमि लॆ।’ 23इग याॽमिमि पिसानासाचि बाङ्न निवाँहाङ्ऎ खोम् चुप्लाङ् आनुसारॆ फाक्बखुबा येसु इस्राएलिचिबि लाटॆटु। 24येसु टामाबाङ् याॽल युहान्नाऎ चोब्न इस्राएलि याॽमिचि उम्चि हिङवाबाङ् ऎम्पक्मिर हाङ् बाप्टिस्मा लामिर कामानुङ् खेम्मिटुचिमि। 25हाङ् युहान्नाऎ उम् योम्पक् यॆॽमा ठाबाक्मार याॽमिचि लोसुचि, ‘काङा आसार कामानुङ् मिङ्कानिहा? काङा आन्नॆ हुङ्मिम्पा याॽमि ग हॆॽङानॆ, खो ग काबाङ् डॆङ्पि टा। हाङ्स काग खोम् ङारिङ्पि माङ्स हॆॽङानॆ।’
26“आबाराहाममि पिसानासाचि हाङ् निवाँहाङ्मि किसिमाबि पेन्खुबा होइढा हॆॽनिबारेक्बिहा याॽमिचि, निवाँहाङ्मि ग फाक्बक्मॆमि नुऎ खानावाँ कानिबि पाङ्हाङ्सु। 27मान्ठभनॆ यारुसालेम्बिह याॽमिचि नुङ् उम्चि टुङ्घङ्पाचिऎ येसु मालेसुचि, हाङ् खोचिऎन नाचामॆ डिना पाढालॆकॆम्पा निवाँहाङ्मि खानावाँ लोखुबाचिम् खानावाँ मावाप्हिसुचि हाङ् खो सेॽमॆ निवाँ मुमानुङ् माह् खानावाँ चाइबानऎ कामानुङ् खाङ्मिटुचि। 28हाङ् खो सेॽमॆ डन्डा पिॽमॆ माङ्स आब्डिक मान्यक्टॽमार सङ्क सेॽमान लॆ कामानुङ् पिलाटस लोसुचि। 29हाङ् खोम् बारेबि निवाँनेन् साब्चिराबि साॽमिम्पा चोब्न खानावाँ आक्खाचिऎ लॆसिटुचिहाङ् कुरुसाबाङ् लाढिन्टुचि हाङ् येःॽमाबि युङुचि। 30टर निवाँहाङ्ऎ खो सिखेम्पाबाङ् हिङ्पक्मिट्टु। 31हाङ् खोनुङ् गालिलाबाङ् यरुसालेमढारि लाम्ढुखुबाचिनुङ् डिरिक् डिनाढारि खाङ्ङुसा। ह आक्खाचि कानिम् याॽमिचिम् लागि खोम् चुमॆक्सङ्चि रेम।
32“हाङ् निवाँहाङ्ऎ कानिम् पाप्पाटुबाचिनुङ् मुमिम्पा चुप्लाङ्मि नुऎ खानावाँ लोसि आन्नाबि काङ्का टाडिङ्का। 33निवाँहाङ्ऎ येसु सिखेम्पाबाङ् हिङ्पक्मिट्टुहाङ् खोम् चुप्लाङ् काङ्का उम्चि पिसानासाचिम् लुम्पि यॆस्सिडु। खोम्मिम्पासाम् लोमॆ साब्चिरामि हिच्चि भागबि निवाँहाङ्ऎ येसु गर लोडु,
‘आना काम् पासाना यो।
आइ काङा आनामि आपा लिडिङ।’#खोम्मिम्पासाम् २:७
34“निवाँहाङ्ऎ खो सिखॆम्पाबा हिङ्पक्मिट्टु, हाङ् खो हानाम्स आकिम्खॆखुबा लिसा हाङ् खोसॆ गर लोडु, ‘आन्ना कॆ डाउड हाङ् पिॽमिम्पा सॆङ्सॆङॆ हाङ् चाइबानऎ आसिका पिकानि।’#यासाइया ५५:३
35“हाङ् होइक ठावाबि सङ्क गरहाङ् लोडा,
‘आनॆ आनाम् सॆङ्सॆङॆ याॽमिमि सालुङ् किम्खॆॽमा पिट्टुनानि।’#खोम्मिम्पासाम् १६:१०
36“मान्ठाभनॆ डाउडऎ उम् हिङ्खामाबि निवाँहाङ्मि योम्पक् लॆटुहाङ् सिखारा हाङ् खोम् पाप्पाटुबाचिनुङ् हुम्ढिङ्खारा हाङ् किम्खारा। 37टर आसा निवाँहाङ्ऎ सिखेम्पाबाङ् हिङ्पक्मिट्टु खोम् सालुङ् माकिम्खॆ।
38“मसॆ बुबुनुसाचि, आन्नॆ ग वाबाम्नॆ, ग येसुबाङ्न याॽमिचिम् हिङ्वामि यङ्निमा लि कामानुङ् आन्ना लोःॽडानि। 39खोबि निवाँयुङ् लॆखुबाचि चोप्पासॆ मोसामि यायेॽमाबाङ् मान्यक्टम्पा हिङ्वामि यङ्निमा आन्नॆ यक्टडाम्नि। 40मसॆ निवाँहाङ्मि खानावाँ लोखुबाचिऎ साॽमिम्पा खानावाँ आन्नाबि आसिॽल कामानुङ् नुःर पेनानॆ। 41ओ इचाखुबचि खाङाम्नॆ,
आन्ना आक्खॆॽमानुङ् सिखारानॆ। मान्ठाभनॆ आन्नामि लःबि कॆ आन्नॆ निवाँयुङ्न लॆहिसाम्निनॆ एक्क योम्पक् लॆकुङ् हाङ् आक्कमि बारेबि याॽमिचिऎ आन्ना इबिकानि हाङ्स आन्नॆ निवाँयुङ् लॆटाम्निनि।”#हिबुरु १:५
42पावल हाङ् बारनाबास याहुडिचि खोम्ठाम् खिम्बाङ् आम्पक्से खाइमा ठाबाक्मार याॽमिचिऎ आक्खाचि, “फेरि होइक नाचामॆ डिना टाआचॆहाङ् ग खानावाँ खेम्मिचिमॆ” कामानुङ् सेःरुचि। 43याहुडिचि खोम्ठाम् खिम्पिऎ योम्पक् लुक्खाराहाङ् डिरिक् याहुडिचि नुङ् याहुडि चालाना टिङ्खुबा होइढा हॆॽनिबारेक्चिऎ पावल नुङ् बारनाबास टिङुचि हाङ् खोचिऎ आन्ना हानाम्स निवाँहाङ्मि नाम्नावाँबि लिढाङ्सानॆ कामानुङ् लोसुचि।
44हाङ् होइक नाचामॆ डिना आक्क हाटाबिहा चोब्नर याॽमिचि पारभुमि खानावाँ खेम्सि टाआमि। 45टर याहुडिचिऎ माह् याॽमिचि खाङुचिहाङ् काइर लोबकुचि, हाङ् पावलऎ इमिम्पा खानावाँ हुन्नऎयॆ कामानुङ् चोन्पकुचि।
46टर पावल नुङ् बारनाबास मॆन्किसिरे गरहाङ् यामुसाचि, “निवाँहाङ्मि खानावाँ चोब्बाङ् याॽल आन्ना याहुडिचिन खेम्मिॽमा लॆटानिहा, टर आन्नॆॽन ग सिच्चाआम्नि हाङ् हानाम्स आसिखॆखुबा हिङ्खामा टक्चामॆ याॽमिचि हॆॽनाइङ्का कामानुङ् खाङ्मिटाम्चिनि, मसॆ काङ्का आन्नाबाङ् ह होइढा हॆॽनिबारेक्चिबि खॆकिङ्का। 47मान्ठाभनॆ पारभुऎ काङ्का गरहाङ् लोडिङ्का,
‘कॆ आना होइढा हॆॽनिबारेक्चिम् लागि फाक्खुबामि लाम् खाङ्मिखुबा मुःॽडाना। मान्ठाभनॆ चोब्न याॽमिचि हिङ्चामिर’।”#यासाइया ४९:६
48ग खानावाँ होइढा हॆॽनिबारेक्चिऎ खेमुचिहाङ् एट्टान चेन्चाआमि हाङ् पारभुमि खानावाँ नुऎ लोसुचि, हाङ् हानाम्स आसिखॆखुबा हिङ्खामा टक्चामाम् लागि सॆक्मिम्पाचिऎ निवाँयुङ् लॆटुचि।
49हाङ् पारभुमि खानावाँ आक्क चोब्न ठालबि फुबका। 50टर याहुडिचिऎ निवाँहाङ्मि किसिमाबि पेन्खुबा निङ् चुचाखुबा मेॽनुङ्माचि हाङ् आक्क हाटाबिहा टुङ्घङ्पाचि चोम्पकुचि। हाङ् पावल नुङ् बारनाबास काइर लॆपकुचि हाङ् उम्चि ठालबाङ् यिक्पहाक्सुचि। 51मसॆ खोचिऎ सङ्क “आन्नामि काइसॆ योम्पक्मि डान्डा आन्नाब्न सिॽल” कामानुङ् खोचिम् लाङ्फॆॽमाबिऎ ढुल फाप्डाआचु हाङ् आइकोनियाम लोमॆ ठालबि टाआचि। 52हाङ् टिङ्खुबाचि हाङ्हाङ् नुङ् सॆङ्सॆङॆ लावाऎ चेप्खॆटुचि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society