सॆःक्ढुङ्पा 15
15
यारुसालेमबिऎ निवाँयुङ् लॆखुबाचिम् टुङ्घङ्पाचि खोमामि
1याहुडियाबाङ् एन्टिओकबि एक्क हिप्पा याॽमिचि उङामिहाङ् बुबुनुसाचि गर कामानुङ् चिन्पकुचि, “मोसामि यायेॽमाबि चुऎ चालाना रक्न आन्नॆ खाट्ना मालॆटाम्नि हाङ्ग आन्ना हिङ्चाआनिनि।” 2हाङ् पावल नुङ् बारनाबासमि आक्खाचिनुङ् ढ्या खानावाँ लिसा। मसॆ बुबुनुसाचिऎ पावल, बारनाबास नुङ् एक्क हिप्पा होइढा याॽमिचि यारुसालेम्पि कारानॆहाङ् ग खानावाँमि बारेबि सॆःक्ढुङ्पाचि हाङ् टुङ्घङ्पाचि नुङ् यामुचाआनॆ कामानुङ् सॆगुचि। 3मान्डालिऎ आक्खाचि आक्कबाङ् पाङ्हाङ्सुचि। आक्खाचि फोनिसिया हाङ् सामारियाबाङ् लाम्ढुमार आक्कुबिहा निवाँयुङ् लॆखुबाचि मान्टहाङ् होइढा हॆॽनिबारेक्चिऎ सङ्क निवाँहाङ् निवाँयुङ् लॆटुचॆ लोमॆ खानावाँ खेम्मिटुचि। आक्कुबिहा निवाँयुङ् लॆखुबाचिऎ ग खानावाँ खेमुचिहाङ् एट्टान चेन्चाआमि। 4खोचि यारुसालेम टाआमिहाङ् मान्डालि, सॆःक्ढुङ्पाचि हाङ् टुङ्घङ्पाचिऎ आक्खाचि नुःर लॆटुचि। हाङ् आक्खाचिऎ निवाँहाङ्ऎ खोचिबाङ् मुमिम्पा चोब्न खानावाँ खेम्मिटुचि।
5हाङ् एक्क हिप्पा निवाँयुङ् लॆखुबा फारिसिचि येप्पकामिहाङ् लोसुचि, “निवाँयुङ् लेखुबा होइढा हॆॽनिबारेक्चिऎ खाट्ना नुङ् मोसामि यायेॽमाबि चुहा खानावाँ यिक्मान लॆ।”
6मसॆ सॆःक्ढुङ्पाचि हाङ् टुङ्घङ्पाचि ग खानावाँमि बारेबि यामुचासि खोम्टि खारामि। 7आक्कुबि ढ्या खानावाँ लिसा हाङ् पाट्रुस येप्पका हाङ् लोसुचि, “बुबुनुसाचि, आन्नॆ लेकाम्नि डिरिक् याॽल निवाँहाङ्ऎ होइढा हॆॽनिबारेक्चिऎ काम् याबाङ् नुऎ खानावाँ खेमुचिर हाङ् निवाँयुङ् लॆटुचिर कामानुङ् आन्नामि लुम्पाङ् काङा मान्टहाङ् सॆगिङॆ। 8हाङ् याॽमिमि निवाँ लेक्खुबा निवाँहाङ्ऎ आक्खाचि सङ्क कानि रक्न सॆङ्सॆङॆ लावा पिस्से खोम् याॽमिचि मुमिम्पा खानावाँ सङ्क खाङ्मिडानि। 9खोसॆ होइढा हॆॽनिबारेक्चि नुङ् काङ्का फागिनि मान्ठाभनॆ खोसॆ आक्खाचिम् निवाँ उम्चि निवाँयुङ्बाङ् सॆङ्सॆऎ मुबिडुचि। 10मसॆ ग खानावाँ होइढा हॆॽनि बारेक् निवाँयुङ् लॆखुबाचिम् निङ्टँवाँबि युङ्मानुङ् मान्ठा निवाँहाङ् ठागुकाम्नॆ? ग खानावाँ काङ्काम् पाप्पाटुचिऎ माखिन्हिसुचि हाङ् काङ्कॆ सङ्क हेसुङ्कानि। 11टर कानि सङ्क खोचि रक्न पारभु येसुमि नाम्नावाँऎ टेःॽन हिङ्चाडि कामानुङ् निवाँयुङ् लॆडिङ्का।”
12चोब्न यङ् उक्खॆटुचि हाङ् बारनाबास नुङ् पावलऎ खोचिबाङ् होइढा याॽमिचिम् लुम्पि निवाँहाङ्ऎ लॆःॽमिम्पा आक्खॆॽमाहा योम्पक् हाङ् आक्खॆॽमाहा खानावाँ इमार आक्खाचिऎ नुःर खेमुचि। 13आक्खाचिम् खानावाँ लुक्खारा हाङ् याकुबऎ लोसुचि, “बुबुनुसाचि काम् खानावाँ खेमाम्नॆ।” 14सिमोन पाट्रुसऎ निवाँहाङ्मि नाम्नावाँबाङ् होइढा याॽमिचि मान्टहाङ् खोम् याॽमि लिसामिहा कामानुङ् इसु। 15ग खानावाँ निवाँहाङ्मि खानावाँ लोखुबाचिऎ गरहाङ् साॽमिम्पा खानावाँनुङ् टङुॽ,
16ग डॆङ्पि काङा ऎम्पङा हाङ् डाउडमि योरॆम्पा खिम् फेरि हेबुकुङ।
हाङ् योरॆॽमानुङ् लुक्खॆॽमा ठाबाक्मिम्पा खानावाँ फेरि मुबकुङ्, हाङ् येप्मिकुङ।
17मान्ठाभनॆ काम् निङ् लाखुबा एम्पम्पा याॽमिचि चोब्न होइढा हॆॽनिबारेक्चिऎ पारभु यक्हिसुचिर। पारभु गरहाङ् काडा, ग योम्पक् काङॆ लॆकुङ्न।
18ग कॆ डिरिक् याॽलबाङ्न लेमॆ गारि मुमिम्पा खानावाँ यो।#आमोस ९:११-१२
19मसॆ काम् निवॆँ लोकु, “निवाँहाङ्बि ऎम्पक्से निवाँयुङ् लॆखुबा होइढा हॆॽनिबारेक्चि डुखा आपिॽमाचि। 20टर आक्खाचि गर साप्पिहाङ्माचि, मुर्टिबि टिमिम्पा चामाठकाबाङ्, मेॽनुङ्माचि नुङ् इम्चाटिॽमाबाङ्, पॆॽला यिङ्मानुङ् सेॽमिम्पा सा नुङ् हारिचामाबाङ् मिउन पेनानॆ। 21मान्ठाभनॆ याॽलऎ बाङ्न चोब्न हाटाबि मोसामि यायेॽमा खेम्डा मान्ठाभनॆ याहुडिचि खोम्ठाम् खिम्पि डिनाहुँ नाचामॆ डिना ग पाढालॆकॆडा।”
हॆॽनिबारेक्चिमि लागि साब्चिरा साप्मिम्पा
22मसॆ सॆःक्ढुङ्पाचि, टुङ्घङ्पाचि हाङ् चोब्न मान्डालिऎ एक्क हिप्पा याॽमिचि एन्टिओकबि पावल हाङ् बारनाबास नुङ् पाङ्हाङ्मॆ निवाँ मुसुचि। आक्खाचिऎ याहुडा लोमॆ बरसाबास हाङ् सिलास पाङ्हाङ्माम् लागि सॆगुचि। खोचि बुबुनुसाचिम् लुम्पि निङ् चुचाखुबाचि लॆटाचि। 23मान्डालिऎ आक्खाचिबाङ् गरक्मा साब्चिरा पाङ्हाङ्सुचि,
“कानि सॆःक्ढुङ्पाचि हाङ् टुङ्घङ्पाचि, आन्ना एन्टिओक, सिरिया हाङ् सिलिसियाबि चुखुबा होइढा हॆॽनिबारेक्बाङ् निवाँयुङ् लॆखुबा बुबुनुसाचिबि, ग साब्चिराबाङ् स्यामुक्चिम्। 24काङ्का माङ्स मालोरे कानिम् ढुप्पाट्ट मॆड्डिङ् गबाङ् एक्क हिप्पा याॽमिचि आन्नाबि टाडामि हाङ् माङ्माङ् खानावाँ इसे निवाँबि डुखा पिडानि कामानुङ् खेमुङ्का। 25मसॆ काङ्का चोप्पसॆ एक्क हिप्पा याॽमिचि सॆःक्माचिहाङ् कानिम् लाङ्काम्चि बारनाबास नुङ् पावल आन्नाबि पाङ्हाङ्मा काम्निटुङ्का। 26बारनाबास हाङ् पावल गरक्मा याॽमिचि यो, कानिम् पारभु येसु खिरिस्टमि योम्पक् मुमाम् लागि माङ्हाङ्स लॆःॽचि। 27मसॆ काङ्कॆ याहुडा हाङ् सिलास आन्नाबि पाङ्हाङ्मॆ पाइकुङ्का। खोचिऎ सङ्क काङ्कॆ साॽमिम्पा खानावाँ इकानि। 28सॆङ्सॆङॆ लावा हाङ् काङ्कॆ गुबि साप्हाङ्पा खानावाँबाङ् होइढा खानावाँ आन्नामि निङ्टँवाँबि आयुङ्मान काम्निटुङ्का। 29आन्ना मुर्टिबि टिमिम्पा चामा ठका, हारि हाङ् पॆॽला यिङ्से सेॽमिम्पा सा आचाआनॆ हाङ् मेॽनुङ्माचि नुङ् इम्चाटिॽमॆ खानावाँ बाङ्स मिउ पेनानॆ। गर लॆटाम्नि हाङ्ग काम्नुऎ लि। हमि लगि फागिऎ।”
30गरहाङ् आक्खाचि फाक्बकामि हाङ् लङ्पकामि हाङ् एन्टिओकबि उङामि। आक्कुबि खोचिऎ चोब्न निवाँयुङ् लॆखुबाचि एक्क ठालबि खोमुचिहाङ् म साब्चिरा पिट्टुचि। 31आक्क पाढलॆटुचिहाङ् आक्कुबि लोमिम्पा खानावाँऎ खोचि डिरिक् चेन्चाआमि। 32याहुडा हाङ् सिलास खोचि टाङ्पान स निवाँहाङ्मि खानावाँ लोखुबा लिमिम्पासॆ निवाँयुङ् लॆखुबा बुबुनुसाचि डिरिक् खानावाँ लोसाचु हाङ् चॆकुचिहा मुसाचु। 33-34आक्कुबि एक्क हिप्चि डिना पेनाचि हाङ् निवाँयुङ् लॆखुबा बुबुनुसाचिऎ नुःर खाराचॆ कामानुङ् फेरि ऎन्हाङ्सुचि।#१५:३३-३४ एक्क हिच्चि साब्चिराऎ ३४ येट्टिसे (टर सिलासऎ आक्कुब्न पेम्मॆ निवा मुसु) लोकु। 35टर पावल नुङ् बारनाबास एन्टिओकबि पेनाचि। आक्कुबि आक्खाचिनुङ् होइढा डिरिक्ऎ पारभुमि खानावाँ खेम्मिटुचिमि हाङ् चिनुचि।
पावल बारनाबास फाक्बक्मिम्पा
36एक्क हिच्चि डिना डॆङ्पि पावलऎ बारनाबास लोसु, “ह काचिऎ पारभुमि खानावाँ खेम्मिॽमिम्पा हाटाबि ऎन्खॆच्चि हाङ् बुबुनुसाचि चुप्से माङ् लॆमॆ पाइमिह् कामानुङ् खाङ्माचि।” 37बारनाबासऎ युहान्ना लोमॆ मारकुस सोरि लाखॆॽमा मिट्टु, 38टर पावलऎ लाखॆॽमा मामिट्टु, मान्ठाभनॆ खोसॆ याॽल पाम्फेलियाबाङ् योम्पक् मामुबाक्रे ऎम्पखॆम्पा लॆटा। 39खोचि हिप्पा डिरिक् यामुचाआचि हाङ्स खानावाँ मॆटङ् मसॆ फॽलिङ्खाराचि। बारनाबास मारकुस चिक्मानुङ् योवाखङ्बाङ् साइपरसबि खाइटा, 40टर पावलऎ सिलास सॆगु हाङ् निवाँयुङ् लॆखुबा बुबुनुसाचिऎ पारभुमि नाम्नावाँबि युङुचि हाङ् खो खाइटा। 41मान्डालि चॆकुचॆ मुमानुङ् खो सिरिया हाङ् सिलिसियाबि वाइसा।
Currently Selected:
सॆःक्ढुङ्पा 15: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
सॆःक्ढुङ्पा 15
15
यारुसालेमबिऎ निवाँयुङ् लॆखुबाचिम् टुङ्घङ्पाचि खोमामि
1याहुडियाबाङ् एन्टिओकबि एक्क हिप्पा याॽमिचि उङामिहाङ् बुबुनुसाचि गर कामानुङ् चिन्पकुचि, “मोसामि यायेॽमाबि चुऎ चालाना रक्न आन्नॆ खाट्ना मालॆटाम्नि हाङ्ग आन्ना हिङ्चाआनिनि।” 2हाङ् पावल नुङ् बारनाबासमि आक्खाचिनुङ् ढ्या खानावाँ लिसा। मसॆ बुबुनुसाचिऎ पावल, बारनाबास नुङ् एक्क हिप्पा होइढा याॽमिचि यारुसालेम्पि कारानॆहाङ् ग खानावाँमि बारेबि सॆःक्ढुङ्पाचि हाङ् टुङ्घङ्पाचि नुङ् यामुचाआनॆ कामानुङ् सॆगुचि। 3मान्डालिऎ आक्खाचि आक्कबाङ् पाङ्हाङ्सुचि। आक्खाचि फोनिसिया हाङ् सामारियाबाङ् लाम्ढुमार आक्कुबिहा निवाँयुङ् लॆखुबाचि मान्टहाङ् होइढा हॆॽनिबारेक्चिऎ सङ्क निवाँहाङ् निवाँयुङ् लॆटुचॆ लोमॆ खानावाँ खेम्मिटुचि। आक्कुबिहा निवाँयुङ् लॆखुबाचिऎ ग खानावाँ खेमुचिहाङ् एट्टान चेन्चाआमि। 4खोचि यारुसालेम टाआमिहाङ् मान्डालि, सॆःक्ढुङ्पाचि हाङ् टुङ्घङ्पाचिऎ आक्खाचि नुःर लॆटुचि। हाङ् आक्खाचिऎ निवाँहाङ्ऎ खोचिबाङ् मुमिम्पा चोब्न खानावाँ खेम्मिटुचि।
5हाङ् एक्क हिप्पा निवाँयुङ् लॆखुबा फारिसिचि येप्पकामिहाङ् लोसुचि, “निवाँयुङ् लेखुबा होइढा हॆॽनिबारेक्चिऎ खाट्ना नुङ् मोसामि यायेॽमाबि चुहा खानावाँ यिक्मान लॆ।”
6मसॆ सॆःक्ढुङ्पाचि हाङ् टुङ्घङ्पाचि ग खानावाँमि बारेबि यामुचासि खोम्टि खारामि। 7आक्कुबि ढ्या खानावाँ लिसा हाङ् पाट्रुस येप्पका हाङ् लोसुचि, “बुबुनुसाचि, आन्नॆ लेकाम्नि डिरिक् याॽल निवाँहाङ्ऎ होइढा हॆॽनिबारेक्चिऎ काम् याबाङ् नुऎ खानावाँ खेमुचिर हाङ् निवाँयुङ् लॆटुचिर कामानुङ् आन्नामि लुम्पाङ् काङा मान्टहाङ् सॆगिङॆ। 8हाङ् याॽमिमि निवाँ लेक्खुबा निवाँहाङ्ऎ आक्खाचि सङ्क कानि रक्न सॆङ्सॆङॆ लावा पिस्से खोम् याॽमिचि मुमिम्पा खानावाँ सङ्क खाङ्मिडानि। 9खोसॆ होइढा हॆॽनिबारेक्चि नुङ् काङ्का फागिनि मान्ठाभनॆ खोसॆ आक्खाचिम् निवाँ उम्चि निवाँयुङ्बाङ् सॆङ्सॆऎ मुबिडुचि। 10मसॆ ग खानावाँ होइढा हॆॽनि बारेक् निवाँयुङ् लॆखुबाचिम् निङ्टँवाँबि युङ्मानुङ् मान्ठा निवाँहाङ् ठागुकाम्नॆ? ग खानावाँ काङ्काम् पाप्पाटुचिऎ माखिन्हिसुचि हाङ् काङ्कॆ सङ्क हेसुङ्कानि। 11टर कानि सङ्क खोचि रक्न पारभु येसुमि नाम्नावाँऎ टेःॽन हिङ्चाडि कामानुङ् निवाँयुङ् लॆडिङ्का।”
12चोब्न यङ् उक्खॆटुचि हाङ् बारनाबास नुङ् पावलऎ खोचिबाङ् होइढा याॽमिचिम् लुम्पि निवाँहाङ्ऎ लॆःॽमिम्पा आक्खॆॽमाहा योम्पक् हाङ् आक्खॆॽमाहा खानावाँ इमार आक्खाचिऎ नुःर खेमुचि। 13आक्खाचिम् खानावाँ लुक्खारा हाङ् याकुबऎ लोसुचि, “बुबुनुसाचि काम् खानावाँ खेमाम्नॆ।” 14सिमोन पाट्रुसऎ निवाँहाङ्मि नाम्नावाँबाङ् होइढा याॽमिचि मान्टहाङ् खोम् याॽमि लिसामिहा कामानुङ् इसु। 15ग खानावाँ निवाँहाङ्मि खानावाँ लोखुबाचिऎ गरहाङ् साॽमिम्पा खानावाँनुङ् टङुॽ,
16ग डॆङ्पि काङा ऎम्पङा हाङ् डाउडमि योरॆम्पा खिम् फेरि हेबुकुङ।
हाङ् योरॆॽमानुङ् लुक्खॆॽमा ठाबाक्मिम्पा खानावाँ फेरि मुबकुङ्, हाङ् येप्मिकुङ।
17मान्ठाभनॆ काम् निङ् लाखुबा एम्पम्पा याॽमिचि चोब्न होइढा हॆॽनिबारेक्चिऎ पारभु यक्हिसुचिर। पारभु गरहाङ् काडा, ग योम्पक् काङॆ लॆकुङ्न।
18ग कॆ डिरिक् याॽलबाङ्न लेमॆ गारि मुमिम्पा खानावाँ यो।#आमोस ९:११-१२
19मसॆ काम् निवॆँ लोकु, “निवाँहाङ्बि ऎम्पक्से निवाँयुङ् लॆखुबा होइढा हॆॽनिबारेक्चि डुखा आपिॽमाचि। 20टर आक्खाचि गर साप्पिहाङ्माचि, मुर्टिबि टिमिम्पा चामाठकाबाङ्, मेॽनुङ्माचि नुङ् इम्चाटिॽमाबाङ्, पॆॽला यिङ्मानुङ् सेॽमिम्पा सा नुङ् हारिचामाबाङ् मिउन पेनानॆ। 21मान्ठाभनॆ याॽलऎ बाङ्न चोब्न हाटाबि मोसामि यायेॽमा खेम्डा मान्ठाभनॆ याहुडिचि खोम्ठाम् खिम्पि डिनाहुँ नाचामॆ डिना ग पाढालॆकॆडा।”
हॆॽनिबारेक्चिमि लागि साब्चिरा साप्मिम्पा
22मसॆ सॆःक्ढुङ्पाचि, टुङ्घङ्पाचि हाङ् चोब्न मान्डालिऎ एक्क हिप्पा याॽमिचि एन्टिओकबि पावल हाङ् बारनाबास नुङ् पाङ्हाङ्मॆ निवाँ मुसुचि। आक्खाचिऎ याहुडा लोमॆ बरसाबास हाङ् सिलास पाङ्हाङ्माम् लागि सॆगुचि। खोचि बुबुनुसाचिम् लुम्पि निङ् चुचाखुबाचि लॆटाचि। 23मान्डालिऎ आक्खाचिबाङ् गरक्मा साब्चिरा पाङ्हाङ्सुचि,
“कानि सॆःक्ढुङ्पाचि हाङ् टुङ्घङ्पाचि, आन्ना एन्टिओक, सिरिया हाङ् सिलिसियाबि चुखुबा होइढा हॆॽनिबारेक्बाङ् निवाँयुङ् लॆखुबा बुबुनुसाचिबि, ग साब्चिराबाङ् स्यामुक्चिम्। 24काङ्का माङ्स मालोरे कानिम् ढुप्पाट्ट मॆड्डिङ् गबाङ् एक्क हिप्पा याॽमिचि आन्नाबि टाडामि हाङ् माङ्माङ् खानावाँ इसे निवाँबि डुखा पिडानि कामानुङ् खेमुङ्का। 25मसॆ काङ्का चोप्पसॆ एक्क हिप्पा याॽमिचि सॆःक्माचिहाङ् कानिम् लाङ्काम्चि बारनाबास नुङ् पावल आन्नाबि पाङ्हाङ्मा काम्निटुङ्का। 26बारनाबास हाङ् पावल गरक्मा याॽमिचि यो, कानिम् पारभु येसु खिरिस्टमि योम्पक् मुमाम् लागि माङ्हाङ्स लॆःॽचि। 27मसॆ काङ्कॆ याहुडा हाङ् सिलास आन्नाबि पाङ्हाङ्मॆ पाइकुङ्का। खोचिऎ सङ्क काङ्कॆ साॽमिम्पा खानावाँ इकानि। 28सॆङ्सॆङॆ लावा हाङ् काङ्कॆ गुबि साप्हाङ्पा खानावाँबाङ् होइढा खानावाँ आन्नामि निङ्टँवाँबि आयुङ्मान काम्निटुङ्का। 29आन्ना मुर्टिबि टिमिम्पा चामा ठका, हारि हाङ् पॆॽला यिङ्से सेॽमिम्पा सा आचाआनॆ हाङ् मेॽनुङ्माचि नुङ् इम्चाटिॽमॆ खानावाँ बाङ्स मिउ पेनानॆ। गर लॆटाम्नि हाङ्ग काम्नुऎ लि। हमि लगि फागिऎ।”
30गरहाङ् आक्खाचि फाक्बकामि हाङ् लङ्पकामि हाङ् एन्टिओकबि उङामि। आक्कुबि खोचिऎ चोब्न निवाँयुङ् लॆखुबाचि एक्क ठालबि खोमुचिहाङ् म साब्चिरा पिट्टुचि। 31आक्क पाढलॆटुचिहाङ् आक्कुबि लोमिम्पा खानावाँऎ खोचि डिरिक् चेन्चाआमि। 32याहुडा हाङ् सिलास खोचि टाङ्पान स निवाँहाङ्मि खानावाँ लोखुबा लिमिम्पासॆ निवाँयुङ् लॆखुबा बुबुनुसाचि डिरिक् खानावाँ लोसाचु हाङ् चॆकुचिहा मुसाचु। 33-34आक्कुबि एक्क हिप्चि डिना पेनाचि हाङ् निवाँयुङ् लॆखुबा बुबुनुसाचिऎ नुःर खाराचॆ कामानुङ् फेरि ऎन्हाङ्सुचि।#१५:३३-३४ एक्क हिच्चि साब्चिराऎ ३४ येट्टिसे (टर सिलासऎ आक्कुब्न पेम्मॆ निवा मुसु) लोकु। 35टर पावल नुङ् बारनाबास एन्टिओकबि पेनाचि। आक्कुबि आक्खाचिनुङ् होइढा डिरिक्ऎ पारभुमि खानावाँ खेम्मिटुचिमि हाङ् चिनुचि।
पावल बारनाबास फाक्बक्मिम्पा
36एक्क हिच्चि डिना डॆङ्पि पावलऎ बारनाबास लोसु, “ह काचिऎ पारभुमि खानावाँ खेम्मिॽमिम्पा हाटाबि ऎन्खॆच्चि हाङ् बुबुनुसाचि चुप्से माङ् लॆमॆ पाइमिह् कामानुङ् खाङ्माचि।” 37बारनाबासऎ युहान्ना लोमॆ मारकुस सोरि लाखॆॽमा मिट्टु, 38टर पावलऎ लाखॆॽमा मामिट्टु, मान्ठाभनॆ खोसॆ याॽल पाम्फेलियाबाङ् योम्पक् मामुबाक्रे ऎम्पखॆम्पा लॆटा। 39खोचि हिप्पा डिरिक् यामुचाआचि हाङ्स खानावाँ मॆटङ् मसॆ फॽलिङ्खाराचि। बारनाबास मारकुस चिक्मानुङ् योवाखङ्बाङ् साइपरसबि खाइटा, 40टर पावलऎ सिलास सॆगु हाङ् निवाँयुङ् लॆखुबा बुबुनुसाचिऎ पारभुमि नाम्नावाँबि युङुचि हाङ् खो खाइटा। 41मान्डालि चॆकुचॆ मुमानुङ् खो सिरिया हाङ् सिलिसियाबि वाइसा।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society