सॆःक्ढुङ्पा 12
12
हेरोडऎ मान्डालि डुखा पिॽमिम्पा
1आक्क लःबि हेरोड अगिरिपाऎ मान्डालिबिऎ एक्क हिप्पा निवाँयुङ् लॆखुबाचि डुखा पिॽमाचि कामानुङ् लाॽमिम्पा लॆटा। 2खोसॆ युहान्नामि बुबु याकुब फेयाऎ बक्सिमिट्टु। 3ग योम्पक्बाङ् याहुडिचि चेन्चाम्पा खाङु, मसॆ खोसॆ पाट्रुस स लाॽमिटु। ग खानावाँ खाबॆक् माठुमिम्पा चारेपा चामॆ चाडाबि लिमिम्पा लॆटा। 4हेरोडऎ पाट्रुस लाब्मिटुचिहाङ् सॆक्चिम्पि सॆक्ढाङ्सु। आक्कुबि खो हुङ्माम् लागि एपङ्ठु जाना टिलिङ्गाचि रिचि रिचि जाना मुमानुङ् लेन्टा सेन्टा युङुचि। खोसॆ पाट्रुस फाक्मॆ चाडा लुक्खॆॽमा अक्सि डान्डामि लागि याहुडिचिम् लुम्पि येॽमिॽमॆ निवाँ मुसु।
5गरहाङ् पाट्रुस सॆक्चिम्पि सॆक्ढिङ्खारा टर मान्डालिबिऎ याॽमिचिऎ खोम् लागि निवाँ टिमानुङ् पारठाना लॆःॽढाङ्पा लॆटामि।
पाट्रुस सॆक्चिम्बाङ् आम्पक्मिम्पा
6हेरोडऎ पाट्रुस डुखा पिॽमाम् लागि बाहिरा लाबक्माबाङ् याॽलऎ युटा, पाट्रुस हिच्चि चॆक्चिमि पाडाक्ऎ हिक्भुङ्पा लॆटा हाङ् हिप्पा टिलिङ्गाचिम् लुम्पि इम्चाढाङ्पा लॆटा। हाङ् टिलिङ्गाचि सङ्क लम्भॆरॆङ्मा कॆक्पि येप्से सॆक्चिम् हुङ्मे पाइटाचि। 7आक्रलॽन आक्कुबि पारभुमि एक्क निवाँखाटॆखुबा खाङ्ङुसा हाङ् कोठाबि ओप्लिङ्र हाःसा। निवाँखाटॆखुबाऎ पाट्रुस उम् साक्लेॽपि टॆॽमानुङ् हुम्पकु हाङ् गर लोसु, “सॆॽल पगॆ।” हाङ् पाट्रुसमि हुक्पि चुऎ चॆक्चिमि पाडाक् हेल्लिङ्खारा।
8हाङ् निवाँखाटॆखुबाऎ खो लोसु, “आनाम् हम्डङ् नुङ् सुःॽमारा चाङॆ हाङ् आम् बोट्टाङ् खिम्मानुङ् काङा डॆङ्डॆङ् टिङ्ङॆ” पाट्रुस मरक्न लॆटा। 9खो खोम् डॆङ्डॆङ् लम्ढुसे सॆक्चिम्बाङ् बाहिर आम्पका। टर निवाँखाटॆखुबाऎ लॆःॽमिम्पा ग योक्पक् पाट्रुसऎ सेम्माङ् रु लेम्माङ् माङ्स मावाप्हिसु। टर सेन्चिरे खाङ्मे पाइकुङ् मिना। 10गरहाङ् टिलिङ्गाचिऎ हुङ्मॆ लाम्फुमि हिच्चि ठाल पाङ्फॆटाचुहाङ् हाटाबि खॆऎ एक्क ढ्या चॆक्चिमि टागारबि टाआचि। म टागार स खोचिम् लागि उम्टाङ्पा हेम्बका, हाङ् खोचि गभा आम्पकाचिहाङ् एक्क मिछुॽमा लाम्बाङ्कॆ खाराचि। मरक्लॽन निवाँखाटॆखुबाऎ पाट्रुस याइडाउ।
11मरक्लरे पाट्रुसऎ खोबि लिमिम्पा खानावाँ नुःर वाप्टकु हाङ् कासा, “हरे काङॆ चाइबान वाप्टकुङ। पारभुऎ खोम् निवाँखाटॆखुबा पाङ्हाङ्सु हाङ् हेरोड हाङ् नुङ् याहुडिचिऎ पिॽमा परक्मिम्पा चोब्न डुखाबाङ् फाक्बकिङ।”
12खोसॆ ग खानावाँ लेटकुहाङ् खो युहान्ना लोमॆ मार्कुसमि आमा मारियाममि खिम्पि खारा। आक्कुबि डिरिक् निवाँयुङ् लॆखुबाचि खोम्टिखॆॽमानुङ् पारठना लॆःॽढाङ्पा लॆटामि। 13पाट्रुसऎ बाहिराबाङ् लोम्भॆरॆङ्मा चगु हाङ् रोडा लोमॆ योम्पक् मुखुबा एक्क मेॽनुङ्मा खाङ्सि टाआ। 14आक्कसॆ पाट्रुसमि साम्ला लॆटकु हाङ् लोम्भॆरॆङ्मा माहेम्बक्ले चेन्चामानुङ् पिन्से ऎम्पखारा हाङ् खोम्टिखॆम्पाचि लोसुचि, “पाट्रुस लोम्भॆरॆङ्माबि येप्ढङ्ढा।”
15आक्खचिऎ रोडा “ङाङ्पखारानॆ रु माल?” कामानुङ् लोसुचि। खोसॆ चाइबानये कामानुङ् लोसुचि। हाङ् आक्खाचिऎ खो लोसुचि, “आक्क खोम् निवाँखाटॆखुबान लिमा लॆ।”
16टर पाट्रुसऎ लाम्भॆरॆङ्मा चक्ढाङ्सु। खोचिऎ लोम्भॆरॆङ्मा हेम्बकुचि हाङ् खो खाङ्टकुचिहाङ् फोफो आक्खॆटुचि। 17पाट्रुसऎ आक्खाचि हुग्मि चालाऎ यङ् उगानॆ लोसुचि हाङ् मान्टहाङ् पारभुऎ खो सॆक्चिम्बाङ् बाहिरा लाबकुयॆ म खानावाँ इबिटुचि। हाङ् ग खानावाँ याकुब हाङ् बुबुनुसाचि सङ्क इपिॽमा कामानुङ् लोसुचि हाङ् खो आक्कबाङ् होइक ठालबि खाइटा।
18वेन्डा नाम्स पाट्रुस मान्टॽल सॆक्चिम्बा खुरारॆ कामानुङ् टिलिङ्गाचिम् लुम्पि ढ्या खानावाँ लिसा। 19हेरोडऎ पाट्रुस यगाम्नॆ लोसुचि टर खो मायक्टकुचि हाङ् टिलिङ्गाचि सिम्मार माङ्स मॆकाहिमि, मसॆ खोसॆ माह् टिलिङ्गाचि सेॽमिटुचि। हाङ् खो चाइ याहुडियाबाङ् रिचि ङाचि डिना पेन्सि मिम्मु सिजरिया हाटाबि युसा।
हेरोड सिखॆॽमिम्पा
20आक्क लःबि हाङ् हेरोड टायर नुङ् सिडोन लोमॆ ठालबिहा याॽमिचि नुङ् एट्टान सोम् खेॽमिम्पा लॆटा। मसॆ आक्कुबिहा याॽमिचि टङामिहाङ् हेरोडमि निवॆ चोडुयॆ बालास्ठास लिॽमॆ याॽमि नुङ् खानावाँ इसामि हाङ् हेरोड नुङ् टङ्माम् लागि खो चुब्सि खारामि। खोचिऎ हेरोड नुङ् सान्टि ङागामि मान्ठाभनॆ खोचिऎ चोब्न चामाहा ठका खोम् हाङ्टेम्बाङ् लाखॆॽयुक्सुचि।
21हाङ् म लोमिम्पा डिना हेरोड हाङ्ऎ चाङ्माह चेः चाङ्मानुङ् हाङ्पेन्ठाम् ठालबि पेन्मानुङ् याॽमिचिम् लुम्पि यामुसा। 22हाङ् याॽमिचिऎ, “ग यामुखुबा निवाँहाङ्न, याॽमि हॆॽनॆ” कासामि। 23निवाँहाङ्मि निङ् माठेॽमिम्पासॆ, मरक्लॽन पारभुमि एक्क निवाँखाटॆखुबाऎ हेरोड टुक्पॽमिट्टु। हाङ् खो सिङ्किपा टेटुहाङ् सिखारा।
24टर निवाँहाङ्मि खानावाँ हस पुबक्से फुःबक्से खारा।
25बारनाबास नुङ् सावालऎ उम्चि योम्पक् लुक्पिटाचुहाङ् यारुसालेम्बाङ् ऎम्पकाचि#१२:२५ एक्क हिच्चि साब्चिराऎ यारुसालेम ऎम्पकाचि लोकु हाङ् होइढासॆ यारुसालेमबाङ् ऎम्पकाचि लोकु। खोचिनुङ् युहान्ना लोमॆ मारकुस स चिक्डापाचु।
Currently Selected:
सॆःक्ढुङ्पा 12: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
सॆःक्ढुङ्पा 12
12
हेरोडऎ मान्डालि डुखा पिॽमिम्पा
1आक्क लःबि हेरोड अगिरिपाऎ मान्डालिबिऎ एक्क हिप्पा निवाँयुङ् लॆखुबाचि डुखा पिॽमाचि कामानुङ् लाॽमिम्पा लॆटा। 2खोसॆ युहान्नामि बुबु याकुब फेयाऎ बक्सिमिट्टु। 3ग योम्पक्बाङ् याहुडिचि चेन्चाम्पा खाङु, मसॆ खोसॆ पाट्रुस स लाॽमिटु। ग खानावाँ खाबॆक् माठुमिम्पा चारेपा चामॆ चाडाबि लिमिम्पा लॆटा। 4हेरोडऎ पाट्रुस लाब्मिटुचिहाङ् सॆक्चिम्पि सॆक्ढाङ्सु। आक्कुबि खो हुङ्माम् लागि एपङ्ठु जाना टिलिङ्गाचि रिचि रिचि जाना मुमानुङ् लेन्टा सेन्टा युङुचि। खोसॆ पाट्रुस फाक्मॆ चाडा लुक्खॆॽमा अक्सि डान्डामि लागि याहुडिचिम् लुम्पि येॽमिॽमॆ निवाँ मुसु।
5गरहाङ् पाट्रुस सॆक्चिम्पि सॆक्ढिङ्खारा टर मान्डालिबिऎ याॽमिचिऎ खोम् लागि निवाँ टिमानुङ् पारठाना लॆःॽढाङ्पा लॆटामि।
पाट्रुस सॆक्चिम्बाङ् आम्पक्मिम्पा
6हेरोडऎ पाट्रुस डुखा पिॽमाम् लागि बाहिरा लाबक्माबाङ् याॽलऎ युटा, पाट्रुस हिच्चि चॆक्चिमि पाडाक्ऎ हिक्भुङ्पा लॆटा हाङ् हिप्पा टिलिङ्गाचिम् लुम्पि इम्चाढाङ्पा लॆटा। हाङ् टिलिङ्गाचि सङ्क लम्भॆरॆङ्मा कॆक्पि येप्से सॆक्चिम् हुङ्मे पाइटाचि। 7आक्रलॽन आक्कुबि पारभुमि एक्क निवाँखाटॆखुबा खाङ्ङुसा हाङ् कोठाबि ओप्लिङ्र हाःसा। निवाँखाटॆखुबाऎ पाट्रुस उम् साक्लेॽपि टॆॽमानुङ् हुम्पकु हाङ् गर लोसु, “सॆॽल पगॆ।” हाङ् पाट्रुसमि हुक्पि चुऎ चॆक्चिमि पाडाक् हेल्लिङ्खारा।
8हाङ् निवाँखाटॆखुबाऎ खो लोसु, “आनाम् हम्डङ् नुङ् सुःॽमारा चाङॆ हाङ् आम् बोट्टाङ् खिम्मानुङ् काङा डॆङ्डॆङ् टिङ्ङॆ” पाट्रुस मरक्न लॆटा। 9खो खोम् डॆङ्डॆङ् लम्ढुसे सॆक्चिम्बाङ् बाहिर आम्पका। टर निवाँखाटॆखुबाऎ लॆःॽमिम्पा ग योक्पक् पाट्रुसऎ सेम्माङ् रु लेम्माङ् माङ्स मावाप्हिसु। टर सेन्चिरे खाङ्मे पाइकुङ् मिना। 10गरहाङ् टिलिङ्गाचिऎ हुङ्मॆ लाम्फुमि हिच्चि ठाल पाङ्फॆटाचुहाङ् हाटाबि खॆऎ एक्क ढ्या चॆक्चिमि टागारबि टाआचि। म टागार स खोचिम् लागि उम्टाङ्पा हेम्बका, हाङ् खोचि गभा आम्पकाचिहाङ् एक्क मिछुॽमा लाम्बाङ्कॆ खाराचि। मरक्लॽन निवाँखाटॆखुबाऎ पाट्रुस याइडाउ।
11मरक्लरे पाट्रुसऎ खोबि लिमिम्पा खानावाँ नुःर वाप्टकु हाङ् कासा, “हरे काङॆ चाइबान वाप्टकुङ। पारभुऎ खोम् निवाँखाटॆखुबा पाङ्हाङ्सु हाङ् हेरोड हाङ् नुङ् याहुडिचिऎ पिॽमा परक्मिम्पा चोब्न डुखाबाङ् फाक्बकिङ।”
12खोसॆ ग खानावाँ लेटकुहाङ् खो युहान्ना लोमॆ मार्कुसमि आमा मारियाममि खिम्पि खारा। आक्कुबि डिरिक् निवाँयुङ् लॆखुबाचि खोम्टिखॆॽमानुङ् पारठना लॆःॽढाङ्पा लॆटामि। 13पाट्रुसऎ बाहिराबाङ् लोम्भॆरॆङ्मा चगु हाङ् रोडा लोमॆ योम्पक् मुखुबा एक्क मेॽनुङ्मा खाङ्सि टाआ। 14आक्कसॆ पाट्रुसमि साम्ला लॆटकु हाङ् लोम्भॆरॆङ्मा माहेम्बक्ले चेन्चामानुङ् पिन्से ऎम्पखारा हाङ् खोम्टिखॆम्पाचि लोसुचि, “पाट्रुस लोम्भॆरॆङ्माबि येप्ढङ्ढा।”
15आक्खचिऎ रोडा “ङाङ्पखारानॆ रु माल?” कामानुङ् लोसुचि। खोसॆ चाइबानये कामानुङ् लोसुचि। हाङ् आक्खाचिऎ खो लोसुचि, “आक्क खोम् निवाँखाटॆखुबान लिमा लॆ।”
16टर पाट्रुसऎ लाम्भॆरॆङ्मा चक्ढाङ्सु। खोचिऎ लोम्भॆरॆङ्मा हेम्बकुचि हाङ् खो खाङ्टकुचिहाङ् फोफो आक्खॆटुचि। 17पाट्रुसऎ आक्खाचि हुग्मि चालाऎ यङ् उगानॆ लोसुचि हाङ् मान्टहाङ् पारभुऎ खो सॆक्चिम्बाङ् बाहिरा लाबकुयॆ म खानावाँ इबिटुचि। हाङ् ग खानावाँ याकुब हाङ् बुबुनुसाचि सङ्क इपिॽमा कामानुङ् लोसुचि हाङ् खो आक्कबाङ् होइक ठालबि खाइटा।
18वेन्डा नाम्स पाट्रुस मान्टॽल सॆक्चिम्बा खुरारॆ कामानुङ् टिलिङ्गाचिम् लुम्पि ढ्या खानावाँ लिसा। 19हेरोडऎ पाट्रुस यगाम्नॆ लोसुचि टर खो मायक्टकुचि हाङ् टिलिङ्गाचि सिम्मार माङ्स मॆकाहिमि, मसॆ खोसॆ माह् टिलिङ्गाचि सेॽमिटुचि। हाङ् खो चाइ याहुडियाबाङ् रिचि ङाचि डिना पेन्सि मिम्मु सिजरिया हाटाबि युसा।
हेरोड सिखॆॽमिम्पा
20आक्क लःबि हाङ् हेरोड टायर नुङ् सिडोन लोमॆ ठालबिहा याॽमिचि नुङ् एट्टान सोम् खेॽमिम्पा लॆटा। मसॆ आक्कुबिहा याॽमिचि टङामिहाङ् हेरोडमि निवॆ चोडुयॆ बालास्ठास लिॽमॆ याॽमि नुङ् खानावाँ इसामि हाङ् हेरोड नुङ् टङ्माम् लागि खो चुब्सि खारामि। खोचिऎ हेरोड नुङ् सान्टि ङागामि मान्ठाभनॆ खोचिऎ चोब्न चामाहा ठका खोम् हाङ्टेम्बाङ् लाखॆॽयुक्सुचि।
21हाङ् म लोमिम्पा डिना हेरोड हाङ्ऎ चाङ्माह चेः चाङ्मानुङ् हाङ्पेन्ठाम् ठालबि पेन्मानुङ् याॽमिचिम् लुम्पि यामुसा। 22हाङ् याॽमिचिऎ, “ग यामुखुबा निवाँहाङ्न, याॽमि हॆॽनॆ” कासामि। 23निवाँहाङ्मि निङ् माठेॽमिम्पासॆ, मरक्लॽन पारभुमि एक्क निवाँखाटॆखुबाऎ हेरोड टुक्पॽमिट्टु। हाङ् खो सिङ्किपा टेटुहाङ् सिखारा।
24टर निवाँहाङ्मि खानावाँ हस पुबक्से फुःबक्से खारा।
25बारनाबास नुङ् सावालऎ उम्चि योम्पक् लुक्पिटाचुहाङ् यारुसालेम्बाङ् ऎम्पकाचि#१२:२५ एक्क हिच्चि साब्चिराऎ यारुसालेम ऎम्पकाचि लोकु हाङ् होइढासॆ यारुसालेमबाङ् ऎम्पकाचि लोकु। खोचिनुङ् युहान्ना लोमॆ मारकुस स चिक्डापाचु।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society