सॆःक्ढुङ्पा 11
11
पाट्रुसऎ खोम् योम्पक् इमिम्पा
1ह याहुडियाबि चुक्मिहा सॆःक्ढुङ्पाचि नुङ् बुबुनुसाचिऎ होइढा हॆॽनि बारेक् याॽमिचिऎ सङ्क निवाँहाङ्मि खानावाँबि निवाँयुङ् लॆटुचि कामानुङ् खेमुचि। 2हाङ् पाट्रुस यारुसालेम्पि टाआ हाङ् याहुडि निवाँयुङ् लॆखुबाचिऎ खो इचासे 3गर लोसुचि “आना ग खाट्ना मालिम्पा हाङ् निवाँयुङ् ऎलॆखुबा याॽमिचिम् खिम्पि खारानाहाङ् चाआना।”
4मसॆ पाट्रुसऎ इघा चोब्न लिमिम्पा खानावाँ नुःर इबकु, 5“काङा जोप्पा हाटाबि पारठाना लॆःॽमार निवाँ माखॆम्पा लॆटिङ्, मरक्ल काङॆ एक्क सेन्चि खाङुङ। म सेन्चिबि पारुबाङ् एक्क ढ्या चेः रक्मा रिचि ठालबि हिक्मिम्पा एक्क माङ् ह माङ् हेड्ढाङ्पा लॆटा हाङ् आक्क काबि टाआ। 6काङॆ नुःर खाङ्मार आक्कुबि चोब्न खालाह पोसु नुङ् सँवाँचि खाङुङ्चि। 7हाङ् काङा गर लोमिम्पा एक्क साम्ला खेमुङ्, ‘ओ पाट्रुस, पगॆहाङ् सेच्चाऎ।’
8“टर काङॆ खानावाँ ऎम्पिसे लोसुङ्, ‘चाइबान पारभु, गरक्मा काइसाहा चामा फॆन्निहा ठका ग कॆ हानाम्स माचाटिॽङा।’
9“फेरि पारुबाङ् आक्क साम्लाऎ काङा लोसिङ्, ‘निवाँहाङ्ऎ सॆङ्सॆङॆ मुमिम्पा ठका आनॆ काइसॆ आलोसॆ।’ 10गरहाङ्न सुम्चि खेपा लिसा हाङ् पारु सक्पिटु फेरि आक्खा चोब्न लाफेटा।
11“मरक्लॽन सिजरिय लोमॆ ठालबाङ् काङा चिःक्सि पाङ्हाङ्पा सुम्पा याॽमिचि काङा पेनुॽङॆ खिम्पि टाआमि। 12सॆङ्सॆङॆ लावाऎ आक्खाचिनुङ् खॆॽमाम् लागि माङ्स आमिनॆ लोसिङ। इघा ठुक्चि जाना निवाँयुङ् लॆखुबा बुबुनुसाचि स कानुङ् डाबामि, हाङ् काङ्का करनेलियसमि खिम् हङ्सि भॆनिङ्का। 13खोसॆ एक्क निवाँखाटॆखुबा खोम् खिम्पि मान्टहाङ् खाङ्मुसॆ हाङ् ‘जोप्पाबि सिमोन पट्टुरुरस लोमॆ याॽमि चिःक्सि याॽमि पाङ्हाङ्सॆ कामानुङ् लोसुयॆ, म खानावाँ काङ्का खेम्मिटिङ्का। 14खोसॆ आनाम् लागि एक्क खानावाँ लाटॆकु, आक्क खानावाँऎ आना हाङ् आम् खिम्पिहा चोब्न याॽमिचि हिङ्चाक्मिहाछ।’
15“काङॆ खानावाँ इमा ठाबाक्मार कानिबि याॽल टाइन्टक्न सॆङ्सॆङॆ लावा आक्खाचि सक्पि स टाआ। 16हाङ् काङॆ पारभुऎ लोमिम्पा खानावाँ मिॽलउङ्, ‘बाप्टिस्मा पिक्खुबा युहान्नाऎ ग योवाऎ बाप्टिस्मा पिट्टानि, टर आन्ना चाइ सॆङ्सॆङॆ लावाऎ बाप्टिस्मा लिकानि।’ 17पारभु येसु खिरिस्टबि निवाँयुङ् लॆःॽमार काङ्का माङ् बारडाना पिट्टि म बारडानान निवाँहाङ्ऎ आक्खाचि सङ्क पिडुचि, मसॆ निवाँहाङ् ऎक्हिखुबा काङा आसाङार?”
18पाट्रुसमि ग खानावाँ खेमुचिहाङ् खोचि यङ् उक्खॆसे गर कमानुङ् निवाँहाङ्मि निङ् ठेरुचि, “ह ग निवाँहाङ्ऎ होइढा याॽमिचि सङ्क काइसॆबाङ् ऎम्पक्से हिङ्खामाबि टामा पिःॽडुचि।”
एन्टिओकबिऎ मान्डालि
19ह स्टिफनस सेरुचिहाङ् यरुसालेम्पि डुखा पिॽमॆ योम्पक् लिबक्मिम्पासॆ टिङ्खुबाचि गॆअङ्मॆअङ्हा ठाल फोनिसिया, साइपरस हाङ् एन्टिओकबि फुबक्से खारामि। आक्कुबि खोचिऎ याहुडिचि टेःॽन नुऎ खानावाँ खेम्मिटुचिमि। 20हाङ् आक्खा फुबक्खुबाचिबि एक्क हिप्पा साइपरस नुङ् साइरेनिबिहा याॽमिचि लॆटामि। खोचि एन्टिओकबि खारामिहाङ् गिरिक् याॽमिचि सङ्क पारभु येसुमि नुऎ खानावाँ खेम्मिटुचिमि। 21पारभुमि चॆक्मावा खोचिनुङ् चुआ, हाङ् डिरिक् याॽमिचिऎ निवाँयुङ् लॆटुचि हाङ् पारभुबि ऎम्पकामि।
22ग खानावाँ यारुसालेमबिऎ मान्डालिऎ स खेमु। हाङ् खोचिऎ बारनाबास एन्टिओकबि पाङ्हाङ्सुचि। 23बारनाबास आक्कुबि टाआ हाङ् याॽमिचि निवाँहाङ्ऎ आसिका पिॽमिम्पा खाङु, हाङ् चेन्चासे निवाँयुङ् लॆखुबाचि निवाँ हङ्सिॽयुबाङ् पारभुबि निवाँयुङ्मा लिसानॆ कामानुङ् पाङ्नुमा पिट्टुचि, 24मान्ठाभनॆ खो नुऎ हाङ् सॆङ्सॆङॆ लावा नुङ् निवाँयुङ्ऎ चेप्खॆम्पा याॽमि लॆटा। हाङ् खोसॆ डिरिक् याॽमिचि पारभुबि टॆटुचि।
25हाङ् बारनाबास सावाल यक्से टार्सासबि खारा। 26आक्कुबि खो चुबुहाङ् एन्टिओकबि लाटॆटु। हाङ् एक्क निङ्ढारि आक्खाचिऎ मान्डालिबिहा याॽमिचि चुप्से डिरिक् याॽमिचि चिनुचि। टिङ्खुबाचि एन्टिओकबिन चोब्बाङ् याॽल किस्चियान कामानुङ् लोसुचि।
27गरक्ल एक्क हिप्पा निवाँहाङ्मि खानावाँ लोखुबाचि यरुसालेम्बाङ् एन्टिओकबि उङामि। 28आक्खाचिबि एक्क अगाबस लोमॆ याॽमि पगाहाङ् सॆङ्सॆङॆ लावामि चॆक्मावाबाङ् ह बाखाटेम्पि ढ्या आनिकाला टामा ठाबाक्डा कामानुङ् यामुसा। (ग आनिकाला क्लाउडियस हाङ्ऎ हाङ्डाम् लॆःॽमिम्पा लःबि लिसा)। 29मसॆ एन्टिओकबिहा टिङ्खुबाचिऎ याहुडियाबि चुक्मिहा बुबुनुसाचि हेर खाङुम्यॆ कामानुङ् कासामि। 30हाङ् खोचिऎ खोचिम् याङ् खोमुचिहाङ् बारनाबास नुङ् सावालमि हुक्बाङ् यरुसालेममि मान्डालिबिऎ योम्पक् मुखुबाचिम् हुक्पि पाङ्हाङ्पिट्टुचि।
Currently Selected:
सॆःक्ढुङ्पा 11: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
सॆःक्ढुङ्पा 11
11
पाट्रुसऎ खोम् योम्पक् इमिम्पा
1ह याहुडियाबि चुक्मिहा सॆःक्ढुङ्पाचि नुङ् बुबुनुसाचिऎ होइढा हॆॽनि बारेक् याॽमिचिऎ सङ्क निवाँहाङ्मि खानावाँबि निवाँयुङ् लॆटुचि कामानुङ् खेमुचि। 2हाङ् पाट्रुस यारुसालेम्पि टाआ हाङ् याहुडि निवाँयुङ् लॆखुबाचिऎ खो इचासे 3गर लोसुचि “आना ग खाट्ना मालिम्पा हाङ् निवाँयुङ् ऎलॆखुबा याॽमिचिम् खिम्पि खारानाहाङ् चाआना।”
4मसॆ पाट्रुसऎ इघा चोब्न लिमिम्पा खानावाँ नुःर इबकु, 5“काङा जोप्पा हाटाबि पारठाना लॆःॽमार निवाँ माखॆम्पा लॆटिङ्, मरक्ल काङॆ एक्क सेन्चि खाङुङ। म सेन्चिबि पारुबाङ् एक्क ढ्या चेः रक्मा रिचि ठालबि हिक्मिम्पा एक्क माङ् ह माङ् हेड्ढाङ्पा लॆटा हाङ् आक्क काबि टाआ। 6काङॆ नुःर खाङ्मार आक्कुबि चोब्न खालाह पोसु नुङ् सँवाँचि खाङुङ्चि। 7हाङ् काङा गर लोमिम्पा एक्क साम्ला खेमुङ्, ‘ओ पाट्रुस, पगॆहाङ् सेच्चाऎ।’
8“टर काङॆ खानावाँ ऎम्पिसे लोसुङ्, ‘चाइबान पारभु, गरक्मा काइसाहा चामा फॆन्निहा ठका ग कॆ हानाम्स माचाटिॽङा।’
9“फेरि पारुबाङ् आक्क साम्लाऎ काङा लोसिङ्, ‘निवाँहाङ्ऎ सॆङ्सॆङॆ मुमिम्पा ठका आनॆ काइसॆ आलोसॆ।’ 10गरहाङ्न सुम्चि खेपा लिसा हाङ् पारु सक्पिटु फेरि आक्खा चोब्न लाफेटा।
11“मरक्लॽन सिजरिय लोमॆ ठालबाङ् काङा चिःक्सि पाङ्हाङ्पा सुम्पा याॽमिचि काङा पेनुॽङॆ खिम्पि टाआमि। 12सॆङ्सॆङॆ लावाऎ आक्खाचिनुङ् खॆॽमाम् लागि माङ्स आमिनॆ लोसिङ। इघा ठुक्चि जाना निवाँयुङ् लॆखुबा बुबुनुसाचि स कानुङ् डाबामि, हाङ् काङ्का करनेलियसमि खिम् हङ्सि भॆनिङ्का। 13खोसॆ एक्क निवाँखाटॆखुबा खोम् खिम्पि मान्टहाङ् खाङ्मुसॆ हाङ् ‘जोप्पाबि सिमोन पट्टुरुरस लोमॆ याॽमि चिःक्सि याॽमि पाङ्हाङ्सॆ कामानुङ् लोसुयॆ, म खानावाँ काङ्का खेम्मिटिङ्का। 14खोसॆ आनाम् लागि एक्क खानावाँ लाटॆकु, आक्क खानावाँऎ आना हाङ् आम् खिम्पिहा चोब्न याॽमिचि हिङ्चाक्मिहाछ।’
15“काङॆ खानावाँ इमा ठाबाक्मार कानिबि याॽल टाइन्टक्न सॆङ्सॆङॆ लावा आक्खाचि सक्पि स टाआ। 16हाङ् काङॆ पारभुऎ लोमिम्पा खानावाँ मिॽलउङ्, ‘बाप्टिस्मा पिक्खुबा युहान्नाऎ ग योवाऎ बाप्टिस्मा पिट्टानि, टर आन्ना चाइ सॆङ्सॆङॆ लावाऎ बाप्टिस्मा लिकानि।’ 17पारभु येसु खिरिस्टबि निवाँयुङ् लॆःॽमार काङ्का माङ् बारडाना पिट्टि म बारडानान निवाँहाङ्ऎ आक्खाचि सङ्क पिडुचि, मसॆ निवाँहाङ् ऎक्हिखुबा काङा आसाङार?”
18पाट्रुसमि ग खानावाँ खेमुचिहाङ् खोचि यङ् उक्खॆसे गर कमानुङ् निवाँहाङ्मि निङ् ठेरुचि, “ह ग निवाँहाङ्ऎ होइढा याॽमिचि सङ्क काइसॆबाङ् ऎम्पक्से हिङ्खामाबि टामा पिःॽडुचि।”
एन्टिओकबिऎ मान्डालि
19ह स्टिफनस सेरुचिहाङ् यरुसालेम्पि डुखा पिॽमॆ योम्पक् लिबक्मिम्पासॆ टिङ्खुबाचि गॆअङ्मॆअङ्हा ठाल फोनिसिया, साइपरस हाङ् एन्टिओकबि फुबक्से खारामि। आक्कुबि खोचिऎ याहुडिचि टेःॽन नुऎ खानावाँ खेम्मिटुचिमि। 20हाङ् आक्खा फुबक्खुबाचिबि एक्क हिप्पा साइपरस नुङ् साइरेनिबिहा याॽमिचि लॆटामि। खोचि एन्टिओकबि खारामिहाङ् गिरिक् याॽमिचि सङ्क पारभु येसुमि नुऎ खानावाँ खेम्मिटुचिमि। 21पारभुमि चॆक्मावा खोचिनुङ् चुआ, हाङ् डिरिक् याॽमिचिऎ निवाँयुङ् लॆटुचि हाङ् पारभुबि ऎम्पकामि।
22ग खानावाँ यारुसालेमबिऎ मान्डालिऎ स खेमु। हाङ् खोचिऎ बारनाबास एन्टिओकबि पाङ्हाङ्सुचि। 23बारनाबास आक्कुबि टाआ हाङ् याॽमिचि निवाँहाङ्ऎ आसिका पिॽमिम्पा खाङु, हाङ् चेन्चासे निवाँयुङ् लॆखुबाचि निवाँ हङ्सिॽयुबाङ् पारभुबि निवाँयुङ्मा लिसानॆ कामानुङ् पाङ्नुमा पिट्टुचि, 24मान्ठाभनॆ खो नुऎ हाङ् सॆङ्सॆङॆ लावा नुङ् निवाँयुङ्ऎ चेप्खॆम्पा याॽमि लॆटा। हाङ् खोसॆ डिरिक् याॽमिचि पारभुबि टॆटुचि।
25हाङ् बारनाबास सावाल यक्से टार्सासबि खारा। 26आक्कुबि खो चुबुहाङ् एन्टिओकबि लाटॆटु। हाङ् एक्क निङ्ढारि आक्खाचिऎ मान्डालिबिहा याॽमिचि चुप्से डिरिक् याॽमिचि चिनुचि। टिङ्खुबाचि एन्टिओकबिन चोब्बाङ् याॽल किस्चियान कामानुङ् लोसुचि।
27गरक्ल एक्क हिप्पा निवाँहाङ्मि खानावाँ लोखुबाचि यरुसालेम्बाङ् एन्टिओकबि उङामि। 28आक्खाचिबि एक्क अगाबस लोमॆ याॽमि पगाहाङ् सॆङ्सॆङॆ लावामि चॆक्मावाबाङ् ह बाखाटेम्पि ढ्या आनिकाला टामा ठाबाक्डा कामानुङ् यामुसा। (ग आनिकाला क्लाउडियस हाङ्ऎ हाङ्डाम् लॆःॽमिम्पा लःबि लिसा)। 29मसॆ एन्टिओकबिहा टिङ्खुबाचिऎ याहुडियाबि चुक्मिहा बुबुनुसाचि हेर खाङुम्यॆ कामानुङ् कासामि। 30हाङ् खोचिऎ खोचिम् याङ् खोमुचिहाङ् बारनाबास नुङ् सावालमि हुक्बाङ् यरुसालेममि मान्डालिबिऎ योम्पक् मुखुबाचिम् हुक्पि पाङ्हाङ्पिट्टुचि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society