सॆःक्ढुङ्पा 10
10
करनेलियसऎ पाट्रुस सेःॽमिम्पा
1सिजरिया हाटाबि एक्क करनेलियस निङ् लॆखुबा रोम टिलिङ्गाचिम् कॆप्टॆन चुआ। खो याॽमिचिऎ इटालियान कॆप्टॆन कामानुङ् लेॽयुक्सुचि। 2खो नुङ् खोम् खिम्पिहा चोब्न याॽमिचि निवाँनेन् लॆटामि हाङ् निवाँहाङ्मि निङ् ठेस्से पेन्युक्समि। खोसॆ माङ्स ऎचुखुबाचि खाङ्युक्सुचि हाङ् हानाम्स निवाँहाङ् नुङ् पारठाना लॆःॽयुक्सा। 3इॽया लेन्टाऎ सुम्चिर बाजेलिमार खोसॆ एक्क सेन्चि खाङु। म सेन्चिबि चाइबान निवाँहाङ्मि निवाँखाटॆखुबा खोबि टामानुङ् “ओ करनेलियस” लोमिम्पा खेमु।
4खोनुङ् किसिसे करनेलियसऎ खाङु हाङ् कासा, “पारभु, माल।” आक्क निवाँखाटॆखबाऎ खो लोसु, “आनाम् पारठाना हाङ् माङ्स ऎचुखुबाचि सक्पि आनॆ यिक्मिम्पा काम्नुऎ योम्पक् निवाँहाङ्बि टाडा। 5ह जोप्पाबि सिमोन पाट्रुस लोमॆ याॽमि चिक्सि याॽमि पाङ्हाङ्सॆ 6खो पॆरॆरॆमा कॆक्पि पेन्से साखक्मि योम्पक् मुखुबा सिमोनमि खिम्पि चु।”
7हाङ् खोनुङ् यामुखुबा निवाँखाटॆखुबा खाइटा, हाङ् करनेलियासऎ हिप्पा खोम् योम्पक् मुखुबाचि नुङ् होइक एक्क उम् निवाँनेन् टिलिङ्गा सेःरु। 8हाङ् लिमिम्पा चोब्न खानावाँ खेम्मिटुचि हाङ् जोप्पाबि पाट्रुस लासि पाङ्हाङ्सुचि।
पाट्रुसमि सेन्चि
9वेन्डाक्लम्पॆ लेन्टा आक्खाचि योप्पा हाटा कॆक्पि टाआमिर लेन्टाऎ एपङ्हि बाजे फेरा पाट्रुस पारठाना लॆसि वाचेन्टु ठाङा।#१०:९ इस्राएलबिऎ वाचेन् टाला रक्मान लियुक्सा 10खो एट्टान सागॆ सिसु हाङ् माङ्माङ् चामा मिॽमिम्पा लॆटा। होइढाचिऎ चामा मुमे पाइमार खो निवाँ हङ्सि माखारा। 11हाङ् खोसॆ पारु हेम्बक्मिम्पा हाङ् आक्कबाङ् रिचि कुनाबि हिक्मिम्पा एक्क ढ्या चेः रक्मा बाखाटेम्पि युढाङ्पा खाङ्टकु। 12आक्क चेःबि चोब्न खालाह पोसुचि हाङ् सँवाँचि चुआमि। 13हाङ् पाट्रुसऎ खो गर लोमिम्पा साम्ला खेमु, “ओ पाट्रुस, पगॆहाङ् सेच्चाऎ।”
14पाट्रुसऎ खानावाँ एम्पिसे लोसु, “पारभु, गरक्मा काइसाहा चामा फॆन्निहा ठका ग कॆ हानाम्स माचाटिॽङा, चाइबान।”
15हाङ् फेरि म साम्लाऎ खो लोसु, “निवाँहाङ्ऎ सॆङ्सॆङॆ मुमिम्पा ठका आनॆ काइसॆ आलोसॆ।”
16ग खानावाँ सुम्चि खेपाढारि लिसा, हाङ् मरक्लॽन आक्क चेः मिट्टु पारुबि ठेट्टि खारा।
17पाट्रुस ग सेन्चिऎ लोमा यकुवॆ खानावाँ माङ्र मिन्ढाङ्पा बेला करनेलियसऎ पाङ्हाङ्पा याॽमिचि सिमोनमि खिम् यक्से टाआमि हाङ् लम्भॆरॆङ्माबि येबामि। 18हाङ् “सिमोन लोमॆ पाट्रुस गुबि पेन्डॆ रु माऎ?” कामानुङ् ढ्या सम्लाबि सिमुचि।
19पाट्रुसऎ सेन्चिमि बारेबि मिॽढाङ्मार सॆङ्सॆङॆ लावाऎ खो लोसु, “सिमोन, सुम्पा याॽमिचिऎ आना यक्मे पाइमि। 20मसॆ पगॆहाङ् मिम्मु युसॆ हाङ् माङ्स मामिन्रे आक्खाचिनुङ् खारॆ। आक्खाचि कॆ पाङ्हाङ्पाचि यो।”
21मसॆ पाट्रुस मिम्मु युसा हाङ् आक्खाचि लोसुचि, “आन्नॆ यक्मिम्पा याॽमि काङान। आन्ना मान्ठा गुबि टामिम्पा?”
22आक्खाचिऎ खो खानावाँ ऎम्पिटुचि, “काङ्का करनेलियस लोमॆ एक्क कॆप्टॆनऎ पाङ्हाङ्पा रेम। खो निवाँनेन् हाङ् निवाँहाङ्मि किसिमाबि पेन्खुबा याॽमि लॆ। हाङ् चोब्न याहुडिचिऎ खो एट्टान ङेबुकुचि। एक्क सॆङ्सॆङॆ निवाँखाटॆखुबाऎ आना खोम् खिम्पि सेःॽमाहाङ् आनाम् खानावाँ खेमॆ कामानुङ् खो लोडु।” 23मसॆ पाट्रुसऎ आक्खाचि खिम् हङ्सि सेःरुचिहाङ् खोचि युटा आक्कुबि पेनामि।
पाट्रुस करनेलियासमि खिम्पि
वेन्डा नाम्स पाट्रुस आक्खाचिनुङ् खारा। हाङ् जोप्पाबिहा हिप्पा सुम्पा निवाँयुङ् लॆखुबाचि सङ्क खोनुङ् सोरि खारामि। 24सिन्डाक्लाम्पॆ खो सिजरियाबि टाआ। करनेलियसऎ उम् टाङ्पाम् याॽमिचि नुङ् लाङ्काम्चि खोम् खिम्पि सेःॽमिम्पा लॆटुचि। हाङ् खोसॆ आक्खाचिम् लाम् खाङ्मे पाइटु। 25पाट्रुस खिम् हङ्सिॽयु भॆम्मा ठाबाक्मार करनेलियसऎ खो चुबुहाङ् उम् लाङ्पि स्यामिटु। 26टर पाट्रुसऎ आक्क येप्पक्मिट्टु हाङ् लोसु, “पगॆ, काङा सङ्क याॽमिङान।”
27पाट्रुस करनेलियासनुङ् याम्चासे खिम् हङ्सि भॆना। आक्कुबि खोसॆ डिरिक् याॽमिचि खोम्टि खॆॽमिम्पा खाङ्टकुचि। 28हाङ् पाट्रुसऎ आक्खाचि लोसुचि, “कानिम् यायेॽमा रक्न होइढा हॆॽनिबारेक्चि नुङ् लाङ्काम् लॆङ्मा हाङ् आक्खाचि चुब्सि खॆॽमा फॆन्नि लोमॆ खानावाँ आन्नॆ नुःर लेकाम्नि। टर निवाँहाङ्ऎ काङा आसा याॽमिचि सङ्क सॆङ्सॆङॆ हॆॽनाह्चि कामानुङ् लोमा फॆन्मिनि लोमॆ खानावाँ खाङ्मिडिङ। 29मसॆ सेःसि पाङ्हाङ्पा याॽमिचि नुङ् माङ्स मामिन्रे काङा गुबि टाइङ। ह लोङॆ, आनॆ मान्ठा काङा सेःॽडिङानॆ?”
30करनेलियसऎ खो लोसु, “रिचि डिना याॽल लेन्टाऎ सुम्चि बाजे फेरा काम् खिम्पि पारठाना लॆःॽढाङ्पा लॆटिङ। मरक्लॽन बिऎ चेः चाङ्मिम्पा एक्क याॽमि काम् ङारिङ्पि येप्टाआ। 31हाङ् काङा लोसिङ्, ‘ओ करनेलियस, निवाँहाङ्ऎ आनॆ लॆःॽमिम्पा पारठाना खेम्डु हाङ् माङ्स ऎचुखुबाचि आनॆ खाङ्मिम्पा खानावाँ मिॽलोॽडु। 32मसॆ जोप्पाबि सिमोन पाट्रुस लोमॆ याॽमि लासि याॽमिचि पाङ्हाङ्सॆचे। खो साखक्मि योम्पक् मुखुबा सिमोनमि खिम्पि पेन्डा। आक्क खिम् पॆरॆरॆमा कॆक्पि चु।’ 33मसॆ कॆ मरक्लॽन आना चिःक्सि पाङ्हङ्सुङ्चि, हाङ् आना सङ्क टाआना काम्नुऎन लिसा। ह पारभुऎ आना इटॆ कामानुङ् लोमिम्पा चोब्न खानावाँ खेम्सि काङ्का गुबि निवाँहाङ्मि ङारिङ्पि खोम्टिखॆडिङ्का।”
पाट्रुसऎ खानावाँ खेम्मिॽमिम्पा
34हाङ् पाट्रुसऎ खानावाँ इबकु, “ह कॆ लेटकुङ्, निवाँहाङ्ऎ चोब्न याॽमिचि एक्क मिगॆॽन खाङ्कुचि। 35हाङ् हाम्पिऎ जाटिबिऎ हाङ्स खोनुङ् किसिखुबा नुङ् काम्नुऎ योम्पक् यिक्खुबाचि खोसॆ नेन्चोकुचि। 36आन्नॆ लेकाम्नि, इस्राएलिचिम् लुम्पि निवाँहाङ्ऎ सान्टिमि नुऎ खानावाँ येसु खिरिस्टबाङ् पाङ्हाङ्सु, खो चोब्नमि पारभु यो। 37चाइबान आन्नॆ याहुडियाबिऎ चोब्न ठालबि माङ् लिसॆ कामानुङ् लेकाम्नि। युहान्नाऎ चोप्पासॆ बाप्टिस्मा लासानॆ कामानुङ् लोसुचि हाङ् आक्क डॆङ्पि ग चोब्न गालिलबि स लिबका। 38निवाँहाङ्ऎ नासरटमि येसु सॆङ्सॆङॆ लावा नुङ् चॆक्मावाऎ चॆप्खॆमिट्टु। हाङ् खो चोब्न ठालबि काम्नुऎ योम्पक् मुमानुङ् साइटानऎ डुखा पिॽमिम्पाचि चोब्न नुबक्मिस्से लाम्ढुसा, मान्ठाभनॆ निवाँहाङ् खोनुङ् चुआ।
39“हाङ् खोसॆ याहुडिचिम् हाङ्टेम नुङ् यारुसालेम्पि मुमिम्पा चोब्न योम्पक्मि चुमॆक्सङ् काङ्कान। आक्खाचिऎ खो सिङ्मि कुरुसाबि कॆङ्मानुङ् सेरुचि। 40टर खोन निवाँहाङ्ऎ सुम्चि डिना डॆङ्पि सिखॆम्पाबाङ् हिङ्पक्मिट्टु हाङ् खोसॆ याॽमिचि खो खाङ्मिटुचि। 41चोब्न याॽमिचिऎ ग हॆॽनॆ, टर खोम् चुमॆक्सङ् पिस्सि याॽलॽन काङ्का खोसॆ सॆक्सिम्पासॆ खो सिखेम्पाबाङ् हिङ्पकाहाङ् खोनुङ् चाइङ्का हाङ् डुङिङ्का। 42खोसॆ चोब्न याॽमिचि खोम् खानावाँ खेम्मिसि हाङ् खोन हिङ्चाखुबा नुङ् सिखॆम्पाचिम् न्यायॆ लॆसि निवाँहाङ्ऎ सॆक्मिम्पा लोमॆ खानावाँमि चुमॆक्सङ् पिट्टाम्नॆ कामानुङ् काङ्का लोॽडिङ्का। 43चोब्न निवाँहाङ्मि खानावाँ लोखुबाचिऎ खोम् बारेबि गरहाङ् इडुचि, ‘येसु निवाँयुङ् लॆखुबा चोप्पासॆ खोम् निङ्बाङ् हिङ्वामि यङ्निमा टक्चाकुचि’।”
हॆॽनिबारेक्चिऎ सॆङ्सॆङॆ लावा टक्चाकुचि
44पाट्रुसऎ इघा खानावाँ लोभॆॽमा रक्न खेम्खुबा चोब्न सक्पि सॆङ्सॆङॆ लावा टाआ। 45पाट्रुस नुङ् टाखुबा याहुडि निवाँयुङ् लॆखुबाचिऎ होइढा हॆॽनिबारेक्चिऎ सङ्क सॆङ्सॆङॆ लावामि बारडाना टक्चामिम्पा खाङुचिहाङ् आक्टिखारमि।
46मान्ठाभनॆ आक्खा याॽमिचिऎ होइढा खाप्पि यामुसे निवाँहाङ्मि निङ् ठेॽमिम्पा खेमुचि। हाङ् पाट्रुसऎ लोसुचि, 47“काङ्कॆ रक्न सॆङ्सॆङॆ लावा टक्चाखुबा इघा याॽमिचि आसॆ योवामि बाप्टिस्मा लिमाबाङ् ऎक्हिकुयॆ?” 48मसॆ पाट्रुसऎ आक्खाचि येसु खिरिस्टमि निङ्पि बाप्टिस्मा पिट्टाम्चिने कामानुङ् लोसुचि। हाङ् आक्खाचिऎ हिच्चि सुम्चि डिना काङ्कानुङ् पेनॆ कामानुङ् पाट्रुस लोसुचि।
Currently Selected:
सॆःक्ढुङ्पा 10: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
सॆःक्ढुङ्पा 10
10
करनेलियसऎ पाट्रुस सेःॽमिम्पा
1सिजरिया हाटाबि एक्क करनेलियस निङ् लॆखुबा रोम टिलिङ्गाचिम् कॆप्टॆन चुआ। खो याॽमिचिऎ इटालियान कॆप्टॆन कामानुङ् लेॽयुक्सुचि। 2खो नुङ् खोम् खिम्पिहा चोब्न याॽमिचि निवाँनेन् लॆटामि हाङ् निवाँहाङ्मि निङ् ठेस्से पेन्युक्समि। खोसॆ माङ्स ऎचुखुबाचि खाङ्युक्सुचि हाङ् हानाम्स निवाँहाङ् नुङ् पारठाना लॆःॽयुक्सा। 3इॽया लेन्टाऎ सुम्चिर बाजेलिमार खोसॆ एक्क सेन्चि खाङु। म सेन्चिबि चाइबान निवाँहाङ्मि निवाँखाटॆखुबा खोबि टामानुङ् “ओ करनेलियस” लोमिम्पा खेमु।
4खोनुङ् किसिसे करनेलियसऎ खाङु हाङ् कासा, “पारभु, माल।” आक्क निवाँखाटॆखबाऎ खो लोसु, “आनाम् पारठाना हाङ् माङ्स ऎचुखुबाचि सक्पि आनॆ यिक्मिम्पा काम्नुऎ योम्पक् निवाँहाङ्बि टाडा। 5ह जोप्पाबि सिमोन पाट्रुस लोमॆ याॽमि चिक्सि याॽमि पाङ्हाङ्सॆ 6खो पॆरॆरॆमा कॆक्पि पेन्से साखक्मि योम्पक् मुखुबा सिमोनमि खिम्पि चु।”
7हाङ् खोनुङ् यामुखुबा निवाँखाटॆखुबा खाइटा, हाङ् करनेलियासऎ हिप्पा खोम् योम्पक् मुखुबाचि नुङ् होइक एक्क उम् निवाँनेन् टिलिङ्गा सेःरु। 8हाङ् लिमिम्पा चोब्न खानावाँ खेम्मिटुचि हाङ् जोप्पाबि पाट्रुस लासि पाङ्हाङ्सुचि।
पाट्रुसमि सेन्चि
9वेन्डाक्लम्पॆ लेन्टा आक्खाचि योप्पा हाटा कॆक्पि टाआमिर लेन्टाऎ एपङ्हि बाजे फेरा पाट्रुस पारठाना लॆसि वाचेन्टु ठाङा।#१०:९ इस्राएलबिऎ वाचेन् टाला रक्मान लियुक्सा 10खो एट्टान सागॆ सिसु हाङ् माङ्माङ् चामा मिॽमिम्पा लॆटा। होइढाचिऎ चामा मुमे पाइमार खो निवाँ हङ्सि माखारा। 11हाङ् खोसॆ पारु हेम्बक्मिम्पा हाङ् आक्कबाङ् रिचि कुनाबि हिक्मिम्पा एक्क ढ्या चेः रक्मा बाखाटेम्पि युढाङ्पा खाङ्टकु। 12आक्क चेःबि चोब्न खालाह पोसुचि हाङ् सँवाँचि चुआमि। 13हाङ् पाट्रुसऎ खो गर लोमिम्पा साम्ला खेमु, “ओ पाट्रुस, पगॆहाङ् सेच्चाऎ।”
14पाट्रुसऎ खानावाँ एम्पिसे लोसु, “पारभु, गरक्मा काइसाहा चामा फॆन्निहा ठका ग कॆ हानाम्स माचाटिॽङा, चाइबान।”
15हाङ् फेरि म साम्लाऎ खो लोसु, “निवाँहाङ्ऎ सॆङ्सॆङॆ मुमिम्पा ठका आनॆ काइसॆ आलोसॆ।”
16ग खानावाँ सुम्चि खेपाढारि लिसा, हाङ् मरक्लॽन आक्क चेः मिट्टु पारुबि ठेट्टि खारा।
17पाट्रुस ग सेन्चिऎ लोमा यकुवॆ खानावाँ माङ्र मिन्ढाङ्पा बेला करनेलियसऎ पाङ्हाङ्पा याॽमिचि सिमोनमि खिम् यक्से टाआमि हाङ् लम्भॆरॆङ्माबि येबामि। 18हाङ् “सिमोन लोमॆ पाट्रुस गुबि पेन्डॆ रु माऎ?” कामानुङ् ढ्या सम्लाबि सिमुचि।
19पाट्रुसऎ सेन्चिमि बारेबि मिॽढाङ्मार सॆङ्सॆङॆ लावाऎ खो लोसु, “सिमोन, सुम्पा याॽमिचिऎ आना यक्मे पाइमि। 20मसॆ पगॆहाङ् मिम्मु युसॆ हाङ् माङ्स मामिन्रे आक्खाचिनुङ् खारॆ। आक्खाचि कॆ पाङ्हाङ्पाचि यो।”
21मसॆ पाट्रुस मिम्मु युसा हाङ् आक्खाचि लोसुचि, “आन्नॆ यक्मिम्पा याॽमि काङान। आन्ना मान्ठा गुबि टामिम्पा?”
22आक्खाचिऎ खो खानावाँ ऎम्पिटुचि, “काङ्का करनेलियस लोमॆ एक्क कॆप्टॆनऎ पाङ्हाङ्पा रेम। खो निवाँनेन् हाङ् निवाँहाङ्मि किसिमाबि पेन्खुबा याॽमि लॆ। हाङ् चोब्न याहुडिचिऎ खो एट्टान ङेबुकुचि। एक्क सॆङ्सॆङॆ निवाँखाटॆखुबाऎ आना खोम् खिम्पि सेःॽमाहाङ् आनाम् खानावाँ खेमॆ कामानुङ् खो लोडु।” 23मसॆ पाट्रुसऎ आक्खाचि खिम् हङ्सि सेःरुचिहाङ् खोचि युटा आक्कुबि पेनामि।
पाट्रुस करनेलियासमि खिम्पि
वेन्डा नाम्स पाट्रुस आक्खाचिनुङ् खारा। हाङ् जोप्पाबिहा हिप्पा सुम्पा निवाँयुङ् लॆखुबाचि सङ्क खोनुङ् सोरि खारामि। 24सिन्डाक्लाम्पॆ खो सिजरियाबि टाआ। करनेलियसऎ उम् टाङ्पाम् याॽमिचि नुङ् लाङ्काम्चि खोम् खिम्पि सेःॽमिम्पा लॆटुचि। हाङ् खोसॆ आक्खाचिम् लाम् खाङ्मे पाइटु। 25पाट्रुस खिम् हङ्सिॽयु भॆम्मा ठाबाक्मार करनेलियसऎ खो चुबुहाङ् उम् लाङ्पि स्यामिटु। 26टर पाट्रुसऎ आक्क येप्पक्मिट्टु हाङ् लोसु, “पगॆ, काङा सङ्क याॽमिङान।”
27पाट्रुस करनेलियासनुङ् याम्चासे खिम् हङ्सि भॆना। आक्कुबि खोसॆ डिरिक् याॽमिचि खोम्टि खॆॽमिम्पा खाङ्टकुचि। 28हाङ् पाट्रुसऎ आक्खाचि लोसुचि, “कानिम् यायेॽमा रक्न होइढा हॆॽनिबारेक्चि नुङ् लाङ्काम् लॆङ्मा हाङ् आक्खाचि चुब्सि खॆॽमा फॆन्नि लोमॆ खानावाँ आन्नॆ नुःर लेकाम्नि। टर निवाँहाङ्ऎ काङा आसा याॽमिचि सङ्क सॆङ्सॆङॆ हॆॽनाह्चि कामानुङ् लोमा फॆन्मिनि लोमॆ खानावाँ खाङ्मिडिङ। 29मसॆ सेःसि पाङ्हाङ्पा याॽमिचि नुङ् माङ्स मामिन्रे काङा गुबि टाइङ। ह लोङॆ, आनॆ मान्ठा काङा सेःॽडिङानॆ?”
30करनेलियसऎ खो लोसु, “रिचि डिना याॽल लेन्टाऎ सुम्चि बाजे फेरा काम् खिम्पि पारठाना लॆःॽढाङ्पा लॆटिङ। मरक्लॽन बिऎ चेः चाङ्मिम्पा एक्क याॽमि काम् ङारिङ्पि येप्टाआ। 31हाङ् काङा लोसिङ्, ‘ओ करनेलियस, निवाँहाङ्ऎ आनॆ लॆःॽमिम्पा पारठाना खेम्डु हाङ् माङ्स ऎचुखुबाचि आनॆ खाङ्मिम्पा खानावाँ मिॽलोॽडु। 32मसॆ जोप्पाबि सिमोन पाट्रुस लोमॆ याॽमि लासि याॽमिचि पाङ्हाङ्सॆचे। खो साखक्मि योम्पक् मुखुबा सिमोनमि खिम्पि पेन्डा। आक्क खिम् पॆरॆरॆमा कॆक्पि चु।’ 33मसॆ कॆ मरक्लॽन आना चिःक्सि पाङ्हङ्सुङ्चि, हाङ् आना सङ्क टाआना काम्नुऎन लिसा। ह पारभुऎ आना इटॆ कामानुङ् लोमिम्पा चोब्न खानावाँ खेम्सि काङ्का गुबि निवाँहाङ्मि ङारिङ्पि खोम्टिखॆडिङ्का।”
पाट्रुसऎ खानावाँ खेम्मिॽमिम्पा
34हाङ् पाट्रुसऎ खानावाँ इबकु, “ह कॆ लेटकुङ्, निवाँहाङ्ऎ चोब्न याॽमिचि एक्क मिगॆॽन खाङ्कुचि। 35हाङ् हाम्पिऎ जाटिबिऎ हाङ्स खोनुङ् किसिखुबा नुङ् काम्नुऎ योम्पक् यिक्खुबाचि खोसॆ नेन्चोकुचि। 36आन्नॆ लेकाम्नि, इस्राएलिचिम् लुम्पि निवाँहाङ्ऎ सान्टिमि नुऎ खानावाँ येसु खिरिस्टबाङ् पाङ्हाङ्सु, खो चोब्नमि पारभु यो। 37चाइबान आन्नॆ याहुडियाबिऎ चोब्न ठालबि माङ् लिसॆ कामानुङ् लेकाम्नि। युहान्नाऎ चोप्पासॆ बाप्टिस्मा लासानॆ कामानुङ् लोसुचि हाङ् आक्क डॆङ्पि ग चोब्न गालिलबि स लिबका। 38निवाँहाङ्ऎ नासरटमि येसु सॆङ्सॆङॆ लावा नुङ् चॆक्मावाऎ चॆप्खॆमिट्टु। हाङ् खो चोब्न ठालबि काम्नुऎ योम्पक् मुमानुङ् साइटानऎ डुखा पिॽमिम्पाचि चोब्न नुबक्मिस्से लाम्ढुसा, मान्ठाभनॆ निवाँहाङ् खोनुङ् चुआ।
39“हाङ् खोसॆ याहुडिचिम् हाङ्टेम नुङ् यारुसालेम्पि मुमिम्पा चोब्न योम्पक्मि चुमॆक्सङ् काङ्कान। आक्खाचिऎ खो सिङ्मि कुरुसाबि कॆङ्मानुङ् सेरुचि। 40टर खोन निवाँहाङ्ऎ सुम्चि डिना डॆङ्पि सिखॆम्पाबाङ् हिङ्पक्मिट्टु हाङ् खोसॆ याॽमिचि खो खाङ्मिटुचि। 41चोब्न याॽमिचिऎ ग हॆॽनॆ, टर खोम् चुमॆक्सङ् पिस्सि याॽलॽन काङ्का खोसॆ सॆक्सिम्पासॆ खो सिखेम्पाबाङ् हिङ्पकाहाङ् खोनुङ् चाइङ्का हाङ् डुङिङ्का। 42खोसॆ चोब्न याॽमिचि खोम् खानावाँ खेम्मिसि हाङ् खोन हिङ्चाखुबा नुङ् सिखॆम्पाचिम् न्यायॆ लॆसि निवाँहाङ्ऎ सॆक्मिम्पा लोमॆ खानावाँमि चुमॆक्सङ् पिट्टाम्नॆ कामानुङ् काङ्का लोॽडिङ्का। 43चोब्न निवाँहाङ्मि खानावाँ लोखुबाचिऎ खोम् बारेबि गरहाङ् इडुचि, ‘येसु निवाँयुङ् लॆखुबा चोप्पासॆ खोम् निङ्बाङ् हिङ्वामि यङ्निमा टक्चाकुचि’।”
हॆॽनिबारेक्चिऎ सॆङ्सॆङॆ लावा टक्चाकुचि
44पाट्रुसऎ इघा खानावाँ लोभॆॽमा रक्न खेम्खुबा चोब्न सक्पि सॆङ्सॆङॆ लावा टाआ। 45पाट्रुस नुङ् टाखुबा याहुडि निवाँयुङ् लॆखुबाचिऎ होइढा हॆॽनिबारेक्चिऎ सङ्क सॆङ्सॆङॆ लावामि बारडाना टक्चामिम्पा खाङुचिहाङ् आक्टिखारमि।
46मान्ठाभनॆ आक्खा याॽमिचिऎ होइढा खाप्पि यामुसे निवाँहाङ्मि निङ् ठेॽमिम्पा खेमुचि। हाङ् पाट्रुसऎ लोसुचि, 47“काङ्कॆ रक्न सॆङ्सॆङॆ लावा टक्चाखुबा इघा याॽमिचि आसॆ योवामि बाप्टिस्मा लिमाबाङ् ऎक्हिकुयॆ?” 48मसॆ पाट्रुसऎ आक्खाचि येसु खिरिस्टमि निङ्पि बाप्टिस्मा पिट्टाम्चिने कामानुङ् लोसुचि। हाङ् आक्खाचिऎ हिच्चि सुम्चि डिना काङ्कानुङ् पेनॆ कामानुङ् पाट्रुस लोसुचि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society