१ युहान्ना 3
3
निवाँहाङ्मि पासाचि
1खाङाम्नॆ, निवाँहाङ् आपाऎ कानि ऎॽवा ऎॽवा नाम्नाम् पिसिडि मान्ठाभनॆ खोसॆ कानि खोम् पिसाचि कामानुङ् लोडि हाङ् चाइबान कानि खोम् पासाचिन सङ्क रेम। टर बाखाटेम्पिहा याॽमिचिऎ कानि लेॽमिनि, मान्ठाभनॆ खोचिऎ खो लेसुचिनि। 2लाङ्काम्चि, गरक्ल कानि निवाँहाङ्मि पासाचि लॆकि। हाङ् खिरिस्ट खाङ्ङुमार माङ् लिकिहा लोमॆ खानावाँ माङ्स माखाङ्मिटि। टर ग खानावाँ ले, कानि खो रक्मान लिकि मान्ठाभनॆ कानिऎ खो मान्टक्मा लॆ आक्रक्मान खाङु। 3हाङ् आसॆ चाइ काङा खिरिस्ट रक्मान लिःङा कामानुङ् मिनुकु, खोसॆ मान्टहाङ् खिरिस्ट सॆङ्सॆङॆ लॆ, मरहाङ्न टाङ्पा स सॆङ्सॆङॆ मुकु। 4हाङ् आसॆ चाइ हिङ्वा योम्पक् यिगुकु, खो निवाँहाङ्मि यायेॽमा रक्न पाइनि। चाइबान लोमार हिङ्वान यायेॽमा रक्न ऎपाइमॆ यो। 5हाङ् खिरिस्ट कानिम् हिङ्वा सःक्सि टाआ लोमॆ खानावाँ ग आन्नॆ लेकाम्नि। हाङ् खोबि हिङ्वा लोमॆ खानावाँ माआ। 6हाङ् खोबि लिढाङ्खुबॆ हिङ्वा योम्पक् यिक्ढाङ्सुनि। टर आसॆ चाइ हिङ्वा योम्पक् यिक्ढाङ्कु, आक्कसॆ खो लेमिम्पा लिनि हाङ् वासुवाबुनि। 7हाङ् कॆ नाम्नाम् पिसिम्पा पिसाचि, आन्ना आसॆस ऎफुसिॽमिर। आसॆ नुऎ योम्पक् यिगुकु, खो चाइ खिरिस्ट रक्न निवाँनेन् याॽमि लि। 8हाङ् हिङ्वा योम्पक् यिक्ढाङ्खुबा चाइ साइटानमि याॽमि रेम मान्ठाभनॆ याॽलऎ बाङ्न साइटानऎ हिङ्वा योम्पक् यिक्कॆडु। मसॆॽन खोम् आक्खा हिङ्वा योम्पक् सःक्माम् लागि निवाँहाङ्मि पासा टाडॆ यो। 9हाङ् निवाँहाङ्मि पासाऎ हिङ्वा योम्पक् यिक्ढाङ्सुनि, मान्ठाभनॆ निवाँहाङ्मि निवाँ खोबि लि। हाङ् आक्कसॆ हिङ्वा योम्पक् यिक्ढाङ्मा सङ्क हेसुनि मान्ठाभनॆ खो निवाँहाङ्बाङ् जान्म लिमिम्पा लि। 10हाङ् आसा निवाँहाङ्मि पासा हाङ् आसा चाइ साइटानमि पासा लोमॆ गबाङ्न लेटखॆ। आसॆ नुऎ योम्पक् यिक्नि हाङ् खोम् बुबुनानुसाचि नाम्नाम् पिसिटुनि, खो निवाँहाङ्मि याॽमि हॆॽनॆ।
नाम्नाम् पिसिपे चुआनॆ
11आन्नॆ याॽलऎ बाङ्न खेम्कॆमिम्पा खानावाँ चाइ एक्कसॆ होइक नाम्नाम् पिसिपे चुमा लॆ लोमॆ रेम। 12हाङ् कानि चाइ कायिन लोमॆ याॽमि रक्मा लिमा फॆन्नि। खो साइटानमि याॽमि लॆटा, हाङ् खोसॆ टाङ्पाम् नुसा सेरु। मान्ठा कायिनऎ उम् नुसा सेरुवॆ? मान्ठाभनॆ खोम् योम्पक् काइसॆ लॆटा, टर खोम् नुसामि योम्पक् नुऎ लॆटा। 13काम् बुबुनानुसाचि, बाखाटेम्पिहा याॽमिचिऎ आन्ना सिच्चाक्मिर ऎआक्खारानॆ। 14कानिऎ ग टाङ्पाम् बुबुनानुसाचि नाम्नाम् पिसिम्पासॆ सिखॆॽमॆ खानावाँ याइडामानुङ् हिङ्खामाबि खाइहाङ्डि लोमॆ खानावाँ ले। हाङ् नाम्नाम् आपिसिखुबा याॽमि सिखॆॽमॆ खानावाँप्न लिढाङ्। 15हाङ् आसॆ चाइ टाङ्पाम् बुबुनानुसाचि सिच्चाकुचि, आक्क याॽमि सेक्खुबान। हाङ् याॽमि सेक्खुबानुङ् हानाम्स आसिखॆखुबा हिङ्खामा लिनि लोमॆ आन्नॆ लेकाम्नि। 16हाङ् खिरिस्टऎ कानिम् लागि खोम् हिङ्खामा पिॽमिम्पासॆ नाम्नाम् पिसिॽमॆ लोमॆ खानावाँ माङ्र कामानुङ् कानिऎ ले। आक्रहाङ्न कानिऎ स कानिम् बुबुनानुसाचिम् लागि कानिम् हिङ्खामा पिॽमा सिट्टा हाङ्स पिॽमा लॆ। 17हाङ् एक्क याॽमिमि बाखाटेमपि डिरिक् याङ् चुबिकु, हाङ् खोसॆ टाङ्पाम् बुबुनानुसाचि डुखाबि सिॽमिम्पा खाङ्चिखाङ्चिङ् सङ्क याङ् पिॽमॆ निवाँ मुसुनि हाङ्ग मान्टॽल आक्कनुङ् निवाँहाङ्मि नाम्नाम् पिसिॽमॆ खानावाँ उम् निवाँबि लिऎ? 18हाङ् काम् पिसाचि, कानिऎ याऎ हाङ् खानावाँऎ टे याॽमिचि नाम्नाम् पिसिॽमॆ हॆॽनि, टर योम्पक् यिक्मानुङ् चाइबान नाम्नाम् पिसिटुम्यॆ।
निवाँहाङ्मि ङारिङ्बि चॆकुवॆ लिमॆ खानावाँ
19हाङ् कानिम् योम्पक्ऎन कानि चाइबानऎ खानावाँ रक्न पाइखुबा याॽमिचि लोमॆ खाङ्मुकु हाङ्न निवाँहाङ्मि ङारिङ्पि कानिऎ कानिम् निवाँ चॆकुवॆ मुहि। 20हाङ् कानिम् निवाँऎ कानि आब्डिक् टिकिहाङ्ग, निवाँहाङ् कानिम् निवाँबाङ्स ढ्या लॆ। चाइबान खोसॆ चोब्न खानावाँ लेकु। 21टर कॆ नाम्नाम् पिसिम्पा लाङ्काम्चि, कानिम् निवाँऎ कानि आब्डिक् टिसिनि हाङ्ग, कानि निवाँहाङ्मि ङारिङ्पि खॆॽमॆ चॆक्मावा टक्चाकि। 22हाङ् कानिऎ खोनुङ् माङ् ङागुकि, आक्क कानिऎ टक्चा मान्ठाभनॆ कानिऎ खोसॆ लोमिम्पा खेमुकि हाङ् खोसॆ नेन्चाकुवॆ योम्पक् यिगुकि। 23हाङ् निवाँहाङ्ऎ लोमिम्पा खानावाँ गन, कानिऎ खोम् पासा येसु खिरिस्टबि निवाँयुङ् लॆःॽमा लॆ हाङ् खोसॆ कानि लोसिन्टक्न कानिऎ एक्कसॆ होइक नाम्नाम् पिसिॽमॆ योम्पक् यिक्मा लॆ। 24हाङ् निवाँहाङ्मि खानावाँ खेम्खुबाचि निवाँहाङ् नुङ्न पेनुक्मि हाङ् निवाँहाङ् खोचिनुङ् पेनुक्। हाङ् खोसॆ पिॽमिम्पा लावाबाङ् कानिऎ निवाँहाङ् चाइ कानिनुङ् चु लोमॆ वाप्ट।
Currently Selected:
१ युहान्ना 3: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
१ युहान्ना 3
3
निवाँहाङ्मि पासाचि
1खाङाम्नॆ, निवाँहाङ् आपाऎ कानि ऎॽवा ऎॽवा नाम्नाम् पिसिडि मान्ठाभनॆ खोसॆ कानि खोम् पिसाचि कामानुङ् लोडि हाङ् चाइबान कानि खोम् पासाचिन सङ्क रेम। टर बाखाटेम्पिहा याॽमिचिऎ कानि लेॽमिनि, मान्ठाभनॆ खोचिऎ खो लेसुचिनि। 2लाङ्काम्चि, गरक्ल कानि निवाँहाङ्मि पासाचि लॆकि। हाङ् खिरिस्ट खाङ्ङुमार माङ् लिकिहा लोमॆ खानावाँ माङ्स माखाङ्मिटि। टर ग खानावाँ ले, कानि खो रक्मान लिकि मान्ठाभनॆ कानिऎ खो मान्टक्मा लॆ आक्रक्मान खाङु। 3हाङ् आसॆ चाइ काङा खिरिस्ट रक्मान लिःङा कामानुङ् मिनुकु, खोसॆ मान्टहाङ् खिरिस्ट सॆङ्सॆङॆ लॆ, मरहाङ्न टाङ्पा स सॆङ्सॆङॆ मुकु। 4हाङ् आसॆ चाइ हिङ्वा योम्पक् यिगुकु, खो निवाँहाङ्मि यायेॽमा रक्न पाइनि। चाइबान लोमार हिङ्वान यायेॽमा रक्न ऎपाइमॆ यो। 5हाङ् खिरिस्ट कानिम् हिङ्वा सःक्सि टाआ लोमॆ खानावाँ ग आन्नॆ लेकाम्नि। हाङ् खोबि हिङ्वा लोमॆ खानावाँ माआ। 6हाङ् खोबि लिढाङ्खुबॆ हिङ्वा योम्पक् यिक्ढाङ्सुनि। टर आसॆ चाइ हिङ्वा योम्पक् यिक्ढाङ्कु, आक्कसॆ खो लेमिम्पा लिनि हाङ् वासुवाबुनि। 7हाङ् कॆ नाम्नाम् पिसिम्पा पिसाचि, आन्ना आसॆस ऎफुसिॽमिर। आसॆ नुऎ योम्पक् यिगुकु, खो चाइ खिरिस्ट रक्न निवाँनेन् याॽमि लि। 8हाङ् हिङ्वा योम्पक् यिक्ढाङ्खुबा चाइ साइटानमि याॽमि रेम मान्ठाभनॆ याॽलऎ बाङ्न साइटानऎ हिङ्वा योम्पक् यिक्कॆडु। मसॆॽन खोम् आक्खा हिङ्वा योम्पक् सःक्माम् लागि निवाँहाङ्मि पासा टाडॆ यो। 9हाङ् निवाँहाङ्मि पासाऎ हिङ्वा योम्पक् यिक्ढाङ्सुनि, मान्ठाभनॆ निवाँहाङ्मि निवाँ खोबि लि। हाङ् आक्कसॆ हिङ्वा योम्पक् यिक्ढाङ्मा सङ्क हेसुनि मान्ठाभनॆ खो निवाँहाङ्बाङ् जान्म लिमिम्पा लि। 10हाङ् आसा निवाँहाङ्मि पासा हाङ् आसा चाइ साइटानमि पासा लोमॆ गबाङ्न लेटखॆ। आसॆ नुऎ योम्पक् यिक्नि हाङ् खोम् बुबुनानुसाचि नाम्नाम् पिसिटुनि, खो निवाँहाङ्मि याॽमि हॆॽनॆ।
नाम्नाम् पिसिपे चुआनॆ
11आन्नॆ याॽलऎ बाङ्न खेम्कॆमिम्पा खानावाँ चाइ एक्कसॆ होइक नाम्नाम् पिसिपे चुमा लॆ लोमॆ रेम। 12हाङ् कानि चाइ कायिन लोमॆ याॽमि रक्मा लिमा फॆन्नि। खो साइटानमि याॽमि लॆटा, हाङ् खोसॆ टाङ्पाम् नुसा सेरु। मान्ठा कायिनऎ उम् नुसा सेरुवॆ? मान्ठाभनॆ खोम् योम्पक् काइसॆ लॆटा, टर खोम् नुसामि योम्पक् नुऎ लॆटा। 13काम् बुबुनानुसाचि, बाखाटेम्पिहा याॽमिचिऎ आन्ना सिच्चाक्मिर ऎआक्खारानॆ। 14कानिऎ ग टाङ्पाम् बुबुनानुसाचि नाम्नाम् पिसिम्पासॆ सिखॆॽमॆ खानावाँ याइडामानुङ् हिङ्खामाबि खाइहाङ्डि लोमॆ खानावाँ ले। हाङ् नाम्नाम् आपिसिखुबा याॽमि सिखॆॽमॆ खानावाँप्न लिढाङ्। 15हाङ् आसॆ चाइ टाङ्पाम् बुबुनानुसाचि सिच्चाकुचि, आक्क याॽमि सेक्खुबान। हाङ् याॽमि सेक्खुबानुङ् हानाम्स आसिखॆखुबा हिङ्खामा लिनि लोमॆ आन्नॆ लेकाम्नि। 16हाङ् खिरिस्टऎ कानिम् लागि खोम् हिङ्खामा पिॽमिम्पासॆ नाम्नाम् पिसिॽमॆ लोमॆ खानावाँ माङ्र कामानुङ् कानिऎ ले। आक्रहाङ्न कानिऎ स कानिम् बुबुनानुसाचिम् लागि कानिम् हिङ्खामा पिॽमा सिट्टा हाङ्स पिॽमा लॆ। 17हाङ् एक्क याॽमिमि बाखाटेमपि डिरिक् याङ् चुबिकु, हाङ् खोसॆ टाङ्पाम् बुबुनानुसाचि डुखाबि सिॽमिम्पा खाङ्चिखाङ्चिङ् सङ्क याङ् पिॽमॆ निवाँ मुसुनि हाङ्ग मान्टॽल आक्कनुङ् निवाँहाङ्मि नाम्नाम् पिसिॽमॆ खानावाँ उम् निवाँबि लिऎ? 18हाङ् काम् पिसाचि, कानिऎ याऎ हाङ् खानावाँऎ टे याॽमिचि नाम्नाम् पिसिॽमॆ हॆॽनि, टर योम्पक् यिक्मानुङ् चाइबान नाम्नाम् पिसिटुम्यॆ।
निवाँहाङ्मि ङारिङ्बि चॆकुवॆ लिमॆ खानावाँ
19हाङ् कानिम् योम्पक्ऎन कानि चाइबानऎ खानावाँ रक्न पाइखुबा याॽमिचि लोमॆ खाङ्मुकु हाङ्न निवाँहाङ्मि ङारिङ्पि कानिऎ कानिम् निवाँ चॆकुवॆ मुहि। 20हाङ् कानिम् निवाँऎ कानि आब्डिक् टिकिहाङ्ग, निवाँहाङ् कानिम् निवाँबाङ्स ढ्या लॆ। चाइबान खोसॆ चोब्न खानावाँ लेकु। 21टर कॆ नाम्नाम् पिसिम्पा लाङ्काम्चि, कानिम् निवाँऎ कानि आब्डिक् टिसिनि हाङ्ग, कानि निवाँहाङ्मि ङारिङ्पि खॆॽमॆ चॆक्मावा टक्चाकि। 22हाङ् कानिऎ खोनुङ् माङ् ङागुकि, आक्क कानिऎ टक्चा मान्ठाभनॆ कानिऎ खोसॆ लोमिम्पा खेमुकि हाङ् खोसॆ नेन्चाकुवॆ योम्पक् यिगुकि। 23हाङ् निवाँहाङ्ऎ लोमिम्पा खानावाँ गन, कानिऎ खोम् पासा येसु खिरिस्टबि निवाँयुङ् लॆःॽमा लॆ हाङ् खोसॆ कानि लोसिन्टक्न कानिऎ एक्कसॆ होइक नाम्नाम् पिसिॽमॆ योम्पक् यिक्मा लॆ। 24हाङ् निवाँहाङ्मि खानावाँ खेम्खुबाचि निवाँहाङ् नुङ्न पेनुक्मि हाङ् निवाँहाङ् खोचिनुङ् पेनुक्। हाङ् खोसॆ पिॽमिम्पा लावाबाङ् कानिऎ निवाँहाङ् चाइ कानिनुङ् चु लोमॆ वाप्ट।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society