१ युहान्ना 2
2
खिरिस्टमि रक्मान हिङ्खामा हिङ्चामॆ
1कॆ नाम्नाम् पिसिम्पा काम् पिसाचि, आन्नॆ हिङ्वा योम्पक् आयिगानॆ कामानुङ् कॆ इघा खानावाँ साप्मॆ पाइकुङ। टर एक्कसॆ हिङ्वा योम्पक् यिक्इटु हाङ्स खोम् लागि निवाँहाङ् आपानुङ् यामुबिक्खुबा येसु खिरिस्ट चु। आक्क येसु खिरिस्ट चाइ निवाँनेन्ऎ लॆ। 2हाङ् कानिम् हिङ्वा सःक्माम् लागिन खोसॆ टाङ्पाम् हिङ्खामा पिइटु। कानिम् हिङ्वामि लागि टेःॽन ग हॆॽनॆ, टर बाखाटेम्पिहा चोब्न हिङ्वा याॽमिचिम् लागि सङ्क खोसॆ खोम् हिङ्खामा पिइम्पा यो।
3हाङ् कानिऎ खोसॆ लोमिम्पा खानावाँ खेमा हाङ्ग, कानिऎ खो लेडा लोमॆ ले। 4हाङ् आसा चाइ “कॆ निवाँहाङ् लेकुङ्” का, टर निवाँहाङ्ऎ लोमिम्पा खानावाँ चाइ खेमुनि, आक्क याॽमि चाइ बङ्चाखुबा यो। हाङ् आक्क याॽमिबि माङ्स चाइबानऎ खानावाँ लिनि। 5टर आसॆ चाइ निवाँहाङ्मि खानावाँ खेमुकु, म खानावाँऎन खो निवाँहाङ्मि नाम्नाम् पिस्सिमावाँऎ#२:५ ऎॽवा याॽमिचि चाइ खोसॆ निवाँहाङ् नाम्नाम् पिसिकु स काग्मि। चेप्खॆडु लोमॆ खानावाँ खाङ्मुकु। हाङ् कानि खोबि चुकि लोमॆ खानावाँ स गबाङ्न लेट्ट, 6हाङ् आसॆ चाइ “काङा निवाँहाङ्पि चुःॽङा” कामानुङ् का, खो चाइ येसु माङ्टहाङ् पाइटा मरहाङ्न पाइमा लॆ।
उम्चङ् खानावाँ
7कॆ नाम्नाम् पिस्सिम्पा नुसाचि, कॆ आन्नामि लागि उम्चङ् खानावाँ हॆॽनॆ, टर आन्नॆ खेम्सिमिॽमिम्पा हाङ् याॽलऎ बाङ्न चुहा खानावाँ साप्मे पाइकानि। ग खानावाँ आन्नॆ खेम्सिडाम्नि। 8मरहाङ्स ग चाइ उम्चङ्ऎ खानावाँ रेम, येसु चाइ ग चाइबानऎ खानावाँबि हिङ्चाआ हाङ् आन्नास हिङ्चामे पाइकानि, मान्ठाभनॆ बाखाटेम्पिऎ माॽयाक्ट चाइ माखॆसॆ खॆडा हाङ् निवाँहाङ्मि ओप्लिङ् चाइ ह हासे खॆडा।
9हाङ् आसा चाइ “काङा ओप्लिङ्पि चुःॽङा” का, टर खोम् बुबुनानुसाचि काइसिकु हाङ्ग, खो हस सेन्टाराम्पाबिॽन लि। 10हाङ् आसॆ चाइ टाङ्पाम् नुसा नाम्नाम् पिस्सिकु, आक्क ओप्लिङ्पि लाम्ढुम् खोबि माङ्स हिङ्वा योम्पक् लिनि। 11टर आसॆ चाइ टाङ्पाम् नुसा काइसिकु, आक्क हस माॽयाक्टबिॽन लि हाङ् लाम्ढुम्। गरक्मा याॽमिऎ चाइ लाम्फु खाङ्टकुनि हाङ् हाम्पि खॆॽमॆ पाइङॆ लोमॆ खानावाँ लेसुनि, मान्ठाभनॆ खोम् मिक् माॽयाक्टऎ ढॆक्खॆॽमिम्पा लि।
12हाङ् चाचाचि, येसुमि निङ्मि कारान्ऎ
आम्नि हिङ्वा सःक्लिङ्खॆम्पासॆ कॆ आन्ना
ग खानावाँ साप्मे पाइकानि।
13निवाँयुङ्पि पुसिडानिहा याॽमिचि, आन्ना कॆग साब्कानि
मान्ठाभनॆ याॽलऎ बाङ्न चुऎ खिरिस्ट आन्नॆ लेकाम्नि।
हाङ् निवाँयुङ्पि पुमे पाइमिम्पा याॽमिचि कॆ आन्ना ग साब्कानि
मान्ठाभनॆ आन्नॆ साइटान हेचाइडाम्नि।
14निवाँयुङ्पि पुमे पाइमिम्पा आन्ना याॽमिचि कॆ आन्ना ग साप्कानि
मान्ठाभनॆ आन्नॆ निवाँहाङ् आपा लेडाम्नि।
निवाँयुङ्पि पुसिडानिहा याॽमिचि, आन्ना कॆग साप्कानि
मान्ठाभनॆ याॽलऎ बाङ्न चुऎ खिरिस्ट आन्नॆ लेःकाम्नि।
हाङ् निवाँयुङ्पि पुमॆ पाइकानिहा आन्ना याॽमिचि कॆग साब्कानि
मान्ठाभनॆ आन्ना निवाँयुङपि चॆकुवॆ लॆकानि हाङ् आन्ना हङ्सि निवाँहाङ्मि खानावाँ चु, हाङ् आन्नॆ साइटान हेचाइडाम्नि।
15बाखाटेम् हाङ् आक्कुबि चुहा माङ्स ठका आन्नॆ नाम्नाम् आपिसिटाम्नॆ। आसॆ चाइ बाखाटेम् नाम्नाम् पिसिकु, खोसॆ निवाँहाङ् आपा नाम्नाम् पिसिटुनि। 16मन्ठाभनॆ बाखाटेम्बिहा चोब्न खानावाँ, सालुङ्ऎ यकुवॆ काइसॆ खानावाँ, मिगॆ खाङ्मिम्पा काइसॆ खानावाँ टक्चामॆ निवाँ हाङ् हिङ्खामाबि काङानङाये मिम्मॆ खानावाँ निवाँहाङ् आपाबाङ् टामिम्पा हॆॽनॆ, टर बाखाटेम्बाङ् टामिम्पा खानावाँ रेम। 17हाङ् बाखाटेम् नुङ् आक्कमि हिङ्वा निवाँ लुक्खॆ, टर आसा चाइ निवाँहाङ्मि निवाँ रक्न पाइ, खो हानाम्स सिखॆॽनि।
खिरिस्ट सिच्चाखुबाचि
18कॆ नाम्नाम् पिसिम्पा नुसाचि, ग चाइ डॆङ्पिऎ डिना रेम। खिरिस्ट सिच्चोखुबा एक्क टामॆ पाइ कामानुङ् आन्नॆ खेम्डाम्निन। खिरिस्ट सिच्चोखुबाचि डिरिक् टाखॆडामि। गबाङ्न ग चाइ डॆङ्पिऎ डिना कामानुङ् वाबुक्। 19आक्खा याॽमिचि कानिम् याॽमि मालॆःॽमि मसॆ खोचिऎ कानि याइडाइ। खोचि कानिम् याॽमिचि लॆटामि ग कानिनुङ् पेन्खुबा लॆटामि, टर खोचि कानिबाङ् खाइटामि ग खानावाँऎन आक्खाचि कानिम् याॽमिचि हॆॽनॆ कामानुङ् खाङ्मुकु।
20टर आन्ना चाइ खिरिस्टऎ सॆङ्सॆङॆ लावा पिडानि हाङ् आन्ना चोप्पासॆ माङ् चाइ चाइबानऎ र कामानुङ् लेकाम्नि। 21हाङ् आन्नॆ चाइबानऎ खानावाँ मालेटिटाम्नि कामानुङ् काङॆ ग साब्मिम्पा हॆॽनॆ, टर आन्नॆ ग चाइबानऎ खानावाँबाङ् हुन्नऎ खानावाँ टानि कामानुङ् वाप्मिम्पासॆ कॆग साप्मिम्पा रेम।
22हाङ् हुन्नऎ याॽमि आसारटा? आसॆ येसु खिरिस्ट ह लोमॆ उम् निवाँयुङ् याइकु। हाङ् निवाँहाङ् आपा नुङ् पासा सिच्चोखुबा याॽमि खिरिस्ट सिच्चोखुबा यो। 23हाङ् आसॆ चाइ पासा सिच्चाकु आक्कनुङ् निवाँहाङ् आपा सङ्क लिनि, हाङ् आसॆ चाइ पासा निवाँयुङ् लॆकु, खोनुङ् आपा सङ्क लि।
24मसॆ आन्नॆ चाइ याॽलऎ बाङ्न माङ् खानावाँ खेम्डाम्नि, म खानावाँ आम्नि निवाँबि युङ्ढाङ्साम्नॆ। मरलॆटानि हाङ्ग आन्ना पासा नुङ् निवाँहाङ् आपानुङ् सोरि लिकानि। 25हाङ् खिरिस्टऎन कानिनुङ् हानाम्स सिखॆॽनॆ हिङ्खामामि बारेबि मुमिम्पा चुप्लाङ् गन। 26हाङ् आक्खा खानावाँ कॆ आन्ना फुःसिॽमा यक्खुबाचिम् बारेबि साप्मिम्पा यो। 27टर आन्नॆ चाइ सॆङ्सॆङॆ लावा टक्चाडाम्नि हाङ् खो आना हङ्सिॽयु पेनुक्, मसॆ माङ् चाइ चाइबानऎ कामानुङ् आसॆस आन्ना चिन्मा पाब्नि। मान्ठाभनॆ आक्क सॆङ्सॆङॆ लावाऎ आन्ना चोब्न खानावाँ चिनुकानि। सॆङ्सॆङॆ लावाऎ चिन्मिम्पा चाइबानऎ, आक्क हुन्नऎ हॆॽनि। मसॆ खोसॆ लोमिम्पा रक्न खिरिस्ट नुङ्न आन्ना सोरि लिढाङ्सानॆ।
28हाङ् कॆ नाम्नाम् पिसिम्पा पिसाचि, आन्ना खिरिस्ट नुङ्न लिढाङ्सानॆ मसॆ खो फेरि ऎन्टामार कानिऎ निवाँबि चॆक्मावा टक्चाइर हाङ् खोम् ङारिङ्पि ङेसिखॆॽमा आसिॽल। 29कानिऎ खो चाइ निवाँनेन् लॆ कामानुङ् ले। हाङ् माङ् काम्नुऎ योम्पक् लॆ, म योम्पक् टे यिक्खुबा चाइ निवाँहाङ्बाङ् जान्म लिमिम्पा लि लोमॆ खानावाँ सङ्क ले।
Currently Selected:
१ युहान्ना 2: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
१ युहान्ना 2
2
खिरिस्टमि रक्मान हिङ्खामा हिङ्चामॆ
1कॆ नाम्नाम् पिसिम्पा काम् पिसाचि, आन्नॆ हिङ्वा योम्पक् आयिगानॆ कामानुङ् कॆ इघा खानावाँ साप्मॆ पाइकुङ। टर एक्कसॆ हिङ्वा योम्पक् यिक्इटु हाङ्स खोम् लागि निवाँहाङ् आपानुङ् यामुबिक्खुबा येसु खिरिस्ट चु। आक्क येसु खिरिस्ट चाइ निवाँनेन्ऎ लॆ। 2हाङ् कानिम् हिङ्वा सःक्माम् लागिन खोसॆ टाङ्पाम् हिङ्खामा पिइटु। कानिम् हिङ्वामि लागि टेःॽन ग हॆॽनॆ, टर बाखाटेम्पिहा चोब्न हिङ्वा याॽमिचिम् लागि सङ्क खोसॆ खोम् हिङ्खामा पिइम्पा यो।
3हाङ् कानिऎ खोसॆ लोमिम्पा खानावाँ खेमा हाङ्ग, कानिऎ खो लेडा लोमॆ ले। 4हाङ् आसा चाइ “कॆ निवाँहाङ् लेकुङ्” का, टर निवाँहाङ्ऎ लोमिम्पा खानावाँ चाइ खेमुनि, आक्क याॽमि चाइ बङ्चाखुबा यो। हाङ् आक्क याॽमिबि माङ्स चाइबानऎ खानावाँ लिनि। 5टर आसॆ चाइ निवाँहाङ्मि खानावाँ खेमुकु, म खानावाँऎन खो निवाँहाङ्मि नाम्नाम् पिस्सिमावाँऎ#२:५ ऎॽवा याॽमिचि चाइ खोसॆ निवाँहाङ् नाम्नाम् पिसिकु स काग्मि। चेप्खॆडु लोमॆ खानावाँ खाङ्मुकु। हाङ् कानि खोबि चुकि लोमॆ खानावाँ स गबाङ्न लेट्ट, 6हाङ् आसॆ चाइ “काङा निवाँहाङ्पि चुःॽङा” कामानुङ् का, खो चाइ येसु माङ्टहाङ् पाइटा मरहाङ्न पाइमा लॆ।
उम्चङ् खानावाँ
7कॆ नाम्नाम् पिस्सिम्पा नुसाचि, कॆ आन्नामि लागि उम्चङ् खानावाँ हॆॽनॆ, टर आन्नॆ खेम्सिमिॽमिम्पा हाङ् याॽलऎ बाङ्न चुहा खानावाँ साप्मे पाइकानि। ग खानावाँ आन्नॆ खेम्सिडाम्नि। 8मरहाङ्स ग चाइ उम्चङ्ऎ खानावाँ रेम, येसु चाइ ग चाइबानऎ खानावाँबि हिङ्चाआ हाङ् आन्नास हिङ्चामे पाइकानि, मान्ठाभनॆ बाखाटेम्पिऎ माॽयाक्ट चाइ माखॆसॆ खॆडा हाङ् निवाँहाङ्मि ओप्लिङ् चाइ ह हासे खॆडा।
9हाङ् आसा चाइ “काङा ओप्लिङ्पि चुःॽङा” का, टर खोम् बुबुनानुसाचि काइसिकु हाङ्ग, खो हस सेन्टाराम्पाबिॽन लि। 10हाङ् आसॆ चाइ टाङ्पाम् नुसा नाम्नाम् पिस्सिकु, आक्क ओप्लिङ्पि लाम्ढुम् खोबि माङ्स हिङ्वा योम्पक् लिनि। 11टर आसॆ चाइ टाङ्पाम् नुसा काइसिकु, आक्क हस माॽयाक्टबिॽन लि हाङ् लाम्ढुम्। गरक्मा याॽमिऎ चाइ लाम्फु खाङ्टकुनि हाङ् हाम्पि खॆॽमॆ पाइङॆ लोमॆ खानावाँ लेसुनि, मान्ठाभनॆ खोम् मिक् माॽयाक्टऎ ढॆक्खॆॽमिम्पा लि।
12हाङ् चाचाचि, येसुमि निङ्मि कारान्ऎ
आम्नि हिङ्वा सःक्लिङ्खॆम्पासॆ कॆ आन्ना
ग खानावाँ साप्मे पाइकानि।
13निवाँयुङ्पि पुसिडानिहा याॽमिचि, आन्ना कॆग साब्कानि
मान्ठाभनॆ याॽलऎ बाङ्न चुऎ खिरिस्ट आन्नॆ लेकाम्नि।
हाङ् निवाँयुङ्पि पुमे पाइमिम्पा याॽमिचि कॆ आन्ना ग साब्कानि
मान्ठाभनॆ आन्नॆ साइटान हेचाइडाम्नि।
14निवाँयुङ्पि पुमे पाइमिम्पा आन्ना याॽमिचि कॆ आन्ना ग साप्कानि
मान्ठाभनॆ आन्नॆ निवाँहाङ् आपा लेडाम्नि।
निवाँयुङ्पि पुसिडानिहा याॽमिचि, आन्ना कॆग साप्कानि
मान्ठाभनॆ याॽलऎ बाङ्न चुऎ खिरिस्ट आन्नॆ लेःकाम्नि।
हाङ् निवाँयुङ्पि पुमॆ पाइकानिहा आन्ना याॽमिचि कॆग साब्कानि
मान्ठाभनॆ आन्ना निवाँयुङपि चॆकुवॆ लॆकानि हाङ् आन्ना हङ्सि निवाँहाङ्मि खानावाँ चु, हाङ् आन्नॆ साइटान हेचाइडाम्नि।
15बाखाटेम् हाङ् आक्कुबि चुहा माङ्स ठका आन्नॆ नाम्नाम् आपिसिटाम्नॆ। आसॆ चाइ बाखाटेम् नाम्नाम् पिसिकु, खोसॆ निवाँहाङ् आपा नाम्नाम् पिसिटुनि। 16मन्ठाभनॆ बाखाटेम्बिहा चोब्न खानावाँ, सालुङ्ऎ यकुवॆ काइसॆ खानावाँ, मिगॆ खाङ्मिम्पा काइसॆ खानावाँ टक्चामॆ निवाँ हाङ् हिङ्खामाबि काङानङाये मिम्मॆ खानावाँ निवाँहाङ् आपाबाङ् टामिम्पा हॆॽनॆ, टर बाखाटेम्बाङ् टामिम्पा खानावाँ रेम। 17हाङ् बाखाटेम् नुङ् आक्कमि हिङ्वा निवाँ लुक्खॆ, टर आसा चाइ निवाँहाङ्मि निवाँ रक्न पाइ, खो हानाम्स सिखॆॽनि।
खिरिस्ट सिच्चाखुबाचि
18कॆ नाम्नाम् पिसिम्पा नुसाचि, ग चाइ डॆङ्पिऎ डिना रेम। खिरिस्ट सिच्चोखुबा एक्क टामॆ पाइ कामानुङ् आन्नॆ खेम्डाम्निन। खिरिस्ट सिच्चोखुबाचि डिरिक् टाखॆडामि। गबाङ्न ग चाइ डॆङ्पिऎ डिना कामानुङ् वाबुक्। 19आक्खा याॽमिचि कानिम् याॽमि मालॆःॽमि मसॆ खोचिऎ कानि याइडाइ। खोचि कानिम् याॽमिचि लॆटामि ग कानिनुङ् पेन्खुबा लॆटामि, टर खोचि कानिबाङ् खाइटामि ग खानावाँऎन आक्खाचि कानिम् याॽमिचि हॆॽनॆ कामानुङ् खाङ्मुकु।
20टर आन्ना चाइ खिरिस्टऎ सॆङ्सॆङॆ लावा पिडानि हाङ् आन्ना चोप्पासॆ माङ् चाइ चाइबानऎ र कामानुङ् लेकाम्नि। 21हाङ् आन्नॆ चाइबानऎ खानावाँ मालेटिटाम्नि कामानुङ् काङॆ ग साब्मिम्पा हॆॽनॆ, टर आन्नॆ ग चाइबानऎ खानावाँबाङ् हुन्नऎ खानावाँ टानि कामानुङ् वाप्मिम्पासॆ कॆग साप्मिम्पा रेम।
22हाङ् हुन्नऎ याॽमि आसारटा? आसॆ येसु खिरिस्ट ह लोमॆ उम् निवाँयुङ् याइकु। हाङ् निवाँहाङ् आपा नुङ् पासा सिच्चोखुबा याॽमि खिरिस्ट सिच्चोखुबा यो। 23हाङ् आसॆ चाइ पासा सिच्चाकु आक्कनुङ् निवाँहाङ् आपा सङ्क लिनि, हाङ् आसॆ चाइ पासा निवाँयुङ् लॆकु, खोनुङ् आपा सङ्क लि।
24मसॆ आन्नॆ चाइ याॽलऎ बाङ्न माङ् खानावाँ खेम्डाम्नि, म खानावाँ आम्नि निवाँबि युङ्ढाङ्साम्नॆ। मरलॆटानि हाङ्ग आन्ना पासा नुङ् निवाँहाङ् आपानुङ् सोरि लिकानि। 25हाङ् खिरिस्टऎन कानिनुङ् हानाम्स सिखॆॽनॆ हिङ्खामामि बारेबि मुमिम्पा चुप्लाङ् गन। 26हाङ् आक्खा खानावाँ कॆ आन्ना फुःसिॽमा यक्खुबाचिम् बारेबि साप्मिम्पा यो। 27टर आन्नॆ चाइ सॆङ्सॆङॆ लावा टक्चाडाम्नि हाङ् खो आना हङ्सिॽयु पेनुक्, मसॆ माङ् चाइ चाइबानऎ कामानुङ् आसॆस आन्ना चिन्मा पाब्नि। मान्ठाभनॆ आक्क सॆङ्सॆङॆ लावाऎ आन्ना चोब्न खानावाँ चिनुकानि। सॆङ्सॆङॆ लावाऎ चिन्मिम्पा चाइबानऎ, आक्क हुन्नऎ हॆॽनि। मसॆ खोसॆ लोमिम्पा रक्न खिरिस्ट नुङ्न आन्ना सोरि लिढाङ्सानॆ।
28हाङ् कॆ नाम्नाम् पिसिम्पा पिसाचि, आन्ना खिरिस्ट नुङ्न लिढाङ्सानॆ मसॆ खो फेरि ऎन्टामार कानिऎ निवाँबि चॆक्मावा टक्चाइर हाङ् खोम् ङारिङ्पि ङेसिखॆॽमा आसिॽल। 29कानिऎ खो चाइ निवाँनेन् लॆ कामानुङ् ले। हाङ् माङ् काम्नुऎ योम्पक् लॆ, म योम्पक् टे यिक्खुबा चाइ निवाँहाङ्बाङ् जान्म लिमिम्पा लि लोमॆ खानावाँ सङ्क ले।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society