१ युहान्ना 4
4
चाइबानऎ हाङ् हुन्नऎ लावा
1कॆ नाम्नाम् पिसिम्पा लाङ्काम्चि, सॆङ्सॆङॆ लावाबाङ् यामुॽङा काटिखुबा चोब्न याॽमिचि आन्नॆ निवाँयुङ् आलॆटाम्नॆ, टर खोचि निवाँहाङ्बाङ् टामिम्पा रु हॆॽनॆ कामानुङ् नुःर खाङाम्चिनॆ। मान्ठाभनॆ बाखाटेम्पि निवाँहाङ्मि हुन्नहा खानावाँ लोखुबाचि डिरिक् अम्पक्डामि। 2हाङ् हाम्पॆ लावाऎ चाइ येसु खिरिस्ट सालुङ्बि टाआ कामानुङ् लोकु, आक्क लावा निवाँहाङ्बाङ् टाडॆ कामानुङ् आन्नॆ वाप्हिकाम्नि। 3टर हाम्पॆ याॽमिमि लावाऎ चाइ येसु याॽमि लिटाआ लोमॆ खानावाँबि निवाँयुङ् लॆटुनि, आक्क लावा चाइ निवाँहाङ्बाङ्ऎ हॆॽनॆ। टर आक्रक्मा लावा चाइ खिरिस्ट सिच्चोखुबाङ् टाडॆ रेम। टर आक्क टा कामानुङ् आन्नॆ खेम्डाम्निन, म ग बाखाटेम्पि टाखॆडा।#४:३ ग साब्चिरा साब्मिम्पा लःबि ऎॽवा याॽमिचिऎ चाइ येसु ग बाखाटेम्पि टाआ टर कानि याॽमिचिर सालुङ् पिॽनॽग हॆॽनॆ टर लावाबि टेः टाआ मिन्युक्सामि। मान्ठाभनॆ खोचि गर कायुक्सुमि कानिऎ चाइ हिङ्वा योम्पक् यिगुकि टर खोसॆ चाइ आक्रक्मा योम्पक् यिगुनि। मसॆ युहान्नाऎ आक्रहा खानावाँ चिन्खुबा याॽमिचि सिच्चामानुङ् ग साब्चिरा साप्मिम्पा रेम।
4कॆ नाम्नाम् पिसिम्पा आन्ना निवाँहाङ्मि पासाचि, आन्नॆ आक्खा निवाँहाङ्मि हुन्नहा खानावाँ लोखुबाचि हेचाइडाम्नि, मान्ठाभनॆ आन्ना हङ्सि चुऎ सॆङ्सॆङॆ लावा चाइ ग बाखाटेम्पिहा याॽमिचि हङ्सि चुऎ लावाबाङ् चॆकुवॆ लॆ। 5हाङ् खोचि बाखाटेमपिहा याॽमिचि रेम हाङ् बाखाटेम्पिऎन खानावाँ इक्मि हाङ् बाखाटेम्पिहा याॽमिचिऎ उम्चि खानावाँ खेमुकुचि। 6टर कानि चाइ निवाँहाङ्मि याॽमिचि यो, हाङ् आसॆ निवाँहाङ् लेकु, खोसॆ कानिम् खानावाँ खेमुकु। हाङ् आसा चाइ निवाँहाङ्मि याॽमि हॆॽनॆ, खोसॆ कानिम् खानावाँ खेमुनि। मरहाङ् कानिऎ चाइबानऎ लावा हाङ् हुन्नऎ लावा हाबिऎ कामानुङ् लेटक्।
नाम्नाम् पिसिखुबा निवाँहाङ्
7लाङ्काम्चो, कानिऎ एक्कसॆ होइक नाम्नाम् पिस्सिपे चुइऎ, मान्ठाभनॆ नाम्नाम् पस्सिमॆ लोमॆ खानावाँ निवाँहाङ्बाङ् टा। हाङ् नाम्नाम् पिस्सिखुबा याॽमि चाइ निवाँहाङ्बाङ् जान्म लिमिम्पा लि हाङ् खोसॆ निवाँहाङ् लेकु। 8टर नाम्नाम् आपिस्सिखुबा याॽमिऎ चाइ निवाँहाङ् लेसुनि, मान्ठाभनॆ निवाँहाङ्न नाम्नाम् पिसिखुबा यो। 9हाङ् निवाँहाङ्ऎ कानि सक्पि खोम् नाम्नावाँ गरहाङ् खाङ्मिटि, कानि खोबाङ् हिङ्पक्मिर कामानुङ् खोसॆ खोम् एक्क टेःॽन पासा बाखाटेम्पि पाङ्हाङ्सु। 10हाङ् चाइबानऎ नाम्नाम् पिसिॽमॆ लोमॆ खानावाँ गन यो। कानिऎ निवाँहाङ् नाम्नाम् पिसिॽमिम्पा चाइबानऎ हॆॽनॆ टर निवाँहाङ्ऎ कानि नाम्नाम् पिसिटि हाङ् कानिम् हिङ्वा सःग्माम् लागि खोसॆ खोम् पासा सङ्टिॽमाम् लागि बाखाटेम्पि पाङ्हाङ्सु। 11हाङ् लाङ्काम्चो, निवाँहाङ्ऎ कानि आक्रहाङ् नाम्नाम् पिस्सिडि हाङ्ग कानिम् लुम्पि सङ्क एक्कसॆ होइक नाम्नाम् पिसिपे चुमा लॆ। 12हाङ् निवाँहाङ् आसॆस हानाम्स माखाङ्टिटुचि, टर कानिऎ एक्कसॆ होइक नाम्नाम् पिसिटा हाङ्ग निवाँहाङ् कानिनुङ् लि, हाङ् खोम् नाम्नाम् पिसिॽमॆ खानावाँऎ कानि चेप्खॆकि। 13हाङ् कानि निवाँहाङ्बि चुकि हाङ् निवाँहाङ् कानिनुङ् चु लोमॆ खानावाँ वाबुक् मान्ठाभनॆ खोसॆ कानि खोम् सॆङ्सॆङॆ लावा पिडि। 14हाङ् आपॆ खोम् पासा ग बाखाटेम्पिहा याॽमिचि फाक्बक्सि पाङ्हाङ्पा खाङुङ्का हाङ् आक्क खानावाँमिन काङ्कॆ चुमॆक्सङ् पिकुङ्का। 15हाङ् आसॆ येसुन निवाँहाङ्मि पासा कामानुङ् लोकु, आक्क याॽमिबि निवाँहाङ् लि हाङ् आक्क याॽमि निवाँहाङ्बि लि। 16गरहाङ् कानिऎ निवाँहाङ्ऎ कानि नाम्नाम् पिसिम्पा खानावाँ वाबुक् हाङ् निवाँयुङ् लॆ।
निवाँहाङ् चाइ नाम्नाम् पिसिॽमॆ खानावाँ रेम। हाङ् आसानुङ् चाइ नाम्नाम् पिसिॽमॆ खानावाँ लि, आक्क याॽमि निवाँहाङ् नुङ् लि, हाङ् निवाँहाङ् आक्क याॽमि नुङ् लि। 17कानि निवाँहाङ्मि नाम्नाम् पिसिॽमॆ खानावाँऎ चॆप्खॆकि हाङ् न्यायॆमि डिनामि लागि कानि किसिमा पाप्पिनि मान्ठाभनॆ खिरिस्ट मान्टक्मा लॆटा कानि स बाखाटेम्पि आक्रक्मान लॆकि। 18गरक्मा नाम्नाम् पिसिॽमॆ खानावाँबि किसिमा लोमॆ खानावाँ लिनि मान्ठाभनॆ नाम्नाम् पिसिॽमॆ खानावाँऎ चॆप्खॆॽमिम्पा याॽमिबि किसिमा लोमॆ खानावाँ मरक्न माखॆ। हाङ् किसिमा लोमॆ खानावाँ डान्डाबाङ् टा। हाङ् किसिखुबा याॽमि निवाँहाङ्मि नाम्नाम् पिसिॽमॆ खानावाँऎ चॆप्खॆम्पा लिनि।
19हाङ् काङ्कॆ नाम्नाम् पिसिकुङ्का मान्ठाभनॆ निवाँहाङ्ऎ काङ्का याॽलि नाम्नाम् पिसिटिङ्का। 20हाङ् आसॆ चाइ “कॆ निवाँहाङ् नाम्नाम् पिस्सिडुङ्” ग का, टर निवाँयुङ् लॆखुबा होइढा याॽमिचि सिच्चाकुचि हाङ्ग खो बङ्सिखुबा याॽमि यो। मान्ठाभनॆ खोम् मिगॆ खाङ्मिम्पा टाङ्पाम् बुनुसा नाम्नाम् आपिसिखुबॆ खोसॆ माखाङ्पा निवाँहाङ् नाम्नाम् पिसिहिसुनि। 21हाङ् निवाँहाङ्ऎ कानि पिॽमिम्पा खानावाँ गन, आसॆ चाइ निवाँहाङ् नाम्नाम पिस्सिकुर, खोसॆ टाङ्पामि बुबुनानुसाचि सङ्क नाम्नाम् पिस्सिमा लॆ।
Currently Selected:
१ युहान्ना 4: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
१ युहान्ना 4
4
चाइबानऎ हाङ् हुन्नऎ लावा
1कॆ नाम्नाम् पिसिम्पा लाङ्काम्चि, सॆङ्सॆङॆ लावाबाङ् यामुॽङा काटिखुबा चोब्न याॽमिचि आन्नॆ निवाँयुङ् आलॆटाम्नॆ, टर खोचि निवाँहाङ्बाङ् टामिम्पा रु हॆॽनॆ कामानुङ् नुःर खाङाम्चिनॆ। मान्ठाभनॆ बाखाटेम्पि निवाँहाङ्मि हुन्नहा खानावाँ लोखुबाचि डिरिक् अम्पक्डामि। 2हाङ् हाम्पॆ लावाऎ चाइ येसु खिरिस्ट सालुङ्बि टाआ कामानुङ् लोकु, आक्क लावा निवाँहाङ्बाङ् टाडॆ कामानुङ् आन्नॆ वाप्हिकाम्नि। 3टर हाम्पॆ याॽमिमि लावाऎ चाइ येसु याॽमि लिटाआ लोमॆ खानावाँबि निवाँयुङ् लॆटुनि, आक्क लावा चाइ निवाँहाङ्बाङ्ऎ हॆॽनॆ। टर आक्रक्मा लावा चाइ खिरिस्ट सिच्चोखुबाङ् टाडॆ रेम। टर आक्क टा कामानुङ् आन्नॆ खेम्डाम्निन, म ग बाखाटेम्पि टाखॆडा।#४:३ ग साब्चिरा साब्मिम्पा लःबि ऎॽवा याॽमिचिऎ चाइ येसु ग बाखाटेम्पि टाआ टर कानि याॽमिचिर सालुङ् पिॽनॽग हॆॽनॆ टर लावाबि टेः टाआ मिन्युक्सामि। मान्ठाभनॆ खोचि गर कायुक्सुमि कानिऎ चाइ हिङ्वा योम्पक् यिगुकि टर खोसॆ चाइ आक्रक्मा योम्पक् यिगुनि। मसॆ युहान्नाऎ आक्रहा खानावाँ चिन्खुबा याॽमिचि सिच्चामानुङ् ग साब्चिरा साप्मिम्पा रेम।
4कॆ नाम्नाम् पिसिम्पा आन्ना निवाँहाङ्मि पासाचि, आन्नॆ आक्खा निवाँहाङ्मि हुन्नहा खानावाँ लोखुबाचि हेचाइडाम्नि, मान्ठाभनॆ आन्ना हङ्सि चुऎ सॆङ्सॆङॆ लावा चाइ ग बाखाटेम्पिहा याॽमिचि हङ्सि चुऎ लावाबाङ् चॆकुवॆ लॆ। 5हाङ् खोचि बाखाटेमपिहा याॽमिचि रेम हाङ् बाखाटेम्पिऎन खानावाँ इक्मि हाङ् बाखाटेम्पिहा याॽमिचिऎ उम्चि खानावाँ खेमुकुचि। 6टर कानि चाइ निवाँहाङ्मि याॽमिचि यो, हाङ् आसॆ निवाँहाङ् लेकु, खोसॆ कानिम् खानावाँ खेमुकु। हाङ् आसा चाइ निवाँहाङ्मि याॽमि हॆॽनॆ, खोसॆ कानिम् खानावाँ खेमुनि। मरहाङ् कानिऎ चाइबानऎ लावा हाङ् हुन्नऎ लावा हाबिऎ कामानुङ् लेटक्।
नाम्नाम् पिसिखुबा निवाँहाङ्
7लाङ्काम्चो, कानिऎ एक्कसॆ होइक नाम्नाम् पिस्सिपे चुइऎ, मान्ठाभनॆ नाम्नाम् पस्सिमॆ लोमॆ खानावाँ निवाँहाङ्बाङ् टा। हाङ् नाम्नाम् पिस्सिखुबा याॽमि चाइ निवाँहाङ्बाङ् जान्म लिमिम्पा लि हाङ् खोसॆ निवाँहाङ् लेकु। 8टर नाम्नाम् आपिस्सिखुबा याॽमिऎ चाइ निवाँहाङ् लेसुनि, मान्ठाभनॆ निवाँहाङ्न नाम्नाम् पिसिखुबा यो। 9हाङ् निवाँहाङ्ऎ कानि सक्पि खोम् नाम्नावाँ गरहाङ् खाङ्मिटि, कानि खोबाङ् हिङ्पक्मिर कामानुङ् खोसॆ खोम् एक्क टेःॽन पासा बाखाटेम्पि पाङ्हाङ्सु। 10हाङ् चाइबानऎ नाम्नाम् पिसिॽमॆ लोमॆ खानावाँ गन यो। कानिऎ निवाँहाङ् नाम्नाम् पिसिॽमिम्पा चाइबानऎ हॆॽनॆ टर निवाँहाङ्ऎ कानि नाम्नाम् पिसिटि हाङ् कानिम् हिङ्वा सःग्माम् लागि खोसॆ खोम् पासा सङ्टिॽमाम् लागि बाखाटेम्पि पाङ्हाङ्सु। 11हाङ् लाङ्काम्चो, निवाँहाङ्ऎ कानि आक्रहाङ् नाम्नाम् पिस्सिडि हाङ्ग कानिम् लुम्पि सङ्क एक्कसॆ होइक नाम्नाम् पिसिपे चुमा लॆ। 12हाङ् निवाँहाङ् आसॆस हानाम्स माखाङ्टिटुचि, टर कानिऎ एक्कसॆ होइक नाम्नाम् पिसिटा हाङ्ग निवाँहाङ् कानिनुङ् लि, हाङ् खोम् नाम्नाम् पिसिॽमॆ खानावाँऎ कानि चेप्खॆकि। 13हाङ् कानि निवाँहाङ्बि चुकि हाङ् निवाँहाङ् कानिनुङ् चु लोमॆ खानावाँ वाबुक् मान्ठाभनॆ खोसॆ कानि खोम् सॆङ्सॆङॆ लावा पिडि। 14हाङ् आपॆ खोम् पासा ग बाखाटेम्पिहा याॽमिचि फाक्बक्सि पाङ्हाङ्पा खाङुङ्का हाङ् आक्क खानावाँमिन काङ्कॆ चुमॆक्सङ् पिकुङ्का। 15हाङ् आसॆ येसुन निवाँहाङ्मि पासा कामानुङ् लोकु, आक्क याॽमिबि निवाँहाङ् लि हाङ् आक्क याॽमि निवाँहाङ्बि लि। 16गरहाङ् कानिऎ निवाँहाङ्ऎ कानि नाम्नाम् पिसिम्पा खानावाँ वाबुक् हाङ् निवाँयुङ् लॆ।
निवाँहाङ् चाइ नाम्नाम् पिसिॽमॆ खानावाँ रेम। हाङ् आसानुङ् चाइ नाम्नाम् पिसिॽमॆ खानावाँ लि, आक्क याॽमि निवाँहाङ् नुङ् लि, हाङ् निवाँहाङ् आक्क याॽमि नुङ् लि। 17कानि निवाँहाङ्मि नाम्नाम् पिसिॽमॆ खानावाँऎ चॆप्खॆकि हाङ् न्यायॆमि डिनामि लागि कानि किसिमा पाप्पिनि मान्ठाभनॆ खिरिस्ट मान्टक्मा लॆटा कानि स बाखाटेम्पि आक्रक्मान लॆकि। 18गरक्मा नाम्नाम् पिसिॽमॆ खानावाँबि किसिमा लोमॆ खानावाँ लिनि मान्ठाभनॆ नाम्नाम् पिसिॽमॆ खानावाँऎ चॆप्खॆॽमिम्पा याॽमिबि किसिमा लोमॆ खानावाँ मरक्न माखॆ। हाङ् किसिमा लोमॆ खानावाँ डान्डाबाङ् टा। हाङ् किसिखुबा याॽमि निवाँहाङ्मि नाम्नाम् पिसिॽमॆ खानावाँऎ चॆप्खॆम्पा लिनि।
19हाङ् काङ्कॆ नाम्नाम् पिसिकुङ्का मान्ठाभनॆ निवाँहाङ्ऎ काङ्का याॽलि नाम्नाम् पिसिटिङ्का। 20हाङ् आसॆ चाइ “कॆ निवाँहाङ् नाम्नाम् पिस्सिडुङ्” ग का, टर निवाँयुङ् लॆखुबा होइढा याॽमिचि सिच्चाकुचि हाङ्ग खो बङ्सिखुबा याॽमि यो। मान्ठाभनॆ खोम् मिगॆ खाङ्मिम्पा टाङ्पाम् बुनुसा नाम्नाम् आपिसिखुबॆ खोसॆ माखाङ्पा निवाँहाङ् नाम्नाम् पिसिहिसुनि। 21हाङ् निवाँहाङ्ऎ कानि पिॽमिम्पा खानावाँ गन, आसॆ चाइ निवाँहाङ् नाम्नाम पिस्सिकुर, खोसॆ टाङ्पामि बुबुनानुसाचि सङ्क नाम्नाम् पिस्सिमा लॆ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society