१ युहान्ना 1
1
हिङ्खामामि खानावाँ
1काङ्कॆ आन्ना लोक्चिम्, खो बाखाटेम् लिमाबाङ् याॽलन चुआ। हाङ् काङ्कॆ खोम् खानावाँ खेमुङ्का हाङ् काङ्काम् मिगॆॽन खाङुङ्का हाङ् नुःर खाङुङ्का हाङ् काङ्काम् हुगॆॽन डिन्चोउङ्का। खो चाइ हिङ्खामामि खानावाँ यो। 2हाङ् आक्क हिङ्खामा कानिबि खाङ्मुसा हाङ् काङ्कॆ खो खाङ्टकुङ्का। हाङ् काङ्कॆ खोम् चुमॆक्सङ् पिकुङ्का हाङ् खोन हानाम्स आसिखॆखुबा हिङ्खामा कामानुङ् इक्चिम्। खो निवाँहाङ् आपानुङ् चुआ हाङ् कानिम् लुम्पि खाङ्ङुम्पा लॆटा। 3हाङ् काङ्कामि साङ्गाठि चाइ निवाँहाङ् आपा नुङ् खोम् पासा येसु खिरिस्ट नुङ् लि, मसॆ आम्नि साङ्गाटि चाइ काङ्कानुङ् लिर कामानुङ् काङ्कॆ माङ् खाङुङ्का हाङ् खेमुङ्का, म खानावाँ आन्ना इखाचिम। 4हाङ् कानि एट्टान चेन्चाइर कामानुङ् काङ्कॆ ग साब्चिरा साब्मॆ पाइकुङ्का।
ओप्लिङ्बि लाम्ढुमॆ
5हाङ् काङकॆ येसुबाङ् निवाँहाङ्न ओप्लिङ् हाङ् खोबि ऎॽवा सङ्क माॽयाक्टऎ माआ कामानुङ् खेम्मिम्पा खानावाँन आन्ना खेम्मिक्चिम्। 6हाङ् काङ्कॆ कानि खोम् साङ्गाटिबि चुकि कामानुङ् काकि, टर माॽयाक्टबिन लाम्ढुकि हाङ्ग, कानिऎ बङ्चाकि हाङ् चाइबानऎ खानावाँबि लाम्डुसिनि। 7टर खो ओप्लिङ्पि चुइन्टन कानि सङ्क ओप्लिङ्पि लाम्ढुकि हाङ्ग, कानिम् लाङ्काम्चिम् लुम्पि चुऎ साङ्गाटिबि पेनुकि। हाङ् निवाँहाङ् आपामि पासा येसुमि हारिऎ कानिम् चोब्न हिङ्वा सःग्पिकि।
8हाङ् कानिऎ काङ्काबि माङ्स हिङ्वा माआ काकि हाङ्ग, कानि टाङ्पॆ टाङ्पान बङ्सिकि हाङ् कानिबि चाइबानऎ खानावाँ लिनि। 9टर कानिऎ निवाँहाङ्मि ङारिङ्पि काङा हिङ्वानुङ्माङा कामानुङ् कासि हाङ्ग, खोसॆ सॆङ्सॆङॆ मुकि हाङ् कानिम् चोब्न हिङ्वा सःग्पिकि मान्ठाभनॆ खो निवाँयुङ्मा नुङ् निवाँनेन् लॆ। 10हाङ् कानिऎ काङ्कॆ हिङ्वा योम्पक् मायिक्टिटिङ्का कामानुङ् काकि हाङ्ग, कानिऎ निवाँहाङ् हुन्नऎ लोक् हाङ् खोम् खानावाँ कानिबि लिनि।
Currently Selected:
१ युहान्ना 1: LBR
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society
१ युहान्ना 1
1
हिङ्खामामि खानावाँ
1काङ्कॆ आन्ना लोक्चिम्, खो बाखाटेम् लिमाबाङ् याॽलन चुआ। हाङ् काङ्कॆ खोम् खानावाँ खेमुङ्का हाङ् काङ्काम् मिगॆॽन खाङुङ्का हाङ् नुःर खाङुङ्का हाङ् काङ्काम् हुगॆॽन डिन्चोउङ्का। खो चाइ हिङ्खामामि खानावाँ यो। 2हाङ् आक्क हिङ्खामा कानिबि खाङ्मुसा हाङ् काङ्कॆ खो खाङ्टकुङ्का। हाङ् काङ्कॆ खोम् चुमॆक्सङ् पिकुङ्का हाङ् खोन हानाम्स आसिखॆखुबा हिङ्खामा कामानुङ् इक्चिम्। खो निवाँहाङ् आपानुङ् चुआ हाङ् कानिम् लुम्पि खाङ्ङुम्पा लॆटा। 3हाङ् काङ्कामि साङ्गाठि चाइ निवाँहाङ् आपा नुङ् खोम् पासा येसु खिरिस्ट नुङ् लि, मसॆ आम्नि साङ्गाटि चाइ काङ्कानुङ् लिर कामानुङ् काङ्कॆ माङ् खाङुङ्का हाङ् खेमुङ्का, म खानावाँ आन्ना इखाचिम। 4हाङ् कानि एट्टान चेन्चाइर कामानुङ् काङ्कॆ ग साब्चिरा साब्मॆ पाइकुङ्का।
ओप्लिङ्बि लाम्ढुमॆ
5हाङ् काङकॆ येसुबाङ् निवाँहाङ्न ओप्लिङ् हाङ् खोबि ऎॽवा सङ्क माॽयाक्टऎ माआ कामानुङ् खेम्मिम्पा खानावाँन आन्ना खेम्मिक्चिम्। 6हाङ् काङ्कॆ कानि खोम् साङ्गाटिबि चुकि कामानुङ् काकि, टर माॽयाक्टबिन लाम्ढुकि हाङ्ग, कानिऎ बङ्चाकि हाङ् चाइबानऎ खानावाँबि लाम्डुसिनि। 7टर खो ओप्लिङ्पि चुइन्टन कानि सङ्क ओप्लिङ्पि लाम्ढुकि हाङ्ग, कानिम् लाङ्काम्चिम् लुम्पि चुऎ साङ्गाटिबि पेनुकि। हाङ् निवाँहाङ् आपामि पासा येसुमि हारिऎ कानिम् चोब्न हिङ्वा सःग्पिकि।
8हाङ् कानिऎ काङ्काबि माङ्स हिङ्वा माआ काकि हाङ्ग, कानि टाङ्पॆ टाङ्पान बङ्सिकि हाङ् कानिबि चाइबानऎ खानावाँ लिनि। 9टर कानिऎ निवाँहाङ्मि ङारिङ्पि काङा हिङ्वानुङ्माङा कामानुङ् कासि हाङ्ग, खोसॆ सॆङ्सॆङॆ मुकि हाङ् कानिम् चोब्न हिङ्वा सःग्पिकि मान्ठाभनॆ खो निवाँयुङ्मा नुङ् निवाँनेन् लॆ। 10हाङ् कानिऎ काङ्कॆ हिङ्वा योम्पक् मायिक्टिटिङ्का कामानुङ् काकि हाङ्ग, कानिऎ निवाँहाङ् हुन्नऎ लोक् हाङ् खोम् खानावाँ कानिबि लिनि।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. and Nepal Bible Society