रोमि 8

पवित्र आत्माआ द्वारा जीवन

1ओमे जाहा जो मसीह येशुमेहे होय तियाआ पोओ दंडो आज्ञा नाहा काहाकी ते शरिराआ अनुसार नि सालत्ले पोन आत्मा अनुसार सालत्ले. 2काहाके जीवोन आत्माआ नियमापो मुक्त कोल्यु मसीह येशु मे माहु पाप अने मृत्यु व्यवस्था सी स्वतंत्र कोई देदु. 3काहाके जे काम नियमशास्त्र डीलो स्वभावा मुळे दुर्बल ओत न कोल्यु गेत्लो देवूही कोल्यु अर्थात स्वतःआ पोऱ्याहा पापी डीलोहोसे देहाने अने आबा हक अते मोक्ल्यीत देहामेहे दंडाज्ञा कोअयी. 4याकोता का व्यवस्था रिती आमापो डीलो सारखे नाहा ताहा आत्माआ नुसार सालतेहे पुरो कोल्यु जालो. 5काहाके डीलो स्वभावाचा माहहू जल्मामेहे आवली गोठीरी मन लागाडीलो लागाडीत आध्यात्मिक आत्मिक गोठीरी मन लागाडीलो लागाडीत. 6डीलो मन लागाडीलो लागडनारो ताहा मरण होय, परंतु आत्मा पोओ मन लागाडीलो लागडनारो ताहा जीव अने शांती टिक कोइलो होय, 7काहाके डीलोपो मन लागाडीलो लागडनारो ताहा देवोरी वैर होय काहाके नाहा ताहा देवाच्या नियमशास्त्राआ आधीन होय अने नाहा ओवुहू शकत, 8अने जो डीलो दशा मेहे होय ते देवोहो संतुष्ट कोईत नाहा. 9पोन ओमे देवाआ आत्माआ तुमामे वास कोअत्लू ताहा तुमु आगीम आधीन नाहा पोन आत्माआ डीलो होय जर कोडाही ख्रिस्ताआ आत्माआ नाहा ताहा तो तिया नाहा. 10जर ख्रिस्त तुमामे होय ताहा देह पाप पनकाहा मोइली होय परंतु आत्माआ धर्माच्या कारनोवाही जिवंत होय. 11जर तियाच आत्माआ जिये येशु ख्रिस्त मोल्यामरोत जिवंत कोल्यु तो तुमाआ डीलोहो पण आपाआ आत्माआ त्यापोरत जो तुमामे वास कोअत्लू जिवंत कोअही.

आत्मा द्वारा मसीहाआ वारिस

12याकोअता ऐ पाहीही, आमू डीलोओ कर्जदार नाहा का डीलोओ अनुसार दीही गोये, 13काहाके जर आमाहा डीलोओ अनुसार जोगे ताहा मोअनारू जर आत्माआ अनुसार जोगे ताहा जीवोन रोहू. 14याकोअता का जेवडे मांहे देवाच्या आत्मावांहि चालते होय तोज देवोओ पुत्र होय. 15काहाके तुमामे दासत्व पणाच्या आत्माआ नाहा मिल्यू का फासी बीइलो बाळगावी, पोन दत्तक पणाचा आत्माआ मिल्यू होय ज्याआपोरोत आमाहा ओबा, बाह्हू कोईत आवाज देत्लू. 16आत्माआ स्वतः आपाआ आत्माआ आरी साक्ष आपोहो का आमाहा देवाची पोऱ्ये होये, 17अने जर पोऱ्ये होये ताहा वारीस पण होये परंतु देवोओ वारीस अने ख्रिस्ता आरी वारीस होय का ओमे आमाहा तियाआ आरी दुख पालोह, ताहा तियाआ आरी गौरव भी जोड़े.

कष्ट सी महिमा जाआ

18काहाके के आय होमजीत्लू का आव वेलाआ दुख अने त्रस तियाअ वैभवाच्या आगाडी जे आमापो प्रगट उवे होयकी नाहा होय. 19काहाके जग अत्यंत उत्कंठेने नजरेने देवाच्या पुत्राच्या आविलाआ वात पालीलो होय. 20काहाके जग आपाआ इच्छावाहि नाहा ताहा आधीन कोअनारा वोलरोत व्यर्थतेच्या होपित आशा कोअयी गोयी 21काहाके जग पण नश्वरतेच्या दासत्व मह रोत मुक्त ओतगोयु देवाच्या पोऱ्या गौरव युक्त मुक्तता जोडीत. 22काहाके आमाहा मालुम होय का आखे जग ओमेजा मिलून कण्हत अने तारास भोगीत होय. 23अने फक्त तोज नाहा ताहा आमाहा पण ज्याआ जागे आत्माआ पहीले फोल होय अने खुद स्वतः पालीत ओतलू आपाआ डीलो छुटकारा वाट जुवत्ला. 24आव आशेच्या त्यापोरत आपाआ तारण उवे होय परंतु ज्या वस्तूअ आशा कोअयी जाहो ओमे ती जर देखाओल्यी ओते ताहा फासी आशा का रोली ओते? काहाके ज्या वस्तूउ कोडु पालीत होय तियाआ आशा कि कोअनारू? 25पोन आ वस्तूउ आमाहा नाहा पालीत ताहा तियाआ आशा मेकोहो धीरज सी तियाआ वात पालीत पण होय. 26आव रीतीवाही आत्माआ पण आमा दुर्बळते मुळे मदत कोअते काहाके नाहा आमाहा मालुम का प्रार्थना कोडला रीतीवाही कोअयी जोवे, परंतु आत्माआ स्वतः आपाहा विनंती कोअत्लू, 27अने अंतर्यामी पार्खिलो ला मालुम होय का आत्माआ मनोभाव कि होय काहाके ते पवित्र मांहो कोअता देवाच्या इच्छावाहि विनंती कोअत्लू. 28आमाहा मालुम होय काजे मांहे देवापो प्रेम कोअता त्यांकोअता आखे गोठी मिलून हाजा उत्पन्न कोअता अर्थात याकोअता जे तीयावाही हादिलो होय. 29काहाके जिये तियाहा पहीले होमजीत लेधलो होय तियाहा पहिलुच ठेरवीत लेधलो होय का तियाआ पुत्राच्या प्रति प्रमाणे बोनाळीलो म्हणजे तो जास्तीज पायहोम तिये जेष्ठ एहलो उवे. 30इहिजा ज्याहा पहिलुच नेमित आप्लु तियाहा हादिलो पण, अने ज्याहा धर्मी ठेरव्यो तियाहा गौरव पण कोल्यु.

परमेश्वरोओ अनंत प्रेम

31सासोल्यू आमाहा आव गोठीइ विषयाम नाहाकोत कोहू? जर देव आमा आरी होय ताहा आमाआ विरोध कोनारो कोडू ओवुहू शकतो? 32जीयाई आपाआ पोऱ्याहा राखीत न मेक्ल्ये तो आमाहा आखे किबी काहा नाहा आपी? 33देवाआ निवडिले ताहा दोष कोडू लागाडनारू? देवोओ होय जो तियाहा धर्मी ठेरविनारू होय. 34फासाडी कोडू होय जे दंडाज्ञा आपी? ख्रिस्ताच होय जो मरण पाव्यू परंतु मोल्यामरोत जिवंत पण उठ्यू अने देवाच्या हाजावोगे होय अने आमा कोअता विनंती पण कोअत्लू. 35ताहा कोडो आमाहा ख्रिस्ताच्या प्रेमा पासून अलग कोअनारू? नाहाकोत त्रास किंवा संकट का आप्पती का तरास का यातना का उपास जोखिम, का तलवार? 36असे लेखिलो होय, ता कोअता आमाहा दीही न दीही वध उवनारा होय आमाहा वध कोअनाऱ्या मेंढाहोस गणतलू गोये होय. 37पोन आव आखे गोठीमेहे आमाहा तियाआ त्यापोरत जिये आमापो प्रेम कोल्यु ते जयवन्त पोओ रोत वोडो होय. 38काहाके माहु खात्री होय का मरण, जीवोन, न स्वर्गदूत, न अधिपती, न वर्तमान, न भविष्य, न सामर्थ्य, न उचु, 39न पाताल अने न कोडली एहली सृष्टी आमाहा देवाच्या प्रेमोवाही जो आमाआ प्रभू येशु ख्रिस्तामध्ये होय, अलग कोहू सेकेहे.

Currently Selected:

रोमि 8: NOINT

Highlight

Copy