रोमि 16

बअह्ही फिबाहा अभिवादन

1आय तुमाहा फीबे ऐ कोअता जी आमाआ बोईहही अने किंख्रिया आ मंडलीई सेविका होय, विनती कोओहो का 2का तुमु जेहलो का पवित्र माहुंहु जोवे तियाहा प्रभूमे ग्रहण को अने ज्याहा कोडला गोठीमेहे तियाहा तुमाआ गोरोज होय तियाआ मदत करा कारण ते पण जाअखो माहुंहु अने माहु पण उपकाराआ कोनारी रोली.

रोमोओ संतोहो अभिवादन

3प्रिस्का अने अक्वीला यास ख्रिस्त येशुमेहे माआ मोदत कोयु होय सलाम कोआ. 4तिये माआ जीवाकोता आपाआ जीव धोक्यात टाक्यू ओतु, अने फक्त आयुज नाहा ताहा अन्य जाती मंडळ्या तीयाहाभी तियाआ धन्यवाद कोअता. 5तिया मंडली पोन सलाम जे तियाआ कोआत होय माआ प्रिय इपैनितुस जो ख्रिस्तासाठी आशियातील पेल्लु फोल होय सलाम. 6मरियम ला जीयी तुमा कोअता जास्तीज श्रम लेधलो सलाम. 7अन्द्रोनिक अने युनियातील जे माआ कोऱ्या मेहे होय अने माआआरी कैद उवे ओते अने प्रेषितामेहे नामांकित होय अने माआ पहीले ख्रिस्तामध्ये ओते सलाम. 8अम्पलियातुस जो ख्रिस्तामध्ये माआ प्रिय होय सलाम 9उरबानुस जो ख्रिस्तामध्ये आमाआ मोदत कोल्यो होय अने माआ प्रिय इस्तखुसोहों सलाम. 10अप्पिलोसोहो जो ख्रिस्तामध्ये खोरो निघाल्यू सलाम अरिस्त बुलच्या कोमेऱ्या सलाम. 11माआ कुटुंब हेरोदियान याहा सलाम नरकिस्सुसच्या कोमेऱ्या जे प्रभूमे होय तियाहा सलाम 12तृफेना अने तृफोसा याहा जे प्रभूमे श्रम कोअता सलाम प्रिय पिरसिस हिला जीयी प्रभूमे जास्तीज श्रम कोल्यु सलाम. 13रूफुस याहा जो प्रभूमे निवडावेह होय अने तियाआ याह्हीही जी माआ याह्ही होय बेनुहू सलाम. 14असुक्रीत अने फ्लागोन, हर्मेस, पत्रबास, हर्मास यांहा अने तियाआ आरी जे पाही होय तियाहा सलाम. 15फिलगन अने यूलिया अने निरीय अने तियाआ बोईही अने ओलुपास अने तियाआ हेगांति आखे पवित्र माहुंहु सलाम. 16एकमेकाआ पवित्र चुंबनाने सलाम कोआ तुमा ख्रिस्ताच्या आखे मंडली बहिदेखून सलाम.

विभाजनकारी मांहोओ त्याग

17ओमे ओ पाही, आय तुमामे विनंती कोअत्लू काजे मांहे आव चूडीविलो विरूध जी तुम्हू लेदि होय फुटी अने अडखळण लेतावणारे ओये तियापो लक्ष्य मेका अने त्यापोरोत सेटे रो. 18काहाके एहलो मांहे आमू प्रभू ख्रिस्ताचे नाहा परंतु आपाआ पेटोकोता सेवा कोअता, अने गुल्यो अने लोभा भाषणाने भोळ्या भाबड्यांची मोनो मांहोहो बेह्कावत्ले. 19तुमाआ आज्ञा मानिलो चर्चा आखे महुमेहे फेलितगोई होय यकोअता आय तुमाआ विषया माय आनंद कोअत्लू परंतु माहु लागेहे का तुमु हाजाकोअता शहाणे परंतु खाराब कोअता हाजो बोणीत रो. 20शांतीचा देव शैतानाहा तुमाआ गुडानिसे वेगुज तडवी आपूह प्रभू येशु ख्रिस्ताची कृपा तुआ होय.

पौलुसोओ मित्रोसी अभिवादन

21माआ मोदत कोयु तीमुथियुस अने माआ होगवाड्ये लूकियुस अने यासोन अने सोसिपतेर ओ तुमामे सलाम फासाडी. 22ओ पत्र लेखित आपणारो तर्तीय चा पण प्रभूमे तुमामे सलाम. 23गयुस जो माआ मंडली आतिथ्य कोअनारू होय तिया पण तुमामे सलाम नोगरोमेहे कारभारी इरास्तुस अने पाही क्वर्त यांआ तुमामे सलाम. 24आपाआ प्रभु येशु ख्रिस्त याआ कृपा तुमाआ आखाआ आरी होय आमीन.

आशीर्वाद

25ओमे जे तुमामे माआ सुवर्तेहस अर्थात येशु ख्रिस्ताचे संदेशाच्या प्रचाराच्या नुसार स्थिर कोहू शकतो तियाअ भेदच्या उजवोडोओ अनुसार जे कायम गुप्त मेक्ल्ये ओते, 26पोन ओमे जोडयो ओतगोयु सार्वकालिक देवाची आज्ञानी पवित्र संदेष्टाआ पुस्तकामेहे त्यापोरत आखे जातीही कोइतलु गोये होय का विश्वासानी ओमे होमजीलो ओतगोयु जा, 27तियाआ एकमात्र ज्ञानी देवाची येशु ख्रिस्ताच्या त्यापोरत कायम महिमा रोय आमेन.

Currently Selected:

रोमि 16: NOINT

Highlight

Copy