रोमि 10

इस्राएलोहो सुसमाचारोओ आवश्यकता

1ऐ पाही, माआ मोनाआ इच्छा अने तियाआ कोअता परमेश्वराहा माआ प्रार्थना होय का वे तियाहा उद्धार जोड़े. 2काहाके का आय तियाआ साक्ष आपोहो का तियाहा परमेश्वरा कोअता आशा होय, परंतु बुद्धीवाला आरी नाहा. 3काहाके का परमेश्वरोओ धार्मिकतेची अनोळखाती नाहा ओतगोयु अने आपाआ धार्मिकतांनी अनोळखाती नाहा ओतगोयु अने आपाआ धार्मिकता स्थापित कोइला कोअता यत्न कोईत परमेश्वरोओ धर्मिक्ताआ आधीन उवे नाहा. 4काहाके का हर एक विश्वास कोइला कोअता धर्मिक्ताआ नुसार ख्रिस्त येशु नियमशास्त्राचा आखिर होय. 5काहाके का मोशेई ओ लेखिलो होय का जो मांहु तिया धार्मिकतेवर जे नियमशास्त्रा मेहे होय, चालातुलू, तोज त्यापोरोत जिवंत रोला. 6पोन जी धार्मिकता विश्वासा होय ती ओ कोतली, तू आपाआ मोनोपोरे ओ कोओलो नाहा का होर्गाम कोडू चढेल? (अर्थात ख्रिस्ताहा उतारीत लाविलोकोता) 7नाहा ताहा अधोलोकात कोडू उतरे? (अर्थात ख्रिस्ताहा मोल्यामरोत जिवंत कोईत उसे लाविलोकोता) 8पोन ते कि कोतली, ओच का वचन तापो होय, ताआ सोबीमेहे अने ताआ मोनुमे होय, ओ तोज विश्वासाआ वचन होय जे आमाहा सुवार्ता कोत्लू, 9का केधी तू आपाआ सोबिकोईत येशुहू प्रभू मानीत अंगीकार कोअनारू अने आपाआ मोन सी विश्वास कोअनारू का परमेश्वराने तियाहा मोल्यामरोत जिवंत कोल्यु होय, ताहा ताहु निच्छित उद्धार जोडे. 10का धार्मिकता कोअता मोनामोरोत विश्वास कोअयु जात्लू, अने उद्धारासाठी सोबिवांही अंगीकार कोअयु जात्लू 11काहाके का पवित्रशास्त्र ओ कोतली, “जो कोडु तियापो विश्वास कोअही, तो केधी लाजआली उवे नाहा” 12यहुद्यामे अने यूनानी माय किबी भेद नाहा याकोअता का तो आखाआ प्रभू होय, अने आपाआ आखा कोअता जे तियाआ नाव लत्ले उद्धार होय. 13काहाके का जो कोडु प्रभूऊ नाव लेही, तो उद्धार पावेल.

इस्राएल सुसमाचारोहो नाकारलोओ

14फासाडी ज्यापो तिये विश्वास कोअयु नाहा, ते तियाआ नाव केहलो लेही? अने त्याविषयी होमल्यु नाहा तियापो केहलो विश्वास कोआ? अने घोषणा विना केहलो होमीजीलो? 15अने केधी मोकल्ये जानारू नाहा ताहा केहलो घोषणा कोआ जेहलो लेखिलो होय, तियाआ गुडू केतो मनोरम होय, जो हाजा गोठीई सुवार्ता होमलाड्यू 16पोन आखाज तियाअ सुवार्तेपो कान लागाडले नाहा, त्यांकोअता यशायाह कोत्लू, “ओ प्रभू, कोडु आपाआ सुवार्तेपो विश्वास कोअयु होय?” 17अने विश्वास होमलिलो अने होमलिलो ख्रिस्ताच्या वचन सी ओवत्लो. 18पोन आय कोत्लू, कि तिये होमल्यु नाहा? होमल्यु ताहा होय काहाके का लेखिलो होय “तिया स्वर आखे धोरतीपो अने तियाआ वचन जुगाआ शेवटपोरोत पुग्या होय” 19आय फासी कोत्लू, नाहाकोत इस्राएल माहु ओलखे निमिले? पहीले ताहा मोशे कोत्लू, आय तीआद्वारे जी जाती नाहा तुमाआ मोनामे जागे पोचाडिलो, आय एक मुळ जातीई त्यापोरत तुमामे इर्ष्येस पेटाळीदेही. 20फासाडी यशायाह जाअखो कोत्लू ओतगोयु कोत्लू, “जे माहु होदिअलो नाहा, तिये माहु जुळाविते, अने जे माहु विचारोम पण निमिले, तियापो आय प्रगट ओतगोयु गोल्यू” 21पोन इस्राएलाआ विषयी तोओ कोत्लू, “आज्ञा न माननारू अने वाद कोअनाऱ्या प्रांताकडे आय आखे दीही आपाआ आथे जर्विनारू होय.”

Currently Selected:

रोमि 10: NOINT

Highlight

Copy