कुलुस्सी 2

1माआ इच्छा होय का तुमु जाईत लेवा का तुमाआ अने आखाआ लौदीकिया कोअता जे माआ शारीरिक मुख नाही पाल्यो आय केहलु मेहनत कोअहो, 2याकोअता का तियाआ मनाहे प्रोत्साहन जोडी ते परस्पर प्रेमाम बानदल्यो जालो तेहलूज विश्वासाआ जो आखो धन जो खोरो ज्ञानाने जोडयो ओते तियाहा मिलुजोवे तेहलूज परमेश्वरोओ गूढ पुरो खोरो तियाहा जोडयो उवे तो गूढ पुरो खोरो स्वतः ख्रिस्त होय. 3ज्याम बुद्धी अने ज्ञानात आखी निधी लिकाली होय. 4एहलो आय याकोअता कोत्लू का कोडु तुमामे गुल्यो-गुल्यो तर्क पुरो युक्त्या आपित धोखा न आपे. 5जेबी आय जल्मामेहे आवली रुपोमे तुमामे नाहा पोन अध्यात्मिक रुपोमे आय तुमापोओ होय आय तुमाआ जिवनाआ अनुशासन अने ख्रिस्तामेहे तुमाआ विश्वासाआ दृढता पालीत आय खुश होय.

मसीह मेहे टिकित रोवा

6याकोअता का जेहलो येशुहू ख्रिस्त अने प्रभूऊ रुपोमे ओ ग्रहण कोयु होय तुमु तीयाम तेहलूज बोणीत रो, 7तुमाआ जोड त्याज माय रोहीना आय तुमाआ विकास तियाहा होय तेहलूज तुमु आपाआ विश्वासामेहे दृढता मेलवीलो रो जेहलो तुमामे हिकाड्ये गोये होय परमेश्वरोओ प्रती जाहाकोज आभारी रो. 8ध्यानाम मेका का तुमामे आपाआ तिया भौतिक विचार कोईलो अने खोल्यू परम्परा कोडु धोखा न जोळे जे मांहाहा रीती अने संसारो त्यापोरोत जोडयो ओतु जे ब्रम्हांडला अनुशासित कोनारी आत्माआ आपही होय न ख्रिस्ताआ. 9काहाके परमेश्वर आपाआ आखो परिपूर्णता सदैव तियाहा निवासाहा कोईत रोतो, 10अने तियाहा स्थिर ओत तुमु पुरोओत बोन्यो होय तो हर एक अधिपती अने अधिकारो शिरोमणी होय. 11तुमाआ सुंता बी तियाहा ओवयू होय ए सुंता मांहाहा ओतु कोईत संपन्न उवी नाहाकोईत ए सुंता जाहा तुमु तुमाआ पाप पुरो माहू डीलो प्रभावही सुटीत आपलो आवयी ओती तेहलाम ख्रिस्ताद्वारे संपन्न उवे, 12ओ याकोअता उवे का जाहा तुमु बाप्तिस्मे माय त्याआरी रेट्यो गोये तेहलाम ज्या परमेश्वराने तियाहा मोइलोम रोत जिवंतु कोयु तिया परमेश्वरोओ कामोम तुमाआ विश्वासा त्याआरी फासी जिवंतु कोयु गोये. 13आपाआ पापांआ अने सुंता रोत्लू डीलोवाही तुमु मोल्या ओते पोन तुमामे परमेश्वराने ख्रीस्ता बरोबर जीवोन प्रदान कोयु तेहलूज आमा आखे अपराध रोत मुक्त रुपोमे क्षमा कोयु होय, 14परमेश्वराने तिया अभिलेखोहो आमामेरोत टाकत ग्येल्यू ज्याम तिया विधिही उलेख कोअयु गोल्यो होतुजे आमाहा प्रतिकूल अने आमाहा विरूध ओते तिये तियाहा खोलोवाही क्रूसपो सोडवीत देदलो. 15तिये अधिपती ऐ अधिकाऱ्यांना नाडीदेदु त्यांविरुद्ध वधस्तभापोओ जायोत्सव कोईत त्याआं उघड-उघड प्रदर्शन कोयु. 16त्याकोता खाअलो पीअलो वस्तु किंवा पूर्वी नवो चांद के पर्व किंवा शब्बाथ दिह्याहा लेत कोडु तुमामे आवोह न कोईओलो. 17ओ ताहा ज्या गोठी उवे होय तियाआ सावलू पो होय पोन आव सावलु वास्तविक का या ताहा ख्रिस्ताआ च होय. 18कोडु मांहु जो स्वतःहा प्रताडीत कोनारी काम किंवा स्वर्गदूत उपासना कामोम लागाडीत होय तियाहा तुमु तुमाआ प्रतिफलो मेलविलो बाधक न बोनीलाकाजे आपलो एहेलू माहहू कायमच तिया दिव्य दर्शनाआ डिग देत रोत रोतो ज्याहा तिये पालील्यो होय अने आपाआ डीलो रीतीवाही विचार माकोतो खोरो अभिमानो सी पोल्यो रोतो, 19तू स्वतः ख्रिस्ता आधीन मेकीत नाहा जो मुख्य होय जो जोड़ो अने नखं संबंधाने तेहलूज समर्पित ओत आखे डीलाआ उपकाराआ कोईत रोतो अने तीयावाही आध्यात्मिक हाजाकोअता अनुभव ओत रोतो.

मसीह री जीवलो अने मोअलो

20काहाके तुमु ख्रिस्ता आरी मरण पाण्यो ओते अने संसाराआ बुनियादी शिकल्याप रत सुटीत आप्यू गोल्यो होय तेबी याआ प्रकारोओ आचरण काहा कोईत होय जेहलो की तुमु आव जगाआच होय अने एहलावाही नियमांची पालीत कोईत होय 21याहा आथे लागाडहु नाहा, याहा चव चाखू नाहा, किंवा याहा स्पर्श कोहू नाहा? 22ई आबी वस्तु ताहा काम कोईत-कोईत नष्ट उविला कोअता रोतेहे एहलो आचरण व्यवहारूम तुमु ग्रहण कोईत तुमु मांहाआ बोनाडल्ये आज्ञा अने शिक्षणच अनुसरण कोईत होय. 23मानवाहि उपासना आपाआ डीला प्रताडीत कोईत अने आपाआ कायाला मेहनत आपित संबधित नियम ओ बुद्धीपोओ आधारित प्रतिक उवनारा होय पोन वास्तव माय आव मुल्यांअ थोडी किमोत नाहा ओ नियम ताहा माहुंहु पापपुर्ण तियाआ मानवाहि भक्तीमेहे लागाडी आपत्ले.

Currently Selected:

कुलुस्सी 2: NOINT

Highlight

Copy

Compare