कुलुस्सी 1

शुभकामना

1पौला वोलरोत जो परमेश्वरा इच्छावाही मसीह येशुउ प्रेषित होय अने पाही तीमुथियुस वोलरोत बी, 2ख्रिस्तामेहे स्थिर कुलुस्सेमेहे रोणाआरा आखे पवित्र विश्वासु पायहोहो अने भक्तांआ नावे आमाआ बाह्हू परमेश्वर या वोलरोत तुमामे कृपा अने शांती जोळे.

धन्यवाद

3जाहा आमू तुम्हा कोअता प्रार्थना कोईत रोतो कायम आपाआ प्रभू येशु ख्रिस्ताआ बाह्हू परमेश्वर याआ धन्यवाद कोईत रोतो, 4काहाके आमू ख्रिस्त येशु माय तुमाआ विश्वास तेहलूज आखे पवित्र भक्तांच्या आखोज प्रेमो राखत्लू होय, 5ऐ तिया आशेवाही उवे होय जी एहलो हाजूहोय होर्गाम होय अने ज्या विषयी तुमु पहिलुच खोरो संदेश म्हणजे सुवार्ता त्यापोरत होमल्यु होय, 6सुवार्ता आखे जगात सफळ उवनारा होये सफळ उवनारा होय का जेहलो तुमाआ माय ओ तीया देखुहु सफळता उवनारा होय जाहा तुमु परमेश्वरोओ कृपा विषयी होमल्यु ओते अने खोरोज तियाहा होमजे ओते. 7आमाहा प्रिय होबती सेवक इपफ्रास त्यापोरोत जे आमा कोअता ख्रिस्त येशु माय विश्वासु सेवक होय तुमु सुवार्ताआ हीनु लेधलो होय 8आत्माद्वारे उत्तेजित तुमाआ प्रेम मेहे पोन तिये आमाहा कोयु होय.

आत्मिक उन्नति कोअता प्रार्थना

9याकोअता का ज्या दिहेरोत याविषयी होमल्यु होय आम्हुबी तुमा कोअता प्रार्थना कोइला कोअता अने ओ विनंती कोइला कोअता सोडये नाहा प्रभूऊ ज्ञान, आखे प्रकाराआ सोमझे पोने जो आत्माआ आपोहो, तुमामे जोडयो ओवो अने तुमु बुद्धी बी जोडयो को, 10याकोअता का तियाआ प्रकारे जीवित सेकेहे जेहलो प्रभूहु होबल्लू, हर एक प्रकारे तुमु प्रभूहु कायम खुश को तुमाआ आखे काम हमेशा सफळता जोडयो ओवे तुमाआ जीविलो काजे हाजा कामाला फोल लागा तुमु प्रभू परमेश्वरोओ ज्ञानात वोदिते रो, 11तो तुमामे आपाआ गौरवाच्या शक्तीवांही सदृढ बोनावोओ रोअलो याकोअता का विपत्तीच्या काली आनंद तिया अने वोडो हिमातवाही ते सहन कोहू सेकेहे, 12तिया बाह्हाआ धन्यवाद कोईत रो, जीआ तुमामे इही योग्य बोनाडल्ये का परमेश्वरोओ तिया पवित्र भक्त जनांआरी जो ज्योती होसे जीवोन जगत होय, तुमु उत्तराधिकारी मीडवीहे सहभागी ओवुहू सेकेहे. 13परमेश्वराने अंधारा मेहे शक्तीही देखू आमाहा तारण कोयु अने आपाआ प्रिय पोऱ्या याआ राज्याम आमाआ प्रवेश कोईत आप्यू, 14तिया पुत्रवाही आमाहा छुटकारु जोड़ी होये आमा पापोप रोते क्षमा जोड़ी होय.

मसीह श्रेष्ठता अने तियाआ कार्य

15तो अदृश्य परमेश्वरोओ रूप नजारू रूप होय तो आखे सृष्टीतील जेष्ठ होय. 16काहाके जे थोडे होर्गाम होय अने धोरतीपो होय तियाआ शक्तीवांही निर्माण उवे होय थोडे बी होय डोआवाही देखानारो अथवा न देखानारो होय, सिहासन होय का राज्य, जेबी कोडु शासक होय वा जेबी अधिपती, आखे थोडे त्यापोरत निर्माण कोयु होय अने त्यांकोअता तीयार उवे होय. 17आखाम पालील्यो तीयाआज अस्तित्व ओते त्याज शक्तीवांही आखे वस्तु बोणीत रोत्ले. 18ओ डील कोअतीज मंडली मुंडको तोज होय तोज पेल्लू ओते अने मोईलामरोत जीवतो उठीलो सर्वोच्च अधिकारी बी तोज होय याकोअता हर एक गोठीमे पेल्लू स्थान तीयाहा मिलुजोवे. 19काहाके आपाआ सामग्री आरी परमेश्वराने तीयाम रोहू कोईत इच्छिले, 20तियाआ त्यापोरत आखे ब्रम्हांडाला परमेश्वर आपाहा फासी संयुक्त कोईत इच्छिले जे आखे धोरतीपो होय अने होर्गा होय त्याज रक्तवाही परमेश्वराने मेलविते जे ख्रिस्ताने क्रूसपो वोहयो ओते. 21एक वेल ओतू जाहा तुमु आपाआ विचार कोईलो अने वाईट कामोवाही परमेश्वरा कोअता अनोळखाती नाहा अने मन सी तिया विरोध कोनारो ओते, 22पोन ओमे जाहा ख्रिस्त आपाआ देहामेहे ओतू तेहलाम ख्रिस्ताआ मृत्यूद्वारे खुद स्वतःहा मेल लेधलो याकोअता तुमु स्वतःहा पवित्र, निष्कलंक अने निर्दोष बोणाडीत अगाडीकोआ जालो. 23ओ तोयोज ओवुहू गोयो जाहा तुमु विश्वासा पायु ख्रिस्ताम अटल बोणीत रो अने सुवार्ताआ मदतीवाही आशा आप्यी जाति रोईली एहेज परित्याग कोहू नाहा जे तुमु होमल्यु होय याआ जुगोओ निसे होय हर एक जनावराहा तिया उपदेश आप्यू होय अने आय पौलुस तियाच सेवक बोल्यू होय.

कलीसिया कोअता परिश्रम

24ओमे पाला, आय तुमा कोअता जे मेहनत कोईत होय तीयाम आनंदाआ अनुभव कोईत होय अने ख्रिस्ताआ देह कोअतीज मंडलीकोता ख्रिस्ताआ दुखामेहे जेन थोडे कोम रोल्या ओते तियाहा आपाआ डीलोवाही पुरो कोईत होय, 25परमेश्वरा तुमाआ फायदा कोअता माहु जो आदेश आप्यू होय तीयावाही आय तिया सेवक ओवयू होय याकोअता का आय परमेश्वरोओ सुवार्ता पुरो-पुरो घोषणा कोहू सेकेहे. 26ओ गूढ पुरो खोरो होय का जो पेल्लू समय आने पीडीसी लाखाच मोनामे ओतु पोन ओमे याहा परमेश्वरोओ त्यापोरत पवित्र भक्त जणापोओ प्रकट ओवयू होय. 27परमेश्वर आपाआ भक्त जोह ओ प्रकट कोहू इच्छित ओतू का ओ पुरो खोरो केते वैभव पुरो होय त्याजागे आ राजपुरो खोरो अन्य जाती होय अने आ गूढ पुरो खोरो ओ होय का ख्रिस्त तुमापोओ रोतलू अने परमेश्वरोओ गौरव जोडयो कोइला कोअता तो एक आमाआं आशा होय. 28आमाहा जो ज्ञान जोडयो उवे होय तियाआ योग्य वाप्रिलो कोईत आमू प्रत्येकाहा निर्दोष अने शिक्षण प्रदान कोईत रोतो याकोअता का आमू तियाहा ख्रिस्तामेहे तियाहा एक पुरोओत माहहू बोणाडीत परमेश्वरोओ आगाडी उभे कोहू शकतो माअहुहू त्याज शिक्षण आपोहो तेहलूज आपाआ आखे ओक्कल हर एक माअहुहू तीयाआज शिक्षण आपित रोतो याकोअता का हर एक माअहुहू ख्रिस्तामध्ये बोणीत परमेश्वरोओ आगाडी उवो कोलो गोये. 29आय ह्याआ प्रयोजनाआ ख्रिस्ताआ शक्तीवांही जो मामेह शक्तीवाही काम कोईत होय, तन मन लागाडित कोईत कडक परिश्रम कोईत होय.

Currently Selected:

कुलुस्सी 1: NOINT

Highlight

Copy

Compare