2 तीमुथियुस 4
4
वचनोंओ प्रचार कोओ
1परमेश्वर अने मसीह येशुउ गवाहा कोईत जो जीवतो अने मोल्याआ न्याय कोआ अने तियाआ प्रगट उविलाआ अने राज्यओ सूची आपित आय ताहू हुकुम आपोहो 2का तू वचनाआ प्रचार को हर टेमे तियार रो आखा प्रकाराआ सहनशीलता अने हिकाडीलो आरी दोष देखाळ अने निषेध को अने होमाजळ. 3काहाके एहेलू वेल आविलो जाहा मांहे खोरो मास्तर सहन कोअनारू नाहा पोन कान खाजविल्या आपाआ वासिला कोअता आपाहा जास्तीज मास्तर होदिलो काडनारू, 4अने आपाआ कान खोरापो रोत फेरवित कल्पित काहानी लागाडनारू. 5पोन तू आखे गोठीमे सावध रो, दुख सहन को, सुवर्तेचे प्रचार को, अने आपाआ सेवेला पुरो को. 6काहाके ओमे आय अर्पण उवनारा होय अने माआ प्रयाण काळा जागे आवयू होय. 7आय हाजी कुस्ती लळाइलो सुक्यू होय आय आपाआ धाव पुरो कोअयी होय, आय माआ विश्वासाआ राखिलो कोअयी होय. 8भविष्या मेहे माकोअता धर्माआ तो मुकुट मेकल्यो होय ज्याहा प्रभू जो धर्मो अने न्याय कोअनारा होय माहु तिया तेदीही आपी अने माहुंज नाहा पोन तिया आखाहा जे तिया प्रकट प्रिय उविला प्रिय होमजीतेहे.
निजी सन्देश
9मा जागे वेगु आविलो प्रयत्न को. 10काहाके देमास या जगाला प्रिय होमजीत माहु सोडीत आप्यू होय अने थिस्सलुनीका मेहे निहित गोल्यो होय क्रेसकेंस गलातीला अने तीतूस दलमतीयेला निहित गोल्यो होय. 11फक्त लुकच माआरी होय मरकुस लेत आविलो जा काहाके सेवा कोअता तो माआ जास्तीज कामा होय. 12तुखिकुस आय इफिसा मेहे मोक्ल्यीत होय. 13जो बगिचा मेहे त्रोआस मेहे करपुसआ इही सोडीत आवयू होय जाहा तू आविलो ताहा तियाहा अने पुस्तके विशेष कोईत चर्मपत्रे पण घेऊन आव. 14सिकंदर तांबटा वाईटी माआरी जास्तीज वाईट कोयु होय प्रभू तियाहा तियाआ कर्माप्रमाणे बदलू आपी. 15तू बी त्यापोरोत सावध रोआ कोईत तिये आमा गोठीई जास्तीज विरोध कोअयु होय. 16माआ आगाडी उत्तर आपलो टायमोमें कोडूच माआ हातीरी आप्यू नाहा पोन आखाहा माहु सोडीत आप्लु हाजो उवे का त्याआं तियाहा हिशोब नाहा आपा लागे 17पोन प्रभू माआ मदत कोइलो रोला अने माहु शक्ती आप्यी त्यापोत मापोरोत पुरो कोई देदो प्रचार उवूंहू जोवे अने आखे अन्यजातिही होमलित लेई जोवे आय सिहोओ सोबिमरोत सोडविल्यो गोल्यो होय. 18अने प्रभू माहु हर एक वाईट का मापो रोते सोडवे अने आपाआ होर्गाआ राज्याम हाजूहोय पुगाड़े तियाच गौरव कायम ओवती रोय, आमेन.
आखरी शुभकामना
19प्रिस्का अने अक्विला हा उन्नेसीफुरूसआ कुटुंबोहो सलाम. 20इरास्तुस कुरिन्थुस मेहे रोत गोल्यो होय अने त्रुफिमुसोहो आय मिलेतूस माय मांदवाड्यू सोडीत आवयू होय. 21हियालाआ अगअ निहित आविलो प्रयत्न को युबुले अने पूदेंस अने लीनुस अने क्लोदिया अने आखे पाही ताहु सलाम 22प्रभू ताआ आत्मा आरी राहो तुमापो कृपा उवनारा रोनारु.
Currently Selected:
2 तीमुथियुस 4: NOINT
Highlight
Copy
Compare
Share
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
