2 तीमुथियुस 3

आखरी दिहोओ चेतावनी

1पोन ओ ओर मेका आखरी दीहो मेहे कठिन टाईम आवे 2काहाके मांहु लोभी, स्वार्थी, डींगमार, गर्व कोअनारू, निंदा कोअनारू, याह्ही बाह्हाआ आज्ञा न माननारे, कृतघ्न, अपवित्र, 3दया नी कोअनारू, क्षमा नी कोअनारू, दोष लागाळणारू, असयंमी, कडक, हाजुहोये दुश्मन, 4विश्वासघात कोअनारा, ढीठ, कोठी, अने परमेश्वरोहो नाहा पोन सुख आवाडाविलो दोनाराआ रोही. 5तेए भक्तीई भेष तोए पोन शक्ती जोरावारोह मान्त्लुके नाहा एहलापोरोत अलग रोअलो. 6त्यामेंऱ्यो ते मांहे होय जे कोआत दाबल्यो गुडावांही पोवागोली अने तिया भोळ्या बोअयीही वशमे कोईत लत्ले जे पापुमे दाबिलो अने हर एक एहलाम वासिलो वशमे होय, 7अने आखे काळा शिकाडे रोनारे पोन सत्त्याआ उलखात जाआ खोरोज पूगति नाहा. 8जेहलो योनेस अने याम्ब्रेसाने मोशेच्या विरोध कोअयु ओतो तेहलूज ओ पण खोराआ विरोध कोअता ओ एहलो मांहु होय जिया बुद्धी भ्रष्ट ओत गोयी होय अने ते विश्वासाआ विषयाम न उरिलो होय. 9पोन ते यांपोरोत आगाडी जाऊ शकत नाहा काहाके जीही तियाआ अज्ञानता आखे मांहोपो प्रकट उवी ओती तेहलीज याआ बी ओतगोयु जानारू.

मसीह जीवन मेहे संघर्ष

10पोन तू हिकाडीलो, वागणुक, इच्छा, विश्वास, सहनशीलता, प्रेम, धीरज, अने छळा मेहे अने दुख सहन कोअलाआ माआ मदत कोअयी, 11अने एहलो दुखामेहे पोन जे अन्ताकीया अने इकुनियुम अने लुस्त्रा मेहे मापो पोडये ओत एने इतर दुखामेहे पोन जो आय सहन कोयु होय पोन प्रभू माहु आव आखे त्यापोरोत सोडवीत लेधलो. 12पोन जेवडे ख्रिस्त येशु माय भक्तीमेहे जीवोन जेविलो इच्छा कोअता तिया आखाआ छळ उवे, 13पोन खराब अने फिरावनारु अने फिरनारो बिगड़ी गोयली जातेहे. 14पोन तू तिया गोठीपो जे तू शिकायो होय अने जे विश्वास कोयु होय ओ जणू मजबुते टीकित रो का तू ते कोडला मांहुपोरोत शिकायो होय, 15अने हानेदेखुज तू पवित्रशास्त्र शिकायो होय जो ताहु ख्रिस्तापो विश्वास कोलाकोता तारण मेलविलो बुद्धिमान बानडह शकतो. 16आरन्यो पवित्रशास्त्र परमेश्वरोओ प्रेरणेने बोनाड्यू होय अने सिकाडीलो अने सामजाडीलो अने हुधारीलो धर्माच्या शिक्षेकोअता फायदा होय, 17त्यापोत परमेश्वरोओ भक्त पुरो ओतगोयु अने हर एक हाजा कामा कोअता तीयार ओतगोयु जाअलो.

Currently Selected:

2 तीमुथियुस 3: NOINT

Highlight

Copy

Compare