1 कुरिन्थि 6
6
खुदो विवादोहों निपटा
1के तुमा मेह रोत कोड़ाआ वाद होय का जाहा दिहराआरी सुलाया होय ते फैसलू कोइला कोअता अधर्मी वालाआ ईही जातले अने पवित्र माहाआ जागे ने जाय? 2तुमामे मालुम नाहा का पवित्र मांहे जगाआ न्याय कोअनारू? यकोअता जाहा तुमामे जगाआ न्याय कोअला होय ताहा की तुमु हाणाम हानू सुलातले न्यायनिवाडा कोईत योग्य नाहा? 3की तुमामे मालुम नाहा का आमू स्वर्गदूतो न्याय कोअनारू? ताहा कि सांसारीक गोठीई न्याय कोअला नाहा? 4जर तुमामे संसारीक गोठीई न्यायनिवाडा कोअला ताहा की तियाच बोहाडीलो जे मंडली किबी होमज्ये जात नाहा? 5आय तुमाहा लाजआली कोइला कोअता ओ कोत्लू की खरोज तुमामे एक पोन बुद्धिमान मिलीअलो नाहा जो आपाआ पाहीइओ न्यायनिवाडा कोहू गोयो? 6तुमामे पाही पाहीपो मुकद्दमा कोअत्लू ते अविश्वासी माअहाआ आगाडी. 7पोन खरोखरेज तुमामे वोडू दोष ओ होय का आपसामेहे फिर्याद कोअता अन्याय काहा सहन कोईत नाहा? आपाआ नुकसान काहा सहन कोईत नाहा? 8पोन तुमु ताहा स्वतः अन्याय कोअता अने नुकसान कोत्ल्यो अने ते पोन पायहोहो. 9नाहाकोत तुमामे मालुम नाहा का जुलूम कोअनारो मांहे परमेश्वरोओ राज्याम वारीस उवे नाहा? फसुस नाहा; जारकर्मी व्यभिचारी, मूर्ती पूजा, बुई सारखू सभोंग आपणारो, माटि हारखो सभोंग लेणारू, 10बांड, लोभी, दारकुटी, लुसडूहाये अने वित्त हरिन कोअनारू परमेश्वरोओ राज्याआ वारीस उवे नाहा. 11अने तुमा मेहेरोत केते जोओ ऐहलेच ओते पोन तुमु प्रभू येशु ख्रिस्ताच्या नावामेहे अने आमू परमेश्वरोओ आत्मावांहि तुण्यो गोयल्यु अने पवित्र ओवल्यु धर्मीक ठरव्येहे.
शरीर अने आत्मा मेहे परमेश्वरोओ महिमा
12आखे वस्तु माकोअता योग्य ताहा होय पोन आखे वस्तु फायद्याच्या नाहा; आखे वस्तु माकोअता योग्य ताहा होय पोन आय कोड्लाज गोठीइ अधीन उवे नाहा. 13ओन पेटोकोता अने पेट अन्न कोअता पण परमेश्वर याहा अने तियाहा बेनुहू नाश कोअनारू पण डील व्यभिचारा साठी नाहा पोन प्रभू याकोअता होय अने प्रभू डीलाकोता होय. 14परमेश्वराने आपाआ सामर्थ्यावाही प्रभूहु जीवतु कोल्यु अने आमाहा पोन जिवंत कोअनारू. 15नाहाकोत तुमामे मालुम नाहा का तुमाआ डील ख्रिस्ताचे अवयव होय ताहा आय ख्रिस्ताच्या अवयवहो घेऊन तियाहा वेश्यांचे अवयव बानडह? मुळीच नाहा. 16की तुमामे मालुम नाहा का जो कोडु वेश्यांबरोबर होबती कोअत्लू तीआरी एक डील ओत जात्लू काहाके लेखिलो होय, “ते बेन एक तन उवे” 17अने जो प्रभूऊ सहभागीता माय रोतलू तो त्याआरी एक आत्माआ ओतगोयु जात्लू. 18व्याभिचारा पासून सेटे रो; जेवडे दिहरे पाप मांहु कोअत्लू ते डीलोओ बारथेए होय पोन व्यभिचार कोअनारू आपाहाज डीलोओ विरोधाम पाप कोअत्लू. 19काहाके नाहाकोत तुमामे मालुम नाहा का तुमाआ डील पवित्र आत्माआ मंदिर होय जो तुमामे होय अने तुमामे परमेश्वारापो रोत मिल्यू होय; अने तुमु तुमाआ नाहा? 20काहाके किमोत आपित वेसातो लेधलो होय त्यापोत आपाआ देह परमेश्वरोओ गौरव को.
Currently Selected:
1 कुरिन्थि 6: NOINT
Highlight
Share
Copy
Want to have your highlights saved across all your devices? Sign up or sign in
Noiri (नोयरी) Bible by The Love Fellowship is licensed under Creative Commons Attribution-ShareAlike 4.0 License.
