એફેસીઓને પત્ર 6

દીકરા અને માં-બાપ

1બાળકો, તમે પરભુમાં તમારા માં-બાપની આજ્ઞાઓ માનો, કેમ કે ઈ હારું છે. 2જેમાં વચન પણ આપવામાં આવ્યું હોય એવી આ પેલી જ આજ્ઞા છે કે, “તારા માં-બાપને માન આપવું જોયી.” 3ઈ હાટુ તારૂ ભલુ થાય, અને પૃથ્વી ઉપર તારી ઉમર મોટી થાય. 4અને હે બાપાઓ, પોતાના બાળકોને ગુસ્સો નો દેવડાવો પણ પરભુનું શિક્ષણ, અને સેતવણી દેતા તેઓનું ભરણ-પોષણ કરો.

ચાકર અને માલીક

5હે ચાકરો જેમ તમે મસીહને આધીન થાવ છો એમ પૃથ્વી ઉપરનાં જેઓ તમારા માલિકો છે તેઓને માન હારે નિખાલસ મનથી આધીન થાવ. 6તમારે પોતાના માલિકોની આજ્ઞા પાળવી જોયી, ખાલી તઈ જ નય જઈ ઈ તમને જોતા હોય કે ખાલી એને હારુ લગાડવા હાટુ, પણ તમે મસીહના ચાકરો છો, ઈ હાટુ તમારે પોતાના પુરા મનથી ઈ જ કરવુ જોયી, જે પરમેશ્વર ઈચ્છે છે કે, ઈ તમે કરો. 7અને ઉત્સાહની હારે એક ચાકર જેમ એવા કામો કરો એમ માનો કે તમે લોકોની નય પણ પરભુની સેવા કરી રયા છો. 8કેમ કે, તમે જાણો છો કે, જે કોય આવું હારું કામ કરશે, પછી ભલે ચાકર હોય કે, આઝાદ માણસ, તો એનું ઈનામ ઈ પરભુ પાહેથી મેળવશે. 9વળી માલિકો, તમે ચાકરોની હારે એમ જ વરતો, ધમકી આપવાનું છોડી દયો, અને જાણો કે, તેઓનો અને તમારો પણ એક જ માલીક સ્વર્ગમાં છે, અને એની પાહે કોયનો પક્ષ નથી.

પરમેશ્વરનાં આત્મિક હથિયારો

10અંતમાં, પરભુના શક્તિશાળી સામર્થ્યથી મજબુત બનો. 11શેતાનની ખરાબ સાલાકીઓની હામે તમે સામનો કરી હકો ઈ હાટુ પરમેશ્વર તમને જે હથિયારો આપે છે ઈ ધારણ કરી લ્યો. 12કેમ કે, આપડે માણસોની હામા બાધણું બાધી રયા નથી. પણ આપડે પ્રધાનો અને અધિકારીઓની હામા અને અંધારાના અધિકારીઓથી અને ખરાબ આત્મિક જગતના સામર્થ્યની હામાં બાધી રયા છયી. ઈ હાટુ સ્વર્ગીય જગ્યાઓમાં ખરાબ આત્મિક લશ્કરોની હામે છે 13ઈ હાટુ તમે પરમેશ્વરનાં બધાય બકતર પેરી લ્યો જેથી તમે ખરાબ દિવસે સામનો કરી હકો અને બને એટલું બધુય કરીને એની હામાં મજબુત ટકી હકો.

14જેથી હાસાયથી તમારી કમર બાંધીને, ન્યાયપણાનું બખતર પેરીને. 15અને શાંતિના હારા હમાસારની તૈયારી કરી જોડા પેરીને ઉભા રયો. 16આયા એક બીજી વાત છે. જેમ એક સિપાય ઢાલ લયને પોતાની ઉપર આવનાર વેરીઓના તીરથી પોતાની જાતને બસાવે છે, એવી જ રીતે મસીહ ઉપર મજબુત વિશ્વાસ રાખો કે, મસીહ તમને શેતાન દ્વારા નુકશાન પુગાડવાથી બસાવીને રાખે.

17તારણનો ટોપો અને આત્માની તલવાર લ્યો, જે પરમેશ્વરનું વચન છે. 18અને દરેક વખતે અને દરેક પરકારે આપડે એવી જ રીતે પ્રાર્થના કરવી જોયી જેમ પવિત્ર આત્મા દોરવણી કરે છે, અને વિનવણી કરતાં રયો, અને જાગતા રયો કે, બધાય પવિત્ર વિશ્વાસી લોકોની હાટુ સદાય વિનવણી કરો,

19અને મારી હાટુ પણ પ્રાર્થના કરીને પરમેશ્વરને કેજો કે, ઈ મને બોલવા હાટુ હાસો શબ્દ આપે જેથી હું હિંમતથી હારા હમાસાર વિષે જે બધાય લોકોની હાટુ છે, એના ભેદની વાત હમજાવી હકુ. 20ઈ હાટુ હું હાકળોથી બધાયેલો રાજદૂતની જેમ સેવા કરી રયો છું પ્રાર્થના કરો કે, એવી જ રીતે મને બોલવાની તક મળે.

અંતિમ સલામ

21પરભુની સંગતીમાં મારા વાલા ભાઈ અને વિશ્વાસુ ચાકર તુખિકસ તમને લોકોને ઈ બધુય બતાવી દેહે, જેથી તમે પણ જાણી લ્યો કે, હું કેમ છું અને શું કરી રયો છું અને ઈ તમારા મનોને શાંતિ આપે. 22એને મેં તમારી પાહે ઈ હાટુ મોકલ્યો છે કે, તમે અમારી વિષે જાણો, અને ઈ તમને હિંમત આપી હકે. 23હું આપડા બાપ પરમેશ્વરને અને પરભુ ઈસુ મસીહને પ્રાર્થના કરું છું કે, ઈ ભાઈઓને વિશ્વાસ અને શાંતિ આપે. તેઓ એવું કરે કે, જેથી તમે એક-બીજાને પ્રેમ કરો અને મસીહ ઉપર સદાય વિશ્વાસ કરતાં રયો. 24જેઓ આપડા પરભુ ઈસુ મસીહ ઉપર કપટ વગરનો પ્રેમ રાખે છે તેઓ બધાય ઉપર કૃપા થાય. આમીન.

Currently Selected:

એફેસીઓને પત્ર 6: KXPNT

Highlight

Copy

Compare