રોમન પત્રો 15

બીજાહાને વિશ્વાસુમે આગલા વાદા ખાતુરે મદદ કેરા

1આપુહુ જે વિશ્વાસુમે મજબુત હાય, તીયાહાને ઇ બી જરુરી હાય કા જો માંહુ વિશ્વાસુમે કમજોર હાય તીયાં મદદ કેરા, નાય પોતાજ મનુલે ખુશ કે. 2આપુહુ બાદા આપુ આર્યા વિશ્વાસી લોકુહુને ખુશ કે, કા તોઅ વિશ્વાસુમે મજબુત વેઅ. 3કાહાકા ઇસુ ખ્રિસ્તુહુ પોતાલુજ ખુશ નાહ કેયો, પેન જેહેકી પવિત્રશાસ્ત્રમે લેખલો હાય, “તોઅ નિંદા કેનારાહા માઅ નિંદા કેયીહી.” 4જોત્યા ગોઠયા પવિત્રશાસ્ત્રમે પેલ્લાથીજ લેખલ્યા, તે આપુ શિક્ષણુ માટે લેખવામે આલ્યાહા, કા પવિત્ર શાસ્ત્રમેને આપનેહે જે ધીરજ આને પ્રોત્સાહાન મીલેહે, આને તીયા મારફતે પરમેહેરુહુ જો વાયદો કેયોહો, તીયાપે આશા બોનાવી રાખા. 5આંય પ્રાર્થના કીહુ ધીરજ, આને શાંતિ આપનારો પરમેહેર તુમનેહે એહેડો વરદાન આપે, કા તુમુહુ ઇસુ ખ્રિસ્તુ હોચે એકબીજા આરી મીલીને રીઅ સેકા. 6કા તુમુહુ એક આરી મીલીને આને એકાજ આવાજુમે આપુ પ્રભુ ઇસુ ખ્રિસ્તુ બાહકા પરમેહેરુ સ્તુતિ કી સેકા.

બાદા લોકુ માટે હારી સુવાર્તા

7ઈયા ખાતુરે, જેહેકી ખ્રિસ્તુહુ પરમેહેરુ મહિમા માટે તુમનેહે સ્વીકાર કેયાહા, તેહેકીજ તુમુહુ બી એક-બીજાલે સ્વીકાર કેરા. 8આને આંય આખુહુ, કા જે વાયદા પરમેહેરુહુ આગલા ડાયા આરી કેલા, તીયા માટે તોઅ વિશ્વાસ યોગ્યો હાય, ઇ સાબિત કેરા ખાતુરે કા ખ્રિસ્ત સુન્નત કેલા એટલે યહુદી લોકુ સેવક બોન્યો. 9આને અન્યજાતિ લોકુ બી પરમેહેરુ દયા લીદે તીયા સ્તુતિ કે, “જેહેકી પવિત્રશાસ્ત્રમે લેખલો હાય,

ઈયા ખાતુરે આંય બાદી જાતિ લોકુ તોઅ ધન્યવાદ કેહે,

આને તોઅ નામુકી ગીતે આખેહે.” 10આને ઇ બી પવિત્રશાસ્ત્રમે લેખલો હાય,

“ઓ અન્યજાતિ બાદા લોકુહુ, પરમેહેર લોકુ આરી આનંદ કેરા. 11આને ઇ બી લેખલો હાય,

કા અન્યજાતિ બાદા લોકુ પ્રભુ સ્તુતિ કેરા, આને રાજ્ય-રાજ્ય બાદા લોક તીયા મહિમા કેરા.” 12આને

યશાયા ભવિષ્યવક્તાહા ઇ બી લેખલો હાય, “કા યીશે પીઢીમેને એક માંહુ (મુલે) આવી,

આને તોઅ અન્યજાતિ બાદા લોકુહુપે રાજ કેરી, આને અન્યજાતિ બાદા લોક તીયાપે તીયા વાયદાલે પુરા વેરા આશા રાખતાહા.”

13આંય પરમેહેરુલે પ્રાર્થના કીહુ કા, તોઅ જે આશા આપનારો હાય, તુમનેહે વિશ્વાસ કેરામે બાદી રીતીકી આનંદ આને શાંતિકી પોય દી, કા પવિત્રઆત્મા સામર્થ્યકી તુમા આશા વાદતી જાય.

હિંમતુકી લેખુલો કારણ

14ઓ માઅ વિશ્વાસી પાવુહુ આંય બી તુમા વિશે નક્કી જાંહુ કા, કા તુમુહુ હારે કામુ માટે સાદા તીયાર રેતાહા, તુમુહુ બાદી રીતીકી જાંતાહા કા તુમનેહે કાય કેરા જોજે, આને તુમુહુ એક-બીજાલે હિકવી સેક્તાહા.

15તેબી માયુહુ ઈયુ પત્રીમે અમુક-અમુક યાદ કેરાવા ખાતુરે, થોડીક ગોઠી વિશે સાફ રીતીકી લેખ્યોહો, ઇ પ્રભુ કૃપામે વીયોહો, જો પરમેહેરુહુ માઅ ખાતુરે કેયોહો. 16કા આંય અન્યજાતિ લોકુ માટે ઇસુ ખ્રિસ્તુ સેવક બોનીને પરમેહેરુલે એક હાચા યાજકુ હોચે હારી સુવાર્તા પ્રચાર કીવ્યુ,, કા અન્યજાતિ લોકુહુને પવિત્રઆત્મા અર્પણુ રુપુમે પરમેહેરુ સેવા વાહ-વાહી કી સેકુહુ. 17ઈયા ખાતુરે આંય ઇસુ ખ્રિસ્તુ લીદે પરમેહેરુ સેવાપે વાહ-વાહી કી સેકુહુ. 18આંય ખાલી તીયુ ગોઠી વિશેજ ચર્ચા કેરા હિંમત કેહે, જીયાહાને ઇસુ ખ્રિસ્તુહુ અન્યજાતિ લોકુ આજ્ઞાકારી બોનાવા ખાતુરે માઅ મારફતે વચનુકી કામ કેયો. 19આને પવિત્રશાસ્ત્ર મારફતે માને આપવામે આલ્લો પરમેહેરુ સામર્થ્યકી પવિત્રઆત્માહા માયુહુ અદભુત કામ આને ચમત્કાર કેયેહે, ઇહી લોગુ કા માયુહુ યરુશાલેમ શેહેરુહીને લીને ઈલ્લુરીકુમ વિસ્તારુહી લોગુ ખુબુજ ખ્રિસ્તુ વિશે હારી સુવાર્તા પ્રચાર કેયી. 20પેન મા મોડી ઈચ્છા હાય, કા જીયા-જીયા વિસ્તારુમે આમી લોગુ ખ્રિસ્તુ હારી સુવાર્તા હારો પ્રચાર નાહ વીયો, તીહી તીયા પ્રચાર કીવ્યુ, એહેકી નાય વેઅ કા જીહી પેલ્લાથીજ બીજા મારફતે હારી સુવાર્તા પ્રચાર કેલી હાય તીહી જાયને મંડળી બોનાવુ. 21પેન જેહેકી પવિત્રશાસ્ત્રમે લેખલો હાય તેહેકીજ વેઅ,

“જીયા લોકુહુ કેડાહા બી આમી લોગુ ઇસુ ખ્રિસ્તુ વિશે હારી સુવાર્તા પ્રચાર નાહ કેયો, તેજ તીયાલે હેરી,

આને જીયાહા આમી લોગુ તીયા વિશે નાહ ઉનાયા તે હોમજે.”

રોમન શેહેરુ યાત્રા માટે પાઉલુ તીયારી

22ઈયા ખાતુરે માને તુમા પાહી આવા ઓતી વાઅ લાગી. 23પેન આમી માયુહુ યરુશાલેમ શેહેરુહીને લીને ઈલ્લુરીકુમ વિસ્તારુ લોકુહુને આંય હારી સુવાર્તા ઉનાવી દેદીહી, આને આમી માને હારી સુવાર્તા ઉનાવા ખાતુરે કેલ્લી બી જાગા બાકી નાહ રીયી. આને ખુબુજ વોર્ષાકી માને આશા હાય કા આંય તુમા પાહી આવીને તુમનેહે મીલુ. 24ઈયા ખાતુરે જાંહા આંય સ્પેન દેશુમે જાહે તાંહા તુમા પાહી રાખીને જાહે, કાહાકા માને આશા હાય, કા તીયુ યાત્રામે તુમનેહે મીલુ, આને થોડોક સમય તુમા આરી સંગતીમે આનંદ કીવ્યુ, આને જાંહા માયુહુ સ્પેન દેશુ યાત્રામે જાંઅ ખાતુરે નિગેહે તા તુમુહુ થોડેક આગલા પોચવા ખાતુરે આરી આવજા. 25પેન આમી તા આંય યરુશાલેમુમે પરમેહેરુ ભક્તુહુને દાન કેરા માટે જાહુ. 26કાહાકા મકોદેનિયા વિસ્તારુ આને અખાયા વિસ્તારુ લોકુહુ ઓ ફેસલો લેદો કા યરુશાલેમ શેહેરુ ભક્તુમેને જે ગરીબ હાય તીયાં માટે દાન એકઠો કેરા. 27ઇ કામ બી તીયાહા ખુશી આરી કેયો, કાહાકા જાંહા અન્યજાતિ લોકુહુ તીયાં મારફતે આત્મિક આશીર્વાદ મીલવીહી, તા તીયા ફરજ હાય કા યરુશાલેમ શેહેરુમે રેનારા લોકુ બાદી જરુરતુ માટે તીયાં મદદ તીયાં શારીરિક જરુરતુ માટે મદદ કે. 28બાદા પેલ્લા આંય ઇ કામ પુરો કીને આને તીયાહાને ઇ દાન આપીને, રોમન શેહેરુમે જાયને તુમા પાહી આવેહે આને ફાચે સ્પેન દેશુમે જાહે. 29આને આંય જાંહુ કા જાંહા આંય તુમા પાહી રોમન શેહેરુમે આવેહે, તા ઇસુ ખ્રિસ્તુ વેલેને તુમા પાહી વચનુ આશીર્વાદ લીને આવેહે.

30આને ઓ માઅ વિશ્વાસી પાવુહુ, આપુહુ પ્રભુ ઇસુ ખ્રિસ્તુ આને પવિત્રઆત્મા પ્રેમુ મારફતે, આંય તુમનેહે મીલા વિનંતી કીહુ, કા માઅ આરી મીલીને માઅ માટે પરમેહેરુલે પ્રાર્થના કેરુલોમે લાગલા રેજા. 31કા આંય યહુદીયા વિસ્તારુમે અવિશ્વાસી લોકુ ષડયંત્રકી ઉદ્ધાર પામીનુજ રીહુ, આને ઇ બી પ્રાર્થના કેજા કા પરમેહેરુ ભકત ઈયા દાનુલે સ્વીકાર કે, જો આંય યરુશાલેમુમે લી જાહુ. 32આને આંય પરમેહેરુલે પ્રાર્થના કીહુ કા તુમા પાહી દાન સ્વીકાર કે, જે યરુશાલેમ શેહેરુમે લી જાહુ. 33આંય પ્રાર્થના કીહુ કા શાંતિ આપનારો પરમેહેર તુમા બાદા આરી રેઅ, આમીન.

Currently Selected:

રોમન પત્રો 15: DUBNT

Highlight

Copy