1 થેસ્સલોનિકીઓ પત્રો 3
3
તિમોથીલે મોક્લુલો
1ઈયા ખાતુરે જાંહા આમુહુ તુમનેહે હેયા વગર રી નાહ સેકતા, તા માયુહુ પાઉલુહુ આને સિલાસુહુ એથેન્સ શેહેરુમે રેવુલો નક્કી કેયો. 2આને આમુહુ તિમોથીલે જો ખ્રિસ્તુ હારી સુવાર્તા ઉનાવામે આમી આર્યો પાવુહુ, આને પરમેહેરુ સેવક હાય, તીયાલે તુમા પાહી મોક્લ્યો, કા તોઅ તુમનેહે મજબુત કે, આને તુમનેહે વિશ્વાસુમે મજબુત કેરામે મદદ કે. 3કા ઈયા સતાવુ લીદે વિશ્વાસ નાય છોડી દેઅ, કાહાકા તુમુહુ જાંતાહા કા આપનેહે દુઃખ વેઠા પોળી. 4કાહાકા પેલ્લાનેજ જાંહા આમુહુ તુમા આરી આથા, તાંહા આમુહુ તુમનેહે આખ્યા કેતલા, કા આપનેહે સતાવ વેઠા પોળી, આને એહેકીજ વીયો, આને તુમુહુ બી જાંતાહા. 5ઈયા કારણુકી જાંહા માને ઇ જાંયા વગર રેવાયો નાહ કા તુમુહુ કેહેડા હાય, તા માયુહુ તુમા વિશ્વાસુ વિશે જાંણા ખાતુરે માયુહુ તિમોથીલે તુમા પાહી મોકલ્યો, કાહાકા માને બીખ આથી કા પરીક્ષા કેનારા શૈતાનુહુ તુમા પરીક્ષા કેયી વેરી, આને આમા મેહનત નક્કામી ગીયી વેરી.
6પેન આમી તિમોથીહી તુમાહીને આમા પાહી ફાચે આવીને તુમા વિશ્વાસ આને પ્રેમુ હારી સુવાર્તા ઉનાવીહી, આને ઇ ગોઠ બી આખી કા તુમુહુ સાદા પ્રેમુમે આમનેહે યાદ કેતાહા, આને આમનેહે હેરા ઈચ્છા રાખતાહા, જેહેકી આમુહુ બી તુમનેહે હેરા ઈચ્છા રાખતાહા. 7ઈયા ખાતુરે ઓ મેરાલાહા, આમા બાદા દુખુહુને આને સતાવુમ બી તુમા વિશ્વાસુ વિશે ઉનાયને આમનેહે દિલાસો મીલ્યો. 8કાહાકા કાદાચ તુમુહુ પ્રભુમે સ્થિર હાય, તા આમા ખાતુરે એક નોવા જીવનુ સમાન હાય. 9તુમા લીદે, પરમેહેરુ હુંબુર જે ખુશી હાય, તીયા બદલામે તુમા વિશે આંય, આમુહુ કેલ્લી રીતી પરમેહેરુ ધન્યવાદ કેજી? 10આમુહુ તુમનેહે ફાચે મીલા રાત-દિહ લગાતાર પ્રાર્થના કેતાહા, કા આમુહુ તુમા વિશ્વાસુલે મજબુત કેરામે મદદ કી સેક્જી.
11આમુહુ પ્રાર્થના કેતાહા કા માઅ પરમેહેર બાહકો આને આમા પ્રભુ ઇસુ ખ્રિસ્ત, આમનેહે તુમા પાહી આવીને મીલા મોકો આપે. 12આને આમુહુ એ બી પ્રાર્થના કેતાહા કા પ્રભુ એહેકી કે જેહેકી આમુહુ તુમનેહે પ્રેમ કેતાહા, તેહેકીજ તુમુહુ બી આપસુમે આને બાદા લોકુ આરી પ્રેમ કેરુલોમે આજી વાદતા જાઅ. 13આને પ્રભુ ઇસુ ખ્રિસ્ત તુમા મનુહુને એહેકી મજબુત કે કા જાંહા તોઅ પોતા પવિત્ર લોકુ આરી ફાચો આવી, તા તે પોતા પરમેહેર બાહકા હુંબુર પવિત્રતા મે નિર્દોષ રેઅ.
Currently Selected:
1 થેસ્સલોનિકીઓ પત્રો 3: DUBNT
Highlight
Copy
Compare
Share
Want to have your highlights saved across all your devices? Sign up or sign in
Dubli (દુબલી) Bible by The Love Fellowship is licensed under Creative Commons Attribution-ShareAlike 4.0 License.
