1 પિત્તરુ પત્રો 5
5
વડીલુહુને આને જુવાન્યાહાને સલાહ
1અમુક ગોઠયા હાય જે આંય મંડળી વડીલુહુને આખા માગુહુ, કાહાકા આંય બી તુમા હોચે વડીલ હાય. કાહાકા માયુહુ બી ઇસુ ખ્રિસ્તુલે દુઃખ વેઠતા હેયોહો, આને જાંહા તોઅ ફાચે આવી, તા આંય બી તીયા મહિમામે ભાગીદાર વેહે. 2આંય વિનંતી કીહુ કા જીયુ રીતીકી ચારવાલ્યે પોતા ઘેટા રાખવાલી કેતેહે, તીયુજ રીતીકી તુમુહુ બી પરમેહેરુ લોકુ દેખભાલ કેરા, જીયાહાને પરમેહેરુહુ તુમનેહે હોપ્યેહે, એ મુજબુરી હોમજીને નાહ પેન પરમેહેરુ ઈચ્છા અનુસાર ખુશીકી કેરા. આને ધનુ લાલચુકી નાહ પેન પરમેહેરુ આને લોકુ સેવા કેરુલો ઈચ્છાકી કેરા. 3જે લોક તુમનેહે હોપવામે આલાહા, તીયાપે અધિકાર ચાલવુનારા રુપુમે નાહ, પેન તીયાં માટે એક નમુનો બોના. 4કાહાકા આપુ મુખ્ય રાખવાલો જાંહા ફાચો આવી, તા તુમનેહે મહિમા મુગુટ આપવામે આવી જો સાદા ચોમકુતો રીઅ.
5ઇયુજ રીતીકી ઓ જુવાન્યાહા, તુમુહુ બી મંડળી વડીલ વિશ્વાસીયા આધિનુમે રેજા, તુમુહુ બાદી નમ્રતાકી એકબીજા સેવા કેરા, કાહાકા પવિત્રશાસ્ત્રમે લેખલો હાય, “પરમેહેરુ, અભિમાની લોકુ વિરુધ કેહે, પેન દિન લોકુપે કૃપા કેહે.”
6ઈયા ખાતુરે, પરમેહેરુ હુંબુર પોત-પોતાલે નમ્ર કેરા જો રાખવાલી કેરુલોમે સામર્થી હાય, કા તોઅ ખેરા સમયુલે તુમા આદર કેરી. 7પોતા બાદી ચિંતા આને તકલીફ પરમેહેરુલે આખા, કાહાકા તોઅ તુમા ચિંતા કેહે. 8સાદા તીયાર રેજા, આને જાગતા રેજા, કાહાકા તુમા દુશ્મન શૈતાન ગર્જનાર સિહને પેઠે ઈયા હોદુમે ફીરેહે કા એગાલે ફાળી ખાય. 9તુમુહુ મુજબુત વિશ્વાસ રાખીને તીયા સામનો કેજા, કાહાકા તુમુહુ જાંતાહા કા તુમા આર્યા વિશ્વાસી ઇયાજ જગતુમે દુઃખ વેઠતાહા. 10પરમેહેર જો બાદો કૃપાકી પોરાલો હાય, તીયાહા તુમનેહે ઇસુ ખ્રિસ્તુમે પોતા અનંત મહિમામે ભાગીદાર વેરા ખાતુરે હાધ્યાહા. તુમનેહે થોડીકુજ વાઅ દુઃખ વેઠુલો બાદ પોતે તુમનેહે સિદ્ધ આને મુજબુત કેરી આને સ્થિર રાખી. 11તોઅ યુગા-યુગ રાજ કેહે. આમીન.
છેલ્લો નમસ્કાર
12માયુહુ ઓ પત્ર સિલાસુ મારફતે લેખાવીને તુમનેહે મોકલ્યોહો. જીયાલે આંય ખ્રિસ્તુમે એક વિશ્વાસ યોગ્યો પાવુ હોચે માનુહુ. આંય તુમનેહે હોમજાવુહુ, આને વિશ્વાસ આપાવુહુ કા ઈયા પત્રમે જો લેખ્યોહો, તોઅ પરમેહેરુ હાચી કૃપા હાય, આને ઈયુ કૃપામે સ્થિર રેજા. 13બેબિલોન શેહેરુ જે વિશ્વાસી લોક તુમનેહે નમસ્કાર આખતાહા, જીયાહા પરમેહેરુહુ પસંદ કેયાહા, જીયુ રીતીકી તીયાહા તુમનેહે પસંદ કેયાહા. માર્ક જો માઅ પોયરા હોચે હાય, તોઅ બી તુમનેહે નમસ્કાર આખેહે. 14તુમુહુ એકબીજાલે ગલે મીલીને નમસ્કાર કેરા,
આંય પ્રાર્થના કીહુ કા પરમેહેર તીયાં બાદાહાને જો ઇસુ ખ્રિસ્તુપે વિશ્વાસ કેતાહા, શાંતિ આપે.
Currently Selected:
1 પિત્તરુ પત્રો 5: DUBNT
Highlight
Copy
Compare
Share
Want to have your highlights saved across all your devices? Sign up or sign in
Dubli (દુબલી) Bible by The Love Fellowship is licensed under Creative Commons Attribution-ShareAlike 4.0 License.
