फिलिप्पी 3

जीवनको लक्ष्य

1छाड्डीबार मेरा बिश्वासि भाइन हो, प्रभुमि आनन्दित होउ। त्यइ कुरणी तमनलाइ दोहर्याउन म झर्को माण्नैन, रे त्यइ कुरणीले तमनलाइ झुटा शिक्षक बठेइ सुरक्षित राख्द्या हो। 2तिन मान्सन बठेइ होस अर्या जइले कुकुरका #3:2 कुकुर यहुदि मान्सनले गैर-यहुदि मान्सनलाइ कुकुर जसोइ समजिन्थ्या। तिननले कुकुरलाइ असुद्द माणनथ्या। याँ यइ पदमी पावलले यहुदि मान्सनलाइ कुकुर जसोइ असुद्द छन भणबर लेख्या छन क्याकि तिननले झुटा शिक्षा दिन्नाथ्या। जसो ब्यबहार अददाहान, जइले ननिका काम अददाहान। तिन मान्सन बठेइ होस अर्या जइले भण्नाहान कि उद्दार पाउनाइलाइ खतना भया हुनु पणन्छ। 3क्याकि हाम परमेश्वरका आत्मामी आराधना अद्द्या, रे येशू ख्रीष्टमी घमण्ड अद्द्या रे मानब प्रयासमी भरोसा नराख्द्या मान्स हौ, जो साच्ची परमेश्वरका मान्सन हुन।

4पइलगइ मसित आफनो प्रयासमी भर पड्डा निका कारण छन। यदि कसइले सोचन्छ कि उइसित आफनाइ प्रयासमी भरोसा राख्द्या कारण छन भण्या मेरा त झिक बड्ता कारण छन। 5जब म जन्म्या आठ दिन भयाथ्यो, तब परमेश्वरले आज्ञा अर्या अनसार मेरो खतना भया हो। म जन्मिया बठेइ इस्राएल देशको हु, बेन्यामीन कुलको हु, मेरा पुर्खा सब हिब्रु हुन तबइकिलाइ म एक हिब्रु हु, फरिसि मान्स भइबर मइले मोशाको कानुन कडाइसित पालन अर्या छु।

6जोसका बारेमी हो भण्या म मण्डलिलाइ सताउन्या हु, यहुदि कानुन पालन अद्द्या बारेमी भणन्या हो भण्या, म धर्मि मान्स थ्या, क्याकि मइले तिन सब कानुन पालन अर्याथ्या। 7तर जति सब चिज मेरा निउति फाइदाको थ्या, तिन सब चिज मइले आब ख्रीष्ट सितका सम्बन्धका लाग्दा हानि जसाइ माण्या।

8क्याकि म मेरा प्रभु येशू ख्रीष्टलाइ जाण्न चाहानउ जो सब चिज भण्ना बहुमुल्य छन। म सब कुरणीलाइ बेकारका माण्नौ। जइकि निउति सब कुरणी छाडया छु, रे तिन सबलाइ फोहर कुरणी जसाइ बेकार माण्नउ, ताकि म पूरा रुपमी ख्रीष्टको हुन सकु। 9रे म ख्रीष्टसित एकतामी हुन सकु, रे मेरो धार्मिकता मोशाको कानुन पालन अर्या आधारमी होइन, तर परमेश्वरले दिन्या धार्मिकताको आधारमी हो, जो ख्रीष्टमी मेरो बिश्वास भया हुनाले मान्तर आउछ। 10म ख्रीष्टलाइ जण्न रे अनुभव अद्द चाहानउ। रे उनलाइ मर्या बठेइ जिउना बनाउन्या सक्ति अनुभव अद्द चाहानउ, रे उनरो मराइमि उन जसा भइबर उनरा दु:खमी सहभागी हुन सकु। 11ताकि म मर्या बठेइ जिउनो हुन सकु।

लक्ष्य तिर अगाडी बड्डु

12मइले यिन सब कुरणी पइल्ली बठेइ पाइ सक्या छु, अथवा सिद्द भइ सक्या छु भणबर म दाबि अदइन, तर म सिद्द मान्स हुनाइ प्रयास अददाछु जइकी निउति येशू ख्रीष्टले मलाइ छान्या छन। 13बिश्वासि भाइन हो, म जाण्नउ कि म तइ लक्ष्य सम्म त पुग्या आथिन, तर एक काम म अद्दउ कि जी पइल्ली भया छ तइका बारेमि बिसरिबर पछा हुन्या कुरणीकिलाइ लगातार कठीन मिहिनत अरिबर अगाडी बड्डउ। 14म पुरुस्कार पाउनाइ निउति निसाना तिर अगाडी बड्डउ। पुरुस्कार भण्या परमेश्वरले मलाइ स्वर्गमि बोलाउना छन, क्याकि येशू ख्रीष्ट मेरी निउति मर्या।

15हाम आत्मिक रुपमि परिपक्व हुन्या सबले यिसेरी बिचार अददु पणन्छ। रे यदि तमरो आजी और बिचार छन भण्या परमेश्वरले तमनलाइ त्यो लगइ स्पष्ट पाडीदिन्या हुन। 16तबइकिलाइ परमेश्वरले पइल्ली हामलाइ प्रकट अर्या सत्यता अनसार हामले काम अददु पणन्छ।

हाम स्वर्गका हु

17बिश्वासि भाइन हो, तमन सब मेरो अनुकरण अर। हाम तमनसित हुनज्या जो ब्यबहार तमनले हाममि धेक्या तसो ब्यबहार अद्द्या मान्सलाइ लगइ अनुकरण अर। 18मइले तमनलाइ भौत बेर भणि सक्या छु, अइल लगइ रोइबर भण्नाछु, भौत मान्सन तिनरो व्यबहारले यो धेकाउनाहान कि तिननले ख्रीष्ट क्रुसमि मर्या सन्देसलाइ बिरोध अददाहान। 19तिनरो अन्त्य बिनास हो, तिनन आफ्नो शारीरिक अभिलाषा पुरा अददाइ मान्तर जिउनाहान, रे तिनन लाज लाग्द्या काममी घमण्ड अद्दाहान रे तिनन सदाइ संसारको चिज तिर मन लाउनाहान।

20तर हाम त स्वर्गका हु। हाम स्वर्ग बठेइ फर्किबर आउन्या एक मुक्तिदाता प्रभु येशू ख्रीष्टलाइ पखिरइछौ। 21उनले जइ सक्तिको प्रभाबले सब कुरणीलाइ उनरो अधिनमी ल्याउन सक्दाहान, तसइ सक्तिले हामरा भौतिक शरीरलाइ आफ्नो महिमाको सरीरमि बदल दिनाहान।

Currently Selected:

फिलिप्पी 3: DTYNT

Highlight

Copy

Compare