MASMUR 87
87
Pujin man Jerusalem
1Masmur anak-anak Korah; ende-enden.
I datas deleng si badia,
ipajekken TUHAN kutaNa.
2I bas kerina kuta-kuta si lit i Israel,
Jerusalem ateNa si kelengna.
3O kuta Dibata, enda me perkara-perkara si mejin
si ikataken Dibata kerna kam; begikenlah,
4“Mesir ras Babilon Kubahan ikut
i bas bangsa-bangsa si nandai Aku.
Bangsa Pilisti, Tirus, Sudan tama beligan Kubahan
i bas kalak Jerusalem.”
5Kerna Sion bage me nina kalak,
Kerina bangsa sikerajangenna kap.
Dibata si Mada Kuasa, e me si mahanca ia paguh.
6Isuratken TUHAN me maka bangsa-bangsa,
jadi kalak Jerusalem.
7Landek janah rende me ia nina,
“I Sion kap sumbul kerina pasu-pasu man kami!”
Currently Selected:
MASMUR 87: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
