MASMUR 114
114
Ende-enden Paskah
1Tupung bangsa Israel luar i Mesir nari,
tupung kesusuren Jakup nadingken negeri si lain cakapna e. #Kel 12:21
2Juda iserapken TUHAN jadi bangsaNa si badia,
Israel ijadikenNa sikerajangenNa.
3Ngidah bangsa e kiam Lawit Merah,
Lau Jordan pe ngadi maler. #Kel 14:21 #Jos 3:16
4Desken kambing bajar, mengkat-engkat deleng-deleng,
bali ras anak biri-biri uruk-uruk pe lompat-lompat.
5O lawit, ngkai maka kam ngerbul?
O Lau Jordan, ngkai maka kam ngadi maler?
6O deleng-deleng, ngkai maka kam mengkat-engkat bagi kambing?
O uruk-uruk, ngkai maka kam lompat bagi anak biri-biri?
7O doni, nggirgirlah i adep-adepen Tuhan,
i lebe-lebe Dibata nu Jakup.
8IA kap nalihken lingling batu jadi tambak si dem lau
dingen batu gingging jadi ulu lau maler. #Kel 17:1-7; Bil 20:1-13
Currently Selected:
MASMUR 114: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
