MASMUR 113
113
Puji-pujin man kiniulin TUHAN
1Pujilah TUHAN!
O kam suruh-suruhen TUHAN,
pujilah gelarNa.
2Terpuji kap gelarNa,
genduari nari seh rasa lalap.
3I bas kepultaken nari seh ku kesunduten,
pujilah gelar TUHAN!
4 TUHAN kap si erkuasa i babo bangsa-bangsa kerina,
kemulianNa ganjangen asangken langit.
5Sekalak pe la lit bagi TUHAN Dibatanta,
IA ringan i das ingan si meganjangna.
6Tapi itatapNa nge ku teruh,
ngenen langit ras doni.
7IpekekeNa si musil i bas abu taneh nari,
iangkatNa kalak si kekurangen i bas kiniseran nari.
8Jenari ijadikenNa ia jadi teman anak raja,
anak-anak raja bangsaNa jine.
9I bas jabu iperiahkenNa ukur ndehara si la mupus,
iberekenNa man bana nterem anak ipupus.
Pujilah TUHAN.
Currently Selected:
MASMUR 113: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
