MATIUS 10
10
Rasul si sepuluh dua kalak
(Mrk 3:13-19; Luk 6:12-16)
1Idilo Jesus ajar-ajarNa si sepuluh dua kalak, jenari iberekenNa man ajar-ajarNa e kuasa pelawesken setan ras pepalem erbage-bage penakit. 2Gelar rasul si sepuluh dua kalak e: Simon (igelari Petrus) ras Andereas, duana ia sembuyak; Jakup ras Johanes, duana ia anak Sebedeus; 3Pilipus ras Bartolomeus; Tomas ras Matius pengalo cuke; Tadius ras Jakup anak Alpeus; 4Simon Pejuang ras Judas Iskariot si ndayaken Jesus.
Jesus nuruh rasul si sepuluh dua kalak
(Mrk 6:7-13; Luk 9:1-6)
5Jesus nuruh rasul si sepuluh dua kalak e. Ope berkat nina Jesus man kalak enda, “Ola kam bengket ku daerah si labo kalak Jahudi ntah ku kuta-kuta kalak Samaria. 6Tapi dahilah kalak Israel biri-biri si enggo papak e. 7Berkatlah jenari nindu erberita, ‘Kinirajan Surga enggo reh deherna.’ #Luk 10:4-12 8Pepalemlah kalak si penakiten, pegeluh kalak si enggo mate; pepalemlah kalak si gadamen, janah pelaweslah setan-setan. Kerina e ialokenndu la ertukur. E maka berekenlah man kalak si deban alu la ngaloken upah. 9Ola baba emas, pirak ntah tembaga. 10I bas perdalanenndu ola baba bekal, baju ose, sepatu ntah ciken, sabap kalak si erdahin patut ngaloken kai si iperlukenna. #1Kor 9:14; 1Tim 5:18
11Adi bengket kam ku kuta si meriah ntah kitik, pepayolah lebe i bas kuta e ise si patut inganndu kesilang. Jenari kesilanglah kam ras ia ngayak kam lawes nadingken kuta e. 12Adi bengket kam ku sada rumah nindulah, ‘Mejuah-juah!’ 13Adi meriah ukur si empu rumah e ngalo-ngalo kam, tading i bas ia pasu-pasundu, tapi adi la kam ialo-alona, mulih man bandu pasu-pasundu e. 14Adi i bas sada rumah ntah sada kuta la kam ialo-alo kalak ntah la kam ibegikenna, tadingkenlah rumah ntah kutana e, kisamken abu si lit i bas nahendu. #Perb 13:51 15Inget! I bas wari pendungi pagi, beraten ukumenna asangken ukumen anak kota Sodom ras Gomora.” #Mat 11:24; Kej 19:24-28
Kiniseran si nandangi reh
(Mrk 13:9-13; Luk 21:12-17)
16“Begikenlah! Kam Kusuruh bagi biri-biri ku tengah-tengah serigala. E maka kam arus cerdik bagi nipe janah lemah-lembut bagi nderapati. #Luk 10:3 17Metengetlah, sabap nandangi lit me kalak si nangkap kam; ibabana kam ku pengadilen agama janah iligasna kam i bas rumah-rumah pertoton. #Mrk 13:9-11; Luk 12:11-12; 21:12-15 18Iaduken kalak me kam man si erkuasa ras man raja-raja erkite-kiteken Aku. Alu bage banci iturikenndu Berita Si Meriah man si erkuasa ras raja-raja e bage pe man si labo kalak Jahudi. 19Sanga kam ibaba ku pengadilen e, ola aru atendu kerna kai ras uga arus ikatakenndu, sabap i bas paksa si e Dibata petangkassa bandu kai si man turinkenndu. 20Kata-kata si ibelaskenndu e labo kata-katandu, tapi Kesah Bapandu nge si ngerana i bas kam.
21Kalak si sembuyak ngendesken sembuyakna pagi gelah ibunuh, bapa pe bage nandangi anakna. Anak ngelawan orang tuana pagi janah ngendeskenca gelah ibunuh. #Mrk 13:12; Luk 21:16 22Segat pagi ate kalak kerina man bandu erkite-kiteken Aku. Tapi kalak si megenggeng seh ku kedungenna terkelin kap. #Mat 24:9,13; Mrk 13:13; Luk 21:17 23Adi i bas sada kuta isiksa kalak kam, lompatlah ku kuta si deban. Inget! Ope denga serser isiarindu kuta-kuta Israel, enggo reh Aku, Anak Manusia si isuruh Dibata.
24Labo lit murid ganjangen asangken guruna; labo lit suruh-suruhen belinen asangken tuanna. #Luk 6:40; Joh 13:16; 15:20 25Cukup min iakap murid adi enggo bali ia ras guruna, janah suruh-suruhen enggo bali ras tuanna. Adi tuan rumah igelari Balsebul, apai dengan ka isi jabuna?” #Mat 9:34; 12:24; Mrk 3:22; Luk 11:15
Ise man kebiaren?
(Luk 12:2-7)
26“Dage ola kam mbiar man manusia. Kerina si terligen teridah nge pagi, janah kerina buni-buni tereteh nge pagi. #Mrk 4:22; Luk 8:17 27Si Kukataken man bandu i bas gelap, turikenlah e i bas terang, janah si ibegindu alu kusik-kusik momokenlah man kalak si nterem. 28Ola kam mbiar man kalak si ngasup munuh kula tapi la ngasup munuh tendi; tapi mbiarlah man Dibata si erkuasa namaken kula ras tendi ku naraka. 29Dua perik cipcip banci itukurndu alu piga-piga rupia saja; tapi labo sada pe perik e ndabuh ku taneh adi la bage peraten Bapandu. 30Janah buk takalndu pe enggo ibeligaiNa. 31E maka ola kam mbiar, sabap ergan kap kam asangken melala perik cipcip!”
Kerna ngakuken dingen mersoken Kristus
(Luk 12:8-9)
32“Ise ngaku i lebe-lebe manusia maka ia ajar-ajarKu, ia pe pagi Kuakui i lebe-lebe BapangKu si i Surga. 33Tapi ise si merso i lebe-lebe manusia maka ia ajar-ajarKu, ia pe pagi Kupersoken i lebe-lebe BapangKu si i Surga.” #2Tim 2:12
Jesus reh labo maba dame tapi pertentangen
(Luk 12:51-53; 14:26-27)
34“Ola akapndu Aku reh ku doni enda maba dame. Aku reh labo maba dame, tapi erbahan perang. 35Aku reh erbahanca rubati anak si dilaki ras bapana, anak si diberu ras nandena, permain ras simetuana, #Mi 7:6 36janah kerina si lit i bas jabuna imbangna kerina.
37Ise kelengen atena bapana ntah nandena asangken Aku, la metunggung ia ras Aku; ise kelengen atena anakna si dilaki ntah si diberu asangken Aku, la metunggung ia ras Aku. 38Ise la mersan kayu persilangna ngikutken Aku, la metunggung jadi ajar-ajarKu. #Mat 16:24; Mrk 8:34; Luk 9:23 39Kalak si mpertahanken kesahna ia kebenen kesah, tapi kalak si kebenen kesah erkiteken Aku, ia ndatken kegeluhenna.” #Mat 16:25; Mrk 8:35; Luk 9:24; 17:33; Joh 12:25
Kerna upah
(Mrk 9:41)
40“Ise ngalo-ngalo kam, ia kap ngalo-ngalo Aku; janah ise ngalo-ngalo Aku, ialo-alona kap IA si nuruh Aku. #Mrk 9:37; Luk 9:48; 10:16; Joh 13:20 41Ise ngalo-ngalo nabi erkiteken ia sekalak nabi, ialokenna me upahna bagi ialoken sekalak nabi. Ise ngalo-ngalo kalak bujur erkiteken ia sekalak si bujur, ialokenna me upahna bagi ialoken kalak bujur. 42Inget! Ise mereken sada cangkir lau mbergeh lah gia man sekalak ajar-ajarKu si kitikna kal erkiteken ia ajar-ajarKu, tuhu ialokenna nge pagi upahna.”
Currently Selected:
MATIUS 10: BTX
Highlight
Share
Compare
Copy
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
MATIUS 10
10
Rasul si sepuluh dua kalak
(Mrk 3:13-19; Luk 6:12-16)
1Idilo Jesus ajar-ajarNa si sepuluh dua kalak, jenari iberekenNa man ajar-ajarNa e kuasa pelawesken setan ras pepalem erbage-bage penakit. 2Gelar rasul si sepuluh dua kalak e: Simon (igelari Petrus) ras Andereas, duana ia sembuyak; Jakup ras Johanes, duana ia anak Sebedeus; 3Pilipus ras Bartolomeus; Tomas ras Matius pengalo cuke; Tadius ras Jakup anak Alpeus; 4Simon Pejuang ras Judas Iskariot si ndayaken Jesus.
Jesus nuruh rasul si sepuluh dua kalak
(Mrk 6:7-13; Luk 9:1-6)
5Jesus nuruh rasul si sepuluh dua kalak e. Ope berkat nina Jesus man kalak enda, “Ola kam bengket ku daerah si labo kalak Jahudi ntah ku kuta-kuta kalak Samaria. 6Tapi dahilah kalak Israel biri-biri si enggo papak e. 7Berkatlah jenari nindu erberita, ‘Kinirajan Surga enggo reh deherna.’ #Luk 10:4-12 8Pepalemlah kalak si penakiten, pegeluh kalak si enggo mate; pepalemlah kalak si gadamen, janah pelaweslah setan-setan. Kerina e ialokenndu la ertukur. E maka berekenlah man kalak si deban alu la ngaloken upah. 9Ola baba emas, pirak ntah tembaga. 10I bas perdalanenndu ola baba bekal, baju ose, sepatu ntah ciken, sabap kalak si erdahin patut ngaloken kai si iperlukenna. #1Kor 9:14; 1Tim 5:18
11Adi bengket kam ku kuta si meriah ntah kitik, pepayolah lebe i bas kuta e ise si patut inganndu kesilang. Jenari kesilanglah kam ras ia ngayak kam lawes nadingken kuta e. 12Adi bengket kam ku sada rumah nindulah, ‘Mejuah-juah!’ 13Adi meriah ukur si empu rumah e ngalo-ngalo kam, tading i bas ia pasu-pasundu, tapi adi la kam ialo-alona, mulih man bandu pasu-pasundu e. 14Adi i bas sada rumah ntah sada kuta la kam ialo-alo kalak ntah la kam ibegikenna, tadingkenlah rumah ntah kutana e, kisamken abu si lit i bas nahendu. #Perb 13:51 15Inget! I bas wari pendungi pagi, beraten ukumenna asangken ukumen anak kota Sodom ras Gomora.” #Mat 11:24; Kej 19:24-28
Kiniseran si nandangi reh
(Mrk 13:9-13; Luk 21:12-17)
16“Begikenlah! Kam Kusuruh bagi biri-biri ku tengah-tengah serigala. E maka kam arus cerdik bagi nipe janah lemah-lembut bagi nderapati. #Luk 10:3 17Metengetlah, sabap nandangi lit me kalak si nangkap kam; ibabana kam ku pengadilen agama janah iligasna kam i bas rumah-rumah pertoton. #Mrk 13:9-11; Luk 12:11-12; 21:12-15 18Iaduken kalak me kam man si erkuasa ras man raja-raja erkite-kiteken Aku. Alu bage banci iturikenndu Berita Si Meriah man si erkuasa ras raja-raja e bage pe man si labo kalak Jahudi. 19Sanga kam ibaba ku pengadilen e, ola aru atendu kerna kai ras uga arus ikatakenndu, sabap i bas paksa si e Dibata petangkassa bandu kai si man turinkenndu. 20Kata-kata si ibelaskenndu e labo kata-katandu, tapi Kesah Bapandu nge si ngerana i bas kam.
21Kalak si sembuyak ngendesken sembuyakna pagi gelah ibunuh, bapa pe bage nandangi anakna. Anak ngelawan orang tuana pagi janah ngendeskenca gelah ibunuh. #Mrk 13:12; Luk 21:16 22Segat pagi ate kalak kerina man bandu erkite-kiteken Aku. Tapi kalak si megenggeng seh ku kedungenna terkelin kap. #Mat 24:9,13; Mrk 13:13; Luk 21:17 23Adi i bas sada kuta isiksa kalak kam, lompatlah ku kuta si deban. Inget! Ope denga serser isiarindu kuta-kuta Israel, enggo reh Aku, Anak Manusia si isuruh Dibata.
24Labo lit murid ganjangen asangken guruna; labo lit suruh-suruhen belinen asangken tuanna. #Luk 6:40; Joh 13:16; 15:20 25Cukup min iakap murid adi enggo bali ia ras guruna, janah suruh-suruhen enggo bali ras tuanna. Adi tuan rumah igelari Balsebul, apai dengan ka isi jabuna?” #Mat 9:34; 12:24; Mrk 3:22; Luk 11:15
Ise man kebiaren?
(Luk 12:2-7)
26“Dage ola kam mbiar man manusia. Kerina si terligen teridah nge pagi, janah kerina buni-buni tereteh nge pagi. #Mrk 4:22; Luk 8:17 27Si Kukataken man bandu i bas gelap, turikenlah e i bas terang, janah si ibegindu alu kusik-kusik momokenlah man kalak si nterem. 28Ola kam mbiar man kalak si ngasup munuh kula tapi la ngasup munuh tendi; tapi mbiarlah man Dibata si erkuasa namaken kula ras tendi ku naraka. 29Dua perik cipcip banci itukurndu alu piga-piga rupia saja; tapi labo sada pe perik e ndabuh ku taneh adi la bage peraten Bapandu. 30Janah buk takalndu pe enggo ibeligaiNa. 31E maka ola kam mbiar, sabap ergan kap kam asangken melala perik cipcip!”
Kerna ngakuken dingen mersoken Kristus
(Luk 12:8-9)
32“Ise ngaku i lebe-lebe manusia maka ia ajar-ajarKu, ia pe pagi Kuakui i lebe-lebe BapangKu si i Surga. 33Tapi ise si merso i lebe-lebe manusia maka ia ajar-ajarKu, ia pe pagi Kupersoken i lebe-lebe BapangKu si i Surga.” #2Tim 2:12
Jesus reh labo maba dame tapi pertentangen
(Luk 12:51-53; 14:26-27)
34“Ola akapndu Aku reh ku doni enda maba dame. Aku reh labo maba dame, tapi erbahan perang. 35Aku reh erbahanca rubati anak si dilaki ras bapana, anak si diberu ras nandena, permain ras simetuana, #Mi 7:6 36janah kerina si lit i bas jabuna imbangna kerina.
37Ise kelengen atena bapana ntah nandena asangken Aku, la metunggung ia ras Aku; ise kelengen atena anakna si dilaki ntah si diberu asangken Aku, la metunggung ia ras Aku. 38Ise la mersan kayu persilangna ngikutken Aku, la metunggung jadi ajar-ajarKu. #Mat 16:24; Mrk 8:34; Luk 9:23 39Kalak si mpertahanken kesahna ia kebenen kesah, tapi kalak si kebenen kesah erkiteken Aku, ia ndatken kegeluhenna.” #Mat 16:25; Mrk 8:35; Luk 9:24; 17:33; Joh 12:25
Kerna upah
(Mrk 9:41)
40“Ise ngalo-ngalo kam, ia kap ngalo-ngalo Aku; janah ise ngalo-ngalo Aku, ialo-alona kap IA si nuruh Aku. #Mrk 9:37; Luk 9:48; 10:16; Joh 13:20 41Ise ngalo-ngalo nabi erkiteken ia sekalak nabi, ialokenna me upahna bagi ialoken sekalak nabi. Ise ngalo-ngalo kalak bujur erkiteken ia sekalak si bujur, ialokenna me upahna bagi ialoken kalak bujur. 42Inget! Ise mereken sada cangkir lau mbergeh lah gia man sekalak ajar-ajarKu si kitikna kal erkiteken ia ajar-ajarKu, tuhu ialokenna nge pagi upahna.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.