MATIUS 11
11
Persuruhen Johanes Peridiken
(Luk 7:18-35)
1Kenca Jesus ngerana man ajar-ajarNa si sepuluh dua kalak, lawes IA ku kuta-kuta si ndeher ngajar meritaken Berita Si Meriah.
2Johanes Peridiken si lit i bas penjara megi berita kerna pendahin Kristus. E maka isuruhna piga-piga kalak ajar-ajarna ndahi Jesus. 3Nungkun ajar-ajarna e man Jesus nina, “Kam kin si ikataken Johanes si enggo ndeher e ntah itimai kami denga kalak si deban?”
4Erjabap Jesus man bana, “Dahilah Johanes Peridiken, turiken man bana kerina si ibegindu ras iidahndu genduari enda; 5kalak pentang erpengidah, si pang-pangen erdalan, si gadamen malem, si pasek erpemegi, si mate nggeluh mulihi janah Berita Si Meriah iberitaken man kalak musil. #Jes 35:5-6; 61:1 6Ketuahen kalak adi la tondel ukurna erkiniteken man bangKu!”
7Kenca lawes ajar-ajar Johanes Peridiken, ibenaken Jesus ngerana man kalak si nterem kerna Johanes nina, “Asum idahindu ndube Johanes Peridiken ku taneh si melungun, kai kin si man nehenenndu? Atendu kin ngenehen beski si mole-ole iembus angin? Tentu lang! 8Kai dage nehenenndu ku je? Sekalak si mejile uisna? Tentu lang, sabap kalak si mejile uisna inganna i bas istana raja nge. 9Kataken man bangKu, kai nehenenndu ku je? Sekalak nabi? Payo, Kukataken pe man bandu maka si enggo idahndu e lebihen asangken sekalak nabi. 10Sabap kerna Johanes Peridiken enggo isuratken i bas Pustaka Si Badia, ‘Kusuruh persuruhenKu leben asangken Kam,’ nina Dibata, ‘IA kap nikapken dalan man bandu.’ #Mal 3:1 11Ingetlah! Johanes Peridiken kap si mbelinna i bas kerina manusia si enggo pernah nggeluh. Tapi si kitikna i bas Kinirajan Surga belinen asangken Johanes Peridiken. 12Mulai kin Johanes Peridiken ngajar seh genduari, Kinirajan Surga tetap ilawan kalak janah ikuasaina atena. #Luk 16:16 13Sabap kerina pengajaren nabi-nabi ras Undang-undang si ibereken Musa ernubuat kerna Johanes. 14Janah adi tek kam kai si ikataken nabi e, Johanes kap Elia si aturna reh. #Mal 4:5; Mat 17:10-13; Mrk 9:11-13 15Begikenlah, adi lit kin cupingndu!
16Bagi kai nge ndia banci Kuandingken kalak si genduari enda? Kalak si genduari enda bali kap ras anak-anak erguro-guro i tengah kesain. Nina sada terpuk man terpuk si deban, 17‘Enggo ipalu kami gendang guro-guro tapi la kam nggit landek. Enggo iendeken kami lagu tangis-tangis tapi la kam nggit tangis!’ 18Sabap Johanes la ikut i bas kerja man-man ras minem-minem e maka ikataken kalak, ‘Enggo setanen ia!’ 19Genduari reh Aku, Anak Manusia si isuruh Dibata, ku kerja man-man ras minem-minem, e maka ikataken kalak, ‘Nehenlah! IA kalak rangap dingen peminem! TemanNa pengalo cuke ras kalak perdosa.’ Amin bage gia Dibata pentar kap janah kepentarenNa enggo ibenarken arah kerina pendahinNa.”
Kuta-kuta si la tek
(Luk 10:13-15)
20Kenca bage isumpahi Jesus kuta-kuta si i je enggo melala ibahanNa tanda-tanda sengget, sabap kalak kuta e la nggit jera i bas dosana nari. 21Nina Jesus, “Cilaka me kam o Korasin! Cilaka me kam o Betsaida! Bicara i Tirus ras i Sidon min ndai ibahan tanda-tanda sengget si enggo ibahan i tengah-tengahndu, enggo min ndai jera kalak si i je. #Jes 23:1-18; Esek 26:1–28:26; Joel 3:4-8; Amos 1:9-10; Sak 9:2-4 22Ingetlah! I bas wari pendungi pagi beraten ukumenndu asangken ukumen kalak Tirus ras kalak Sidon. 23Kam pe, o Kapernaum! Sura-surandu meganjang seh ku langit. Idabuhken nge kam pagi ku naraka! Bicara i Sodom min ndai ibahan tanda-tanda sengget si enggo ibahan i tengah-tengahndu, lit denga min ndai Kota Sodom e seh asa genduari. #Jes 14:13-15; Kej 19:24-28 24Ingetlah! I bas wari pendungi pagi beraten ukumenndu asangken ukumen Sodom.” #Mat 10:15; Luk 10:12
Rehlah kam ndahi Aku
(Luk 10:21-22)
25Paksa e nina Jesus, “O Bapa, Tuhan si erkuasa i Surga ras i doni! Bujur Kukataken man baNdu sabap enggo ipetangkasNdu man kalak si la erpemeteh kai si ibunikenNdu man kalak pentar ras erpemeteh. 26O Bapa, enda kap si ngena ateNdu.”
27“Enggo ibereken BapangKu kerinana man bangKu. Ise pe la nandai Anak seakatan Bapa, janah ise pe la nandai Bapa seakatan Anak ras kalak si man bana enggo ipetangkasken Anak e.” #Joh 3:35; 1:18; 10:15
28“Marilah kam si latih janah beraten, maka Kubereken pengadi-ngadinndu. 29Tamakenlah pasangenKu ku kudukndu janah erlajarlah i bas Aku nari. Sabap Aku melias janah meteruk ukurKu; alu bage idatndu me kemalemen ate. #Jer 6:16 30Sabap pasangen si Kubereken man bandu ntabeh mabasa, dingen baban si Kutamaken ku babondu menahang kap.”
Currently Selected:
MATIUS 11: BTX
Highlight
Share
Compare
Copy
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
MATIUS 11
11
Persuruhen Johanes Peridiken
(Luk 7:18-35)
1Kenca Jesus ngerana man ajar-ajarNa si sepuluh dua kalak, lawes IA ku kuta-kuta si ndeher ngajar meritaken Berita Si Meriah.
2Johanes Peridiken si lit i bas penjara megi berita kerna pendahin Kristus. E maka isuruhna piga-piga kalak ajar-ajarna ndahi Jesus. 3Nungkun ajar-ajarna e man Jesus nina, “Kam kin si ikataken Johanes si enggo ndeher e ntah itimai kami denga kalak si deban?”
4Erjabap Jesus man bana, “Dahilah Johanes Peridiken, turiken man bana kerina si ibegindu ras iidahndu genduari enda; 5kalak pentang erpengidah, si pang-pangen erdalan, si gadamen malem, si pasek erpemegi, si mate nggeluh mulihi janah Berita Si Meriah iberitaken man kalak musil. #Jes 35:5-6; 61:1 6Ketuahen kalak adi la tondel ukurna erkiniteken man bangKu!”
7Kenca lawes ajar-ajar Johanes Peridiken, ibenaken Jesus ngerana man kalak si nterem kerna Johanes nina, “Asum idahindu ndube Johanes Peridiken ku taneh si melungun, kai kin si man nehenenndu? Atendu kin ngenehen beski si mole-ole iembus angin? Tentu lang! 8Kai dage nehenenndu ku je? Sekalak si mejile uisna? Tentu lang, sabap kalak si mejile uisna inganna i bas istana raja nge. 9Kataken man bangKu, kai nehenenndu ku je? Sekalak nabi? Payo, Kukataken pe man bandu maka si enggo idahndu e lebihen asangken sekalak nabi. 10Sabap kerna Johanes Peridiken enggo isuratken i bas Pustaka Si Badia, ‘Kusuruh persuruhenKu leben asangken Kam,’ nina Dibata, ‘IA kap nikapken dalan man bandu.’ #Mal 3:1 11Ingetlah! Johanes Peridiken kap si mbelinna i bas kerina manusia si enggo pernah nggeluh. Tapi si kitikna i bas Kinirajan Surga belinen asangken Johanes Peridiken. 12Mulai kin Johanes Peridiken ngajar seh genduari, Kinirajan Surga tetap ilawan kalak janah ikuasaina atena. #Luk 16:16 13Sabap kerina pengajaren nabi-nabi ras Undang-undang si ibereken Musa ernubuat kerna Johanes. 14Janah adi tek kam kai si ikataken nabi e, Johanes kap Elia si aturna reh. #Mal 4:5; Mat 17:10-13; Mrk 9:11-13 15Begikenlah, adi lit kin cupingndu!
16Bagi kai nge ndia banci Kuandingken kalak si genduari enda? Kalak si genduari enda bali kap ras anak-anak erguro-guro i tengah kesain. Nina sada terpuk man terpuk si deban, 17‘Enggo ipalu kami gendang guro-guro tapi la kam nggit landek. Enggo iendeken kami lagu tangis-tangis tapi la kam nggit tangis!’ 18Sabap Johanes la ikut i bas kerja man-man ras minem-minem e maka ikataken kalak, ‘Enggo setanen ia!’ 19Genduari reh Aku, Anak Manusia si isuruh Dibata, ku kerja man-man ras minem-minem, e maka ikataken kalak, ‘Nehenlah! IA kalak rangap dingen peminem! TemanNa pengalo cuke ras kalak perdosa.’ Amin bage gia Dibata pentar kap janah kepentarenNa enggo ibenarken arah kerina pendahinNa.”
Kuta-kuta si la tek
(Luk 10:13-15)
20Kenca bage isumpahi Jesus kuta-kuta si i je enggo melala ibahanNa tanda-tanda sengget, sabap kalak kuta e la nggit jera i bas dosana nari. 21Nina Jesus, “Cilaka me kam o Korasin! Cilaka me kam o Betsaida! Bicara i Tirus ras i Sidon min ndai ibahan tanda-tanda sengget si enggo ibahan i tengah-tengahndu, enggo min ndai jera kalak si i je. #Jes 23:1-18; Esek 26:1–28:26; Joel 3:4-8; Amos 1:9-10; Sak 9:2-4 22Ingetlah! I bas wari pendungi pagi beraten ukumenndu asangken ukumen kalak Tirus ras kalak Sidon. 23Kam pe, o Kapernaum! Sura-surandu meganjang seh ku langit. Idabuhken nge kam pagi ku naraka! Bicara i Sodom min ndai ibahan tanda-tanda sengget si enggo ibahan i tengah-tengahndu, lit denga min ndai Kota Sodom e seh asa genduari. #Jes 14:13-15; Kej 19:24-28 24Ingetlah! I bas wari pendungi pagi beraten ukumenndu asangken ukumen Sodom.” #Mat 10:15; Luk 10:12
Rehlah kam ndahi Aku
(Luk 10:21-22)
25Paksa e nina Jesus, “O Bapa, Tuhan si erkuasa i Surga ras i doni! Bujur Kukataken man baNdu sabap enggo ipetangkasNdu man kalak si la erpemeteh kai si ibunikenNdu man kalak pentar ras erpemeteh. 26O Bapa, enda kap si ngena ateNdu.”
27“Enggo ibereken BapangKu kerinana man bangKu. Ise pe la nandai Anak seakatan Bapa, janah ise pe la nandai Bapa seakatan Anak ras kalak si man bana enggo ipetangkasken Anak e.” #Joh 3:35; 1:18; 10:15
28“Marilah kam si latih janah beraten, maka Kubereken pengadi-ngadinndu. 29Tamakenlah pasangenKu ku kudukndu janah erlajarlah i bas Aku nari. Sabap Aku melias janah meteruk ukurKu; alu bage idatndu me kemalemen ate. #Jer 6:16 30Sabap pasangen si Kubereken man bandu ntabeh mabasa, dingen baban si Kutamaken ku babondu menahang kap.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.