JEREMIA 45
45
Janji Dibata ras Baruh
1I bas tahun peempatken Joyakim anak Josia jadi raja Juda isuratken Baruh kai ibelasken man bana. Kukataken man bana, #2Raj 24:1; 2Kro 36:5-7; Dan 1:1-2 2kai si ikataken TUHAN Dibata nu Israel, “O Baruh, 3nindu, ‘Cilaka kal aku!’ Itambahi TUHAN ateku mesui. Kelsehen aku latih kal kuakap. Sitik pe lanai aku teneng.
4Tapi Aku kap TUHAN si ngataken Kuruntuhken kap ateKu si enggo Kupanteki. Kuruah kap ateKu si enggo Kusuanken. Bage kap ateKu Kubahan man kerina negeri enda. 5Kemulian man dirindu saja kin si nidaramindu? Ola bage! Man si nasa nggeluh Kubereken kap cilaka. Tapi man bandu Kubereken maka terkelin geluhndu ku japa pe kam lawes. Aku kap TUHAN si enggo melasken kata enda.”
Currently Selected:
JEREMIA 45: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
