HOSEA 6
6
Jera tapi la alu ukur tutus
1Nina bangsa e, “Mulihlah kita ku TUHAN! Enggo isakitiNa kita, tapi ugapa pe ipepalemNa ka nge kita; enggo ilukaiNa kita, tapi la banci lang ibalutiNa ka nge lukanta e. 2Dua tah telu wari nari ipekekeNa ka nge kita, maka kita nggeluh i adep-adepenNa. 3Marilah sicubaken nandai TUHAN. Bagi matawari la banci la pultak arah kenjulu, dingen udan si pemena la banci la ndabuh ngelitapi taneh, bage me pe TUHAN, la banci la reh ndahi kita.”
4Tapi nina TUHAN, “O Israel ras Juda, kai nari si banci Kubahan man bandu? Kekelengenndu man bangKu pedas kap lesap bali ras remang erpagi-pagi; seri ras namur si lampas lesap. 5Em sabapna maka Kusuruh nabi-nabingKu ndahi kam maba berita kerna ukumen ras kecedan man bandu. Kai si Kuarapken i bas kam nari tangkas dingen terang kap, e me: 6Kekelengenndu si tetap, labo persembahenndu. Madin Kuakap itandai bangsangKu Aku, asangken itutungna persembahen bangKu. #Mat 9:13; 12:7
7Kenca ia seh i Adam, minter ilanggarna padan si Kubahan ras ia. 8Gileat e me kuta si dem alu kalak jahat dingen pemunuh. 9Imam-imam bali ras gerombolen pengerampok nggempangi kalak. Subuk i bas dalan ku ingan si badia i Sikem pe, munuh ia. Kerina kejahaten enda ilakokenna alu sengaja! 10Enggo Kuidah sada barang si mejin i Israel: bangsangKu erlua-lua dingen ngeliami dirina alu nembah man berhala-berhala.
11Janah kam, o kalak Juda, enggo Kutetapken sada paksa guna ngukum kam pe erkiteken kai si ilakokenndu genduari.
Currently Selected:
HOSEA 6: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
