HOSEA 11
11
Kekelengen Dibata man bangsaNa
1Nina TUHAN,
Tupung Israel danak-danak denga ngena kal ateKu ia.
E maka Kudilo ia i Mesir nari, bali ras anakKu si dilaki. #Kel 4:22; Mat 2:15
2Tapi reh katepna ia Kulebuhi,
reh dauhna ia nilah i bas Aku nari.
BangsangKu nembah man Baal selaku dibatana
itutungna kumenen man berhala-berhala
3Situhuna si ngajari Israel erdalan, e me Aku,
dingen Aku ka nge si ngangkip-ngangkip bangsangKu.
Tapi la kepeken iakuina
maka Aku nge si ngarak-ngarak ia.
4Salu lias ate dingen kekelengen ia Kutegu-tegu,
Kuangkip, jenari Kupedeher ia ku pipingKu
Tungkuk Aku, jenari Kusulangi ia.
5La ia nggit mulih ku Aku, e maka la banci lang mulih me ia ku Mesir, dingen Assur ngkuasai ia. 6Perang pecah i bas kerina kuta-kutana, ngerontasken pintu-pintu gerbang kuta. Perang e engkeriken bangsangKu, perban ilakokenna kai akapna si mehuli. 7Megekgek kal ia nilah i bas Aku nari. E maka nderkuh me ia erkiteken pasangen si man babanna, tapi la lit ise pe si ngangkatca i bas ia nari.
8Kuga banci Aku nirangken kam, o Israel?
Kuga banci Aku nadingken kam?
Banci kin kam Kukernepken bagi si Kubahan man Adma,
tah pe bagi si Kulakoken man Seboim?
PusuhKu erkusur maka ola ngelakoken si e
sabap kekelengenKu man bandu seh kal belinna. #Ul 29:23
9Pernembeh ateKu la Kusehken,
Israel lanai pernah Kukernepken.
Sabap Aku Dibata, labo manusia.
Aku itengah-tengahndu, Aku si Badia.
Labo i bas pernembeh ateKu Aku reh man bandu.
10“Iikutken bangsangKu me pagi Aku kenca Aku erdengum bagi singa kempak musuh-musuhna. Pedas-pedas me ia reh i Barat nari. 11Reh ia i Mesir nari bali pedasna ras perkabang perik, bage pe i Assur nari desken nderpati. Kubaba ia mulih ku rumahna. Aku, TUHAN, enggo melasken katangKu.”
Israel ras Juda iukum
12Nina TUHAN, “Kalak Israel enggo engkeleweti Aku alu guak ras tipu, dingen kalak Juda tetap denga ngelawan Aku, Dibata si setia dingen Badia.
Currently Selected:
HOSEA 11: BTX
Highlight
Copy
Compare
Share
Want to have your highlights saved across all your devices? Sign up or sign in
Batak Karo Bible © Indonesian Bible Society, 2003.
