Seera Leewwotaa 18
18
Dhiiraa Fi Intalti Seera Malee Wol Bira Gawuun Dhooggama'a
1Rabbi Muuse'een akkana jedhe, 2«Ijoollee Israa'eliititti akkana jedhii himi; ‹Ani Rabbi Waaqa keessan; 3hujii duraan biyya Misirii keessatti huja'aa turtan san hin hujinaa'a; akka hujii biyya Kana'aanii ta ani itti isin galchu'uuf ta'uu sanillee hin hujinaa'a; akka seera isaanii badaa saniititti hin bulinaa'a. 4Seera kiyya eegaa'a; ajaja kiyya raawwadhaa'a; Ani Rabbii Waaqa keessan waan ta'eef. 5Worri seera kana raawwatan seera kanniiniin lubbu'uun waan jiraataniif, Ani Rabbiin waan ta'eef seera kiyyaa fi ajaja kiyya eegaa'a.#Nah. 9:29; His. 18:9; 20:11-13; Luq. 10:28; Rom. 10:5; Gal. 3:12
6«Isin keessaa eennullee fira ufii marattuu hin oolin; Ani Rabbii keessan waan ta'eef. 7Haatee bira geettee ulfinna abbeetii irraa hin mulqin. 8Haadha manaa abbeetii bira hin gayin; isiin waan foon abbeetii taateef.#Ser. Lew. 20:11; Kes. Deb. 22:30; 27:20 9Haatee irraa uffata ol hin qabin; intalti haatetii ta abbee uumatee fi ta haatee gara biraatii deette birallee hin gayin;#Ser. Lew. 20:17; Kes. Deb. 27:22 10Mucattii ilmi kee uumate yookaan mucattii intalti ati uumatte deette bira hin gayin; isiin waan foon kee taateef. 11Mucattii masaanuun haateetii deette bira hin gayin; isiin waan obboleettii tee taateef. 12Obboleettii Abbeetii, 13yookaan obboleetti haateetii bira hin gayin; isiin waan adaadaa tee taateef. 14Haadha manaa abbeeraa keetii bira hin gayin; isiin waan haadhatti sii ooltuuf.#Ser. Lew. 20:19-20 15Mucattii ilmi kee fuudhe bira hin gayin; isiin haadha manaa ilma keetii waan taateef.#Ser. Lew. 20:1 16Haadha manaa obboleessa keetii bira hin gayin;#Ser. Lew. 20:21 17isiin nafa obboleessa keetii waan taateef; mucattii haati manaa obboleessa keetii deette birallee hin gayin, firtoota tee waan ta'aniif; wonti akkanaa kun yakka seebaraa sitti ta'aa.#Ser. Lew. 20:14; Kes. Deb. 27:23 18Uduu haati manaa tee lubbu'uun jirtu obboleettii haadha manaa teetii bira hin gayin; hin fuudhinille'e; akka isiin masaanuu haadha manaa teetii hin taane.
19«Dubartiin takka uduu garaa dubarti'ii argiteertu, uduu isiin xuri'iin jirtu atillee akka hin xuroofne isii bira hin gayin.#Ser. Lew. 20:27 20Akka hin battoofne haadha manaa goshoo keetii bira hin gayin.#Ser. Lew. 20:10 21Ijoollee tee keessaa waaqa tolfamaa mooleek jedhamee waamamu kamiillee akka ciinca'aan ciinceeffamu dabarsitee hin kennin; waan maqaa Rabbii keetii arrabsisiisuuf; Ani Rabbii keeti.#Ser. Lew. 20:1-5 22Akka dubartii woliin ciiftu sanitti dhiira woliin hin ciisin; kun Rabbiin biratti jibbamaa waan ta'eef.#Ser. Lew. 20:13 23Akka battii sitti hin taane ganyaa hori'iititti hin oolin; dubartiinillee horii kormaa jala hin dhaabatin; kun waan Rabbiin biratti jibbamaa ta'eef.#Ser. Ba'u. 22:19; Ser. Lew. 20:15-16; Kes. Deb. 27:21
24«Worri ani afoo keessanii ari'e ormi maruu waan kanniiniin waan battaayaniif; isinillee waan battii kanniiniin hin battaayinaa'a. 25Hujii isaaniitiin waan lafti battoofteertuuf orma hulee san jiran maraa shakkee lafa san abaare. 26Isin seera kiyyaa fi ajaja kiyya eegaa'a; isinii fi worri galaa ta'anii isin jidduu jiraatan maruu waan battii kanniin hin hojjatinaa'a. 27Namoonni biyya keessa jiraatan battummaa kanniin hojjatanii biyyi waan battoofteertuuf. 28Yoo batteessitan lafti akkuma worra armaan dura isiniin dura irra turan darbite isinillee uf irraa isin darbiti. 29Namni waan battii kanniin keessaa tokkollee hojjatu banii keessaa fooyamee waan baduuf.
30«Kanaafuu waan battii worri armaan duraa hojjatan maraa hin hojjatinaa'a; isaan waan battii saniin waan battaayaniiraniif; isinillee akka hin battoofne seera kiyya eegaa'a; Ani Rabbi Waaqa keessan.»
Currently Selected:
Seera Leewwotaa 18: KitWoy
Highlight
Copy
Compare
Share
Want to have your highlights saved across all your devices? Sign up or sign in
