Seera Leewwotaa 19
19
Seera Haqaatii Fi Ka Qulqullumma'aa
1Rabbi Muuse'een akkana jedhe, 2«Banii Israa'elii maraanuu, ‹Ani Rabbi Waandhi keessan woyyuu waan ta'eef isinillee woyyoota ta'aa'a.#Ser. Lew. 11:44-45; Phex. 1ffaa 1:16 3Isin maruu abba'aa fi haadha keessan kabajjaa'a; Sambata tiyya eegaa'a.#Ser. Ba'u. 20:8; Kes. Deb. 5:12; 16
4«Ani Rabbi Waaqa keessan waan ta'eef, gara waaqa tolfama'aa hin gorinaa'a, waaqa tolfamaa worra biraa ka harkaan baffamee tolfamuu, fakii waaqolee tolfama'aa keessan hin godhatinaa'a; Ani Rabbi Waaqa keessa waan ta'eef.#Ser. Lew. 20:15-16; Kes. Deb. 5:19-20
5Yoo ciincaa fayyinnaa Rabbiif dhiyeessitan akka isa itti gammachiiftanitti ciinceessa'aaf. 6Gaafa guyyaa ciincaa dhiyeessitanii fi haga bariisa'aa hin nyaattama; haga guyyaa sadeesso'oo yoo hafe, ibiddaan gubdan. 7Guyyaa sadeesso'ootitti yoo nyaattame batti'i, nattillee hin tolu. 8Namni waan kana nyaatellee waan Rabbiif woyyoome waan batteesseef cubbuun isa irra taati; namni sun banii keessaa fooyamee haa baduu.
9«Hennaa midhaan haamattan, midhaan daangaa irraa mara hin haaminaa'a; soqatoollee daangaa irraa hin guurinaa'a. 10Soqatoo woyinii keessaniillee hin guurinaa'a; sanyii woyinii keetii ka harca'ellee hin guurin; ka hiyyeeyyi'iitii fi ka worra isinitti galee waan ta'eef dhiisi; Ani Rabbi Waaqa keessan.
11«Hin hatinaa'a; hin sobinaa'a; wol hin gowwoomsinaa'a. 12Maqaa kiyyaan sobaan hin kakatinaa'a; maqaa Waaqa keessaniillee hin xureessinaa'a; Ani Rabbi Waaqa keessan waan ta'eef.#Ser. Ba'u. 20:7; Kes. Deb. 5:11; Mat. 5:33
13Goshoo kee irratti dhara hin hujin; hin saaminille'e, gatii nama hojjachiiftee haga boruu uf bira hin bulchin; adhuma kaffaliif.#Kes. Deb. 24:14-15 14Nama gurraan hin dhageenne hin arrabsin; nama ballaa waan isa gufachiisu afoo hin kaayin; Waaqa kee sodaadhu; Ani Rabbi Waaqa kee waan ta'eef.#Kes. Deb. 27:18
15«Ati hennaa murtii dhuga'aa kennitu amanama'aa fi nama qajeelaa ta'i; nama maraafuu qixatti murteessi malee hiyyeessa jettee isa gargaaru'uuf hin badadin; dureessallee inni dureessa jettee isaa hin dabsin; garuu goshoo keetiif murtii dhuga'aa murteessi.#Ser. Ba'u. 23:6-8; Kes. Deb. 16:19 16Banii jiddu'utti hin fakkeessin; waan nama ajjeesisiisu nama irratti hin godhin; Ani Rabbiin waan ta'eef.
17«Obboleessa kee hin jibbin; sababaa goshoo keetiitiif cubbuu akka sitti hin taane obboleessa kee gorsi.#Mat. 18:15 18Haluu hin bayin; banii keetitti gadoo hin qabatin; ijoollee worra keetiititti gadoo hin qabatin; garuu goshoo kee akka uf jaalattutti jaaladhu; Ani Rabbiin waan ta'eef.#Mat. 5:43; 19:19; 22:39; Mar. 12:31; Luq. 10:27; Rom. 13:9; Gal. 5:14; Yaq. 2:8
19«Seera kiyya eegaa'a; fiixaa horii tokkoo fiixaa horii biraatiin wolitti hin horsiisin; qonna qottu keessattillee sanyii gosa lamaa hin facaasin; uffata bifa lamaa irraa hojjatamellee hin uffatin.#Kes. Deb. 22:9-11
20«Eennullee garbittii ufii woliin yoo ciise, yoo isiin abbaa worraa hin qabaannee fi ta gatiin isi'ii hin kaffalamne ta bilisa hin baane yoo taate haa adabamanii; isiin waan bilisa hin baaneef akka hin ajjeefamne. 21Namichi isii bira gaye sun kennaa ciincaa cubbu'uu qabatee Rabbiin afoo gara daasee wol gayi'ii dhufa; waan ciincaa cubbuu ufiitiif korbeessa hoola'aa haa fiduu. 22Gadichillee waan cubbuu isaatiif Rabbiin afo'otti hoolaa ciincaa araaraatiif hin dhiyeessa; cubbuun isaallee hin dhiifamaaf.
23«Hennaa gara biyyatti'ii galtanii muka daraaraan isaa nyaattamu mara dhaabattan sanyii san akka waan hin gadoomneetitti laalaa'a; woggaa sadihii akka waan hin gadoomnee waan isinii ta'eef hin nyaattan. 24Sanyiin woggaa arfeesso'oo maruu galata Rabbiitiif haa woyyoomuu. 25Akka sanyiin isinii baay'atu ka woggaa shaneesso'oo nyaadhaa'a. Ani Rabbi Waaqa keessan.
26«Dhiiga woliin womaa hin nyaatinaa'a; asmaallee hin hojjatinaa'a; worra moora laalullee hin ta'inaa'a.#Ser. Uma. 9:4; Ser. Lew. 7:26-27; 17:10-14; Kes. Deb. 12:16; 23; 15:23; 18:10 27Jammura hin haadatinaa'a; areeda keessan gabaabsitanii hin haadatinaa'a. 28Waan nama du'eetiif boqoo uf hin butatinaa'a; Ani Rabbiin waan ta'eef.#Ser. Lew. 21:5; Kes. Deb. 14:1
29«Biyyi tee akka biyya seebartootaa hin taane ijoollee tee ta intalaa dabarsitee worra ormaa ka seebarutti hin kennin.#Kes. Deb. 23:17 30Sambata kiyya eegaa'a; mana woyyuu kiyya kabajjaa'a; Ani Rabbiin waan ta'eef.#Ser. Lew. 26:2
31«Gara mana worra hafuura hammeeyyii waamuutii fi mana mortu'uu hin dhaqin; akka isaaniin hin battoofne hin soqina'aanii; Ani Rabbi Waaqa keessan waan ta'eef.#Kes. Deb. 18:11; Sam. 1ffaa 28:3; Mot. 2ffaa 23:4; Isa. 8:19
32Jaarsota umuri'iin nama guddaa ta'an yoo argite, hulee teettee ka'iitii isaan kabajji; Waaqa kee sodaadhu; Ani Rabbi Waaqa keetii.
33«Orma biyya tee keessa jiru maraa irratti dhara hin hujin. 34Isinillee biyya Misirii keessatti galaa waan turtaniif; galaa biyya teessan keessa jiru akka nama keessaniititti laalaa'a; isallee akkuma uf jaalattutti jaaladhu; Ani Rabbi Waaqa keessan waan ta'eef.#Ser. Ba'u. 22:21; Kes. Deb. 24:17-18; 27:19
35Safartu'uun, bikkitu'uu fi madaalaan hin dabsin. 36«Safartuu, bikkitu'uu fi madaala qajeelaa ta'e qabaadhaa'a; Ani Rabbi Waaqa keessan ka biyya Misiriitii isin baase.#Kes. Deb. 25:13-16; Mam. 20:10; Izra 4:10 37Seera kiyyaa fi ajaja kiyya maraa eega'aatii waan mishaa hojjadhaa'a; Ani Rabbi Waaqa keessan waan ta'eef» jedheen.
Currently Selected:
Seera Leewwotaa 19: KitWoy
Highlight
Copy
Compare
Share
Want to have your highlights saved across all your devices? Sign up or sign in
