Titɔ 3
3
Bokoka mukilisito koongwa
1Mwaana waanɛ Titɔ, eyoa baimenyi itɛ baongwe mɔkɔnyɛmya bakoo ne bae ne bɔkɛtɛ. 2Kabee basaolea itɛ baabɛngɛaya mondo naanga ne ɔmɔɔsa, ɔbɛɛ koongwa mo maɔndɔa. Alakini, bienge baongwe mo nyaa ne kɔtɛcha koongwa be kuiikya kombaa kwe bando basɛ.
3Kɔmɔa kaɛkaɛ, na bae tɔbɛɛ kotasi lokani, ne ndetwanyɛmyaya Kakua, kabee tɔbɛchaye tusuchimbea. Tɔbɛɛ bacha* be mitindɔ ɛɛsɛ yee ikaa ne bwabea. Kabee tɔbɛɛ mukuchikana mo kochoa ne ketama. Bando babɛɛ mɔkɔtɔkɔna, na bae nakoongwa mɔkɔkɔnana bae bɛɛnɛ na bɛɛnɛ.
4Alakini Kakua, oe Moolochi* wiito, na koangwecha bwaachi bwakɛ ne kokonda kwakɛ ko bando, 5mokotoolola. Ndaketa boa ku itɛ bae twaketa keemo kɛmɔ kyaachi kombaa kwakɛ, alakini kɔmɔa otokwee lokwa. Watoolola koetea Motema wa Ama, ototokwacha bae koboteka lwabee ne koongwa ne mwɛchɔ moyamoya, mɔkɔtɔɔya* koetea maache. 6Olya Motema wa Ama, Kakua watɔɛcha awɛ kotaasi koengeka koetea Yɛsu Kilisito oe Moolochi* wiito. 7Waketa bobo kɔmɔa toongwe ne iekekeo le kokonja mwɛchɔ we meombo. Bia byaɔsɔnɛka kɔmɔa, koetea kokonda kwakɛ, watoketa koongwa be kinɛkinɛ kombaa kwakɛ. 8Maa makomo matɔɔcha mee, ne me kinɛkinɛ.
Ano, mwana waanɛ, natokonda ongwa mokosekamaa mo maa makomo. Kɔmɔa baa batumuimenya Kakua batɛchɛ kuifekɛnya mokoketa byaachi. Maa makomo ne maachi, kabee mae machacha ko bando basɛ. 9Alakini, ikɛnga ne meango ye makomo me maina me bakoo batangi, ne maɔndɔa, ne koangechana kombanga ye salia* ya Musa. Kɔmɔa bia byaanga ne bye bokata, ne biisi nɛ kyɛndɔ. 10Olya otosamboa baimenyi, mɔɛcha iani lwe kombaa, kusia lwabee. Kende ndatuungwa kubɔngɛɛ sambokana naakɛ. 11Kɔmɔa mondo bwe olya, cheba itɛ kuchimbea ne kusuchimbea awɛ, kabee byabea ne bitatɛchɛ awɛ koketa. Ne mokoketa boa, awɛ mwɛɛnɛ ususia kuimɔnya manɛnɛ.
12Natokonda nayake kwachikane ko mosomba we Nikɔpɔli, mo masu me mbɛɔ. Ne keeko ketakotomee mee Alitɛma ɔbɛɛ Tikikɔ, ifɛkɛɛnya koolea koa ku Nikɔpɔli lobeo, kɔmɔa tukumbakane koa. 13Keeta bɔkɛtɛ bwao bɔɔsɛ kobaɛbɔa Apɔlɔ ne Mondo we Salia Sɛna baaenaya keemo mɔ lwɛndɔ lwabɔ. 14Babotwa nito bakilisito naabɔ, baaenaya koeyeela koongwa mokoketaya byaachi, kɔmɔa baongwe mɔkɔɛbɔa bando bakinɛ bae mɔ bɔɛnwa. Alya, mwɛchɔ wabɔ otaongwe we kobaela.
15Bando basɛ bae nanɛ aano, batukuinokea. Naawɛ, nginokea babotwa nanɛ baimeni.
Kakua obatwambwee baanu basɛ!
Currently Selected:
Titɔ 3: ZMB
Highlight
Copy
Compare
Share
Want to have your highlights saved across all your devices? Sign up or sign in
©2022 Seed Company in coordination with Forum Communautaire des Traducteurs de la Bible et Alphabétisation
